Компаниите во приватниот сектор од денеска веќе можат да го исплаќаат  регресот за годишен одмор (К-15). законски обврската за исплата на регресот трае до 31 декември во годината.

Во земјава пресметката на К-15 не е фиксна сума, туку се менува во зависност од тоа кога работодавачот ќе донесе одлука за исплата. Основицата секогаш е: просечната месечна нето-плата по работник во РСМ исплатена во последните три месеци пред денот на исплатата. Законот пропишува дека регресот може да изнесува најмалку 40%, а најмногу 100% од просечната исплатена нето-плата во земјата, но има и исклучоци.

Според тоа, доколку работодавецот од приватен сектор овој месец донел одлука да исплати К-15, тогаш минималниот износ би изнесувал 19.116 денари, а највисокиот износ 47.790 денари.

Сумата е пресметана врз основа на просечните нето-плати за февруари, март и април 2026 година, кои изнесуваат 46.159, 48.433 и 48.779 денари. Просечната вредност е околу 47.790 денари, а согласно колективниот договор минималниот К-15 изнесува 40% од таа основица.

За јавниот сектор износот на К-15 е фиксен и изнесува 30% од просечната плата во претходната година. Таа за 2025 година изнесува 45.566 денари. Што значи износот на  К-15 за годинава во јавниот сектор за годинава е  13.670 денари.

Право на К-15 имаат вработените кои имаат најмалку 6 месеци непрекината работа кај истиот работодавач во текот на календарската година.

Работодавачите можат да исплатат и повисок износ, доколку тоа е утврдено со колективен договор или внатрешна одлука на компанијата.

Постојат и исклучоци, па фирмите кои работат со загуба или имаат финансиски потешкотии можат, согласно законските и колективните одредби, да исплатат понизок износ или во одредени случаи да бидат ослободени од обврската, но само со соодветна документација и одлуки усогласени со синдикатите.

Работодавците од приватниот сектор кои нема да им исплатат регрес за годишен одмор на своите вработени, односно К-15, треба да се подготвени да платат казна и до 4.000 евра.

Притоа, предвидена е глоба од 2.000 до 3.000 евра, која би ја платило правното лице, додека парична глоба во висина од 500 до 1.000 евра ќе плати одговорното лице кај работодавачот.

The post ПОЧНУВА ИСПЛАТАТА НА К-15 Како се пресметува износот за приватниот и за јавниот сектор? appeared first on plusinfo.mk.

Италија се подготвува за утрешниот генерален штрајк кој го најавија италијанскиот синдикат и Генералната италијанска конфедерација на трудот во знак на протест против националниот буџет за следната година, јави италијанската новинска агенција АНСА.

Штрајкот останува во сила осум часа или целосно работно време за целиот јавен и приватен сектор освен за транспорт. По релевантниот налог за враќање на работа, тој беше намален на четири часа во јавен, воздушен и поморски превоз.

Сепак, синдикатите поднесоа жалба до регионалниот административен трибунал во Лацио против наредбата за враќање на работа во транспортниот сектор, која ја издаде вицепремиерот и министер за транспорт Матео Салвини.

Двата синдикати го исклучија железничкиот транспорт од штрајк.

Врз основа на указот потпишан од Салвини, прекинот на авиосообраќајот ќе биде од 10 до 14 часот.

За автобуси, метро и трамваи, како и за бродови и траекти, ќе трае од 9 до 13 часот. Таксистите утре можеби нема да сообраќаат цел ден. Пожарникарите штрајкуваат од 10:00 до 14:00 часот.

Синдикатите сакаат повисоки плати, повеќе средства за здравството, образованието, јавните услуги и индустриските политики.

Утре ширум земјата ќе се организираат вкупно 43 демонстрации, при што генералниот секретар на Генералната италијанска конфедерација на трудот Маурицио Ландини ќе го затвори протестот во Болоња, а лидерот на италијанскиот синдикат Пјерпаоло Бомбардиери го затвори тој во Неапол.

The post УТРЕ ИТАЛИЈА ЦЕЛОСНО ЌЕ ЗАПРЕ Најавен масовен штрајк на јавниот и на приватниот сектор appeared first on plusinfo.mk.

Во автобус на еден од приватните превозници, синоќа бил пронајден млад скопјанец кој бил прободен со остар предмет, дознава 24инфо.мк.

19-годишниот скопјанец бил нападнат од две лица на постојката кај трговскиот центар Сити мол.

„За кратко време по нападот, полицијата уапсила едно малолетно лице на возраст од 15 години кој признал дека го сторил делото“, пишува порталот.

