Скопската полиција во текот на 16 и 17 јуни спровела координирана акција на повеќе локации низ градот, при што се лишени од слобода 11 лица кај кои била пронајдена дрога, соопшти СВР Скопје.

Приведените се на возраст од 19 до 48 години и се од Скопје, скопските села Сопиште, Катланово и Челопек во тетовскиот регион. Кај нив биле пронајдени бела прашкаста материја, бела грутчеста материја и марихуана, кои биле веднаш одземени.

Од полицијата информираат дека приведувањата се извршени на различни локации во градот, во рамки на засилени контроли насочени кон сузбивање на уличната трговија со дрога.

По целосно документирање на случаите, против сите лица ќе бидат поднесени соодветни поднесоци до надлежното обвинителство.

The post ГОЛЕМА АКЦИЈА ВО СКОПЈЕ, ПРИВЕДЕНИ 11 ЛИЦА Полицијата ги расчистува скопските улици од дрога appeared first on plusinfo.mk.

Три лица се лишени од слобода за семејно насилство во последното деноноќие, соопшти полицијата.

Како што е наведено во полицискиот билтен, на 25.05.2026 во 04:30 часот лишен е од слобода Т.С.(51) од Битола, бидејќи во семејниот дом во Битола физички ја нападнал неговата 54-годишна сопруга, а притоа користел и метални и дрвени предмети. Од страна на судија од Основен суд Битола на Т.С. одредена му е мерка притвор.

На 25.05.2026 во 20:50 часот полициски службеници од СВР Куманово го лишија од слобода Н.Ј. (28) од кумановско село, затоа што физички ја нападнал неговата мајка.

На 25.05.2026 во 15:40 часот во Кичево, полициски службеници од ОВР Кичево го лишија од слобода А.А.(48) од Кичево, по претходна пријава дека на 24.05.2026 околу 11:30 часот во семејниот дом на пријавениот, тој физички ја нападнал неговата 40-годишна вонбрачна партнерка од Кичевско.

The post ЈА ТЕПАЛ СОПРУГАТА СО МЕТАЛНИ И СО ДРВЕНИ ПРЕДМЕТИ Тројца приведени за семејно насилство appeared first on plusinfo.mk.

Три лица се лишени од слобода, а петмина се пријавени за семејно насилство во последното деноноќие.

Како што соопшти полицијата, 33-годишна жена од Скопје пријавила дека на 22.05.2026 година околу 21 часот во семејниот дом во Скопско, по претходна расправија, била физички нападната од нејзиниот 39-годишен сопруг.

На 22.05.2026 во 16:30 часот, полициски службеници од СВР Скопје го лишија од слобода И.И.(50) од Скопско, постапувајќи по претходна пријава од неговата 46-годишна сопруга дека околу 08 часот во семејниот дом, по претходна расправија, физички ја нападнал.

На 23.05.2026 во 06:00 часот, полициски службеници од ОВР Неготино го лишија од слобода И.А.(18) од Неготино, постапувајќи по претходна пријава од неговата 36-годишна мајка, дека физички ја нападнал и ѝ се заканувал на неа и на неговиот малолетен брат. Тој бил задржан во полициска станица, известен бил јавен обвинител и Центар за социјални работи Неготино.

На 22.05.2026 во 20:30 часот во СВР Скопје, 43-годишна жена од Скопје пријавила дека околу 15 часот, нејзиниот сопруг, со кого не живеат заедно и имаат нарушени односи, физички ги нападнал неа и нивната малолетна ќерка.

На 22.05.2026 во 23:35 часот, полициски службеници од ОВР Виница го лишија од слобода Н.П.(37) од виничко село, постапувајќи по претходна пријава дека во семејниот дом со неговата мајка физички ја нападнале неговата 22-годишна сопруга.

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

The post СИН НАПАДНАЛ МАЈКА И БРАТ, СВЕКРВА НАТЕПАЛА СНАА Какви приказни за семејно насилство откри новиот полициски билтен appeared first on plusinfo.mk.

Четири нови случаи на семејно насилство биле пријавени во изминатото деноноќие низ државата, а полицијата привела две лица поради агресивно и насилно однесување.

Во првиот случај, 37-годишна скопјанка пријавила дека била физички нападната од својот 29-годишен партнер во стан во скопската општина Аеродром. Според пријавата, нападот се случил неколку дена претходно, во раните утрински часови.

Насилство било пријавено и во Прилеп, каде жена пријавила дека била нападната од своето момче во семејниот дом.

Во Тетово, пак, полицијата привела 36-годишен маж откако неговата 62-годишна мајка пријавила дека физички ја нападнал во домот и оштетил дел од покуќнината.

При интервенцијата, полицијата направила алкотест кај тетовецот, при што биле измерени 1,49 промили алкохол во крвта.

Во Велес, рано утринава била приведена и 20-годишна девојка поради агресивно однесување во дворот на семејната куќа.

