– Сакаме да ја информираме јавноста дека во последниот период има значителен интерес за пристапување на нови членови во ЗНАМ, кои се разочарани од раководството на СДСМ, речиси во сите градови во Македонија. Во оваа пригода ги охрабруваме граѓаните по слободна волја да пристапат во канцелариите на Движењето ЗНАМ – рече Мемов.

Зголемен интерес за членство во ЗНАМ сопартијците на Максим Димитриевски забележале веднаш по изборите на 8 мај, кога јавно рекоа дека вратите се отворени за сите заинтересирани.

Портпаролот Мемов најави дека до крајот на годината ќе се утврди процедурата за дооформување на новите општински организации за што било дискутирано на последната седница на централниот одбори.

За заменик-министри од ЗНАМ едногласно се избрани Мирослав Лабидовиќ и Радослав Настасијевиќ-Варџиски.

Од СДСМ возвраќаат дека ЗНАМ живее во сопствена илузија дека е голем политички фактор, а всушност има само епизодна и „дрско манипулираа со асномската идеологија за евтиното ветување дека Максим Димитриевски ќе добие уште еден градоначалнички мандат во Куманово“.

The post РАЗОЧАРАНИТЕ ЧЛЕНОВИ ОД СДСМ ДОАЃААТ ВО ЗНАМ Партијата на Димитриевски тврди дека интересот е голем appeared first on plusinfo.mk.