Бујар Дардишта од ДУИ е уапсен при обид за бегство на граничниот премин Долно Блаце, објави Радио Лидер.

Дардишта се обидел да избегне апсење, но бил лоциран и приведен на граничниот премин Долно Блаце.

Ноќеска и рано изутринава полицијата спроведе акција на повеќе локации низ државата, при што приведе повеќе од 10 лица.

Бујар Дардишта е кадар на ДУИ, кој во изминатите години извршувал повеќе раководни функции во државната администрација. Најпознат е по мандатот како директор на Управата за водење на матични книги, институција која беше во фокусот на јавноста поради сериозни забелешки за начинот на работење и издавањето документи без целосна евиденција.

Информацијата во изјава за медиумите ја потврди министерот за внатрешни работи Панче Тошковски, кој присуствуваше на промоција на фотоволтаична централа поставена на Центарот за обука на МВР – донација на ОКТА.

УАПСЕН БУЈАР ДАРДИШТА ОД ДУИ ЗА ПЕРЕЊЕ ПАРИ Во акција на МВР приведени повеќе од 10 лица

The post БУЈАР ДАРДИШТА СЕ ОБИДЕЛ ДА ИЗБЕГА ПРЕД АПСЕЊЕТО Бил приведен на граничниот премин Долно Блаце appeared first on plusinfo.mk.