Просечната цена на струјата на HUPX берзата за 28 мај 2026 изнесува 118,22 евра за мегават час, на МЕМО 106,25 евра за мегават час.

Согласно податоците за движењето на цените на берзата HUPX во Унгарија за 28 мај 2026 просечната часовна цена на еден мегават час електрична енергија (baseload) изнесува 118,22 евра/mwh, додека на MEMO цената е 106,25 евра/mwh.

Цената на електричната енергија во текот на дневните часови (9:00 – 15:00) (Power solar peak) на HUPX постигна ниво од 29,02 евра за мегават час, а на MEMO 16,26 евра.

Цена на Storage MAX, индекс кој ја покажува разликата помеѓу часовните берзански цени помеѓу 12 и 14 часот наспроти часовните берзански цени во периодот помеѓу 18 и 20 часот, изнесува 152,40 евра за мегават час.

Цената на природниот гас пак на унгарската берза CEEGEX изнесува 47,10 евра, додека цената според индексот на холандската берза, TTF Dutch е 46,19 евра.

Информациите за движењето на цената на електрична енергија и на природниот гас може да помогнат во попрецизно планирање на буџетите за потрошувачката на електрична енергија, да се заштеди на сметките за струја, како и компаниите да носат информирани деловни одлуки со кои што ќе ги намалат своите трошоци и поуспешно ќе ги реализираат своите бизнис планови.

The post МЕГАВАТ ЧАС СТРУЈА НА УНГАРСКАТА БЕРЗА ЧИНИ 118,2 ЕВРА На македонската берза МЕМО цената изнесува 106,25 appeared first on plusinfo.mk.

Египет интензивно работи на откривање нафтени и гасни полиња. Од јануари објави неколку наоѓалишта на кои работат странски компании. Последното  е  за значајно ново откритие на природен гас во делтата на Нил, што би можело дополнително да ја зајакне енергетската стабилност на земјата и да го зголеми домашното производство.

Министерството за нафта и минерални ресурси на Египет објави дека е пронајден гас на истражната бушотина Нидоко Н-2, која се наоѓа во областа Кафр Ел-Шеик. Се очекува новата бушотина да произведува околу 50 милиони кубни метри гас дневно.

Проектот го управува италијанската компанија „Ени“ во партнерство со компанијата „БП“ и заедничкото претпријатие „Петробел“, кое работи во соработка со Египетската генерална нафтена корпорација.

Во имплементацијата на проектот е користена напредна технологија за насочно дупчење, што овозможило од копно да се стигне до наоѓалиштата на гас во плитки морски зони. Овој пристап ја зголемил ефикасноста, но исто така значително ги намалил трошоците за експлоатација.

Благодарение на близината на постојната инфраструктура, на помалку од два километри од веќе изградените објекти, се очекува новата бушотина многу брзо да биде поврзана со националната мрежа и да започне со производство веќе во наредните недели.

Ова е второ наоѓалиште на гас во Египет на кое работи италијанската енергетска компанија „Ени“. Претходно компанијата  објави дека открила ново наоѓалиште на гас и кондензат во Средоземното Море, покрај брегот на Египет во рамки на истражувачкиот бунар Дениз W-1.

Прелиминарните проценки покажуваат дека на таа локација има околу 57 милијарди кубни метри гас, како и околу 130 милиони барели кондензат.

Египетското Министерството за нафта и минерални ресурси во јануари објави дека неколку нафтени и гасни компании што работат во земјата истражуваат во Западната пустина, Источната пустина и делтата на Нил.

Откритијата се резултат на пет истражувачки бунари на кои работат „Халда Петролеум“, „Џенерал Петролеум Компани“ (GPC) и „Дисук Петролеум Компани“ (DISOUCO).

The post ЕГИПЕТ ЛЕЖИ НА ПРИРОДЕН ГАС Откриено ново наоѓалиште во делтата на Нил appeared first on plusinfo.mk.

Просечната цена на електричната енергија на регионалните берзи останува над 100 евра за мегават-час, покажува најновиот извештај на Energy Delivery Solutions (ЕДС). Според компанијата, на унгарската берза HUPX цената за 3 април 2026 година изнесува 108,30 евра за мегават-час, додека на македонската берза МЕМО достигнува 116,17 евра.

Од ЕДС информираат дека, согласно податоците за движењето на цените, просечната часовна цена на електрична енергија (baseload) на HUPX изнесува 108,30 евра за мегават-час, додека на МЕМО цената е повисока и достигнува 116,17 евра за мегават-час.

