„И оваа меѓународна компаративна студија покажа дека на нашиот воспитно-образовен систем му се потребни крупни промени, за да можат нашите ученици да ги подобрат знаењата. Затоа, делуваме во сите сегменти на образованието, почнувајќи од основното, постепено и со консултација со сите засегнати чинители. Најавивме и во сѐ поголем број училишта реализираме продолжен престој во училиште, како можност за повеќе наставни и воннаставни активности, подобро совладување на материјалот, стекнување нови вештини, развивање интереси. Преку процесот на оптимизација, градиме ефикасна училишна мрежа која ќе доведе до најдобар успех на учениците со рационално користење на ресурсите. Го реформираме гимназиското образование, го прошируваме концептот на дуално образование и развиваме нови регионални центри за стручно образование и обука. Наставниците продолжуваат со сериозни обуки, затоа што тие се темелот на целиот воспитно-образовен систем“, с енаведува во соопштението од МОН.

Оттаму сметаат дека резултатите на државата на меѓународните тестирања ќе се подобрат само како резултат на реално подобрување на квалитетот на целиот воспитно-образовен систем.

TIMSS (Trends International Mathematics and Science Study) е интернационална студија во која се мерат постигањата на учениците по математика и природна група предмети (природни науки, физика, хемија, биологија), како и факторите кои влијаат на тие постигања.

Во меѓународни рамки, Сингапур го држи првото место и по математичка писменост и по наука.

The post ПО МАТЕМАТИКА СМЕ НА 44 МЕСТО ОД 58 ДРЖАВИ По Природни науки сме уште послаби на меѓународното тестирање ТИММС appeared first on plusinfo.mk.

– Новина за предметот Природни науки е тоа што од седмо до деветто одделение наставните предмети Биологија, Хемија и Физика се интегрираат во нов наставен предмет природни науки, како подделни модули во рамките на самиот наставен предмет. Тоа значи дека, во суштина научните дисциплини Биологија, Хемија и Физика и понатаму остануваат да се изучуваат како досега, во однос на обемот, само што се преструктурирани во наставниот план. Овие три модули, модул биологија, модул хемија и модул физика, од еден аспект како модули се независни. На пример, во модулот биологија ќе се изучуваат исклучиво наставни теми и наставни содржини коишто се од научната област биологија. Соодветно и во другите два модула – рече Иванка Мијиќ, советник во Бирото за развој на образование во гостување на Македонската радио-телевизија, објаснувајќи го начинот на кој ќе се обединат модулите во интегрираниот предмет природни науки.

Таа посочи дека со новата концепција ќе има континуитет во изучувањето на природните науки, затоа што сега од прво до шесто одделение постои наставен предмет природни науки, во седмо одделение, рече, постои прекин во изучувањето на научните дисциплини хемија и физика и со новата концепција тој ќе се надмине.

– Согласно новата концепција, од научните дисциплини хемија и физика, она што се изучува во осмо одделение, во иднина ќе биде распределено во две одделенија, во седмо и во осмо одделение, така што на учениците ќе им се обезбеди континуитет во учењето, што е навистина чекор напред – рече Мијиќ.

Таа додаде дека сите модули во предметот Природни науки во текот на учебната година одделно ќе се реализираат и континуирано, од почетокот до крајот на учебната година. Секој од овие модули ќе го предава компетентен наставник.

– Тоа значи ако наставникот е универзитетски профилиран и е наставник по биологија, ќе го предава исклучиво модулот биологија. Наставниците по хемија ќе го предаваат модулот по хемија, наставниците по физика модулот по физика. Наставниците што имаат завршени двопредметни студии, на пример и биологија и хемија, може да ги предаваат и двата модула – посочи советничката во Бирото за развој на образованието.

The post Предметот Природни науки ќе го предаваат тројца наставници appeared first on plusinfo.mk.