Албанска компанија поднесе тужба против Северна Македонија во висина од 110 милиони американски долари пред Меѓународниот центар за решавање на инвестициски спорови (ICSID) поради закочениот проект за изградба на хотел и трговски центар во главниот град Скопје, објави Дојче веле.

Веста ја објави Global Arbitration Review, кој наведува дека на 18 август било регистрирано барањето поднесено од Амадеус групацијата со седиште во Тирана, која се опишува себеси како комерцијален развивач и водечки дистрибутер на инфраструктурата за снабдување со електрична енергија низ Балканот. Случајот е поднесен според билатералниот инвестициски договор меѓу Северна Македонија и Албанија.

Ова е најновиот арбитражен спор којшто е покренат против земјата. Вкупната вредност на арбитражните постапки кои што во моментот се водат против Северна Македонија изнесува 1,36 милијарди евра, при што станува збор само за основицата, без камати, со кои износот може да се зголеми и над 1,5 милијарди евра. Постапките се речиси една третина од Буџетот за 2023 година, или околу осум отсто од домашниот БДП.

Закочен план за градба на хотел

Амадеус и нејзината подружница во Северна Македонија се застапувани од трговскиот адвокат и инвестициски банкар Барт Фишер и Грегори Јуинг во Правната групација Потомак во Вашингтон, како и Ѓорѓи Доновски од Скопје. Државата се уште нема именувано бранител.

Тврдењето се однесува на закочениот план на Амадеус за изградба на хотел и трговски центар на централниот плоштад во Скопје. Компанијата вели дека победила на јавен тендер во 2012 година и добила првични дозволи за проектот пред да наиде на противење од општината, за која тврди дека индиректно и директно ја експроприрала нејзината инвестиција спречувајќи ја групата да започне со изградба.

Амадеус тврди дека добил наредби од македонските судови, Министерството за транспорт и државниот народен правобранител за поништување на одлуката, но дека општината тврди дека тие го прекршиле договорот поради неотпочнување на изградба. Амадеус вели дека локалната власт оттогаш ги укинала дозволите и лиценците на групата.

Минатиот месец тужба пристигна и од  италијанска компанија поради концесија за управување со една од најголемите депонии во Европа. Станува збор за италијанската компанија „ФЛЦ амбиенте“ која поднесе тужба за прекршување на договорот за управување со депонијата „Дрисла“. Компанијата беше концесионер на „Дрисла“, а случајот датира од 2013 година.

Тие ветија големо модернизирање на депонијата, но нивното стопанисување се оспоруваше веднаш по добивањето на тендерот. Град Скопје го раскина договорот со италијанската фирма, по што германската компанија „Шолц“ ја доби под концесија депонијата „Дрисла“, по 6-годишна судска битка.

Арбитражни спорови против Македонија

Вицепремиерот за економски прашања, Фатмир Битиќи, минатиот месец информираше дека Владата прави сѐ за да го заштити интересот на државата и да не се плати ниту денар повеќе од што е потребно по основа на арбитражните спорови.

На оваа листата влегуваат споровите на „Кунико ресорсис“ од Холандија за „Фени индустрис“, потоа две постапки од индиски „Бинани“ во врска со рудникот „Злетово“, на „Хеленик Петролеум“ за „Окта“, постапката на Блажо Тасев против државата за рудникот „Саса“, потоа на повеќе украински инвеститори во врска со рудникот „Казандол“, како и на турски „Гама Гуч“ за „Те-То“ како и спорот на италијанската компанија „Инсо системи“ во врска со изградбата на Клиничкиот центар во рамки на комплексот „Мајка Тереза“ во Скопје.

Северна Македонија досега го доби спорот со холандската компанија „Кунико ресорсис“ која бараше 74 милиони долари штета за „незаконска стечајна постапка за Фени“. Холандската компанија треба да плати три милиони долари на адвокатската компанија која ја застапуваше С.Македонија. Единствениот арбитражен спор кој земјата го загуби е со „Хеленик петролеум“ за рафинеријата ОКТА, за што треба да и плати 21 милион евра на грчката компанија.

Во моментов активни се неколку спорови за кои се чека одлука. Во најава е и арбитражна постапка за рудниците „Иловица- Штука“ во Струмичко.