Во дневните часови, во периодот од 9 до 15 часот, кога се бележи таканаречениот „power solar peak“, цената на HUPX паднала на 58,56 евра за мегават-час, додека на МЕМО изнесувала 92,68 евра.

Дополнително, индексот „Storage MAX“, кој ја покажува разликата меѓу часовните берзански цени во периодот од 12 до 14 часот и од 18 до 20 часот, достигнал 64,83 евра за мегават-час.

Во извештајот се наведува и дека цената на природниот гас на унгарската берза CEEGEX изнесува 52,23 евра, додека според индексот на холандската берза TTF Dutch цената е 50,08 евра.

Од ЕДС посочуваат дека овие информации, подготвени од нивниот експертски тим, можат да помогнат во попрецизно планирање на буџетите за потрошувачката на електрична енергија, оптимизација на сметките за струја, како и носење информирани деловни одлуки за намалување на трошоците и поуспешна реализација на бизнис плановите.

The post МЕГАВАТ ЧАС СТРУЈА ВО МАКЕДОНИЈА ЧИНИ 116,17 ЕВРА На унгарската берза цената е 108,30 евра appeared first on plusinfo.mk.

Ирански ракети вечерва го погодија Рас Лафан, во Катар, кој е еден од најголемите светски центри за природен гас.

Катарската државна нафтена компанија објави дека ракетите го погодиле Рас Лафан вечерва, каде што се наоѓа голема рафинерија за нафта и најголемиот погон за производство на течен природен гас (LNG) во светот.

„Тимовите за итна реакција беа веднаш испратени на терен за да ги стават пожарите под контрола, со оглед на тоа што е предизвикана голема материјална штета“, објави „Катар енерџи“ на социјалните медиуми.

Сите вработени се безбедни и засега нема жртви, се наведува во соопштението.

Footage claiming to show a fire and the moment of impact of an Iranian ballistic missile attack on the Ras Laffan gas facility in Qatar. https://t.co/u2GBR0nymk pic.twitter.com/B5KIzuitRw

— Ariel Oseran أريئل أوسيران (@ariel_oseran) March 18, 2026

Реакцијата на Катар е дека „дрските“ ирански ракетни напади врз индустрискиот град Рас Лафан се „директна закана за  националната безбедност на земјата и за стабилноста на регионот“.

„Иранската страна продолжува со својата ескалирачка политика што го турка регионот кон бездната и ги влече земјите што не се дел од оваа криза во циклус на конфликт“, соопшти Министерството за надворешни работи на Катар на социјалните медиуми.

Во соопштението се додава дека Катар „го задржува правото да одговори“ и дека „нема да се двоуми да преземе сите потребни мерки за да го заштити својот суверенитет, безбедност и безбедноста на своите граѓани“.

Breaking: Iranian attacks targeted gas facilities in Qatar and Saudi Arabia.

QatarEnergy says response teams are working to contain a fire at Ras Laffan, which caused significant damage. pic.twitter.com/mjnUHsYewF

— The Middle East (@A_M_R_M1) March 18, 2026

Министерството за надворешни работи на Катар потоа објави на мрежата Ика дека ги прогласило за непожелни воените и безбедносните пратеници на иранската амбасада, како и персоналот од нивните канцеларии и дека побарало од нив да ја напуштат земјата во рок од 24 часа.

Одлуката е донесена по повторените ирански напади и агресивни дејствија против Катар, се вели во соопштението.

Qatar Energy Co. annuncia che un attacco missilistico ha causato danni significativi al complesso industriale a Ras Laffan, in Qatar, uno dei più grandi centri di produzione di gas naturale liquefatto al mondo. https://t.co/J9H9TLOxuc pic.twitter.com/BHstWxjO3p

— Lukyluke31 (@Lukyluke311) March 18, 2026

Рас Лафан е индустриски град и огромно енергетско пристаниште во Катар, сместен на североисточниот брег на земјата. Таму има големи постројки за преработка и за извоз на гас и пристаниште од каде се извезува енергија во целиот свет. Катар е еден од најголемите извозници на гас.

Иранскиот напад следи откако денеска беше нападнато иранското гасно поле Јужен Парс, кое се смета за најголемо во светот. По овој напад Иранската гарда најави дека вечерва ќе ги нападне енергетските центри во Катар, Саудиска Арабија и во Обединетите Арапски Емирати и повика луѓето да се евакуираат од околината на рафинериите.

