Премиерот Христијан Мицкоски на денешната седница во Собранието за пратенички прашања говорејќи за Планот за раст и Реформската агенда ги појасни детално чекорите и законите кои треба да се имплементираат, истакнувајќи дека до крајот на годинава ќе се работат дел од чекорите и процедурите, а тие кои ќе заостанат ќе бидат сработени во првите три месеци од следната година.

Одговарајќи на прашање од пратеникот Сергеј Попов од ВМРО-ДПМНЕ, што се прави за напредокот на државата во исполнувањето на домашните задачи од европската агенда, Мицкоски нагласи дека „ќе можеме да го фатиме чекорот“.

– Законот за аудиовизуелни услуги е дел од Министерството за дигитална трансформација и е готов генерално, со тој закон сакавме да бидат и деловите кои се однесуваат на “roam at home“ односно кога младите ќе патуваат низ Европа да не плаќаат роаминг, но тоа ќе се имплементира следната година, а ние имаме амбиција законот да го донесеме оваа година, а следната преку амандмани да интервенираме за роамингот – изјави премиерот Мицкоски.

Субвенции за струја, либерализација на пазарот

Следен чекор, Мицкоски рече дека се измените во Изборниот законик кои треба да бидат усогласени со препораките на ОБСЕ и ОДИХР и дека тоа зависи од политички консензус, а бидејќи е реформски закон може да се постигне тој консензус и да се донесе до крај на година со вклучени препораки на ОБСЕ и ОДИХР.

– Следниот чекор е исто така значаен кој не можеме да го исполниме, а се однесува во делот на енергетиката, а тоа е целосна либерализација на пазарот за електрична енергија, пред сѐ, се мисли на домаќинствата, затоа што ако Владата престане да ја субвенционира електричната енергија за домаќинствата тогаш цената ќе се зголеми за отприлика 30% до 35% и тоа ќе предизвика инфлација и ќе има верижен ефект врз многу други процеси, и затоа ние како држава продолжуваме да ги субвенционираме сметките за електрична енергија за домаќинствата и сите на регулираниот пазар – потенцираше премиерот Мицкоски.

Училишта и градинки пред платите на судии и обвинители

Мицкоски нагласи дека следен чекор кој исто така е важен се законите во ресорот правда.

– Тоа се законите за јавно обвинителство, за судови, за јавно обвинителска служба и за служба во судовите кој се однесува за две работи, едната е да можат судовите и обвинителствата да вработуваат само со одобрение на Судски совет и Совет на јавни обвинители, а Владата да ја информираат, што е во ред, но не можеме да се согласиме со тие средства кои треба од буџетот да ги одвојуваме за да бидат зголемени примањата, ако се жалат со 3-4.000 евра месечни примања, тогаш како им е на дечињата во градинка кои немаат па играчки за играње. Тој е буџетот, го украле, останале малку пари, тоа што останало ние се трудиме да менаџираме како што треба, реновираме градинки, училишта, цениме дека е поголем приоритет отколку да ги зголемиме платите на судиите и обвинителите. Мислиме дека е фер – нагласи премиерот Мицкоски.

Законот за Судски совет за брзо ќе се најде во Собрание?

Премиерот Мицкоски, додаде дека следен чекор кој поминал на владина процедура е новиот закон за Судски совет и се усогласува со Канцеларијата на Европска Комисија и за брзо ќе се најде во Собрание.

– Потоа е делот на објавување на регистар на компании во кои државата има некаков удел, не доминантен, туку некаков удел, тоа се претпријатија во кои државата е сопственик, законот заедно со професори од Правен факултет го направивме, го доставивме до Министерство за економија и труд и Министерство за европски прашања и очекуваме скоро да се усогласи и во декември да се најде во Собрание. Понатаму има дел во кој давачки и процедури кои треба во три институции да бидат усогласени тоа се Централен регистар, Малмед, односно Агенцијата за лекови и Министерството за економија и труд во делот на Централен регистар е завршено тоа се шест, во Малмед се 19, десет усогласени, девет ќе се усогласат и останува уште три во Министерство за економија и труд и ова ќе биде завршено во рамките на оваа година. Понатаму имаме либерализација на железнички сообраќај, во делот на инфраструктура, транспорт, и веќе се реализираше состанок со Канцеларијата на Европската Комисија договорени се активностите. Имаме комплетирање на вработувања во рамките на Агенција за одземен имот, и работните места ќе бидат пополнети -изјави премиерот Мицкоски.

