На прашањето зошто и по два месеца по убиството јавноста не е информирана за причините за смртта на ракометарот, која, според снимката од безбедносните камери пред скопската дискотека „Привилиџ“, настанала откако Хрватот влегол во директен конфликт со две момчиња и една девојка, Станков вели дека истрагата за случајот сѐ уште не е завршена и дека одговорите треба да ги побараме во Јавното обвинителство.

– Како не разбирате дека истрагата сѐ уште е во тек и дека податоците од обдукцискиот извештај не смеат да излезат во јавноста? На крајот на краиштата, одговор на вашите прашања побарајте директно од јавниот обвинител, ама бидете сигурни дека во моментов нема ништо да ви кажат. Инаку, извештајот од обдукцијата ние го завршивме и го испративме по само две недели од убиството, но сега работиме на барањето за вештачење. Односно, сега се обидуваме да го дознаеме начинот на повредување, како бил повреден ракометарот, како настанала смртта – изјави Станков.

Тоа што Плусинфо неофицијално го дознава од луѓе коишто го виделе лабораторискиот извештај е дека не се пронајдени траги на наркотици кај ракометарот за време на настанувањето на смртта, а наводно, во неговата крвна анализа било констатирано големо количество на алкохол.

Убиството се случи ноќта помеѓу 6 и 7 април пред главниот влез на дискотеката „Привилиџ“ во Градскиот парк, а на снимката се гледа како тројцата осомничени – Анџело Ѓоргиевски, Андреј Костовски и Клементина Левковска – влегуваат во такси, а веднаш по нив влегува и ракометарот Денис Тот.

По кратка расправија во автомобилот, сите излегуваат надвор, а првоосомничениот Ѓоргиевски му удира две тупаници на Хрватот, кој веднаш како покосен паѓа на земјата и удира со задниот дел на главата во бетонот.

На снимката јасно се гледа и дека додека ракометарот во бесознание лежи на земјата, осомничената Левковска му задава уште неколку удари во главата, а еднаш го удира и осомничениот Костовски.

Левковска и Костовски уште следниот ден ѝ се предадоа на полицијата, а по првоосомничениот Анџело Ѓогиевски беше распишана меѓународна потерница, па по неколку дена и тој самиот се пријави во полициска станица. На тројцата им е изречена мерка притвор.

The post ИЗВЕШТАЈОТ ОД ОБДУКЦИЈАТА Е НАПИШАН, АМА НЕ И ОБЈАВЕН Убиениот ракометар Денис Тот имал големо количество алкохол во крвта? appeared first on plusinfo.mk.

Мафијата историски отсекогаш се обидувала да го контролира ноќниот живот до одреден степен затоа што им нуди многу придобивки: од нелегалниот пазар на дрога до голем број креативни начини за перење валкани пари-пишува „Јутарњи“.

Весникот се занимава и со сопственоста на диско клубот пред кој беше убиен Тот.

– Иако Стефан Стаменков официјално е наведен како одговорно лице во скопската фирма „Супер лајт парк“, која стои зад дискотеката „Привилиџ“ во скопскиот градски парк, ј

Покрај таа дискотека, го поврзуваат и со кафулето „Манго“, чии активности сега на својот профил ги објавува неговиот татко Митре Дичевски. Оттука, не е чудно што кога се распрашувавме во Скопје за вистинските сопственици на „Привилиџ“, многу соговорници избегнуваа да одговорат. Фолкерскиот клуб „Привилиџ“ е запечатен со решение на Државниот пазарен инспекторат при Министерството за економија на 12 февруари, бидејќи на Стаменков неможело да му биде врачено решение за затворање на клубот на 16 февруари бидејќи немал важечка лиценца. Иако државниот инспекторат ја има адресата и бројот на мобилниот телефон на одговорното лице! Увидот бил извршен на 13 февруари, кога било констатирано дека фирмата со која раководи Стаменков нема дозвола за работа.