MAJOR BREAKING: Iranian forces appear to have successfully struck the Ras Laffan refinery in Qatar this evening, causing a massive fire.

An attack there can be just as disruptive as hitting a major oil refinery, sometimes even worse depending on the season.

This is turning… pic.twitter.com/fzZxGjAFKP

— Brian Krassenstein (@krassenstein) March 18, 2026

Саудиска Арабија објави дека нејзините противвоздушни системи пресретнале и уништиле две балистички ракети лансирани кон Источната провинција, а официјални лица изјавија дека нема извештаи за жртви. Во кратка изјава, портпаролот на саудиското Министерство за одбрана изјави дека ракетите биле успешно неутрализирани.

Според саудиски извори, остатоци од пресретнатите ракети паднале и врз делови од Ријад по уште еден напад насочен кон главниот град. Источната провинција е меѓу почестите цели на иранските ракетни и беспилотни летала во последните денови.

Нападите доаѓаат во услови на остра ескалација на регионалните тензии.

Американски функционер негираше дека САД нападнале гасни полиња во Иран, тврдејќи дека нападот го извршил Израел. Иранските државни медиуми претходно објавија дека САД и Израел нападнале делови од иранските нафтени и гасни објекти, вклучувајќи го и Јужен Парс.

„Соединетите Американски Држави беа информирани за плановите на Израел да го нападне огромното гасно поле Јужен Парс во Иран, но не учествуваа во нападот“, изјавил извор запознаен со ситуацијата за Асошиејтед Прес.

Изворот, кој зборувал под услов на анонимност, не сакал да каже дали американската администрација ја поддржува одлуката на Израел да го нападне гасното поле, кое е клучен столб на снабдувањето со енергија на Иран.

Израелски извор претходно изјави за Си-Ен-ЕН дека Израел ја нападнал рафинеријата Асалује во југозападен Иран. Друг израелски функционер рече дека израелскиот напад врз иранскиот објект Јужен Парс бил извршен во координација со САД.

ЕСКАЛАЦИЈА, ГОРИ НАЈГОЛЕМОТО ИРАНСКО ГАСНО ПОЛЕ И ГОЛЕМА РАФИНЕРИЈА Цените на нафтата и на гасот скокнаа по нападот

The post 🎥 ВО ПЛАМЕН Е ЕДЕН ОД НАЈГОЛЕМИТЕ СВЕТСКИ ЦЕНТРИ ЗА ПРИРОДЕН ГАС Ирански ракети го погодија Рас Лафан во Катар appeared first on plusinfo.mk.

Според податоците за движењето на цените на електричната енергија на берзата „HUPX“ во Унгарија за 19 декември, просечната часовна цена на еден мегават час (baseload) изнесува 134,46 евра. На Македонската берза за електрична енергија (MEMO), просечната цена е повисока и изнесува 154,75 евра за мегават час.

Во текот на дневните часови од 9:00 до 15:00 (Power solar peak), цената на „HUPX“ достигна 125,35 евра за мегават час, додека на MEMO изнесува 126,30 евра. Индексот „Storage MAX“, кој ја покажува разликата помеѓу часовните берзански цени помеѓу 12:00 и 14:00 наспроти часовите помеѓу 18:00 и 20:00, достигна ниво од 132,00 евра за мегават час.

Цената на природниот гас на унгарската берза „CEEGEX“ изнесува 31,87 евра, додека според индексот на холандската берза „TTF Dutch“, цената е 27,91 евра.

Овие информации се значајни за точно планирање на буџетите за потрошувачка на електрична енергија, како и за оптимизирање на сметките за струја. Компаниите можат да ги користат за информирано донесување деловни одлуки, со кои ќе ги намалат трошоците и поуспешно ќе ги реализираат своите бизнис планови.

The post ПРЕСЕК НА ЕНЕРГЕТСКИТЕ ЦЕНИ Македонската берза и „HUPX“ покажуваат разлики во цената на струјата appeared first on plusinfo.mk.

Над 100 високи претставници од влади, регулатори, оператори на преносни системи и индустрија се собраа минатата недела во Виена на 20-тиот Форум за гас на Енергетската заедница, со кој претседаваше Европската комисија. Учесниците ги поддржаа координираните пазарни реформи како витални за меѓусебно поврзан гасен преносен систем отпорен на енергетски шокови како оној од 2022-2023 година.

Централен фокус на Форумот беше итната потреба од целосно спроведување на мрежните правила за гас на ЕУ од страна на Договорните страни на Енергетската заедница и на секој интерфејс со земјите-членки на ЕУ.

