Поранешните хотели „Бристол“ и „Јадран“ (Арапска куќа) се најдоа на список за продажба за кој ќе одлучуваат акционерите на „Македонија турист“ на собранието закажано за 22 мај годинава, покажуваат материјалите објавени на Македонската берза.

Покрај овие два хотели, на предлог-листата за продажба се и познатата „Пивница“ на плоштадот, спроти хотелот „Мериот“, и трикатница карши поранешен ЗОИЛ, исто така во центарот на Скопје.

„Македонија турист“ ги поседува и хотелите „Белви“, „Бест-вестерн“, „Хотел Карпош“ и „Холидеј ин“, кои, за разлика од овие што се продаваат, се активни и работат.

Уникатната Арапска куќа е изградена меѓу 1936 и 1938 година, во стилот на арапско-маварска архитектура и таа меѓу шеесеттите и деведесеттите години на минатиот век функционираше како хотел под името „Јадран“. Објектот е под генерална заштита, а во тек е процедурата да стане и зграда споменик на културата.

Хотелот „Бристол“ не е под конкретна заштита, меѓутоа станува збор за објект стар еден век, кој повозрасните скопјани го паметат по големата летна тераса. Тој не работи од 2012 годинa.

На престојното Собрание на акционери на „Македонија турист“, освен оваа предлог одлука за продажба на недвижен имот во сопственост на друштвото, има и предлог одлука за купување недвижен имот во скопско Ново Лисиче.

„Станува збор за градежно земјиште со површина од 8.081 метри квадратни за кое согласно важечкиот Детален урбанистички план, има маркица за градба на деловен простор и станбен простор со вкупно бруто изградена површина од 34.987 метри квадратни“, се вели во предлог одлуката за кое Друштвото, објавена на Македонската берза.

„Купопродажната цена на недвижниот имот ќе биде извршена по пазарна цена за соодветен недвижен имот во вкупна вредност од 17.700.000 евра во денарска противвредност, зголемена за сите соодветни јавни давачки, односно даноци“, се вели во предлог-одлуката.

The post „МАКЕДОНИЈА ТУРИСТ“ ГИ ПРОДАВА „БРИСТОЛ“, „ЈАДРАН“ И „ПИВНИЦА“ Купува градежна парцела во Ново Лисиче за 17,7 милиони евра appeared first on plusinfo.mk.

Со стабилни продажни резултати и зајакната позиција на домашниот фармацевтски пазар, „Реплек АД Скопје“ ја стартува 2026 година. Во првиот квартал од годинава компанијата оствари вкупни продажби во сегментот Фармација од 7,2 милиони евра, при што домашниот пазар бележи изразен раст од 20%. На акционерското Собрание кое се одржа на почетокот на април беше донесена одлука за зголемување на дивидендата за 25%, а сите останати предложени одлуки беа едногласно усвоени, што претставува потврда за довербата на акционерите во стратегијата за управувањето со компанијата.

Од вкупните продажби, пет милиони евра се реализирани на странските пазари, додека 2,2 милиони евра се остварени на домашниот пазар. Овој значаен раст на домашниот пазар од 20% е резултат на зголемената побарувачка за дел од клучните производни линии, како и на континуираното зајакнување на пазарната позиција на компанијата, што дополнително ја потврдува довербата кај потрошувачите и партнерите.

– Остварените деловни резултати во првиот квартал ја потврдуваат стабилноста на нашето работење, при што особено нè охрабрува растот на домашниот пазар. Двоцифрената стапка на раст е резултат на континуираното унапредување на портфолиото, инвестициите во иновации, модернизацијата на производствените капацитети, како и зајакнувањето на односите со партнерите и пациентите. И натаму ќе останеме силно посветени и на странските пазари, зголемувањето на извозот и на освојувањето нови пазари. Одлуката за зголемување на дивидендата е потврда за стабилната финансиска позиција на ‚Реплек’ и на нашата посветеност кон создавање силна вредност за акционерите – изјави Душан Пецовски, генерален директор на „Реплек“.