Повредениот скопјанец е задржан на скопските клиники, а напаѓачот е задржан во полициска станица.

The post ТИНЕЈЏЕР ПРОБОДЕН ВО АВТОБУС КАЈ СИТИ МОЛ Напаѓачот е 15-годишно момче кое го признало делото appeared first on plusinfo.mk.

Најголем дел од долгот или 91,3 милиони евра, е по основ на комуналии, транспорт, комуникации. На новата „должничка“ листа на првите три места се три државни фирми, а  41% од долговите се кон приватниот сектор.

Со вкупни доспеани а неплатени обврски во износ од 167,2 милиони евра на крајот на 2023 година, Јавните претпријатија на централно ниво и државните фирми се први на списокот според висината на долговите. Новите податоци на Министерството за финансии покажуваат дека секторски, според висината на доспеаните а неплатени обврски, на второ место се Општинските Јавни претпријатија со скоро 76,0 милиони евра.

Доспеани а неплатени обврски (2023)

ЈП на централно ниво и државни фирми 167 224 304 евра

Општински Јавни претпријатија 76 961 000 евра

Општини 58 649 360 евра

Извор: МФ

Општините се на високото трето место со долгови во износ од 58,6 милиони евра. Податоците покажуваат дека од вкупните неплатени обврски на државниот сектор, најголем дел или 213, 3 милиони евра се кон јавниот сектор, односно внатрешен долг меѓу самите институции. Од вкупната сума на доспеани а неплатени обврски на државните и локалните власти и институции, 41% се кон приватниот сектор – на крајот од 2023 година  е регистрирани долг во износ од 169,8 милиони евра.

Пријавени обврски

Кон јавен сектор 213 349 847 евра

Кон приватен сектор 169 787 700 евра

Кон странство 22 597 706 евра

Кон физички лица 2 417 709 евра

Доспеаните а неплатени обврски кон странство изнесуваат 22,5 милиони евра а кон физички лица 2,4 милиони евра.

Ако се анализира структурата на долгот, најголем дел во износ од 91,3 милиони евра е по основ на комуналии, греење, транспорт, комуникации. По основ на „други тековни расходи“ пријавени се обврски од 62,2 милиони евра, за материјали и ситен инвентар не се платени сметки во износ од 59,4 милиони евра а доспеаните неплатени обврски по основ на „договорни услуги“ изнесуваат 41,1 милион евра.

На новата „должничка“ листа на првите три места се наоѓаат три фирми по државна „капа“: МЖ Транспорт со доспеани а неплатени обврски во износ од 64,8 милиони евра, МЖ Инфраструктура со скоро 41,0 милион евра и ЕСМ Дистрибуција на топлина со пријавени обврски во износ од 22,2 милиони евра.

Доспеани а неплатени обврски

МЖ Транспорт 64 840 000 евра

МЖ Инфраструктура 40 923 000 евра

ЕСМ Дистрибуција на топлина 22 205 000 евра

Меѓу првите „десет“ најзадолжени и натаму е ЈУ од областа на здравството – заедничката служба за снабдување на клиниките, со пријавен долг од 21,7 милиони евра. И на оваа конечна должничка листа за 2023 година се наоѓаат голем број на болници и клиники. ЈЗУ Универзитетска клиника за радиотерапија пријавила долгови во износ од 6,5 милиони евра, ЈЗУ Универзитетска клиника за неврологија долг од скоро 4,4 милиони евра а Универзитетска клиника за трауматологија 4,1 милион евра.

Во десетте најзадолжени се и две Јавни претпријатија – ЈП Водовод и канализација – Скопје и ЈП Водовод Куманово како и две општини, Тетово и Гостивар.

The post АКО СИ ДРЖАВНО, МОЖЕШ И ДА НЕ ПЛАЌАШ Државни фирми, претпријатија и институции должат 408 милиони евра appeared first on plusinfo.mk.

Иако досега еден авион на домашната српска авиокомпанија го носи неговото име, првиот рекет на светот нема приватен авион, иако многу лесно можеше да си дозволи без проблем. Очигледно на Ѓоковиќ му е многу позгодно да изнајмува авион кога патува, па со години е клиент на компанијата „Нетџетс“ која му обезбедува посебен превоз.

Затоа може да се каже дека Србинот на одреден начин сепак поседува приватен авион, кој е целосно прилагоден на сите негови потреби, бидејќи е еден од најмодерните авиони.

