Македонија и понатаму се соочува со негативен природен прираст и демографско стареење, при што во првото тримесечје од 2026 година негативен прираст е забележан во 66 општини низ земјава, покажуваат најновите податоци на Државниот завод за статистика (ДЗС), додека истовремено се потврдува продолжување на трендот на намален наталитет и зголемена смртност.

Според податоците на ДЗС, во првите три месеци од годинава се родени 3.380 деца, што претставува пад од 4,1% во споредба со истиот период минатата година. Во истиот период, бројот на починати лица изнесува 5.342, што е намалување од околу еден% во однос на првиот квартал лани. Меѓу починатите се евидентирани и девет доенчиња.

Дополнителни податоци на Евростат покажуваат дека Македонија бележи континуиран пад на бројот на жители, што ја позиционира земјата меѓу државите со изразени негативни демографски трендови во Европа. Според европската статистика, бројот на жители се намалил за околу 14.500 лица во период од три години, од 1.837.114 жители во 2022 година, на 1.822.612 жители во 2025 година.

Како клучни фактори за ваквите движења се наведуваат негативниот природен прираст и иселувањето, тренд кој е присутен подолг период и влијае на демографската структура на земјата.

Во првиот квартал од годинава склучени се вкупно 1.797 бракови што, според податоците на Државниот завод за статистика, е намалување за 2,7% во споредба со истиот период од 2025 година.

Во првото тримесечје од годинава, пак, регистрирани се 494 разводи, што е зголемување од 6,2 % во споредба со истиот период од 2025 година.

Социологот Илија Ацески оценува дека проблемот е сложен и дека последиците веќе се чувствуваат, посочувајќи дека корените се поврзани со образовниот систем и промените во вредносните ставови кај младите генерации.

Во меѓувреме, Македонската православна црква најави формирање фонд за помош на многудетни семејства, додека Владата разгледува мерки како даночни олеснувања за мајки, поддршка за семејствата и зголемување на јавната свест за демографските предизвици.

Дополнително, институциите формираа и специјални механизми за следење на демографските движења, но според анализите, ефектите засега не се видливи во статистиката.

Новата власт веќе назначи и специјален советник за намален наталитет, а Министерството за труд доби проширени надлежности за демографија и млади. Сепак, засега нема видливи резултати.

Македонија останува меѓу земјите со сè поголем број пензионери и сè помал број новородени, што дополнително го продлабочува демографскиот ризик.

The post ПОВЕЌЕ УМРЕНИ ОТКОЛКУ РОДЕНИ, СЀ ПОМАЛКУ БРАКОВИ, СЀ ПОВЕЌЕ РАЗВОДИ Македонија демографски тоне, покажува статистиката appeared first on plusinfo.mk.

Очекуваниот животен век во Македонија се зголеми за една година и достигна 76,6 години, но земјата продолжува да се соочува со негативен природен прираст. Во 2024 година се родиле 16.061 деца, а починале 20.201 лица, што значи намалување на населението за над 4.000 жители. Позитивен прираст имало само во Скопскиот регион, додека во останатите региони бројот на починати значително го надминал бројот на родени.

Позитивен прираст во Скопскиот регион најмногу има во Сарај (+8,4) и Чаир (+5,5 на 1.000 жители). Најголем пад имало во Ново Село (-14,8) и Новаци (-13,7). Бројот на бракови лани се намалил за 1.600, а разводите се зголемиле за 259. Најмногу разводи на 1.000 бракови имало во Вардарскиот, Источнио и во Југоисточниот регион – над 200.

Ова го покажуваат податоците од „Статистичкиот годишник на Република Северна Македонија 2025“, објавен од Државниот завод за статистика.

Просечниот очекуван животен век во земјава е зголемен за една година на 76,63 години, споредено со 75,32 во 2023 година. Подолговечни се жените со просек од 78,86 години, односно речиси четири ипол години повеќе од мажите чиј животен век е 74,48 години.

Во последните шест години, од 2019 година земјава има негативен природен прираст. За една година во земјава се родиле 16.061 дете, а починале 2. 201 лице, што е намалување од 4.140 лица.

Само за една година бројката на живородени деца е намалена за речиси 700, од 16.737 во 2023, на 16.061 во 2024 година.