„Досега никој не го направил ова за младите“

Во врска со програмите за младите премиерот ја спомна мерката за самовработување.

– Исклучително успешна мерка беше ова, барем до сега, се надевам дека така ќе биде и во периодот којшто следи. Самовработувањето е многу важна мерка и во Буџетот се издвоени средства коишто се од износ отприлика 2,5 милијарди денари, или околу 40 милиони евра, што е за 7,5 милиони повеќе од минатата година. И ова е историски највисока поддршка којашто до сега се случила.

Мицкоски истакна дека Оперативниот план за самовработување е доказ дека државата инвестира во младите.

– Со овој план во 2025 година ќе бидат опфатени нешто повеќе од 16.500 лица. Нешто што мислам дека е најголем опфат до сега и јасен доказ дека државата практично инвестира во луѓето, а посебно во младите.

Ваучери за бизнис план, 2.500 лица ќе потпишат договор

Премиерот информира дека до пред една недела издадени се вкупно 2.916 ваучери за изработка на бизнис план и дел од тие ги промовиравме во Владата. Оценети се 2.681, при што 1.140 се за млади до 29 години, 912 за лица над 29 години, а 629 за правни субјекти регистрирани како друштва со ограничена одговорност.

– Во моментот повеќе од 2.500 лица веќе се во процес на потпишување договори. Финансиската поддршка е значително зголемена: 7.000 евра за лица над 29 години или 14.000 евра ако се здружат во ДОО, и 10.000 евра за млади до 29 години или 20.000 евра ако се здружат во ДОО.

Мицкоски додаде дека ова е нешто коешто за прв пат се случува во Македонија.

– Морам да кажам дека ги изненади и нашите очекувања и во годините коишто следат очекувам поддршката којашто е дел од овој Оперативен план за самовработување само да се зголемува, бидејќи ако ние со 40 милиони евра успеавме да анимираме повеќе од 16.500 луѓе, тоа е сериозна бројка и убеден сум дека од тие бизниси ќе излезат многу бизниси старт-ап коишто понатаму ќе донесат додадена вредност во македонската економија.

39.012 ваучери за електронски уреди за студентите

Тој вели дека ваква поддршка за младите немало.

– Генерално зборувам, реконструкција на студентските домови, ваучерите за студентите за електронски уред и кога сето ова ќе се земе во предвид, ценам дека како Влада правиме нешто коешто до сега никој не го направил во независна Македонија за младите.

Заклучно до денес, издадени се 39.012 ваучери, а искористени се 18.848, значи толку се купени. Инаку мерката е 850 милиони денари, вели претседателот на Владата.

Премиерот Мицкоски посочи дека ова до сега не се случило и оваа мерка за електронски уреди е дел од кампањата којашто има за цел да ги задржи младите во државата.

– Ова до сега не се случило и мислам дека ова е дел од онаа сеопфатна кампања којашто ја правиме за младите луѓе да останат тука дома – посочи премиерот.

Мицкоски најави дека ќе има уште многу проекти за младите во годините коишто следат, бидејќи како што рече иднината е токму во нив.

The post ВЛАДАТА ЌЕ ПРОДОЛЖИ ДА ГИ СУБВЕНЦИОНИРА СМЕТКИТЕ ЗА СТРУЈА Приоритет се младите, градинките и училиштата, не платите на судиите appeared first on plusinfo.mk.

Тврдењето дека Бугарија ја одложила модернизацијата на бугарскиот дел, министерството за БТА го оценува како медиумска шпекулација.