Од полицијата информираат дека се работи на целосно расчистување на сите случаи, по што ќе следуваат и соодветни пријави.

The post ЧЕТИРИ СЛУЧАИ НА СЕМЕЈНО НАСИЛСТВО ЗА ЕДЕН ДЕН Приведени маж и девојка по пријави на блиските appeared first on plusinfo.mk.

Полицијата приведе 12 возачи низ државата поради опасно и безобѕирно возење, а најшокантен е случајот во Скопје каде возач бил фатен со дури 3,95 промили алкохол во крвта.

Според информациите, дури 11 од приведените воопшто немале возачка дозвола и сепак седнале зад волан. Тројца од нив биле фатени во Скопје, по двајца во Битола, Кочани и кумановскиот регион, а по еден во Прилеп и Велес.

Еден случај особено ја загрижува јавноста – скопјанец управувал возило во тешка алкохолизирана состојба, со ниво на алкохол кое сериозно ја доведува во прашање безбедноста на сите учесници во сообраќајот.

Од полицијата најавуваат дека по целосното расчистување на случаите ќе следуваат кривични пријави против сите сторители.

Воедно, упатен е апел до граѓаните да не седнуваат зад волан без дозвола и да не управуваат возило под дејство на алкохол, со цел да се намалат ризиците на патиштата.

The post 11 ВОЗАЧИ БЕЗ ВОЗАЧКА И ЕДЕН КАМЕН ПИЈАН Полицијата приведе 12 лица, кај едно измерени дури 3,95 промили appeared first on plusinfo.mk.

На 18.04.2026 во 22:05 часот во Скопје, полициски службеници од СВР Скопје го лишија од слобода С.С.(34) од Скопје, постапувајќи по претходна пријава дека во семејниот дом на подрачјето на Гази Баба во Скопје во периодот од 2024 година до 18.04.2026 често упатувал закани кон неговиот 62-годишен татко, постојано му вршел психичко и физичко малтретирање, а неколкупати замавнувал ѝ со остар предмет кон него.

На 18.04.2026 во 11:30 часот во СВР Скопје, 38-годишна жена од Скопско пријавила дека во периодот од март 2025 година до 18.04.2026, нејзиниот поранешен сопруг П.Г. преку социјална мрежа ѝ упатувал заканувачки пораки кон неа и нејзиното семејство. Според пријавеното, тој претходно ја малтретирал и психички и физички.

На 18.04.2026 во 07:00 часот во СВР Скопје, 50-годишна жена од Скопско пријавила дека околу 04:30 часот во семејниот дом на подрачјето на општина Петровец била физички нападната од нејзиниот сопруг И.Б.(56), кој притоа ѝ упатувал закани, оштетил дел од покуќнината и ја избркал од домот. Таа ѝ претходно била психички и физички малтретирана од нејзиниот сопруг, но досега не пријавувала. Полициски службеници извршиле службен разговор со пријавениот.

На 18.04.2026 во 02:15 часот, полициски службеници од СВР Охрид го лишија од слобода Б.М.(37) од Охридско. Претходниот ден околу 21 часот во семејниот дом тој физички ја нападнал неговата 37-годишна сопруга, а подоцна со остар предмет ѝ се заканувал нејзе и на нивните пријатели Д.П. и К.К.. Против него е поднесена кривична пријава, а судија на претходна постапка му определи мерка притвор во траење од осум дена.

На 18.04.2026 во СВР Охрид, полициски службеници извршиле службен разговор со З.С.(48) од Охрид, постапувајќи по претходна пријава дека на 16.04.2026 се заканувала на нејзиниот 47-годишен сопруг, а на 18.04.2026 физички го нападнала на неговото работно место.

На 18.04.2026 во 18:50 часот во ОВР Дебар, 47-годишник од Дебар пријавил дека во семејниот дом бил физички нападнат од неговиот син Џ.Н.(21), лице со здравствени проблеми и кој подоцна е пренесен здравствена установа.

На 18.04.2026 во 20:15 часот, полициски службеници од ОВР Кичево го лишија од слобода Т.Д.(52) од Кичево, постапувајќи по претходна пријава дека во неколку наврати во текот на денот се јавувал на неговата 48-годишна сопруга и ја вознемирувал неа и нејзината мајка и покрај тоа што од Основен суд Кичево имал забрана да ги контактира двете.

На 18.04.2026 во 16:30 часот, полициски службеници од ОВР Гостивар го лишиле од слобода Е.М.(41) од гостиварско село, постапувајќи по претходна пријава дека преку телефонски повици и социјални мрежи упатувал закани на неговата поранешна 35-годишна партнерка. Истовремено, неговата сопруга А.М.(40) пријавила дека поранешната партнерка на нејзиниот сопруг на социјална мрежа објавувала содржини со кои ги злоупотребила нејзините лични податоци и упатувала навреди кон нејзиното семејство.