По региони само во Скопскиот изминатата година имало позитивен природен прираст, а во сите останати негативен. Во четири региони – Пелагонискиот, Вардарскиот, Источен и Југоисточен негативниот прираст на 1.000 жители бил над 4, што е речиси двојно повеќе од просечниот на ниво на држава – 2,3.

Во Скопје најголем природен прираст имало во Сарај +8,4 и Чаир +5,5 на 1.000 жители, а најмал природен прираст во Кисела Вода – 4,2 и во Карпош – 3,9 на 1.000 жители.

На ниво на држава, најголем природен прираст имало во Арачиново +10,5, Студеничани +9,7, Сарај +8,4, Липково +6,2, Чаир +5,5, Зелениково +5,3 и Шуто Оризари +5,2.

Најмал природен прираст на ниво на држава имало во Ново Село – 14,8, Новаци – 13,7, Старо Нагоричани – 13,6, Кратово – 12,8, Берово и Чешиново и Облешево по – 10,3 и Росоман – 10,2.

Бројот на живородени деца во последните десетина години е во постојан пад, од 23.002 во 2016 година. Најголем негативен природен прираст има во 2021 година, кога се родиле 18.648, а починале 28.516 лица, што е намалување на населението од – 9.868 лица.

Најголем дел од живородените деца 42,7 проценти се првородено, 38,1% второродени, 13,2% третородено, 3,7% четвртородени и 1% петтородено. Според возраста на мајката најголемиот дел од децата 31,8% биле од мајки на возраст меѓу 25 и 29 години и 30,8% на мајки на возраст меѓу 30 и 34 години.

Најчеста причина за смртта се болести на циркулаторниот систем (36,6%), неоплазми (19,6%) и Ендокрини, нутритивни и метаболички болести (7,7%).

Минатата година бројот на склучени бракови е намален за 1.600 на 11.066, додека бројот на разведени бракови е зголемен за 259 на 2.024.

По региони најмногу склучени бракови на 1.000 жители има во Полошкиот регион – над 7,5, а најмалку во Пелагониски и Вардарски – под 5,5.

Минатата година во просек на 1.000 склучени бракови имало 183 разведени. Најмногу разведени бракови минатата година на 1.000 склучени имало во Вардарски, Источен и Југоисточен регион – над 200, а најмалку во Североисточен регион – помалку од 140.

По општини најмногу разведени бракови на 1.000 жители имало во Зрновци – 888, Лозово – 500, Росоман – 461, Градско – 437, Делчево – 386, Дојран – 363, Гевгелија – 319, Кавадарци – 316 и Центар – 308.

Најмалку разведени бракови на 1.000 жители имало во Вевчани и во Центар Жупа – 0, Сопиште – 26,3, Липково – 32,4, Арачиново – 36, Сарај – 44 и Пехчево – 45,5.

The post ЖИВОТНИОТ ВЕК НА МАКЕДОНЦИТЕ СЕ ЗГОЛЕМИЛ ЗА ЕДНА ГОДИНА Најголем природен прираст имало во Арачиново, Сарај, Чаир, Шуто Оризари appeared first on plusinfo.mk.

Во последната деценија Северна Македонија бележи пад на вкупниот број на население, но не кај сите етнички заедници. Албанците имаат позитивни бројки кога станува збор за родени и умрени, додека кај Македонците е забележано природно намалување од околу 4.100 лица помалку според најновите податоци, пишува Еуроњуз Албанија.

Според државните податоци на кои се повикува порталот, во Макдонија имало 16.061 родени и 20.201 починати, што означува природен пад на населението. Но, податоците по етничка припадност покажуваат значајни разлики меѓу двете најголеми заедници.

Кај македонската заедница имало 6.841 родени и 14.760 починати, со природен биланс од – 7.919 лица.

Кај албанската заедница имало 5.473 родени и 3.309 починати, со природен биланс од + 2.164 лица.

Овие бројки укажуваат дека кај Македонците природниот прираст е негативен, што се должи делумно на стареење на населението и намалување на стапките на раѓање. Од друга страна, кај Албанците, и покрај миграциските текови, бројот на родени многу повеќе ги надминува бројот на умрени, што придонесува за позитивен природен прираст.