Овие мрежни правила ги интегрираат гасоводните мрежи и интерконекторите во единствен пазар на ЕУ, создавајќи стабилни цени и непрекинати текови.

Досега, нивната примена надвор од границите на ЕУ беше на доброволна основа. Но, според Регулативата (ЕУ) 2024/1789, земјите-членки мора да ги применат на своите надворешн граници до август 2026 година – временска чувствителна шанса за усогласување со соседите на Енергетската заедница.

Со оглед на тоа што земјите-членки сега се обврзани, Договорните страни се соочуваат со истиот императив. Очигледен е и одреден напредок кај Договорните страни: Молдавија, Србија и Македонија напреднаа во раздвојувањето и сертификацијата на своите оператори за пренос на гас, додека Украина направи значителни чекори пред отпочнување на војната на своја територија. Сепак, учесниците на Форумот нагласија дека целосната имплементација е клучна за европската отпорност.

Форумот повика на акција за изградба на почисти гасоводни системи без да се загрози безбедноста на снабдувањето. Учесниците повикаа на интегрирање на обновливи гасови, намалување на емисиите на метан и подигнување на стандардите за квалитет на гасот низ целиот регион.

Сепак, сенка на Форумот фрли еден од заклучоците со кој се поздравува ревитализацијата на еден стар советски гасовод Транс-Балкан (или Вертикален коридор) изграден во далечната 1988 година. Тоа е истиот гасовод од кој Македонија до пред 2020 година добиваше руски природен гас преку Украина, Молдавија, Романија и Бугарија, со крак до македонската граница.

Како што објаснија ЕУ-пјаните: „Oптимизирањето на постојната инфраструктура се појави како уште еден приоритет, бидејќи Европа ги преиспитува рутите на цевководите и фосилните горива. Неодамнешна студија на Енергетската заедница покажала дека со прилагодување на тарифите, трошоците за транспорт од грчкиот терминал за течен природен гас (LNG) Ревитуза (близу Атина) до Украина преку Транс-Балканскиот гасовод би можеле да се намалат за 43%, правејќи ја рутата конкурентна во однос на алтернативите. Со комерцијално реални количини, гасоводот би можел да испорача 2,1 милијарди м³ природен гас годишно, што е повеќе од двојно од годишната побарувачка на Молдавија – додека ќе се генерираат речиси 100 милиони евра дополнителни приходи за операторите. Освен зголемувањето на отпорноста на европскиот пазар, отклучувањето на овој коридор е клучно за стратегијата за складирање на природен гас во зимскиот период за Украина додека истата се соочува со војна на своја територија“.

Морам да укажам дека студијата на Енергетската заедница не спомнува ништо за извршени обемни технички испитувања (со „MFL“, Ултразвучни методи и др.) како потврда за техничката исправност на Транс-Балканскиот гасовод, ниту пак дава осврт на потребните финансиски средства за негова ревитализација кои секако треба да влезат во тарифите, трошоците за транспорт.

Многу независни експерти од гасната индустрија проектот веќе го оценија како економско промашување, односно дека истиот ѝ служи на Унијата само како геполитички памфлет против Русија.

Станува збор за контроверзен проект чиј економски век е одамна истечен, а животниот век на гасоводот е полн со неизвесности. Имено, само во последните години неколку инциденти од голем обем се имаат случено во меѓународниот транзитен систем на Бугарија: во 2021 година дел од гасоводот долг 20 метри беше оштетен од експлозија во близина на селото Ветрино, Варна-Бугарија, во 2020 година експлозија се случи на транзитниот гасовод Бугарија-Грција во областа Кулата во Бугарија, а претходно имаше експлозии во Странѓа во 2014 година година и Калековец, Горска Полјана во 2011 година, што ги истакнува моменталните ограничувања на меѓународниот транзитен гасен систем на Бугарија и потребата од големи инвестиции, кои веќе месецов ги започна самиот бугарски преносен оператор – Булгартрансгаз.

Од друга страна, Македонија во јули годинава ја започна изградбата на гасниот интерконектор со Грција (наша алтернатива на Вертикалниот коридор) во должина од 66,7 километри на потегот од Гевгелија до Неготино. Интерконекторот ќе има иницијален капацитет од 1,5 милијарди м³ гас годишно, со можност да се зголеми до 3 милијарди м³. Станува збор за цевковод кој ќе биде изграден од специфичен челичен материјал кој покрај природен гас ќе биде во можност да транспортира и 100% водород. Постојните гасоводни мрежи во ЕУ (чија вкупна вредност се проценува на 260 милијарди евра) вклучувајќи го и Вертикалниот коридор можат во реални услови да транспортираат мешавина на природен гас со максимален микс на водород до 10% (во експеримантални услови до 20% ). Пренамената на гасоводната мрежа наместо природен гас да пренесува водород, ќе ја чини германската економија дополнителни 30 милијарди евра.