Покрај супериорната удобност што авионот им ја овозможува на сите патници, тој е опремен и со интернет, како и катче со забавни содржини, така што може да се помине времето за време на долгите прекуокеански летови со гледање различни содржини.

– Спортот со кој се занимавам вклучува постојано патување. Но, компанијата се труди да ми удоволи како што треба и јас секогаш пристигнувам на време на мојата дестинација – изјави еднаш Ѓоковиќ.

The post ИМА МИЛИОНИ, НО ТОЈ СЕПАК РЕНТА Ноле од турнир на турнир лета со изнајмен авион appeared first on plusinfo.mk.

Како што соопштија денеска од Развојната банка, зголемувањето на поддршката на приватниот сектор ќе се реализира преку проширување на портфолиото на банката со издавање на царински гаранции.

Царинските гаранции, како што посочуваат од банката, беа предвидени со четвртиот сет економски мерки за ревитализирање на економијата. Со овој производ, ќе се олесни увозот на материјали заради облагородување кој се реализира како извоз во форма на производи и услуги.

– Преку Развојна банка на Северна Македонија досега се реализираа две бескаматни кредитни линии за поддршка на микро, мали и средни компании со кои се поддржаа околу 1.400 компании со 18 илјади вработени. Дополнително, преку Развојна банка се ставија на располагање на приватниот сектор 50,9 милиони евра поволни кредити од ЕИБ кредитната линија за проекти на 189 компании кои треба да вработат нови 605 лица – се наведува во соопштението.

Тековно од Развојната банка информираат дека се реализира третата бескаматна кредитна линија со грант компонента за микро и мали трговски друштва, ТП и занаетчии, за која поднесувањето на кредитни барања започнува во среда на 16 декември од 00:01 часот на полноќ.

Третата бескаматна кредитна линија се реализира со финансиска поддршка до 30 милиони евра од Европската Унија преку активноста „ЕУзаОтпорност“ од ИПА програмата, како и од буџетски средства во износ од 1 милион евра.

The post Приватниот сектор ќе добие поголема поддршка преку Развојната банка appeared first on plusinfo.mk.

И покрај коронакризата и проблемите што ги има државата и компаниите, работниците треба да очекуваат да им биде исплатен регрес за годишен одмор до крајот на горинава. Според пресметките, минималниот изос на регресот изнесува 10.884 денари. Сепак, компаниите кои не оствариле добивка годинава не се обврзани да исплатат К-15, но за тоа треба да ги информираат работниците. Синдикатите најавуваат тужби како за приватниот, така и за институциите кои нема да ја реализираат обврската.

Приватниот сектор кој со години веќе исплаќа К-15 на вработените веќе ги знае обврските и има исклучоци на компании кои не им го исплаќаат регресот на работниците. Кај дел од нив ударот на коронакризата е посилен и потешко можат да ја реализираат оваа обврска.

Иако е крај на годината, синдикатите сѐ уште не располагаат со податоци колку од фирмите кои требало да исплатат регрес не го сториле тоа. Првични податоци од нив можат да се очекуваат на почетокот на следната година.

– Кај малите фирми од секторите угостителство, туризам и дел од транспортот кои сѐ уште ги трпат последиците од пандемијата секако ние како синдикат не очекуваме дека ќе можат годинава да исплатат К-15. Но, тоа се само мал дел од компаниите, односно оние кои беа опфатени со мерките на владата. А според она што го имаме како податок, 30 отсто намален приход имаат само 30 отсто од компаниите кои аплицираа за поддршката на Владата. Останатите 70 отсто ќе треба да го исплатат регресот до крајот на годинава – вели претседателот на Конфедерацијата на самостојни синдикати, Благоја Ралповски.

Според него, компаниите кои до крајот на годинава нема да исплатат К-15 ќе се соочат со тужби од страна на работниците, а синдикатот ќе ги поддржи во тоа.

Од годинава и вработените во државната администрација треба да исплатат К-15, но Владата се повикува на одлука на седница од април годинава и одбегнува да ја реализира обврската.

Синдикатот на УПОЗ кој го потпиша Колективниот договор за државната администрација на почетокот на годинава, пак, со став дека одлуката не е повисок акт од Колективниот договор и Законот и бара Владата да го исплати регресот на околу 25.000 вработени во државната администрација.

– Сѐ уште преговараме со Владата и Министерството за информатичко општество и администрација за да најдеме начин како да се реализира ова право на раобтниците. Наш став е дека Владата е обврзана да го исплати износот од 9.000 денари за оваа група, но бараме начини како тоа да се направи и да нема последици врз буџетот – вели Трпе Деаноски од УПОЗ.