Полицијата соопшти дека презема мерки за расчистување на случаите и по нивно целосно документирање против сторителите ќе  поднесе соодветни пријави.

The post МАЖ ЈА ИЗБРКАЛ ЖЕНАТА ОД ДОМА, СИН НАПАДНАЛ ТАТКО Полицијата има полни раце работа со пријавите за семејно насилство appeared first on plusinfo.mk.

Двајца мажи од Демир Капија киднапирале 21-годишник од Неготино, му се заканувале со пиштол и со остар предмет, го однеле на непозната локација и физички го нападнале.

Како што соопшти полицијата, вчера (12.04.2026) лишени се од слобода Б.М.(37) и Ќ.С.(30), двајцата од селото Корешница, Демиркаписко. Тие со патничко возило „мерцедес“ противправно го лишиле од слобода момчето од Неготино.

Полицијата ги пронашла и ги одзела пиштолот и останатите предмети.

Б.М. и Ќ.С. се задржани во полициска станица и по целосно документирање на настанот против нив ќе бидат поднесени соодветни пријави.

The post КИДНАПИРАЛЕ МОМЧЕ ОД НЕГОТИНО И ГО НАТЕПАЛЕ Му се заканувале со пиштол и го однеле на непозната локација appeared first on plusinfo.mk.

Двајца мажи се приведени по инцидент во угостителски објект во скопската општина Аеродром, откако ја нападнале пејачката и ја спречувале да настапува.

Според пријавата во полиција, инцидентот се случил во раните утрински часови кога двајцата почнале да прават проблем во локалот. Тие ја попречувале пејачката да работи, а еден од нив се претставувал дека е од полиција и физички ја нападнал.

Двајцата, исто така, упатувале закани и кон лицето кое го пријавило случајот. По доаѓањето на полицијата, тие биле приведени. Станува збор за Љ.А.(35) и Н.Д.(40), двајцата од Скопје.

Од Министерство за внатрешни работи информираат дека се преземаат мерки за целосно расчистување на случајот.

The post ЛАЖЕН ПОЛИЦАЕЦ НАПАДНАЛ ПЕЈАЧКА Инцидент во локал во скопски Аеродром appeared first on plusinfo.mk.

Девет лица беа приведени по масовна тепачка со ножеви и дрвени предмети на Осломешка крстосница во Кичево.

Инцидентот се случил околу 01:30 часот, кога дошло до меѓусебна физичка пресметка меѓу повеќе лица, при што биле употребени ножеви и дрвени предмети. Во тепачката две лица се здобиле со расекотини и повреди.

Полицијата привела деветмина учесници – млади лица од Прилеп, Битола и Кичево. Тие биле лишени од слобода неколку часа подоцна, околу 03:40 часот, од страна на полициски службеници од ОВР Кичево.

По целосно расчистување на случајот, против инволвираните ќе следуваат соодветни пријави.

The post ПРИВЕДЕНИ 9 ЛИЦА ПО МАСОВНА ТЕПАЧКА ВО КИЧЕВО Употребени ножеви и дрвени предмети appeared first on plusinfo.mk.

Три лица се уапсени по нападот врз двајца вработени на гробиштата во Бутел, информира полицијата.

Според информациите, станува збор за 48-годишен маж и неговите двајца синови, кои биле приведени откако околу пладне нападнале двајца работници на АД Бутел во близина на гробиштата во Бутел.

Нападот се случил откако вработените ги забележале тројцата кај едно гробно место и, според пријавата, ги предупредиле дека ќе повикаат полиција бидејќи им биле познати од претходни кражби. Во тој момент тие биле нападнати со гасен пиштол, боксирач и нож.

Двајцата работници се здобиле со повреди и биле пренесени во ЈЗУ „Св. Наум Охридски“, каде им била укажана лекарска помош.

– На 07.04.2026 во 13:40 и во 19.10 часот, полициски службеници од СВР Скопје ги лишија од слобода А.М.(48) и неговите синови Ј.М.(26) и Б.М.(27), сите од Скопје. Тие се сомничат дека околу 12:40 часот во близина на гробиштата Бутел ги нападнале Е.Д.(51) и М.Д.(54), вработени во АД „Бутел“, при што употребиле оружје – гасен пиштол и ладно оружје (боксирач и нож). Притоа, Е.Д. и М.Д. се здобиле со телесни повреди, констатирани во ЈЗУ „Св.Наум Охридски – информираат од МВР.

Од полицијата велат дека осомничените се приведени и задржани во полициска станица, а по целосното расчистување на случајот против нив ќе следува кривична пријава.

The post ТЕПАЧКА НА ГРОБИШТА, УПОТРЕБЕНИ ГАСЕН ПИШТОЛ, НОЖ И БОКСИРАЧ Татко и двајца синови нападнале двајца вработени во „Бутел“ appeared first on plusinfo.mk.