Државниот завод за ревизија во ревизорски извештај за работењето на Владата во 2021 година исто така нотираше дека ако Македонија ги изгуби покренатите арбитражни постапки ќе треба да плати повеќе од една милијарда евра оштети. Во период од 2018 до 2022 година во тек се пет арбитражни постапки против Северна Македонија, за кои се исплатени средства за адвокатски услуги во вкупен износ од 15,6 милиони евра.

The post НОВА АРБИТРАЖА ПРОТИВ МАКЕДОНИЈА Албанската групација Амадеус бара отштета од 110 милиони долари поради хотел appeared first on plusinfo.mk.

Утринските температури ќе бидат од 5 до 14 Целзиусови степени, а дневните од 18 до 30 Целзиусови степени.

Во Скопје претпладне сончево и топло со мала до умерена облачност, попладне во делови од котлината ќе има услови за пороен дожд, грмежи и засилен ветер.

Утре претпладне сончево со умерена облачност, попладне нестабилно со локален пороен дожд, грмежи и засилен ветер. Наместа процесите ќе бидат поинтензивни во форма на невреме со услови за изолирана појава на град. Минималните температури ќе бидат од 7 до 14, a максималните во интервал од 21 до 29 степени.

Претпладне в петок ќе биде сончево со умерена облачност и со повремен краткотраен дожд. Попладне нестабилно со локален пороен дожд, грмежи и засилен ветер. Наместа процесите ќе бидат поинтензивни во форма на невреме со услови за изолирана појава на град. Утринските температури ќе бидат од 8 до 15 Целзиусови степени, а дневните од 20 до 24.

The post ПОВТОРНО НЕСТАБИЛНО ВРЕМЕ, ПОПЛАДНЕ СО ДОЖДОВИ Oчекувајте грмежи и силен ветар appeared first on plusinfo.mk.

– Нема да дозволиме сомнителните бизнис интереси на градоначалникот на Град Скопје да го кочат спортот, културата, уметноста. Веќе повеќе од една година сме сведоци дека имотот на градот е неискористен, спортските клубови протестираат, родителите на спортистите се незадоволни, уметниците се револтирани, а градот нема никаков слух. Сите процеси во градот се закочени. На барање на сите овие лица, на наредната седница на Советот во четврток, ќе предложиме нова Одлука за утврдување на условите и начинот на давање под закуп на недвижен имот во сопственост на Град Скопје. Со оваа одлука, ќе се вратат надлежностите на училиштата и установите од културата, сами да одлучуваат за издавањето на деловите од објекти за кои тие сметаат дека треба да бидат издадени или дадени на користење. Давањето под закуп ќе биде во согласност со Закон, но нема да се дозволи истото да биде закочено во лавиринтот на Град Скопје предводен од Данела Арсовска – истакна Попов.

Според предлог одлуката која ќе ја предложиме, времето на закупот во објектите каде лицата ќе вршат долгорочни инвестиции, ќе има можност да биде зголемено, со што ќе се даде шанса за целисходно и квалитетно искористување на имотот на градот во служба на спортот, уметноста, здравите навики, младите и уметниците, додаде тој.

The post АРСОВСКА ГИ ОСТАВИ СПОРТИСТИТЕ НАДВОР Советниците на ВМРО-ДПМНЕ ќе предложат нов начин на закуп на спортски објекти, училиштата и установите appeared first on plusinfo.mk.

Воспалителните процеси може да бидат предизвикувачи за разни болести, а хроничното воспаление доведува до проблеми со срцето, дијабетес тип 2, па дури и го зголемува ризикот од рак.

Џенис Гибрин, диететичар и инструктор на Универзитетот Џорџтаун, наведе неколку намирници кои никогаш не треба да се јадат навечер, бидејќи тие прават верижна реакција во телото што може да доведе до воспалителни процеси.

Иако често слушаме дека не треба да јадеме тестенини, леб и други јаглехидрати за вечера, месото може да направи многу поголеми проблеми.

Една студија спроведена во Америка покажа дека маснотиите пронајдени во црвеното месо активираат воспалителни реакции поинаку од оние што ги користи имунолошкиот систем за да нѐ заштити. Со други зборови, воспалението се активира во телото, кое нема одбранбен, но штетен ефект.

– Никогаш не јадете говедско, пилешко, свинско, хамбургери за вечера … Ако не можете да спиете без протеини, изберете протеини од растителни извори, бидејќи месото ќе предизвика воспаление – објасни таа.