„Министерството за транспорт и врски со години прави напори за развој на Коридорот 8, кој го поврзува Јадранското Море со Црното Море преку Албанија, Република Северна Македонија и Бугарија. Од вкупно 1220 километри железница, повеќе од половина од нејзината должина – 747 километри, е на територијата на Република Бугарија. Од нив останува да се изградат само 2,5 километри железничка пруга – од Ѓуешево до Деве Баир (границата со Република Северна Македонија). Делот е финансиран во рамките на Програмата за транспортна поврзаност 2021 – 2027 година и ќе биде завршен согласно распоредот до 2029 година. За споредба, делницата што недостасува на територијата на РСМ е приближно 70 километри“, соопшти Министерството, пренесува БТА.

Според бугарското Министерство, железничката линија Радомир – Ѓуешево е во функција и по завршувањето на делницата од Ѓуешево до Деве Баир во должина од 2,5 километри, преку прекуграничен тунел ќе може да се приклучи на мрежата на операторот на Република Северна Македонија.

„На 15 јануари 2025 г. согласно утврдената процедура, Бугарија ѝ предаде на Република Северна Македонија нацрт-договор за прекуграничен железнички тунел со Република Северна Македонија, во кој се претпоставува дека страните имаат заедничка цел – изградба на прекуграничен железнички тунел меѓу Република Бугарија и Република Северна Македонија во граничната област, вклучително и преку спроведување на јавна набавка за изградба и надзор на изградбата на тунелот од страна на една од договорните страни и напорите за обезбедување грант помош за негова изградба, бидејќи изградениот објект треба да ги исполнува барањата на ЕУ и НАТО за ваков тип на инфраструктура. До денес нема официјален одговор од РСМ“, наведуваат во својот став од бугарското Министерство.

Министерот за транспорт и врски Александар Ниоловски, денеска одлуката на бугарската Влада средствата за реконструкција на делот од Софија до Перник и од Перник до Радомир да ги пренасочат за изградба на пруга од Софија до Бургас, ја оцени како политичка порака во однос на нивната посветеност, односно непосветеност, на изградбата на железничкиот Коридор 8.

„Испратени се писма до Европската делегација, до Европската транспортна заедница, но исто така и до двете банки Европската инвестициска банка и Европската банка за обнова и развој, откако вчера бугарската Влада информираше дека нема предвидено средства за железничката пруга, која треба да ги поврзи Софија-Скопје преку железничкиот Коридор 8“, изјави Николоски.

Нашата држава, рече тој, останува силно посветена на изградба на Железничкиот Коридор 8. Во овој момент активно се работи на втората секција, во должина од 34 километри, којашто оди од Бељаковце до градот Крива Паланка.

The post КОРИДОР 8 Е НАЦИОНАЛЕН ПРИОРИТЕТ ЗА БУГАРИЈА Изградбата на пругата не е одложена, вели бугарското Министерството за транспорт и врски appeared first on plusinfo.mk.

-Тоа е стратешка формулација која има за цел да ги насочи владините агенции во САД да работат со индустријата за криптовалути – велат изворите.

Трамп планира да формира и советодавен совет за криптовалути кој ќе се залага за приоритетите на индустријата.

-Наредбата може да вклучи и директива  сите владини агенции да ги прегледаат политиките за дигитални средства и евентуално да ги паузираат сите судски спорови кои вклучуваат криптовалути – велат изворите.

Се разгледува и создавањето на национален залихи на биткоин кој би ги вклучил постоечките државни акции на најголемата криптовалута во светот.

Според аналитичката компанија Arkham, американската влада моментално поседува биткоин во вредност од речиси 20 милијарди долари, запленет како дел од различни истраги.

Индустријата за криптовалути беше често под лупа за време на претседателствувањето на Џозеф Бајден, така што оваа одредба би претставувала голема промена.

The post КРИПТОВАЛУТИТЕ СТАНУВААТ ПРИОРИТЕТ НА ТРАМП Ќе се формира и советодавен совет на оваа индустрија appeared first on plusinfo.mk.

