Најмалку 18 лица загинаа во земјотресот со јачина од 7,1 степен според Рихтеровата скала, кој вчера ја погоди Јапонија.

Се очекува бројот на жртвите да се зголеми, бидејќи многу лица сè уште се водат како исчезнати по силниот потрес што ја погоди префектурата Кумамото, на јужниот остров Кјушу.

Земјотресот достигна интензитет Шиндо 7, највисоко ниво на јапонската скала за сеизмички интензитет, соопштија локалните власти.

– Изразувам најдлабоко сочувство до семејствата на загинатите – изјави јапонската премиерка Санае Такаичи, додавајќи дека владата ќе ги ангажира сите расположливи ресурси за да спаси што е можно повеќе луѓе, објави „Japan Times“.

Таа најави дека во најтешко погодените подрачја ќе бидат испратени храна, вода и други неопходни залихи.

Според локалните власти, најмалку 62 лица се повредени, од кои шест се во тешка состојба.

Без електрична енергија останале речиси 34.900 домаќинства, додека околу 15.000 се без водоснабдување. Повеќе од 8.800 жители ги напуштиле своите домови и се сместени во над 400 привремени засолништа.

Најмалку четири лица загинаа при уривање на трговски центар во градот Кашима, откако силна експлозија ја уништила зградата.

Властите ја истражуваат можноста несреќата да била предизвикана од експлозија на гас, бидејќи спасувачките екипи пријавиле мирис на гас во објектот, пишува „Japan Times“.

Стотици спасувачи, меѓу кои припадници на Јапонските сили за самоодбрана, пожарникари и полицајци, продолжуваат со потрагата по преживеани.

The post НАЈМАЛКУ 18 ЗАГИНАТИ ВО РАЗОРНИОТ ЗЕМЈОТРЕС Расте бројот на жртви, илјадници Јапонци без струја и вода appeared first on plusinfo.mk.

Речиси еден месец по разорните земјотреси што ја погодија северна Венецуела, спасувачките екипи во градот Карабаледа објавија неверојатна вест – од урнатините е извлечен жив човек, дури 28 дена по катастрофата.

Спасувањето се случило по повеќедневно пребарување на остатоците од една срушена станбена зграда, каде спасувачите регистрирале слаби знаци на живот.

Според локалните власти, мажот бил пронајден во мал воздушен џеб меѓу бетонските плочи. Веднаш по извлекувањето му била укажана итна медицинска помош, а потоа бил пренесен во болница. Лекарите соопштиле дека е дехидриран и исцрпен, но дека покажувал знаци на стабилизација.

Разорните земјотреси со јачина од 7,2 и 7,5 степени според Рихтер ја погодија Венецуела на 24 јуни, при што најтешко настрадаа крајбрежните области на државата Ла Гуаира, особено Карабаледа. Во катастрофата загинаа илјадници луѓе, десетици илјади се водеа како исчезнати, а огромен број објекти беа целосно уништени.

 

View this post on Instagram

 

A post shared by Wake Up Church Now (@wakeupchurchnow)

The post 🎥 ЧУДО ВО ВЕНЕЦУЕЛА По 28 дена под урнатините жив бил пронајден маж во Карабаледа appeared first on plusinfo.mk.

Земјотрес со јачина од 5 степени според Рихтеровата скала ја погоди источната турска провинција Малатија рано утринава, соопшти турската Агенција за управување со катастрофи и вонредни состојби (АФАД).

Според податоците на АФАД, земјотресот бил регистриран во 6:20 часот по локално време, со епицентар во округот Баталгази.

Потресот бил на длабочина од 15,59 километри под површината на земјата.

Тресењето на тлото било почувствувано и во соседните провинции Елазиг, Адијаман, Тунџели и Шанлиурфа.

Засега нема информации за евентуални жртви, повредени лица или материјална штета, а надлежните служби продолжуваат со проверка на состојбата на терен.

Малатија е една од турските области кои беа тешко погодени во разорниот земјотрес во февруари 2023 година, кога во јужниот дел на Турција и северна Сирија загинаа десетици илјади луѓе.

The post ТУРЦИЈА ПОВТОРНО СЕ ТРЕСЕ Земјотрес од 5 степени утринава ја разбуди Малатија appeared first on plusinfo.mk.