Скара е посебна опасност, бидејќи печеното, изгорено месо дополнително го влошува воспалителниот процес.

– Животинските протеини што се чуваат суви, на скара или пушени, го зголемуваат нивото на хемикалии во телото кои предизвикуваат воспаление. Ова не се случува кога протеините од растително потекло, млечните производи како сирењето или зеленчукот се чуваат на ист начин – објасни таа.

The post СКАРАТА И СЛАНИНАТА СЕ НАЈОПАСНИ ВО ОВОЈ ДЕЛ ОД ДЕНОТ Само една порција прави вистински хаос во телото! appeared first on plusinfo.mk.

Ова го нагласи портпаролката на СДСМ Богданка Кузеска во емисијата „Само вистина” на Канал 5 телевизија.

Таа истакна дека вчерашниот договор може да се оцени како добар и успешен, но во наредниот период ќе треба да се внимава и да се исполнат сите точки кои беа договорени на средбата.

– Претседателот на СДСМ Зоран Заев вчера направи се за да го инволвира Христијан Мицкоски во важните процеси во државата, да се ослободи од стегите на режимската матрица и да почне да соработува како опозиција – рече Кузеска, додавајќи дека посебно во ек на пандемија, одговорноста и очекувањата на граѓаните од власта се големи, и треба да бидат такви, но и опозицијата има одговорност, и кога граѓаните гледаат дека ВМРО-ДПМНЕ не се однесува како одговорна и конструктивна опозиција ги казнуваат на избори.

Во врска со пописот, Кузеска порача дека целта е да се одржи пописот, потребна е реална слика да се скенира државата со тоа што го има, да се соберат што повеќе податоци, за потоа да се креираат мудри, паметни политики, да се креира буџетот согласно сликата што ќе се добие од пописот, а тоа нема да се постигне ако и мал број од граѓаните го бојкотираат, а ВМРО-ДПМНЕ го сакаше токму тоа.

– Опозицијата зборува за некаков триумф, но ова е триумф на граѓаните. Вчера се покажа контрастот на едно друго време, кога се газеше опозицијата и беше незамислив дијалог меѓу власта и опозицијата, а сега дијалогот е со опозицијата и дијалогот меѓу партиите е секако демократски стандард на земја членка на НАТО и земја членка која што се стреми кон полноправно членство на ЕУ – порача портпаролката на СДСМ Кузеска во емисијата „Само вистина” на Канал 5 телевизија, се наведува во соопштението на СДСМ.

The post Кузеска: Заев, вчера направи сè за да го инволвира Мицкоски во важните процеси appeared first on plusinfo.mk.

„Овој мој апел е замолница да надвладее разумот бидејќи се работи за здравјето на сите нас и не би сакал да биде сфатен на никаков друг начин а најмалку како начин за мешање на работата на Судовите“ пишува Страшевски.

Тој вели дека Судскиот совет донел одлука за сопственото работење во актуелните услови, но не сака да одлучи да ги затвори судовите со што ги изложува на опасност по здравјето адвокатите судиите, обвинителите, обвинетите но и вработените во судот, медиумите, невладиниот сектор, затворската полиција,судската полиција.

„Апелирам барем еднаш во вашиот мандат да донесете одлука, а притоа да не чекате став од Министерството за правда“, пишува Страшевски.

Тој потсетува на предлогот на 75 адвокати привремено да се прекинат сите постапки во судовите, освен рочишта каде по барање на надлежен обвинител треба да се одлучи за определување на мерка притвор, како и за оние случаи каде е утврдена кривична одговорност поради повреда на мерките за спречување на ширењето на коронавирусот.

Адвокатите бараат по завршување на секое рочиште да се врши соодветна дезинфекција на салите каде ќе се одвива судско рочиште, да се дезинфицираат лифтовите и сите простории во кои ќе се движат странки, вклучително рачките на вратите и други површини кои често се изложени на допир на повеќе лица, како и да се мери температура на сите лица кои влегуваат во судот од службениот и сите неслужбени влезови, а Министерството за правда или судовите за секое лице кое ќе влези во судот да обезбедат заштитна маска и нараквици.

The post Страшевски до Судскиот совет: Барем еднаш во вашиот мандат да донесете независна одлука appeared first on plusinfo.mk.