Во текот на првиот квартал дел од извозните активности се одвиваа со изменета динамика, пред сè како резултат на глобалните предизвици во синџирите на снабдување, што во комбинација со геополитичките фактори доведе до поместување на дел од планираните испораки кон почетокот на вториот квартал и беше причина за благо намалување на продажбите во странство за околу осум отсто. Притоа, побарувачката на клучните извозни пазари останува стабилна, а компанијата продолжува со реализација на договорените активности согласно утврдената динамика. Извозните пазари и натаму имаат доминантно учество од околу 75% во вкупните приходи, додека домашниот пазар учествува со приближно 25%, што обезбедува стабилност и диверзификација на приходите.

Акционерите на „Реплек“ годинава ќе добијат дивиденда во бруто износ од 500 денари по акција, што претставува зголемување за 25% во однос на претходната година и е над нивото предвидено со дивидендната политика. Оваа, заедно со сите други предложени одлуки од Управниот одбор на компанијата беа усвоени едногласно од акционерите, што е јасна потврда за нивната доверба во стратегијата и управувањето со компанијата.

Компанијата продолжува со реализација на својата стратегија за долгорочен раст и ќе остане посветена на проширување на присуството на меѓународните пазари, со зајакнување на регулаторното присуство преку нови регистрациски постапки на тие пазари. Фокус ќе биде ставен и на развој на нови производи, унапредување на производствените капацитети и континуирана модернизација, како и дигитализација и оптимизација на деловните процеси. Сите натамошни активности ќе имаат за цел да обезбедат одржлив раст на приходите и профитабилноста на среден и долг рок, како и дополнително зајакнување на конкурентската позиција на компанијата.

The post „РЕПЛЕК“ СО РАСТ НА ДОМАШНИОТ ПАЗАР ОД 20% ВО ПРВИОТ КВАРТАЛ ОД ГОДИНАВА Дивидендата зголемена за 25% appeared first on plusinfo.mk.

САД го продолжија рокот за преговори за продажба на имотот во странство на рускиот „Лукоил“. Вашингтон лани воведе санкции врз енергетската компанија и досега 3 пати го продолжуваше рокот за продажба на имотот на руската компанија.

Според Канцеларијата за контрола на странски средства (OFAC) на САД новиот рок е до 1 мај. Како што е соопштено направена е измена во Општа лиценца 131D, поврзана со Русија со која се „одобруваат одредени трансакции за преговарање и влегување во непредвидени договори за продажба на Lukoil International GmbH и поврзани активности за одржување“.

Меѓу заинтересираните страни за имотот се американската фирма за приватен капитал „Карлајл“, американскиот нафтен гигант„ Ексон Мобил“ и „Шеврон3, потоа „Интернешнл Холдинг Компани“ на конгломератот од Абу Даби и австрискиот инвеститор Бернд Бергмаир, поранешен мнозински сопственик на група за забава за возрасни, која ја вклучува и веб-страницата Порнхаб.

Во октомври, Вашингтон воведе санкции врз Лукоил, вториот најголем производител на нафта во Русија, и Роснефт.

The post САД ГО ПРОДОЛЖИЈА РОКОТ ЗА ПРОДАЖБА НА ИМОТОТ ВО СТРАНСТВО НА „ЛУКОИЛ“ Заинтересираните компании треба да ги завршат преговорите до 1 мај appeared first on plusinfo.mk.

На денешното судење сведочеше сведокот Горан Игновски, од чија фирма групата ДНК набавувала прскалки.

Адвокатката Ивана Коцевска праша дали топлите фонтани не се доволно забележителни на сцената како ладните, на што сведокот рече „да“.

Тој рече дека не ги познава Дејан Јованов или Михаил Јованов на прашањето од Коцевска дали тие некогаш купиле од него прскалки.

На прашање дали само ДНК од кај него купиле прскалки, рече дека не ни знае за друга група што ги користи за сценски настап.