Бројот на загинати во двата разорни земјотреса што кон крајот на јуни ја погодија Венецуела се искачи на 5.069 лица, соопштија властите, додавајќи дека повеќе од 20.000 луѓе моментално живеат во привремени кампови.

Според податоците што ги објави претседателот на Народното собрание, Хорхе Родригез, преку платформата Телеграм, во земјотресите биле повредени 16.740 луѓе, додека 6.462 лица биле спасени од урнатините и погодените подрачја.

Властите информираат дека 17.907 жители останале без своите домови, а 21.235 лица се распоредени во 107 привремени кампови обезбедени по катастрофата.

Земјотресите предизвикале големи материјални штети. Оштетени се 856 објекти, од кои 190 целосно се урнале.

Во справувањето со последиците учествуваат повеќе од 65.000 луѓе, меѓу кои припадници на спасувачките служби, државни институции, волонтери и тимови од странство.

Катастрофата ја погоди Венецуела на 24 јуни, кога во интервал од само 39 секунди биле регистрирани два силни земјотреса со магнитуда од 7,2 и 7,5 степени според Рихтеровата скала.

По разорните потреси, властите прогласија вонредна состојба, а меѓународната заедница започна со испраќање спасувачка и хуманитарна помош за погодените региони.

The post НАД 5.000 ЖРТВИ ПО ДВАТА РАЗОРНИ ЗЕМЈОТРЕСИ Венецуела во вонредна состојба над 17.000 луѓе останаа без своите домови appeared first on plusinfo.mk.

Бројот на загинати во двата катастрофални земјотреса што ја погодија Венецуела се искачи на 4.118, соопшти претседателот на Народното собрание, Хорхе Родригез.

Според официјалните информации, во земјотресите што ја погодија земјата на 24 јуни се повредени 16.740 лица, додека 17.907 жители останале без своите домови.

Двата силни потреса, со магнитуда од 7,2 и 7,5 степени според Рихтеровата скала, најтешко ги погодија главниот град Каракас и крајбрежниот регион Ла Гваира.

По главните потреси биле регистрирани повеќе од 600 последователни земјотреси со помал интензитет, што дополнително ги отежнало спасувачките операции и ја зголемило неизвесноста кај населението.

Надлежните институции продолжуваат со расчистување на урнатините, потрага по евентуално преживеани и обезбедување помош за илјадниците семејства кои останаа без покрив над главата.

The post РАСТЕ БРОЈОТ НА ЖРТВИТЕ ВО ВЕНЕЦУЕЛА Над 4.100 лица загинаа во катастрофалните земјотреси appeared first on plusinfo.mk.

Најмалку 12 лица загинаа во големиот шумски пожар што ја зафати шпанската област Андалузија, а локалните власти го опишаа како „најразорниот пожар досега“ што го погодил регионот.

Според информациите на регионалната влада на Андалузија, бројот на жртви пораснал откако рано утринава била потврдена смртта на уште шест лица во пожарот што избувнал во општината Лос Гаљардос, во провинцијата Алмерија.

Властите соопштија дека околу 1.000 луѓе биле евакуирани превентивно поради брзото ширење на огнот и опасноста за населените места.

Особено потресни се информациите дека дел од жртвите биле пронајдени во возила зафатени од пламенот во едно населено место во соседната општина Бедар. Според службите за итни случаи, луѓето најверојатно се обидувале да избегаат од пожарот, но огнената стихија ги стигнала.

Владините извори предупредуваат дека бројот на жртви сè уште не е конечен, бидејќи спасувачките екипи продолжуваат со пребарување на погодените подрачја.

Според сведоштва доставени до службите за итни случаи, пожарот најверојатно започнал откако далновод паднал во близина на автопатот Н-340, по што огнот брзо се проширил низ околната шумска област.

Во гаснењето учествуваат околу 150 пожарникари и четири противпожарни возила, заедно со специјализирани единици за шумски пожари, медицински тимови и регионални служби за итни ситуации.

Министерот за претседателство, здравство и итни ситуации на Андалузија, Антонио Санс, изјави дека станува збор за „најразорниот пожар досега“ во регионот и ја опиша состојбата како „невидена трагедија“.

