Коалицијата „Продолжуваме со промената – Демократска Бугарија“ (ПП–ДБ) в петок ќе поднесе барање за гласање недоверба за Владата на премиерот Росен Жељазков, соопшти во видеопорака на Фејсбук лидерот на ПП Асен Василев.

Тој најави дека следната недела, кога во Парламентот ќе се води расправата, ќе се одржи уште поголем протест, на кој опозицијата јасно ќе порача „Доста е“ и ќе повика да се даде „шанса за иднината на Бугарија“.

Василев им се заблагодари на сите кои учествуваа на вчерашниот протест, кој го нарече историски.

– Јасно кажавме што сакаме – Борисов и Пеевски да престанат да го крадат бугарскиот народ и иднината на нашите деца. За жал, тие одлучија да ја разорат државата – изјави Василев, пренесува БТА.

Тој додаде дека премиерот Росен Жељазков изјавил оти нема да поднесе оставка.

– Ќе им помогнеме – порача Василев.

ПП–ДБ претходно најавија дека ќе побараат оставка доколку кабинетот не се повлече оваа недела. Ова ќе биде шесто барање за гласање недоверба кон актуелната Влада.

The post ЌЕ СЕ ГЛАСА НЕДОВЕРБА НА БУГАРСКАТА ВЛАДА Дали земјата влегува во уште една политичка криза? appeared first on plusinfo.mk.

Во новиот состав на бугарскиот Парламент би влегле пет партии. „Бугарскиот подем“ на Стефан Јанев останува околу влезниот праг со 3,8%. Партијата на Слави Трифонов „Има таков народ“ има поддршка од 3,2% од анкетирани, а за Левица!, партијата што ги обединува противниците на лидерката на БСП, Корнелија Нинова, кои бараат нејзина оставка, би гласале 3,6%. На политичката сцена се враќа партијата на поранешниот премиер Симеон Саксобурготски – НДСВ која би добила 1,4%.

Според истражувањето, коалицијата ПП-ДБ е прва со 26,4 отсто, а потоа ГЕРБ-СДС со 25,2 отсто. Трето е Движењето за права и слободи со 13,2 отсто, а четврта националистичката партија Преродба на Костадин Костадинов со 11,3%. БСП на Корнелија Нинова е на петтото место со 7,4%, и бележи сериозен пад на поддршката.

Социологот од агенцијата „Алфа Рисрч“ Павел Валчев во утринскиот блок на БНТ „Денот почнува“, оцени дека желбата за избори кај бугарските граѓани во моментов е минимална. Само најжестоките партиски поддржувачи категорично се изјасниле дека ќе излезат да гласаат на 2 април.

За предвремените парламентарни избори во Бугарија пријавени се 16 партии и седум коалиции.

The post КОАЛИЦИЈАТА НА КИРИЛ ПЕТКОВ ВО ВОДСТВО НА АНКЕТИТЕ Се очекува минимална излезност на изборите appeared first on plusinfo.mk.

Пред да се објави дали „Продолжуваме со промената“ го има потребното мнозинство од 121 пратеник, ќе има протести пред претседателската палата.

Кандидатот за премиер Василев изјави дека сè уште нема мнозинство во Народното собрание од 121 пратеник, бидејќи недостигаат шест пратеници.

Политикологот Милен Љубенов прогнозира дека владејачката партија оди на нови предвремени избори во Бугарија затоа што „Продолжуваме со промената“ и „Демократска Бугарија“ имаат изборна предност, а партијата на Слави Трифонов „Има таков народ“, според анкетата на „Алфа рисрч“, е под прагот за влез во идниот парламентарен состав.

Попладне се очекува во Софија да има митинг за поддршка на прозападната партија „Продолжуваме со промените“ и зачувување на досегашниот надворешна политика.

The post ЌЕ СЕ ПРОТЕСТИРА И ВО СОФИЈА Бугарија ја очекуваат нови избори? appeared first on plusinfo.mk.