Деаноски појаснува дека според Колективниот договор обврската за исплата на К-15 и во државната администрација треба да се реализира до 31 декември во тековната година и синдикатот како потписник на тој договор стои до крај.

– Сепак, ќе видиме што ќе договориме, иако знаеме дека ниту во буџетот, ниту со ребалансите на буџетот за 2020 година Владата не обезбеди пари за исплата на регрес за годишен одмор. По истекување на рокот како синдикат ќе се договориме што ќе преземеме натаму – вели тој.

Претседателот на КСС Ралповски, пак, вели како и работодавачите кои треба да исплатат К-15 во приватниот сектор, а не го исплатиле, така и Владата односно институциите кои нема да им исплатат регрес на работниците ќе бидат тужени.

– Ако Владата и со дискриминирачкиот Колективниот договор што го потпиша се обврза да исплати К-15, тогаш тоа треба да го реализира, а не со некаква Одлука која не е на ниво на закон како колективниот договор, да бара да биде поштедена. Ние како синдикат кој има членови во државната администарација ќе ги поддржиме работниците да тужат. Не може на секој чекор и со одлуки на влада да се укинуваат стекнатите права на работниците со закон и Колективен договор кој е еднаков на закон – додава Ралповски.

Според Колективниот договор, работниците имаат право да тужат за да го добијат предвидениот износ, а според Законот ова побарување на работниците не застарува во рок од три години, односно до 31 декември 2023 година до кога Владата може да ја одлага исплатата на парите за К-15.

Законот предвидува и казна до 4.000 евра за работодавачите кои нема да дадат К-15 или пак ќе го побараат назад од вработените.

Основен услов кој треба да го исполни еден работник да добие К-15 е најмалку 6 месеци да работи во календарската година кај ист работодавач.

The post Работниците очекуваат К-15 до Нова година, газдите до последно калкулираат appeared first on plusinfo.mk.

– Кога велиме дека ќе користат боледување и дека 100 процентно ќе биде покриено тоа значи дека Фондот го презема товарот. Значи, остануваат законските одредби – 15 дена работодавачот, после тоа, законската обврска ја презема Фондот – појасни Битиќи, одговарајќи на новинарски прашања по денешниот настан во Старата Скопска Чаршија.

Прашан дали ќе има кратење на примањата на вработените во јавната администрација поради тоа што таа работи онлајн, вицепремиерот Битиќи рече дека има ротации во работењето на администрацијата, но оти тоа не значи дека тие вработени не се на работа, туку дека работат и од дома онлајн.

– Мислам дека треба полека да го менуваме односот кон адмиистрацијата. Не треба да се однесуваме дискриминирачки кон нив. Тоа се наши сограѓани и тие не се имуни на ковид-19 за да кажеме дека одредено право не важи за нив. Точно е дека има ротација, но и тогаш, тие работат од дома – нагласи Битиќи.

The post Битиќи: За сите важи одлуката да биде покриено боледувањето од ковид-19 appeared first on plusinfo.mk.

Ќе се елиминира, укажа, преклопување на надлежности меѓу институциите.

– Ќе има јасен план за спојување и укинување на постоечки институции или за нови институции неопходни согласно процесот за преговори членство во ЕУ. Со оглед на фактот што кај голем дел од институциите е детектирано преклопување на надлежностите бројот на вработени во јавниот сектор ќе се намали – наведе Шаќири.

Тој истакна дека како отворена опција за намалување на вработените во јавниот сектор се пакетите за трансфер во приватниот сектор.

Според него, трансферот на вработени од јавниот во приватен сектор е дел од воведување добра професионална активна и ефикасна реорганизирана администрација. Со редуцирање на работната сила во јавниот сектор, тврди, нема да се оштетат вработените, а бенефит ќе има приватниот сектор каде што има недостиг на вработени.

За планираното распоредување и реорганизација ќе се формираат работни групи составени од професионалци, членови на академската заедница и претставници на Владата.

– Соработката на овој начин на највисоко експертско и политичко ниво е неопходна со цел промените кои ќе ги претрпи јавната администрација да се целосно оправдани на долг рок, поткрепени со силни аргументи и секако во служба на вработените и граѓаните на РСМ. Продолжуваме со професионализација на високите раководни структури преку обезбедување на јавно разграничување меѓу политичко и професонално ниво на администрацијата, согласно стратегијата за реформа на јавната администрација 2018/ 2022 со акциски план и политика за внатрешна контрола на јавниот сектор 2019/2021 и со акциски план – рече Шаќири.