Разлики по општини

Податоците по општини покажуваат различни трендови:

• Арачиново: +138 (од кои Македонци +2, Албанци +133)
• Скопје: –17 (Македонци –1.395, Албанци +1.287)
• Карпош: –244 (Македонци –242, Албанци +1)
• Кисела Вода: –258 (Македонци –253, Албанци 0)
• Битола: –459 (Македонци –774, Албанци –15)
• Чаир: +351 (Македонци –100, Албанци +427)
• Сарај: +332 (Македонци +3, Албанци +329)
• Студеничани : +137 (Македонци +1, Албанци +84)

Што значи ова за општеството?

Аналитичарите укажуваат дека ваквите демографски промени може директно да влијаат на образовниот систем, пазарот на труд и пензискиот систем, како и на политичките и економските баланси во земјата во наредните децении.

Порталот пишува дека во минатото, властите во Северна Македонија пробале различни политики за зголемување на бројот на населението, вклучувајќи месечни надоместоци за трето и четврто дете, но тие мерки не покажале значајни резултати. Сега се најавува повторно фокусирање на нови политики, како олеснувања за купување станови за млади брачни двојки, со цел да се мотивира основање семејства и зголемување на раѓањата.

Една контроверзна идеја која беше предложена од страна на премиерот Христијан Мицкоски е воведување на данок за неженети лица, што наиде на остри реакции во јавноста, пишува Еуроњуз Албанија.

The post ВО МАКЕДОНИЈА ОПАЃА БРОЈОТ НА МАКЕДОНЦИ, РАСТЕ БРОЈОТ НА АЛБАНЦИ Еуроњуз Албанија ги анализира македонските демографски статистики appeared first on plusinfo.mk.

Помалку склучени, а повеќе разведени бракови евидентираше Државниот завод за статистика во третото тримесечие од оваа година.

Во овој квартал се склучени 3.514 бракови што е помалку за 2,8% во споредба со истиот период од 2024 година.

Регистрирани се 470 разведени бракови, што претставува зголемување од 27,7% во однос на лани.

Во третото тримесечје од 2025 година бројот на живородените деца изнесува 4.431 и во споредба со истиот период од 2024 година е зголемен за 3,7%.

Бројот на умрените лица, бележи намалување од 0,5% во споредба со истото тримесечје од 2024 година и изнесува 4.849 лица. Од нив, 20 се починати доенчиња.

Природниот прираст е негативен и изнесува -418 , што значи дека за толку лица е помал бројот на живородените деца од бројот на умрените лица.

The post ПОГОЛЕМ БРОЈ РАЗВОДИ, НО И ПОВЕЌЕ БЕБИЊА ВО ТРЕТИОТ КВАРТАЛ Природниот прираст останува негативен appeared first on plusinfo.mk.

Природниот прираст во првиот квартал годинава е негативен и изнесува – 1.567 лица, што значи дека за толку лица е помал бројот на живородените деца од бројот на умрените лица.

Во првото тримесечје од 2024 година се склучени 2.488 бракови, што претставува зголемување за 3,8 проценти во споредба со истиот период од 2023 година. Во ова тримесечје се добиени 597 извештаи за разведени бракови.

Најмногу склучени бракови има во Скопје, 617, од кои 123 се во Чаир, 85 во Сарај, 80 во Гази Баба, по 50-ина во Карпош, Кисела Вода и Бутел… Во внатрешноста на државата, најмногу бракови се регистрирани во Липково, 123, по што следуваат Куманово, 92, Желино, 73, Кичево, 72, Битола и Врапчиште по 68, Велес, 66, Гостивар, 65, Боговиње, 60. Ниту еден брак не е склучен во Дебрца, Новаци и Вевчани.

Од регистрираните разводи, 87 се во Скопје, 44 во Велес, 37 во Куманово, 19 во Гевгелива, 18 во Битола.

The post ПРИРОДНИОТ ПРИРАСТ Е НЕГАТИВЕН ВО ПРВИОТ КВАРТАЛ Родени се 3.632 деца, а починати се 5.199 лица appeared first on plusinfo.mk.

Според податоците на Државниот завод за статистика, во второто тримесечје од 2023 година, живородени се 4.019 деца и во споредба со истиот период од претходната година нивниот број е намален за 8.9 %.