– Секој вечер, од пролет до есен, ноќниот живот се сели во угостителските објекти во скопскиот градски парк, каде на површина од повеќе од 1.000 метри квадратни се наоѓа „Привилиџ“, пред која до смрт беше претепан Денис Тот. Измешани се звуците на турбофолк, техно, секој што мисли дека е важен и сака да биде виден е таму. Но, тоа е и голема сива зона каде законите не постојат и не функционираат. Хаосот и беззаконието на тој простор започна во времето на поранешниот градоначалник Коце Трајановски и продолжи до доскорешниот Петар Шилегов – пишува Јутарњи.

The post ЈУТАРЊИ ЛИСТ ИСТРАЖУВА Ноќните клубови во Скопје ги контролира мафијата appeared first on plusinfo.mk.

Спасовски во гостување на телевизија „Телма“, зборувајќи за убиството на ракометарот Даниел Тот, појасни дека пријавата во Брзата помош била направена утрото во 3 и 30  часот од вработена во објекткот, додека во МВР пријавуваат од Клинички во 4 и 11 минути дека е примено лице, пронајдено во бессознание на јавна површина и дека од тој момент се вклучува екипа од МВР и започнуваат активности и дејствија за расчистување на случајот.

– Во ниту еден момент не е застанато со истрагата и покрај тоа што од Клиничкиот центар е укажано дека нема видливи траги на наилство, колегите од МВР продолжуваат со прибирање на докази и ние практично во рок од 24 часа го откриваме целиот случај и обезбедени се сите материјали, меѓу кои и од камерите на „Сејф сити“ и се предадени на ОЈО – изјави Спасовски.

Снимката што ја виде јавноста, Спасовски појасни дека е од сосема друг агол, додека сите снимки се извадени и од објектот и од „Сејф сити“ и се предадени на ОЈО. Од нив, според Спасовски, може да се види кој се учествува во настанот.

– Постојат очевидци и сведоци кои се повикани на разговор и се земени изјави. Секако ќе се прави вештачење на облеката и предметите на сега починатиот, како и таа на сега осомничените и сите тие ќе бидат дел од доказниот материјал на предметот – изјави Спасовски.

Прашан дали ќе се бара одговорност и од сведоците, кои како што може да се види од снимката, не преземале ништо и не го пријавиле случајот, Спасовски рече дека секој еден што има каква било одговорност ќе биде санкциониран, како и дека ќе се ценат сите аспекти преку ЈО.

The post МВР ЈА ДОБИЛО ИНФОРМАЦИЈАТА КОГА ТОТ ВЕЌЕ БИЛ ВО БОЛНИЦА Спасовски вели дека претходно немало никаква пријава за нарушен ред и мир appeared first on plusinfo.mk.

Ѓорѓиевски е првоосомничен за убиството на 28 годишниот ракометар од Хрватска, Денис Тот, кого како што се гледа на снимките од безбедносните камери, пред дискотеката „Привилиџ“ во градскиот парк, минатата недела го удрил, од што ракометарот паднал на асфалтот и се здобил со смртоносни повреди на кои подоцна им подлегна на КАРИЛ.

За убиството на Денис Тот во триесетдневен притвор се една девојка и едно момче. Не е познато дали Анџело Ѓорѓиевски ја напуштил Македонија, меѓутоа доколку тоа го сторил, сомнежите на истражните органи се дека тоа би морал да го стори илегално, со оглед на тоа што неговите податоци не фигурираат во официјалните бази на граничните премини.

За Анџело Ѓорѓиевски словенечките медиуми пишуваат дека е гонет и за производство на психотропни супстанци, односно дрога која што е позната меѓу посетители во ноќни клубови. Во 2016 година, во Марибор, Анџело удрил во пет паркирани автомобили и избегал од местото на настанот. Кога полицијата го нашла, пронашла и мини фабрика за синтетички дроги.

The post МЕЃУНАРОДНА ПОТЕРНИЦА ПО СКОПЈАНЕЦОТ АНЏЕЛО ЃОРЃИЕВСКИ Првоосомничен е за убиството на ракометарот Денис Тот appeared first on plusinfo.mk.

1. Никако да им се погоди народот на овие златни институции. Сѐ некои алапачи жедни за кликови шо сакаат сѐ одма да се реши, ко да е ова нормална држава. И шо има везе тоа што баш медиумите и новинарите почнаа со бркањето кликови, па тоа им е работа, рекламите нема да дојдат сами.

