Педесет и едногодишен жител на Неготино е лишен од слобода откако, според пријавата, физички ја нападнал својата поранешна сопруга, а потоа и нивната 19-годишна ќерка, на која ѝ упатувал и закани.

Од Министерството за внатрешни работи информираат дека на 27 јули 2026 година, околу 16:40 часот, полициски службеници од ОВР Неготино го лишиле од слобода Д.Ѓ. (51) од Неготино.

Апсењето следувало по претходна пријава од неговата 47-годишна поранешна сопруга, која пријавила дека тој физички ја нападнал на улицата Маршал Тито во Неготино.

Според пријавеното, по нападот врз поранешната сопруга, мажот пред својот дом физички ја нападнал и нивната 19-годишна ќерка, при што ѝ упатувал закани.

Осомничениот бил задржан во полициска станица, за случајот бил известен јавен обвинител, а по целосно документирање на настанот против него ќе биде поднесена соодветна кривична пријава.

The post ГИ НАПАДНАЛ ПОРАНЕШНАТА СОПРУГА И 19-ГОДИШНАТА ЌЕРКА Приведен 51-годишник од Неготино за семејно насилство appeared first on plusinfo.mk.

Полицијата презема мерки за расчистување на случај во скопската населба Лисиче, каде што 32-годишна жена пријавила дека две лица извршиле обљуба врз неа.

Од Министерството за внатрешни работи информираат дека настанот бил пријавен во СВР Скопје на 18 јули во 00:20 часот.

Во врска со случајот, од слобода е лишен А.М.(41) од Скопје, додека полициските службеници продолжуваат со преземање мерки за целосно расчистување на настанот и утврдување на сите околности.

Од МВР не соопштуваат дополнителни детали за случајот.

The post ЖЕНА СИЛУВАНА ВО ЛИСИЧЕ ОД ДВЕ ЛИЦА Жртвата го пријавила случајот, приведен 41-годишник appeared first on plusinfo.mk.

56-годишен гостиварец двапати бил приведен од полицијата во текот на еден ден, откако предизвикал инциденти најпрво во Галичник, а потоа и во Гостивар.

Според информациите од Министерството за внатрешни работи, на 12 јули околу 10:45 часот полициски службеници од Полициското одделение Маврово го привеле Ѓ.Р. (56) од Гостивар, бидејќи со агресивно однесување го нарушил јавниот ред и мир во селото Галичник, за време на одржувањето на традиционалната манифестација „Галичка свадба“.

Но, тука не завршиле неговите проблеми со полицијата.

Истата вечер, околу 20:40 часот, полициски службеници од Полициската станица Гостивар повторно го привеле Ѓ.Р. на улицата „Браќа Ѓиновски“, бидејќи повторно го нарушувал јавниот ред и мир.

По извршеното алкотестирање било утврдено дека тој имал 1,75 промили алкохол во крвта.

Од МВР информираат дека по целосно документирање на двата случаи против него ќе бидат поднесени соодветни пријави.

The post НАПРАВИЛ ХАОС НА „ГАЛИЧКА СВАДБА“, ПА ПРОДОЛЖИЛ И ВО ГОСТИВАР Пијан гостиварец двапати приведен за само 10 часа appeared first on plusinfo.mk.

Семејна трагедија се случила синоќа во Скопје, каде што 31-годишен маж е осомничен дека со нож го усмртил својот татко откако претходно таткото, во алкхолизирана состојба ја нападнал својата сопруга, информира Mинистерството за внатрешни работи.

„Е.Л., кој бил под дејство на алкохол, физички ја нападнал својата 54-годишна сопруга, мајка на Б.Џ., по што Б.Џ. му нанел убодни рани на својот татко“, наведоа од МВР.

Според објавата, трагедијата се случила околу 22:35 во нивниот семеен дом, додека полицијата кон 23 часот го привела 31-годишниот Б.Џ.

По интервенцијата на полицијата, повредената жена била пренесена во градската болница „Свети Наум Охридски“ за укажување помош.

Обдукцијата на телото на починатиот треба да даде повеќе информации за истрагата.

The post СИН ГО УБИ СВОЈОТ ТАТКО ВО СКОПЈЕ Семејна трагедија завршила со убоди од нож appeared first on plusinfo.mk.

Тетовската полиција приведе 54-годишен жител на градот, осомничен дека фрлал вреќи со отпад во реката Пена. Случајот беше откриен откако на социјалните мрежи се појави видео на кое се гледа како лице од патничко возило исфрла отпад во коритото на реката.

Министерството за внатрешни работи соопшти дека вчера околу 18 часот, на улицата Љубо Божиновски Пиш во Тетово, полициски службеници од СВР Тетово го лишиле од слобода Б.С. (54) од Тетово.