– „Рентал компании“ ми барале прскалки, ама ладни – рече тој.

На прашање дали може да се заклучи дека ДНК користеле нелегални прскалки, сведокот рече дека претпоставува дека е така.

Коцевска праша дали со тоа што купил нелегални прскалки практично ризикувал.

– Ги купив за презентација, но, да, им продадов од нив на ДНК – рече сведокот.

– Од Бугарија рековте сте набавиле 100 прскалки, а на ДНК сте им продале 8, дел сте искористиле за презентација, каде ви е остатокот? – праша друг адвокат.

– Овие топли прскалки многу се користеа по свадби. Јас ве уверувам дека од тој остаток за еден месец откако сум ги купил, веќе сум немал – рече сведокот.

Адвокатот праша дали и покрај тоа што ДНК ги знаеле штетните нус-ефекти, после пожарот во Гевгелија продолжиле да ги користат.

– Да, ги користеа. На видеата нивни се гледаше дека на секој настап ги користат – рече сведокот.

Друг адвокат го праша дали побарал од Панчо дали има дозвола за пиротехника, на што сведокот негираше.

Адвокат му рече дека Денис Даутовски во истрага рекол дека летото 2024 година од него купил прскалки.

– Јас не го познавам Денис Даутовски – рече сведокот.

Адвокатот рече дека Денис изјавил дека купил прскалки од продавница во Кисела Вода од лице со прекар Чкаља.

– Ви гарантирам дека не купил од кај мене – рече сведокот.

Адвокатот му рече дека употребените прскалки во Кочани се од марката „Тропик“.

– Не значи дека се купени од кај мене. Јас на Јавниото обвинителство му дадов снимки дека користат прскалки и од други брендови, на пример „Енигма“, со бели патрони. Дали значи дека сите употребени прскалки „Тропик“ се од кај мене? Претпоставувам дека сите се набавени од исто место, оти тоа е фабрика во Бугарија – одговори сведокот.

Вие сте немале дозвола за промет со прскалки согласно Законот за употреба на екплозивни материи, рече адвокатот.

– Да, знам дека немам и затоа престанав да ги продавам. Куферчето за активација не е пиротехника. Ладните не се пиротехника исто, а топли прскалки ние денес не продаваме – рече сведокот.

Рековте дека фонтаните може да се топли и ладни, рече адвокатот, од ладните не може да настане пожар, а од топлите да? Сведокот потврди.

– И од овие за торта може да настане пожар. Пожарот во Швајцарија настана од такви прскаки за торта, а ги има низ продавниците – рече сведокот.

Адвокатот праша колку време се занимава со продажба на уреди за пиротехника, сведокот рече 3 до 4 години.

– Дали некој за тоа време ви извршил контрола? – праша адвокатот.

– Не, оти тоа не ми е приоритетна дејност, се занимавам со озвучување и осветлување – рече сведокот.

Друг адвокат праша дали од надворешен изглед се препознава која е топла, а која е ладна фонтана. Сведокот рече дека ладната е колку кутија цигари, а топлата е голема како куфер. На прашање дали има ознака и дали пишува која е ладна, која е топла, рече:

– За ладната треба прашок и кутија и уред за активација, а за топлата треба патрон и уред. Ако прашавате дали на нив може да се прочита дали се топли или ладни пишува само која е за надворешна, а која е за внатрешна употреба. Не пишува која е топла, која е ладна, затоа што за ладни не постојат патрони.

На нив пишува колку метри во височина прскаат.

Упатство за употреба би требало да има на самата амбалажа.

– Дали на прскалките постои известување, знак „запалливо“, „опасност од пожар“? – праша адвокатт.

Сведокот одговори дека има, како и препорака на колкаво растојание од нив е безбедно да се стои.

На прашање дали Буцо знаел дали купувал топли или ладни прскалки, сведокот рече дека претпоставува дека му кажал дека се за внатрешна употреба.

Адвокатот праша дали му е познато дека за употреба на топлите прскалки треба дозвола од МВР и дали на тоа ги предупредувал купувачите.