Декарбонизацијата е столбот на енергетската унија и поставените цели на ЕУ за намалување на емисиите на стакленички гасови до 2040 година. Според проценката на влијанието, водородот треба да има клучна улога за ублажување на процесот на декарбонизација на тешката индустрија и транспортот, со производство од 20 до 35 милиони тони (Mt) водород добиен од обновливи извори на енергија до 2040 година, во зависност од избраното сценарио. Ова би претставувало 10% од финалната побарувачка на енергија на Унијата, зголемувајќи го процентот на најмалку 16% до 2050 година, демонстрирајќи ја фундаменталната улога што ќе ја игра во енергетската транзиција завземајќи речиси една петтина од пазарниот удел.

Сите сме свесни на итната потреба од намалување на емисиите на стакленички гасови, при што денес е императив да ги замениме фосилните горива со одржливи алтернативи. Во светлината на најновите достапни научни сознанија и потребата од засилување на глобалната акција за клима, гледаме дека ЕУ маргинално, со празни зборови и ветувања, ја поддржува целта за постигнување климатски неутрална ЕУ до 2050 година, во согласност со целите на Парискиот договор.

На крај не би должел повеќе, но би поентирал на констатацијата дека додека ЕУ се шлепа на стари и неодржливи советски инфраструктурни проекти, Македонија гради проекти наменети за иднината!

The post Додека Македонија гради зелени коридори, ЕУ воскреснува советски сеништа appeared first on plusinfo.mk.

Осум земји-членки на ЕУ продолжуваат да купуваат гас од Русија, иако Европската комисија презентираше план за забрана на увоз на руска енергија, изјави портпаролката ЕК за енергетика, Ана-Каиса Итконен.

Според неа, Белгија, Холандија, Франција, Шпанија и Португалија сè уште набавуваат руски течен природен гас, додека гас преку гасоводот Турски тек купуваат Грција, Словачка и Унгарија.

– Не знаеме каде точно завршува овој гас, бидејќи нема официјални информации за тоа. Знаеме каде гасот влегува во системот на ЕУ, но не знаеме каде останува и каде на крајот се троши – рече Итконен.

И покрај заложбите за намалување на зависноста, околу 19 проценти од увозот на гас во ЕУ сè уште доаѓа од Русија, што е значителен пад од 45 проценти, колку што изнесуваше пред 2022 година. По саботажата на цевководите Северен тек во 2022 година и прекинот на транзитот низ Украина, Турски тек остана единствената директна рута за руски гас до ЕУ.

Европската комисија соопшти дека земјите-членки продолжуваат да спроведуваат чекори за диверзификација на снабдувањето и проширување на инфраструктурата за течен природен гас, а истовремено работат на намалување на зависноста од рускиот гас. Ова вклучува одржување на залихи во подземни складишта и развој на алтернативни извори на енергија за подобрување на отпорноста на енергетскиот систем во Европа.

Порано оваа година, Брисел се откажа од идејата за целосна забрана за течен природен гас, поради противењето на неколку земји, вклучувајќи ги Унгарија и Словачка, но во мај презентираше план за целосно укинување на руските нафтоводи и гасоводи до крајот на 2027 година. Претседателката на Европската комисија, Урсула фон дер Лајен, неодамна изјави дека Унијата има намера да го суспендира увозот на руски течен природен гас од 1 јануари 2027 година, како дел од новиот пакет санкции.

The post 8 ДРЖАВИ ОД ЕУ СЀ УШТЕ КУПУВААТ РУСКИ ГАС Во план е целосна забрана на увоз на енергија од Русија во ЕУ appeared first on plusinfo.mk.

Цената за еден мегават час електрична енергија (baseload) изнесува 96,40 евра/mwh, додека на Македонската берза за електрична енергија цената е 81,09 евра/mwh, информира ЕДС Инфо Поинт повикувајќи се на податоците на берзата HUPX во Унгарија и на домашната берза МЕМО за 19 септември.

Според податоците на компанијата, цената на електричната енергија во текот на дневните часови (9:00 – 15:00) (Power solar peak) на HUPX постигна ниво од 39,49 евра за мегават час, а на MEMO 8,36 евра.