Кога Русија интервенираше во сириската граѓанска војна во 2015 година, тоа му даде значителна предност на Асад, а неговиот пад ѝ нанесе сериозен удар и на Москва, која води војна во Украина, и на Иран кој на целиот исток е во конфликт со Израел, а Ерусалим е поддржан од САД.

– Секако дека сме во контакт со оние кои моментално управуваат со ситуацијата во Сирија – изјави за новинарите портпаролот на Кремљ, Дмитриј Песков.

На прашањето колку падот на Асад го ослабе руското влијание во регионот, Песков рече дека Москва одржува контакти со сите земји во регионот и дека ќе продолжи да го прави тоа.

Приоритет за Москва, рече Песков, е војната во Украина, која претседателот Владимир Путин ја нарекува „специјална воена операција“.

– Специјалната воена операција е апсолутен приоритет за нашата земја: ние мора да ги гарантираме интересите на нашата безбедност, интересите на нашиот руски народ и тоа ќе го направиме – рече Песков.

Москва ја поддржува Сирија уште од раните денови на Студената војна, признавајќи ја нејзината независност во 1944 година, кога Дамаск се обидуваше да се ослободи од француската колонијална власт.

ПАДОТ НА „СИРИСКИОТ ЅИД“ И РАСЕАНИТЕ СОЈУЗНИЦИ Зошто режимот на Асад се сруши толку бргу и што понатаму?

The post УКРАИНА НИ Е ПРИОРИТЕТ, А НЕ СИРИЈА Русија и понатаму има силно влијание на Блискиот Исток? appeared first on plusinfo.mk.

– Потрошивме многу време фокусирајќи се на Балканот, особено во текот на 1990-тите и раните 2000-ти години, кога работев во регионот. Сега, има и други предизвици. И, како што истакна новоизбраниот претседател Доналд Трамп: Америка на прво место. Што е во американскиот интерес, како некое дејствување ќе им помогне на САД, нашата економија и нашите интереси. Тоа е нешто на што можеме да работиме заедно во целиот регион и во таква активност може да бидат вклучени и САД – рече Рикер во интервју за српскиот портал „Радар. Нова“.

Дипломатот Рикер вели дека со оглед на тоа што Косово и Србија воопшто не биле спомнати во претседателската кампања во САД, не гледа оти прашањето за Косово во моментов е приоритет.

– Не гледам дека во моментов има некаков напредок по прашањето за Косово. Знаете, не е многу паметно да организирате меѓународен настан ако не сте убедени дека можете да постигнете нешто конкретно. Ова е особено случај кога паралелно со ова има многу други главни актуелни прашања на глобално ниво. Во оваа насока, секако не гледам дека организирањето на меѓународна конференција може да биде приоритет за САД. Верувам дека треба да се запрашате, гледајќи го ова прашање од перспектива на новоизбраниот претседател Трамп: Што од тоа би било во интерес на Америка? Не забележав дека за време на претседателската кампања во САД, во целата политичка дискусија воопшто се споменуваше Србија, Косово или целиот регион. Тешко ми е да замислам дека тоа би можело да биде приоритет, со оглед на сите турбулентни настани што се случуваат во светот – вели Рикер.

The post БАЛКАНОТ ВЕЌЕ НЕ Е ПРИОРИТЕТ ЗА САД Потрошивме многу време таму, сега има други предизвици appeared first on plusinfo.mk.

Најголем приоритет ми е да ја изградам брзата пруга на Коридор 10, имаме голем интерес за тоа да се изгради таа пруга со висока технологија, објави вицепремиерот и министер за транспорт Александар Николоски, во вечарашната емисија „Само интервју“.

– Нема поважен проект од овој, со кој што Македонија ќе ја однесе во иднината, ќе ја развива економски и проект со кој ќе фатиме чекор со светот и нема да останеме слепо црево – истакна министерот Николоски.

Во интервјуто тој нагласи дека овој проект е исплатлив и дека веќе постои проект од 1978 година за изградба на пруга со проектирана брзина од 140 до 250 km на час.