– За ладни прскалки не треба дозвола. После настанот во Кочани, кај мене никој не купува ни ладна ни топла прскалка. Немаше да преживеам ако со сигурност знаев дека прскалките се купени од кај мене – додаде сведокот.

Адвокат Дејан Стојчев праша дали куферчето, каде е активаторот за прскалките, се транспортира затворено, сведокот потврди и рече дека освен активаторот, не може да се смести ништо во него. Куферчињата се црни и не може да се види што има внатре.

Адвокатот праша дали има визуелна разлика меѓу нова и дополнета ладна прскалка, сведокот рече дека нема разлика. На прашање дали може да се дополнат и со опасна материја, наместо со соодветниот прашок, сведокот рече „не“.

Адвокат Благоја Јованов праша:

– Ако сакам да имам фонтана ефект на 3 локации на растојание од по 3 метри, колку уреди ми се потребни?

– Три – одговори сведокот.

Адвокатот Петре Шилегов праша дали Министерството за економија има каква било ингеренција за издавање дозвола за пиротехнички средства.

– Јас се откажав затоа што транспортот е скап, треба да се носат во специјален контејнер, ми кажаа во шпедиција, па треба и посебен магацин за чување и јас тука се откажав, и не стигнав да прашам кој е надлежен за издавање дозволи – рече сведокот.

Адвокат Софија Лаличиќ рече дека сака да стави забелешка на исказот на сведокот.

– Да се заблагодарам на јавниот обвинител, кој беше професионален и постави прашање не само на товар туку и во корист на обвинетите. Кој повеќе треба да е на обвинителна клупа, обвинетите од Министерство за економија и ексминистрите кои издале лицнци во 2013 или овој сведок кој овде ни кажа дека шверцувал пиротехника, па на црно ја држел во својата продавница, ја продавал, ставил на располагање опасно средство од кое загинаа луѓе? Ова сведочење само потврди за погрешно поставеното обвинение и за селективност при обвинувањето – рече Лаличиќ.

Обвинителот ја прекина, рече дека ова е излагање за завршен збор и дека не загинале луѓето затоа што пиротехниката го запалила диското, туку зашто немале од каде да побегнат.

Лаличиќ продолжи.

– Не е точно дека Буцо последен пат купил (пиротехника) година и пол пред настанот, како што рече сведокот, бидејќи од блиските соработници на ДНК, кои сведочеа, слушнавме дека Буцо бил ангажиран во ДНК 6 месеци пред пожарот – рече Лаличиќ.

Адвокат Ванчо Шехтански праша дали знае кој е рокот на употреба на топлите прскалки. Сведокот рече дека не знае, а за ладните рече дека имаат неограничен рок.

– Знаете ли дека рокот на употреба на топлата прскалка е 2 години – праша Шехтански.

– Не знам, оти не продавам пиротехника – рече сведокот.

– Па на ДНК кој им продал – праша Шехтански.

– Не знам, јас им продадов пред две и пол години – рече сведокот.

– Знаете ли дека употребата на топлите прскалки после 2 години е опасна – праша Шехтански.

– Не знам – рече сведокот.

Тој додаде и дека фабриката „Енигма“ во Бугарија се запалила и изгорела.

Адвокатот на сопственикот на Агенцијата за обезбедување „Рубикон“ го праша дали со употреба на нелегална пиротехника ДНК го запалил „Пулс“, со оглед дека искористиле пиротехника која исфрила искри над 3 метри височина во затворен простор?

– Да – рече сведокот.

Судијката праша:

– Дали лицето кое доаѓало да купува пиротехника во времето коа сте продавале било потребно да поседува лиценца.

– Ние не ги продадовме легално, затоа и не сум барал дозвола. На Панчо му учинив, му продадов 8 прскалки. Сум продавал и за свадби – рече сведокот.