Бројот на умрените лица во второто тримесечје годинава бележи намалување од 0.5 % во споредба со истиот квартал лани, односно починале 4.730 лица, а од нив шест се умрени доенчиња.

Природниот прираст е негативен, – 711 лица, односно за толку лица е помал бројот на живородените деца од бројот на умрените лица.

Во второто тримесечје од 2023 година се склучени 3.228 бракови, што претставува зголемување од 10.9 % во споредба со истиот период од 2022 година.

Во ова тримесечје се добиени 467 извештаи за разведени бракови.

The post ПРИРОДНИОТ ПРИРАСТ ВО „СЛОБОДЕН ПАД“ За три месеци се родиле 4.019, а умреле 4.730 луѓе appeared first on plusinfo.mk.

Бројот на умрените лица во вториот квартал годинава изнесува 4.760 и бележи намалување од 33.4 отсто во споредба со лани. Од нив, 22 се умрени доенчиња.

Природниот прираст е негативен и изнесува -381, што значи, за толку лица бројот на живородените деца е помал од бројот на умрените лица.

Бројот на склучените бракови во ова тримесечје од годината е намален за 7.3 отсто во споредба со истиот период од 2021 година и изнесува 2 670 бракови. Во ова тримесечје добиени се 521 извештај за разведени бракови.

The post „БЕЛА ЧУМА“ И ВО МАКЕДОНИЈА Негативен природен прираст во второто тримесечје appeared first on plusinfo.mk.

Бројот на умрените лица во четвртото тримесечје од 2021 година е 7 186, од кои 34 се умрени новороденчиња и бележи намалување од 23,9 % во споредба со истото тримесечје од 2020.

Природниот прираст е -2 171, односно за толку лица е помал бројот на живородените деца од бројот на умрените лица.

Бројот на склучените бракови во ова тримесечје од годината е намален за 3,5 отсто во однос на истиот период во 2020 година, односно склучени се 2 707 бракови.

За ова тримесечје се добиени 499 извештаи за разведените  бракови, што претставува намалување за 5,3 проценти во споредба со истото тримесечје во 2020 година.

The post ПРИРОДНИОТ ПРИРАСТ НИ Е НЕГАТИВЕН 7.186 лица починале лани во последните три месеци appeared first on plusinfo.mk.

U.S. population grew by just 0.1% in the year ended July 1, 2021, “the lowest rate since the nation’s founding,” per Census Bureau population estimates released today.https://t.co/mkZ6NCL7V8 pic.twitter.com/ka45lazUcr

— Greg Giroux (@greggiroux) December 21, 2021

Со други зборови 2,3 стотинки помалку трае нашиот живот по пандемијата и можеме комплетно да ја споредиме со ефектите од глобална војна. Но, не страдаме само ние, туку и нашето потомство. Во САД, во периодот од јуни 2020 до јули 2021 прирастот на новороденчиња била само 0,1 отсто или илјадити дел од целото. Колкав е наталитетот кај нас, ако знаеме дека Македонија се приближува до негативниот прираст кој го имаа европските земји уште пред пандемијата?

Испитувањето на ЦДЦ од САД вклучувало и мажи и жени. Ако засебно се земат податоците за нивниот животен век, кај мажите тој просечно изнесувал 74,2 години, а кај жените 79,9 години. И кај мажите и кај жените ковид бил трета водечка причина за смрт, а секој десетти од 350.000 луѓе кои починале во Америка во истиот период од јуни 2020 до јули 2021 година бил од коронавирусот.

Некои други причини за смрт, исто така, се зголемиле, веројатно поврзани со тешкотиите за пристап до здравствена заштита предизвикани од пандемијата. За прв пат, смртните случаи од дијабетес во САД надминале 100.000, додека смртните случаи од случајни или ненамерни повреди исто така за првпат надминале 200.000.

Од сите држави членки на конфедерацијата САД, во Њујорк имало најголем пад на прирастот на населението од 1,6 отсто. Тоа се должи и на фактот што многу луѓе избегале надвор од САД в текот на пандемијата.

The post КОРОНАТА БУКВАЛНО НИ ГО СКРАТИЛА ЖИВОТОТ ЗА ДВЕ ГОДИНИ! Вака не било од 1941 година appeared first on plusinfo.mk.