Невообичаен инцидент ја насмеал јавноста во американската сојузна држава Вирџинија, откако мал ракун паднал низ таванот на продавница со алкохол во градот Ешленд, се „почастил“ со пијалоци и направил вистински неред.

Кога еден од вработените дошол на работа, го затекнал животното како спие на подот во тоалетот, јави Си-Ен-Ен.

Сцената била како од филм: распукани шишиња виски, подови натопени со алкохол, плоча падната од таванот и едно безгрижно животинче во длабок сон. Службата за контрола на животни потврдила дека станува збор за возрасен ракун, кој, според првичните процени, испил многу алкохол.

Racoon breaks into convenience store in Virginia, ransacks the liquor aisle before going on drunken rampage and passing out.

Animal control officers arrived at the store in Ashland, VA where they found the raccoon passed out in the bathroom.

They then safely took him to an… pic.twitter.com/XmsDFoaeqa

— Oli London (@OliLondonTV) December 3, 2025

Вработена во продавницата го однела пијаниот ракун во локалното прифатилиште за животни, каде што, по неколку часа сон, животното се разбудило без повреди, но, како што се шегуваат, со „мамурлак“.

„По краток одмор и без никакви последици, повторно е на слобода. Се надеваме дека научил дека провалувањето и пијанството не се решение“, објавиле од Службата за заштита на животни на округот Хановер.

The post 📷 ПИЈАН РАКУН НАПРАВИЛ ХАОС ВО ПРОДАВНИЦА ВО ВИРЏИНИЈА Се отрезнил, па го пуштиле назад во природа appeared first on plusinfo.mk.