The post НЕ ПРОДАВАВ ЛЕГАЛНО, А И ПАНЧО НЕМАШЕ ДОЗВОЛА, НО ЈАС „МУ УЧИНИВ“ Сведочеше трговецот што ѝ продал пиротехника на групата ДНК appeared first on plusinfo.mk.

По светската премиера, „Samsung Electronics“ денес ја претстави „Galaxy S26“ серијата и на Македонскиот пазар.

На настанот кој се одржа денес во „Ботаника“, претставниците од медиуми и деловните партнери на Компанијата се уверија дека најновите „Galaxy S26“, „S26+“ и „S26 Ultra“ уреди се поддржани од најинтуитивното, проактивното и прилагодливо „Galaxy AI“ искуство и се дизајнирани за да ги поедностават задачите кои луѓето секојдневно ги извршуваат на своите телефони.

Официјалната продажба на уредите во Македонија ќе започне на 11 март. До тогаш, сите заинтересирани ќе може да ги нарачаат најновите „Samsung“ уреди кај Операторите и малопродажните Партнери и да искористат ексклузивна поволност: да добијат модел со меморија од 512GB по цена на модел со меморија од 256 GB.

Како трета генерација на „Samsung“ паметни телефони со вештачка интелигенција, серијата „Galaxy S26“ е дизајнирана со една единствена филозофија: технологијата треба да се повлече во позадина, а корисникот да остане во центарот на вниманието.

Од менаџирање на густите распореди до совршено уредување на дигиталните содржини, „Galaxy S26“ го намалува бројот на чекори потребни за секоја задача. Наместо корисникот да се занимава со тоа „како“ функционира телефонот, „Galaxy AI“ овозможува фокус на она „што“ сака корисникот да постигне.

Најмоќниот модел во серијата, „Galaxy S26 Ultra“, воведува индустриски пресвртници во две клучни категории:

– Privacy Display: Првиот во светот вграден екран за приватност кој ја заштитува содржината од странични погледи на ниво на пиксел, зачувувајќи ја притоа врвната осветленост и јасност за корисникот.

– Бескомпромисни перформанси: Опремен со приспособената платформа Snapdragon® 8 Elite Gen 5 за Galaxy, Galaxy S26 Ultra нуди значителни подобрувања кај CPU (19%), NPU (39%) и GPU (24%) перформансите, поддржани од редизајнирана Vapor Chamber комора за ладење, со цел оптимално термално управување.

Системот на камери кај серијата „Galaxy S26“ е оптимизиран за интуитивна интеракција. Со зголемени отвори на објективот кои пропуштаат до 47% повеќе светлина и воведувањето на професионалниот APV видео кодек, уредите нудат квалитет без визуелни загуби. Креативниот процес е дополнително олеснет со функциите Creative Studio и Photo Assist, во чии рамки корисниците можат да вршат комплексни измени на фотографиите преку едноставни описни команди.

Целосниот екосистем е заокружен со новите „Galaxy Buds4“ и „Galaxy Buds4 Pro“, кои овозможуваат напредна контрола преку движења на главата и гласовна активација на агентите со вештачка интелигенција, обезбедувајќи продуктивност дури и кога мобилниот уред не е физички достапен.

„Samsung“ продолжува да вложува во заштитата на корисничките податоци преку „Knox Matrix“ и пост-квантна криптографија (PQC), кои го зајакнуваат интегритетот на системот. Дополнителен бенефит кој доаѓа со серијата „Galaxy S26“ се седум години безбедносни надградби, што обезбедува долговечност и сигурност за своите корисници.

„Galaxy S26 Ultra“, „S26+“ и „S26“ се достапни за нарачка во Северна Македонија, а корисниците може да одберат модел во виолетова, бела, црна и небесно сина боја. За сите информации и детали за новата „Galaxy S26“ серија, посетете ја страницата: www.samsung.com/mk.