2. Тоа што клубовите во парк немаат дозвола за работа е најмалку битно. Знаете вие колку луѓе вработуваат? Па шо има везе дека ако се спроведувал законот нема да се случело ова? Ќе се случело на некое друго место без дозвола за работа, така да не цепедличаме. Тие што живеат од дискотеките ги спомнавме?

3. Сосема е нормално во 21 век, кога се снима секој чекор и секоја педа, три дена да не се знае што се случило. Па филмот треба да се развие, не е тоа така…

4. Не е во ред вака да немате доверба во институциите. На толку решени случаи како Ласкарци, Беса Транс, болница во Тетово, вие одма со сомневања дека нешто се крие. Како жители на земја што цврсто стои на евроатлантскиот пат, со новинари кои слободно можам да ги наречам вистински Европјани чија единствена цел е вистината (на тој што го плаќа грантот за да работи сајтот), ова е тотално неевропски од вас!

(Фејсбук статус на авторот)

The post Никако да им се погоди народот на овие златни институции appeared first on plusinfo.mk.

– Државниот пазарен инспекторат може да излезе на терен и да провери околу ова – додаде Бектеши.

Истиот извор наведува дека од државниот пазарен инспекторат најавиле дека повторно ќе постапат за овој ноќен клуб, иако наводно и претходно постапувале.

Пред ноќниот клуб „Привилиџ“, претепан до смрт беше ракометарот Денис Тот. За неговото убиство, се товарат три лица, од кои две се во триесетдневен притвор. Првоосомничениот Анџело Ѓоргиевски е во бегство и истражните органи петти ден не откриваат дали ја напуштил државата или е во земјава.

The post ДИСКОТЕКАТА „ПРИВИЛИЏ“ РАБОТИ БЕЗ ЛИЦЕНЦА Министерот Бектеши бара инспекција appeared first on plusinfo.mk.

Ова во разговор за Плусинфо го вели професорот по кривично право Гордан Калајџиев, коментирајќи ја снимката што вчера беше објавена во јавноста, а на која се снимени последните моменти од животот на хрватскиот ракометар од редовите на Бутел.

Прерано е да ги судиме институциите за некаков обид за прикривање, оти тие можат да кажат дека го разгледуваат случајот, дека собираат податоци, па врз основа на тоа ќе одлучат дали да покренат истрага.

Гордан Калајџиев Професор по кривично право

Според Калајџиев, во случајот со убиството на Денис Тот, исто како и со убиството на Мартин Нешкоски во 2011 година, постојат безброј нејаснотии кои полека се претвораат во индиции дека можеби некој се обидел да го сокрие грозоморниот чин, но во пракса, како што објаснува професорот, не секогаш обидот за прикривање на убиството се смета за позагрижувачко од самиот инцидент.

– Во секое време можат да речат дека молчењето и необјавувањето на информацијата за смртта на хрватскиот ракометар во Скопје било во интерес на истрагата. Тоа значи дека дури и да се обиделе да го прикријат убиството на ракометарот, тие сега можат да се вадат на истрагата. Сега ќе ви кажам еден пример. Кога ние како Хелсиншки комитет за човекови права го дадовме случајот со убиството на Мартин Нешкоски во Судот за човекови права во Стразбур, тогаш бевме убедени дека елементот за прикривање на убиството е позагрижувачки од самиот инцидент. Но, судот во Стразбур не пронајде повреда во тој дел. Јас лично бев и сѐ уште сум убеден дека судот во Стразбур тогаш не беше во право, меѓутоа таква беше одлуката од најугледната институција кога станува збор за човекови права и балансирање на интереси. Искрено, не го следев во детали случајот со убиството на Денис Тот, но знам дека беше сомнително дозирањето на информациите. Лично, како граѓанин, чувствувам незадоволство од нетранспарентноста на институциите, но како експерт, не поседувам доволно информации за тоа дали може да се тврди дека има кривично дело, односно дали постоело прикривање на убиството – објаснува Калајџиев.

Поради тоа што станува збор за убиство на јавна личност, односно за грозоморен чин кој наидува на огромен интерес кај јавноста, посочува професорот, Јавното обвинителство би можело да преземе дејствија и да оцени дали овде постои и друга одговорност освен самото убиство.