Претседателот на регионалната влада на Андалузија, Хуан Мануел Морено, преку социјалните мрежи порача дека е „скршен од срце и уништен“ од трагичните вести.

Шпанскиот премиер Педро Санчез изрази длабока потресеност поради последиците од пожарот и упати сочувство до семејствата на загинатите.

The post 📽️ АПОКАЛИПСА ВО АНДАЛУЗИЈА, ЛУЃЕ ЖИВИ ГОРЕА ВО ВОЗИЛА Најмалку 12 мртви во страшниот пожар во Шпанија appeared first on plusinfo.mk.

Торнадо со ветрови до 260 километри на час усмрти најмалку 11 лица во кинеската покраина Хубеи, а локалните медиуми објавија дека 30-годишен маж бил извлечен од својот стан на 12. кат. Во исто време, поплавите во јужна Кина ослободија повеќе од 800 змии од една фарма, меѓу кои и кобри.

Видео од торнадото покажува како ветерот урива куќи, превртува возила и носи тешки предмети низ улиците. Во друга покраина, жителите организирале потрага по избеганите влекачи, откако еден човек бил каснат и пренесен во болница.

7月6日，湖北黄冈市黄州区出现巨型龙卷风，所过之处一片狼藉，大量房屋损坏

【湖北应急预警】黄冈市气象台2026年7月6日19时56分发布强对流橙色预警信号：受强对流云团影响，预计未来3小时，黄州城区及部分乡镇将出现分散性短时强降水、10级以上雷暴大风、小冰雹等强对流天气，最大小时雨强40-70毫米 pic.twitter.com/QMdwUN6ZiF

— 李老师不是你老师 (@whyyoutouzhele) July 6, 2026

JUST IN: 170 hospitalized after powerful tornado strikes Huanggang in Hubei, China https://t.co/Fd1CJOdhec pic.twitter.com/zxa5TbscvD

— Rapid Report (@RapidReport2025) July 7, 2026

【广西横州洪水冲毁养蛇场，十多名村民被蛇咬】广西横州市的私人养殖场及养蛇场被洪水冲毁，大量蛇类逃逸，目前已有蛇窜入居民楼。从横州市重灾区撤离的村民称，已有十余人被蛇咬伤，主要来自亚陂村和旺庄村，部分被困人员仍未获救。… https://t.co/G3PInVngXx pic.twitter.com/Kq39hjFTe9

— 王局拍案 (@wangjupaian) July 7, 2026

The post 📽️ ТОРНАДО ВО КИНА ОДДУВА ЧОВЕК ОД 12. КАТ Поплавите ослободија 800 змии од една фарма appeared first on plusinfo.mk.

Една недела по катастрофалните земјотреси што ја погодија Венецуела, бројот на загинати се искачи на најмалку 2.295, додека 11.267 лица се повредени, соопшти претседателот на Националното собрание, Хорхе Родригез.

Во најтешко погодените подрачја и натаму трае потрагата по преживеани. Во спасувачките операции се вклучени повеќе од 26.000 припадници на службите за итни случаи и над 17.000 волонтери.

Иако надежите за пронаоѓање нови преживеани под урнатините сè повеќе се намалуваат, спасувачките екипи не се откажуваат. Според официјалните податоци, досега од урнатините биле извлечени живи 6.461 лице.

По двата силни земјотреси со јачина од 7,2 и 7,5 степени според Рихтер, кои ја погодија земјата на 24 јуни, регистрирани се уште 782 последователни потреси. Иако нивниот интензитет постепено се намалува, властите предупредуваат дека опасноста од нов силен земјотрес сè уште не е целосно отстранета.

Во меѓувреме, Панамериканската здравствена организација (PAHO) предупреди дека катастрофата може дополнително да ја влоши здравствената криза во земјата.

Според организацијата, стотици илјади луѓе имаат потреба од итна медицинска помош, поради што е упатен апел за 24 милиони долари меѓународна помош. Средствата треба да обезбедат набавка на лекови, вакцини и стабилизирање на здравствениот систем во најпогодените региони во следните шест месеци.

Привремената претседателка Делси Родригез прогласи седумдневна национална жалост и изрази сочувство до семејствата на загинатите.