Samsung Galaxy S26 Ultra награден за „Best in Show“ на „MWC 2026“

„Samsung Electronics“ денес најави дека уредот Galaxy S26 Ultra е добитник на наградата „Best in Show“ на Глобалните Награди за мобилна технологија (Global Mobile Awards – GLOMO Awards) за време на Светскиот Конгрес за мобилна технологија (Mobile World Congress – MWC) 2026 кој се одржа во Барселона, Шпанија.

Асоцијацијата за Глобални мобилни комуникации (Global Mobile Communications Association – GSMA) ги одржува “GLOMO“ наградите годишно за време на „MWC“ за да оддаде признание на извонредните иновации во мобилната индустрија.

Категоријата „Best in Show“ ги издвојува производите фокусирани на корисниците кои поставуваат репер за технологијата. Како едно од највисоките признанија во индустријата, уредите прогласени за „Best in Show“ се познати како „златен стандард“ во дигиталниот пејзаж, оценети од повеќе од 200 водечки светски независни аналитичари, новинари и ветерани во индустријата.

Samsung Galaxy S26 Ultra: Best in Show

На церемонијата за доделување награди одржана на 4 март, „Galaxy S26 Ultra“ победи во категоријата „Best in Show“ благодарение на беспрекорниот спој на напреден хардвер и интуитивниот, проактивен софтвер One UI 8.5. Galaxy AI испорачува адаптивна интелигенција свесна за контекстот, која ги поедноставува секојдневните задачи, истовремено штитејќи ја безбедноста и приватноста. Заедно, овие унапредувања ја оживуваат најинтуитивната мобилна вештачка интелигенција, дизајнирана да ги предвиди потребите на корисниците.

„Galaxy S26 Ultra“ го претстави и првиот во светот вграден Privacy Display екран, пресвртница во инженерингот на екрани, кој на корисниците им нуди поприватно, но живописно искуство при гледањето. Во внатрешноста, приспособениот чипсет овозможува побрза Galaxy AI вештачка интелигенција, поставувајќи нов стандард за мобилни искуства без напор кај „Galaxy S26 Ultra“.

– Овогодинешната конкуренција беше исклучително силна – изјави Шон Колинс, претседател на жирито за „MWC Best in Show 2026“.

– Бараме технологија која не само што е иновативна и впечатлива, туку и вистински ја движи индустријата напред. Samsung Galaxy S26 Ultra се истакна со поместување на границите на мобилната технологија, истовремено испорачувајќи значајно влијание во реалниот свет. Особено, неговата иновација во приватноста одговара на една од најважните потреби на денешниот дигитален начин на живот – безбедноста, личниот простор и довербата – додаде тој.

Жирито на „MWC Best in Show“ истакна дека меѓу повеќе од 3.000 излагачи, „Galaxy S26 Ultra“ се издвои по тоа што ги направи визионерските иновации достапни веднаш. „Иако многу технологии прикажани на MWC ја истакнуваат иднината“, соопшти панелот, „ова е производ кој потрошувачите можат да го искусат денес.

– Чест ни е што „Galaxy S26 Ultra“ е препознаен како „Best in Show“ на овогодинешните „GLOMO“ награди – изјави Стефани Чои , Извршен Потпретседател и Раководител на маркетинг центарот за мобилни уреди во рамките на бизнисот за Мобилно искуство (Mobile eXperience – MX) на “Samsung Electronics“. „Galaxy S26 Ultra е телефон со агентска вештачка интелигенција кој ја означува континуираната посветеност на ’Samsung’ кон унапредување на нашата индустрија, а ова признание е особено значајно со оглед на извонредните иновации прикажани на MWC.“

Уредите „Samsung Galaxy S26 Ultra“, „S26+“ и „S26“ се достапни за нарачка во Северна Македонија, а корисниците може да одберат модел во виолетова, бела, црна и небесно сина боја. Сите заинтересирани, до 10 март до крај на денот, може да ги нарачаат најновите „Samsung“ уреди и да искористат ексклузивна поволност – да добијат модел со меморија од 512GB по цена на модел со меморија од 256 GB.