По објавата на видеото, полицијата презела мерки за идентификација на лицето и возилото. Станува збор за автомобил „цитроен“ со тетовски регистарски ознаки, кој бил снимен во близина на улицата Видоје Смилевски-Бато.

Од МВР наведуваат дека осомничениот бил пронајден и во службен разговор го признал делото.

The post 📽️ ФРЛАЛ ВРЕЌИ ВО РЕКА ПЕНА, ГО ФАТИЛЕ ОТКАКО СЕ ПРОШИРИ СНИМКА Тетовец го призна делото во полиција appeared first on plusinfo.mk.

Четириесет и двегодишен жител на Виница е приведен под сомнение дека физички ги нападнал својата сестра, внуката и таткото.

Инцидентот се случил вчера во семејниот дом, по што полицијата интервенирала и го привела осомничениот.

По целосното документирање на случајот против него ќе биде поднесена соодветна кривична пријава.

The post ГИ НАПАДНАЛ СЕСТРАТА, ВНУКАТА И ТАТКОТО Приведен 42-годишен жител на Виница appeared first on plusinfo.mk.

Триесет и едногодишен жител на Велес е приведен откако, според пријавата, физички нападнал 71-годишна сограѓанка и ја оштетил влезната врата од нејзиниот дом. Настанот се случил вчера вечер.

Мажот дошол пред куќата барајќи ја ќерката на жената, но бидејќи таа не била дома, ја нападнал сопственичката и ја искршил вратата. При интервенцијата, полицијата утврдила дека осомничениот бил под дејство на алкохол, при што му биле измерени 1,11 промили алкохол во крвта.

За случајот е известен јавен обвинител, а по неговото документирање против приведениот ќе биде поднесена соодветна пријава.

The post ЈА БАРАЛ ЌЕРКА Ѝ, ПА ЈА СКРШИЛ ВЛЕЗНАТА ВРАТА Велешанец приведен по напад врз постара жена appeared first on plusinfo.mk.

Скопската полиција приведе 31-годишен маж по пријава дека физички нападнал двегодишно дете во двор од семејна куќа.

Според информациите од Министерството за внатрешни работи, настанот се случил на 13 јуни околу 19 часот.

„На 13.06.2026 во 19:15 часот во Скопје, полициски службеници од СВР Скопје го приведоа М.А.(31) од Скопје, постапувајќи по претходна пријава затоа што околу 19:00 часот во двор од семејна куќа физички нападнал двегодишно дете“, соопшти МВР.

Засега не се објавени повеќе информации за состојбата на детето, ниту за мотивите и околностите под кои дошло до инцидентот.

The post НАПАДНАЛ ДВЕГОДИШНО ДЕТЕ ВО ДВОР ОД КУЌА Скопјанец уапсен кратко по пријавата appeared first on plusinfo.mk.

Приведен е жител на Радовиш откако претходно се фалел преку социјална мрежа како пука.

Полицијата соопшти дека вчера (22.05.2026) го лишила од слобода Џ.Д.(29) од Радовиш. Претходно, на социјална мрежа бил објавен видео запис во кој се гледа како машко лице пука со пиштол. По преземени мерки било констатирано дека на видеото е С.А.(32) од Радовиш.

Врз основа на судска наредба, извршен е претрес во домот на С.А., при што во собата на неговиот брат Џ.Д. се пронајдени и одземени пушка, гасен пиштол, куршуми за гасен пиштол, куршуми со калибар 7,65 мм и меч со футрола. За настанот е известен јавен обвинител од Основното јавно обвинителство Струмица и по документирање на настанот ќе биде поднесена соодветна пријава.

The post СЕ ФАЛЕЛ НА ИНТЕРНЕТ КАКО ПУКА, ПОЛИЦИЈАТА ГО ПРИВЕДЕ Во собата имал куп оружје appeared first on plusinfo.mk.

Лишен од слобода е скопјанец кој пукал во воздух со сигнален пиштол на територија на општина Аеродром, соопшти полицијата.

На 11.05.2026 полициски службеници од СВР Скопје го лишија од слобода Ф.Д. (27) од Скопје затоа што на 11.05.2026 околу 16:20 часот на подрачјето на општина Аеродром во Скопје, од патничко возило БМВ со скопски регистарски ознаки во движење пукал во воздух со сигнален пиштол.

Со Ф.Д. е извршен службен разговор и од него е одземен сигнален пиштол со една рамка во која имало 11 парчиња муниција за сигнален пиштол со калибар 9 мм, за кој не поседувал дозвола.

Известен е јавен обвинител и по документирање на случајот, ќе биде поднесена кривична пријава по член 396 од КЗ.

The post ПУКАЛ ВО ВОЗДУХ ВО АЕРОДРОМ СО СИГНАЛЕН ПИШТОЛ Немал ни дозвола за пиштолот appeared first on plusinfo.mk.