Лишен од слобода е кичевец, кој за да излезе порано од работа лажно пријавил дека има поставена бомба во РЕК „Осломеј“, соопшти полицијата.

На 05.03.2026 во 03:30 часот, полициски службеници од Полициското одделение Осломеј го лишија од слобода Р.Б.(44) од Кичево, вработен во РЕК Осломеј. Тој, во 02:25 часот испратил порака на својот шеф со која го информирал дека, имал сознание дека во еден оддел во РЕК „Осломеј“ има поставена бомба. По преземени мерки и извршени проверки со обезбедувањето, полициски службеници констатирале дека нема поставено бомба и дека се работи за лажно пријавување. По преземени мерки, Р.Б. е пронајден во викенд куќа во кичевското село Осломеј и е лишен од слобода. Притоа, тој признал дека е лажна пријавата и дека го измислил тоа за да може порано да си замине од работа.

Р.Б. е задржан во Полициската станица Кичево и по целосно документирање на случајот, против него ќе биде поднесена соодветна пријава.

The post ЗА ДА СИ ОДИ ПОРАНО ОД РАБОТА РЕКОЛ ДЕКА ИМА БОМБА Приведен кичевец кој измислил напад врз РЕК „Осломеј“ appeared first on plusinfo.mk.