The post „SAMSUNG“ ЈА ПРЕТСТАВИ СЕРИЈАТА GALAXY S26 ВО МАКЕДОНИЈА Нова генерација паметни телефони со моќна вештачка интелигенција appeared first on plusinfo.mk.

Советот на Општина Струга донесе одлука да го продаде општинското „ауди А6“ што го купи поранешниот градоначалник Рамиз Мерко. Возилото купено за 67.000 евра сега ќе се продава на јавно наддавање со почетна цена од само 10.000 евра.

– И ние како советничка група и неколку останати советници гласавме за продажба на тоа возило од проста причина што многу добро знаеме во какви околности беше купено тоа возило и во какво време, кога не беа запазени приоритетите на граѓаните. Струга имаше многу посериозни проблеми кои требаше да се решат, а не да се купува едно такво луксузно возило – изјави за Алфа, Коста Хиохи, советник од ВМРО ДПМНЕ.

Согласно важечките прописи, за возилото е пресметувана годишна амортизација од 15 отсто, при што неговата моментална проценета вредност изнесува 618.602 денари или 10.000 евра.

– Почетната цена на продажбата ќе биде еднаква на проценетата вредност, утврдена од овластен проценител. Крајната продажна цена ќе се утврди преку самата постапка на јавно електронско наддавање – велат од Општина Струга.

Аудито кое како службено возило се користело шест години, било поправано два пати, во март 2024 и во јануари 2025 за што биле потрошени 4.000 евра.

Покрај ова „ауди“ Мерко во неговиот мандат купи и три шкоди, а дали и тие ќе се продаваат, ќе се одлучува врз основа на нивната техничка состојба, економска оправданост и реалните потреби на општинската администрација.

Поранешниот градоначалник на Општина Струга Рамиз Мерко беше обвинет и гонет за злоупотреба на службената положба, затоа што набавил четири службени возила меѓу кои и аудито, во услови кога општината имала неподмирени долгови и блокирана жиро-сметка. Сепак, на почетокот на јуни 2025 година Мерко беше ослободен од вина. Судот утврди дека во процесот на јавната набавка нема докази дека сторил кривично дело и дека имал намера да ја злоупотреби својата службена положба.

The post СЕ ПРОДАВА „АУДИТО“ НА МЕРКО ПЛАТЕНО 67.000 ЕВРА Оди на наддавање со почетна цена од 10.000 евра appeared first on plusinfo.mk.

The post ПОВЛЕЧЕНА ОД ПРОДАЖБА ОЗЛОГЛАСЕНАТА ВИЛА НА ДИДИ КОМБС Куќата во која се одвивале контроверзните забави на раперот е проценета на 61,5 милиони долари appeared first on plusinfo.mk.

Еден 67-годишен жител на тетовско село останал без 3.000 евра откако бил измамен преку социјалните мрежи од жена која се претставувала како државјанка на Бугарија.

Случајот бил пријавен во СВР Тетово, каде што мажот раскажал дека со жената подолг период комуницирал онлајн. На 20 декември таа му соопштила дека има намера да купи стан во Тетово, но неколку часа подоцна му се јавила вознемирена, тврдејќи дека на граничен премин ѝ биле одземени 10.000 евра.

Набргу потоа, мажот добил телефонски повик од лице кое се претставило како командир на граничен премин. Тој му објаснил дека парите ќе ѝ бидат вратени доколку се плати казна од 3.000 евра.

Верувајќи дека ѝ помага, 67-годишникот ја уплатил бараната сума преку брз трансфер, распределена на три различни агенции, како што му било кажано. По уплатата, обидите да стапи во контакт со жената и со наводниот командир биле безуспешни, по што сфатил дека станува збор за измама.

Од полицијата велат дека се преземаат мерки за целосно расчистување на случајот и откривање на сторителите.

The post СЕ ПРЕТСТАВИЛА КАКО БУГАРКА И НА ТЕТОВЕЦ МУ УКРАЛА 3.000 ЕВРА Го „обработила“ на социјалните мрежи appeared first on plusinfo.mk.

