Шеесет и петгодишна скопјанка била лишена од слобода откако во пакетот што му го донела на синот, кој издржува затворска казна во „Идризово“, била пронајдена марихуана.

Според информациите од Министерството за внатрешни работи, случајот бил откриен на вчера, околу 10 часот, при преглед на пакетот наменет за затвореникот.

Полициските службеници ја пронашле и одзеле марихуаната, по што ја лишиле од слобода Џ.Ф. (65) од Скопје.

Таа била приведена околу 11.30 часот во Казнено-поправната установа „Затвор Идризово“.

По целосно документирање на случајот, од МВР најавуваат дека ќе следува соодветен поднесок.

The post МАЈКА СЕ ОБИДЕЛА ДА МУ ВНЕСЕ МАРИХУАНА НА СИНОТ ВО „ИДРИЗОВО“ Полицијата приведе 65-годишна скопјанка appeared first on plusinfo.mk.

Триесетгодишна жителка на Велес е приведена под сомнение дека со остар предмет го избодела својот вонбрачен сопруг во нивниот дом, по што против неа ќе биде поднесена кривична пријава за обид за убиство при семејно насилство, соопшти Министерството за внатрешни работи.

Според информациите од полицијата, инцидентот се случил вчера околу 19 часот во Велес. Полициски службеници од СВР Велес ја лишиле од слобода Т.Д. (30), откако било пријавено дека му нанела убодна рана на својот 37-годишен вонбрачен сопруг.

Повредениот веднаш бил пренесен во Општата болница во Велес, каде што му била укажана лекарска помош.

Осомничената била приведена и задржана во полициска станица, додека полициските службеници го пронашле и го одзеле предметот со кој, според сомневањата, било извршено кривичното дело.

За случајот е известен надлежен јавен обвинител, а по целосното расчистување и документирање на настанот, против Т.Д. ќе биде поднесена кривична пријава за кривично дело „обид за убиство при семејно насилство“, казниво според член 123, во врска со член 19 од Кривичниот законик.

The post ГО ПРОБОДЕЛА ВОНБРАЧНИОТ СОПРУГ ВО ДОМОТ Велешанка ќе одговара за обид за убиство appeared first on plusinfo.mk.

30-годишна жена од Кавадарци утрово била приведена откако, според пријавата, со остар предмет го повредила својот сопруг во семејниот дом.

Инцидентот се случил рано наутро, околу 6:30 часот, кога по вербална расправија меѓу сопружниците, жената наводно му нанела повреди на 43-годишниот сопруг. Полициски службеници од ОВР Кавадарци веднаш реагирале и ја лишиле од слобода осомничената.

Од СВР Велес информираат дека остриот предмет со кој бил извршен нападот е пронајден и одземен, а при полициската постапка кај жената биле измерени 2,61 промили алкохол во крвта.

Таа била задржана во полициска станица, за случајот бил известен јавен обвинител, а по целосно документирање на настанот против неа ќе биде поднесена соодветна пријава.

The post ПИЈАНА КАВАДАРЧАНКА СО НОЖ ГО ПОВРЕДИЛА СОПРУГОТ Со 2,61 промили алкохол направила хаос во семејниот дом appeared first on plusinfo.mk.

39-годишната Ј.С.Т. (39) од Кичево вчера била приведена откако била пијана и агресивно се однесувала со случајните минувачи.

Полицијата добила пријава вчера во 17:40 часот за нарушување на јавниот ред и мир на улицата Пролетерски бригади.

При преземање на мерките, полицијата констатирала дека жената била под дејство на алкохол, при што измерени ѝ се 2,48 промили алкохол во крвта.

Од страна на полицијата беше соопштено дека по целосно документирање на настанот, против Ј.С.Т. ќе биде поднесена соодветна пријава.

The post ПРИВЕДЕНА ЖЕНА СО 2,48 ПРОМИЛИ АЛКОХОЛ Кичевката вознемирувала случајни минувачи appeared first on plusinfo.mk.