Во исто време, властите се соочуваат со сè поголеми критики од јавноста, бидејќи многу граѓани сметаат дека реакцијата на државните институции по катастрофалните земјотреси била бавна и недоволно ефикасна.

The post БИЛАНСОТ ОД КАТАСТРОФАТА РАСТЕ ОД ЧАС ВО ЧАС Над 2.200 загинати во Венецуела, спасувачите сè уште копаат по преживеани appeared first on plusinfo.mk.

Бројот на загинати во двата разорни земјотреси што ја погодија Венецуела се искачи на 589 лица, додека 2.980 луѓе се повредени, соопшти денеска вршителката на должноста претседател Делси Родригез.

Родригез, опкружена со владини претставници и припадници на армијата, го поздрави пристигнувањето на меѓународните спасувачки тимови кои веќе се вклучуваат во потрагата по преживеани.

– Ќе ги спасиме луѓето што се заробени. Неуморно работиме на оваа задача – изјави Родригез.

Според неа, најтешко погодена е венецуелската држава Ла Гваира, каде што последиците од двата силни земјотреси со магнитуда од 7,2 и 7,5 степени се најголеми.

Таа посочи дека ситуацијата во регионот е ставена под контрола на армијата, додека спасувачките екипи продолжуваат со интензивна потрага по преживеани под урнатините и паралелно дистрибуираат храна, вода и друга неопходна помош за погоденото население.

Надлежните предупредуваат дека бројот на жртви може дополнително да расте, бидејќи спасувачките операции продолжуваат во повеќе тешко погодени подрачја.

The post 589 ЛИЦА ЗАГИНАА ВО ВЕНЕЦУЕЛА Речиси 3.000 повредени по двата катастрофални потреси appeared first on plusinfo.mk.

Венецуелката Грасиела Мора успеала да преживее под урнатините на срушена зграда во венецуелскиот град Ла Гваира. Додека спасувачите ја извлекувале на безбедно, таа била свесна и зборувала за драмата што ја преживеала за време на разорните земјотреси.

– Кога почна земјотресот, се држев за рамката на вратата најсилно што можев. Толку силно што си го скршив прстот – раскажала Мора.

Според нејзиното сведоштво, останала да се држи за рамката сè додека катовите над неа почнале да се уриваат.

Видела рака меѓу урнатините

Најемотивниот момент дошол кога низ правот и бетонските блокови забележала рака.

– И тогаш видов рака и ја зграпчив – рекла Венцуелката.

Токму тогаш сфатила дека спасувачите стигнале до неа.

Снимката од нејзиното спасување брзо се прошири на социјалните мрежи и стана еден од симболите на трагедијата што ја погоди земјата.

‘Até agora ainda não tive chance de chorar’ Graciela Mora estava consciente ao ser resgatada dos escombros de um edifício que desabou em La Guaíra, uma cidade litorânea próxima à capital da Venezuela, Caracas. Mais sobre o terremoto: https://t.co/KJMeq5Z4bV pic.twitter.com/S7YTIuxFOy

— BBC News Brasil (@bbcbrasil) June 26, 2026

По илјадници луѓе сè уште се трага

Спасувачките екипи и натаму водат трка со времето низ урнатините.

Според последните податоци, повеќе од 50.000 лица сè уште се водат како исчезнати.

Потврдена е смртта на најмалку 235 луѓе, а над 4.300 се повредени.

Во многу населби граѓаните сами копаат низ урнатините, често со голи раце, бидејќи недостига механизација и спасувачка опрема.

Помош од целиот свет

Американската војска веќе испраќа транспортни авиони и бродови со помош.

Кон Венецуела се упатени и специјализирани спасувачки тимови со кучиња-трагачи.

Катастрофата беше предизвикана од два силни земјотреси од 7,2 и 7,5 степени според Рихтеровата скала.

И двата потреса биле релативно плитки, што дополнително ги зголемило разорните последици врз населените места во северниот дел на земјата.

The post 📽️ НЕ ПОПУШТИЛА, СЕ ДРЖЕЛА ЗА РАМКА ДОДЕКА ПАЃАЛЕ КАТОВИТЕ Венецуелка даде изјава неколку секунди по спасувањето appeared first on plusinfo.mk.