Компанијата Imlek, водечки производител на млечни производи на Балканот, стои пред значајна промена во сопственичката структура. Во рамките на групацијата Imlek работи и Бимилк, како еден од клучните и најсовремени регионални капацитети во оваа групација. Бимилк останува составен дел од Imlek и продолжува да работи непроменето, согласно највисоките стандарди за квалитет, соопшти „Бимилк“.

Како што се наведува во соопштението, за купопродажбата постигнато е финансиско и оперативно согласување со кое Imlek преминува во сопственост на семејниот инвестициски холдинг на Андреј Јовановиќ (AJFH) како водечки инвеститор и Бојан Радун, долгогодишен генерален директор на Imlek, кој ќе продолжи да ја води компанијата и во новата структура. Договорот предвидува завршување на трансакцијата во првиот квартал од 2026 година, согласно сите редовни процедури на купопродажба.

Претприемачите Јовановиќ и Радун истакнуваат дека во Imlek гледаат огромен потенцијал за натамошен раст и развој преку засилени инвестиции, унапредување на оперативната ефикасност и континуирани иновации во производството и портфолиото. Компанијата е препознатлива по силните брендови, а нејзината водечка пазарна позиција на Западен Балкан претставува значајна основа за понатамошно проширување.

Под капата на Imlek функционираат четири производствени капацитети, каде покрај „Бимилк“ и два производни погони во Србија, е и „Млијекопродукт“ од Босна и Херцеговина.

Компанијата годишно преработува околу 350–400 милиони литри сурово млеко и соработува со повеќе од 3. 500 фармери во регионот.

Со најавената промена на сопственоста, Imlek влегува во нова развојна фаза која дополнително ќе ја зајакне неговата позиција како најголем млечен бренд на Балканот, со јасна визија за раст, модернизација и поддршка на локалното производство.

The post „БИМИЛК“ ОСТАНУВА ВО СОСТАВОТ НА „ИМЛЕК“ ПО ПРОДАЖБАТА Искусни инвеститори ја преземаат водечката млечна компанија на Балканот appeared first on plusinfo.mk.

Канцеларијата за контрола на странски средства (OFAC) на Министерството за финансии на САД може да ја одземе лиценцата на „Лукоил“ за продажба на странски средства, која моментално важи до 13 декември, во секое време доколку оцени дека не се вложени доволно напори за завршување на трансакцијата.

Како што е наведено во појаснувањата објавени денеска, лиценцата за продажба на странскиот имот на „Лукоил“, дозволено е водење преговори за условите на потенцијална продажба, правна, финансиска и оперативна верификација, ангажирање адвокати, консултанти, ревизори, како и изготвување договор кој мора да биде условен и не може да стапи во сила без посебна дозвола од OFAK.

Ако не се исполнат овие услови не е дозволена фактичка продажба на средствата на „Лукоил“, пренос на сопственоста или која било трансакција што би довела до пренос на средства.

Секој потпишан договор мора да има клаузула дека станува важечки само по посебно одобрување од OFAK.

„Целта на санкциите на OFAC врз Русија е да се изврши притисок врз Москва да ја прекине војната, па затоа секоја предложена продажба на меѓународниот имот на „Лукоил“ ќе се оценува врз основа на националната безбедност и надворешната политика на САД“, наведува OFAC на својата веб-страница.

Властите во Вашингтон одделно ќе проценат дали трансакцијата целосно ги прекинува врските со „Лукоил“ или обезбедува неочекувана добивка за компанијата.

Доколку компанијата купи средства на „Лукоил“, купувачот не смее да ги плати парите на руската фирма, туку да ги уплати на посебна сметка што ќе биде блокирана додека не се укинат санкциите.

The post И ПО ПРОДАЖБАТА НА ИМОТОТ ВО СТРАНСТВО „ЛУКОИЛ“ НЕМА ДА РАСПОЛАГА СО ПАРИТЕ Еве кои се другите услови што ги постави американската администрација appeared first on plusinfo.mk.