– Прерано е да ги судиме институциите за некаков обид за прикривање, оти тие можат да кажат дека го разгледуваат случајот, дека собираат податоци, па врз основа на тоа ќе одлучат дали да покренат истрага. А ние немаме некои индиции за тоа кој точно би се обидел да го заташка убиството. Најсимптоматично и најнервозно за јавноста беше изјавата од болницата дека лицето немало видливи знаци на насилство по телото. Не ја знаеме ни историјата на тепачката, односно дали таа започнала внатре во дискотеката или инцидентот се случил онаму каде што завршил. Исто така, мене ми е многу чудно тоа што ракометарот е сам појден во дискотека и нема никој околу него. По инцидентот, пак, некој му јавил на семејството на ракометарот во Хрватска и ги известил родителите дека нивниот син починал од срцев удар. Кој им се јавил? И дали тој што им се јавил само сакал да помогне со лажната информација што ја слушнал, а немал никаква намера да ги лаже. Затоа велам, има многу непознати и сѐ уште е рано за дефинитивно да се донесе заклучок дека некој сакал да го прикрие убиството – посочува Калајџиев.

Адвокатот Владимир Туфегџиќ, пак, кој е доскорашен судија, не може да се согласи со тоа дека во конкретниот трагичен настан нема место за истрага за прикривање.

„Непосредно по дознавањето дека починал младиот ракометар, на јавноста ѝ е пласирана ‘вистина’ дека починал од срцев удар, за да потоа биде соопштено дека случајот бил пријавен од девојка која случајно го пронашла како лежи на земја во близина на ноќниот клуб. Од објавените снимки јасно се гледа дека настанот се случил пред влезот на ноќниот клуб пред кој имало повеќе од три лица инволвирани во настанот, како и неколку лица-сведоци на настанот, од кои едно лице се обидува да го заштити младиот човек кој непомично лежи на асфалтот. Од снимките јасно се гледа дека ниту кон лицето кое го предизвикало настанот, ниту кон девојката, обезбедувањето воопшто не реагира. Во најмала рака, треба да се спроведе истрага и кон обезбедувањето на ноќниот клуб кое е одговорно за безбедноста на лица пред влезот на објектот и да се утврдат евентуални пропусти“, напиша Туфегџиќ на Фејсбук.

Од Основното јавно обвинителство за ТВ21 посочуваат дека сите снимки од видео надзорот на дискотеката „Привилиџ“ во критичниот момент на наведената локација се обезбедени и се анализираат.

Оттаму велат дека со објавата на видео снимките на ниту еден начин не може да се наштети или да се влијае врз постапката.

– Сепак, апелираме за воздржаност при објавата и споделувањето на видеата, чија содржина може да биде вознемирувачка за јавноста, а особено за семејството и блиските на починатиот. Јавното обвинителство во целост ќе го расчисти настанот, а кривична одговорност ќе понесат сите за кои ќе се утврди дека сториле кривично дело – посочуваат од ОЈО.

The post ВРЕМЕТО ЌЕ ПОКАЖЕ ДАЛИ СЕ ПРИКРИВАЛО Алиби за заташкувањето може да биде „тајноста на истрагата“? appeared first on plusinfo.mk.

Од снимката јасно се гледа дека младиот ракометар е крвнички претепан пред клубот.

Како што е познато, дали намерно или поради лоша координација, надлежните институции се обидоа да го прикријат настанот, но потоа вистината сепак излезе на виделина.

Убиството кое МВР и Ковачевски го кријаат pic.twitter.com/BunjthOoeI

— Реалниот (@Realniot21) April 11, 2022

(Напомена: Редакцијата на Плусинфо се оградува од текстуалниот коментар со кој е придружена снимката и жали што објавува вакво вознемирувачко видео, но смета дека снимката претставува клучен аргумент во прилог на вистината и затоа нејзиното објавување е неспорен јавен интерес)

The post ВАКВО КРВНИЧКО ПРЕТЕПУВАЊЕ НЕ СМЕЕШЕ ДА СЕ КРИЕ! Се појави снимката од настанот во кој загина ракометарот Денис Тот (ВОЗНЕМИРУВАЧКО ВИДЕО) appeared first on plusinfo.mk.