Тоа, појасни, ќе се направи со транспарентни и конкурентни постапки засновани на заслуги за избор и престанок на работа на високите раководители од јавниот сектор.

Одговарајќи на новинарски прашања најави повеќе детали околу намалувањето на бројот на институциите по завршувањето на хоризонталната анализа, а првиот состанок за тоа со ангажираните ескперти е планиран за декември годинава. Откако ќе се анализираат и обработат податоците и ќе бидат консултирани коморите и синдикатите ќе се направи потребното усогласување на законите за административни службеници и за јавен сектор.

Шаќири најавува и воведување на концептот менаџерска отчетност, дефинирање на надлежности на сите нивоа во администрацијата.

-Се предвидува оценување базирано на докази со евиденција на остварени резултати врз основа на реализација на работните цели и задачи, придонес кон остварување на стратешкиот план на институцијата, личен удел и ангажираност на административниот службеник во дефинирањето планирањето на реализација и следење на резулатите утврдени со стратешки план на институцијата, демонстрирање на компетенции за работно место и посветеност на учење и развој, самооценување и оценување од другите оценувачи, рече Шаќири.

Ќе се воведе систем на оценување на институциите, а чија цел е постојано унапредувањена работење и процесите на организациите, мотивираноста на вработените и следење на перформансите.

– Со новите измени ќе се воведе процедура за управување со ефектот за сите вработени во јавниот сектор преку утврдување на целите и задачите и евиденција на постигнатиот успех. Со почеток на 2022 година ќе се овозможи секој вработен во јавниот сектор согласно постигнатиот успех да добие пет проценти на плата – наведе министерот Шаќири

Тој дополни дека во првата година од мандатот ќе соработуваат со Министерството за труд и социјална политика за подготовка на целосно нов закон за плати во јавниот сектор кој ќе овозможи еднаква плата за еднаква работа и еднакво вложен труд и одговорност за својата работа.

Како што информираше, со предлог законот за административни службеници ќе се изврши усогласување со Законот за работни односи ќе се доуреди правната празнина за престанок на работниот однос на административниот службеник по сила на закон со навршени 64 години возраст и најмалку 15 години пензиски стаж. Министерството ќе го поддржи МТСП во процесот на креирање на политики со кои ќе се укине можноста за работа по неполни 64 годин возраст, освен во дефицитарните кадри.

The post Шаќири: Останува опцијата администрацијата да се намали и со трансфер во приватниот сектор appeared first on plusinfo.mk.

Како што соопшти владината прес-служба, на предлог на Развојна банка, Владата денеска ја разгледа и усвои третата информација до Владата на Северна Македонија за обработени компании кои ги исполнуваат условите и критериумите за бескаматни кредити. На вкупно 377 компании со 2.735 вработени, им се одобри користење на бескаматни кредити во вкупен износ од 2.533.892 евра.

Во трите групи заедно, се одобрени вкупно 631 кредитни апликации во вкупен износ од 4,7 милиони евра, за компании со 5.588 вработени.

По структура од вкупно одобрените кредитни апликации, микро компаниите до 10 вработени учествуваат со 76 отсто, малите компании до 50 вработени учествуваат со 22 отсто, а средните компании до 250 учествуваат со еден отсто.

Од вкупно одобрените 4,7 милиони евра, 2,1 милион евра се одобрени на компании во транспортната дејност, 2,4 милиони евра се одобрени на компании од угостителството, додека останатите се одобрени на компании во туризмот (туристички агенции и туроператори).

На денешната седница Владата ја разгледа и усвои Информацијата за исплата на парични права од социјална заштита за април 2020 година. Задолжено е Министерството за труд и социјална политика да ги достави податоците за корисниците на парични права од социјална заштита до деловните банки најдоцна до 30 април 2020 година.

Владата донесе заклучок да им се препорача на деловните банки да обезбедат достапност на средствата од априлските исплати на паричните права од социјална заштита преку банкомати и во трговските мрежи од четврти мај 2020 година.

На владината седница е донесена и Уредба со законска сила за примена на Законот за угостителската дејност за време на вонредна состојба со која се регулира времето на продолжување на важноста на лиценцата за вршење на угостителска дејност во ноќен бар, кабаре, дискоклуб и дискоклуб на отворен простор за период од шест месеци.

The post 50 милиони евра заем од Светска банка за исплата на плати за работниците во приватниот сектор appeared first on plusinfo.mk.