Цената на природниот гас пак на унгарската берза CEEGEX изнесува 35,01 евра, додека цена според индексот на холандската берза, TTF Dutch е 32,90 евра, велат од ЕДС Инфо Поинт.

Компанијата соопшти дека, имајќи ја предвид актуелната состојба на енергетскиот пазар во Европа и во светот, важно е да се подигне свесноста за домаќинско трошење на електричната енергија, како и редовно подмирување на сметките за електрична енергија со цел да се зачува стабилноста во снабдувањето.

Според компанијата, информациите за движењето на цената на електрична енергија и на природниот гас, кои ги подготвува аналитичкиот тим на ЕДС, може да помогнат во попрецизно планирање на буџетите за потрошувачката електрична енергија, да се заштеди на сметките за струја, како и компаниите да носат информирани деловни одлуки со кои што ќе ги намалат своите трошоци и поуспешно ќе ги реализираат своите бизнис планови.

Податоците од берзата МЕМО кои се следат се со почетен датум од 10 мај 2023 година, а податоците за TTF Dutch Day-Ahead производот се презентирани почнувајќи од 1 јули 2023 година.

The post ЦЕНАТА ЗА МЕГАВАТ ЧАС СТРУЈА ВО УНГАРИЈА Е 96,4 ЕВРА На македонската берза денеска бројката изнесува 81,09 евра appeared first on plusinfo.mk.

Согласно податоците за движењето на цените на берзата HUPX во Унгарија за 16 мај просечната часовна цена на еден мегават час електрична енергија (baseload) изнесува 89 евра/mwh, додека на Македонската берза за електрична енергија цената е 92,88евра/mwh, соопштија од ЕДС Инфо поинт.

Според анализата на компанијата, „цената на електричната енергија во текот на дневните часови (9:00 – 15:00) (Power solar peak) на HUPX постигна ниво од 52,86 евра за мегават час, а на MEMO 58,34 евра. Цената на природниот гас пак на унгарската берза CEEGEX изнесува 39,21 евра, додека цена според индексот на холандската берза, TTF Dutch е 35,63 евра“.

Од компанијата порачуваат дека, имајќи ја предвид актуелната состојба на енергетскиот пазар во Европа и во светот, „важно е да се подигне свесноста за домаќинско трошење на електричната енергија, како и редовно подмирување на сметките за електрична енергија со цел да се зачува стабилноста во снабдувањето“.

Компанијата вели дека информациите за движењето на цената на електрична енергија и на природниот гас може да помогнат во попрецизно планирање на буџетите за потрошувачката на електрична енергија, да се заштеди на сметките за струја, како и компаниите да носат информирани деловни одлуки со кои што ќе ги намалат своите трошоци и поуспешно ќе ги реализираат своите бизнис планови.

The post 89 ЕВРА ЗА МЕГАВАТ ЧАС СТРУЈА НА УНГАРСКАТА БЕРЗА HUPX На македонската берза МЕМО бројката изнесува 92,88 appeared first on plusinfo.mk.

Соработката, како што е соопштено,  се фокусира на подобрување на достапноста и проширување на можностите за набавка на природен гас, со цел да се обезбеди стабилно, континуирано снабдување по конкурентни цени, во согласност со позитивните законски прописи.

– Овој Меморандум е во насока на напорите на државата да обезбеди природен гас, додека СОКАР има за цел да го зголеми своето присуство на регионалниот пазар – велат од ЕСМ.

СОКАР е интегрирана компанија која со еколошка свесност врши дејности за производство, транспорт и продажба низ целиот свет и притоа стратешки го поддржува растот на научниот, техничкиот, економскиот и интелектуалниот потенцијал на Република Азербејџан. Компанијата активно ја промовира транзицијата кон зелена економија со развој на проекти за соларна, ветерна и водородна енергија. Преку примена на напредни и еколошки технологии, СОКАР зазема клучна позиција во регионалните и меѓународните енергетски проекти на Азербејџан и на Европа.

ЕСМ обезбедува највисок процент од домашното производство на електрична и на топлинска енергија. Стратешка цел на компанијата е креирање платформа за транзиција кон зелената енергија со фокус на проекти од обновливи извори.

The post ЕСМ ОБЕЗБЕДИ СТАБИЛНО СНАБДУВАЊЕ СО ГАС ПО КОНКУРЕНТНИ ЦЕНИ Ќе купува гас од азербејџанската компанија СОКАР appeared first on plusinfo.mk.