– Ако ме прашувате за исплатливоста, тој е исплатлив. Тогашниот проект не се реализирал веројатно заради распадот на Југаославија. И тој проект би не чинел поевтино од пругата кон Бугарија, некаде по километар меѓу 6 до 10 милиони евра, што значи ако Македонија има околу 215 km пруга од Табановце до Гевгелија, тоа би значело некаде од 1,6 милијарди до 2,1 милијарда евра да се изгради пруга со две линии. Потенцирам тоа ќе биде пруга со две линии. Јас проектов ќе го завршам и нема да биде изграден од руска, кинеска или индиска компанија, ќе го почнам и ќе го завршам бидејќи очекувам ВМРО-ДПМНЕ да има два мандати – истакна министерот Николоски.

Тој потенцираше дека брза пруга Скопје – Солун ќе значи развој на државата во целина од прични што покрај пругата можат да се градат потенцијално економски зони кои како поевтин транспорт би го користеле железничкиот.

Министерот најави дека во текот на утрешниот ден на состанокот на министри на ЕУ што се оддржува во Будимпешта, ќе се сретне со министрите за транспорт од Грција, Србија Унгарија и Австрија, каде меѓудругото фокус тема на разговорите ќе биде и изградба на брзата пруга на Коридор 10.

Во однос на прекинување на постапка за изградба на 3-та фаза од пругата кон Бугарија, министерот Николоски потенцира дека не е против изградба на пруга кон Бугарија, но нема да се гради по траса која е неизводлива, прескапа и на начин со обиди на корупција.

The post ПРИОРИТЕТ Е БРЗАТА ПРУГА СКОПЈЕ-СОЛУН Не смееме да останеме слепо црево, вели Николовски appeared first on plusinfo.mk.

Во соопштението понатаму се вели дека ДУИ, иако беше домаќин на Лавров во Скопје, пред изборите бараше да се каже НЕ на Русија. Али Ахмети ги лажеше сателитите дека САД нема да дозволи ДУИ да не биде дел од владината коалиција. Не само што мнозинството Албанци токму нив им кажаа НЕ на изборите, туку сега им ги тегнат ушите како Мики Маус за нивните планови за предизвикување тензии.

„Затоа, крајно време е СДСМ и ДУИ да излезат од лажниот филм во кој живеат. Ние не сме како нив да присвојуваме стратешки национални цели кои по природата на значењето надминуваат мандат на една Влада. Сепак, треба да прифатат дека токму нивното неодговорно и коруптивно владеење најмногу ја оддалечи земјата од ЕУ. Реформската агенда е директна потврда дека ние работиме на динамизирање на полноправното членство во ЕУ. Тоа ги боли. Исто како што ги боли што ќе има правосудни реформи за отстранување на “мувлата” и ќе спроведеме бескомпромисна борба против корупцијата. Преминуваме на дела без разлика на сите опструкции, блокади и сопки од оние кои по секоја цена сакаат да ја избегнат правдата“, стои во соопштението на ВЛЕН.

The post СДСМ И ДУИ СЕ БРАЌА ВО НИВНИТЕ ЗАБЛУДИ Агендата за ЕУ е приоритет за ВЛЕН appeared first on plusinfo.mk.

Во изјава за медиуми по увидот на новоизграденото основно училиште „Визбегово“ во Општина Бутел, вицепремиерот Битиќи рече дека засега немаат такво барање и оти разговорале со Министерството за транспорт и врски.

– Тие немаат посериозни проблеми. Може да има исклучоци од превозниците кои што го немаат решено проблемот со сообраќајните дозволи, возачките дозволи итн., и другата пропратна документација. Ако се појави ова како нужност, секогаш сме кажале дека сме спремни да излеземе во поддршка на кој било – дали е тоа во приватниот сектор, или јавниот сектор, сме помагале кога тоа е потребно. И во овој случај ако е нужно, велам, и повеќе го имаат тој проблем, секако сме спремни да разговараме – изјави Битиќи.

Асоцијаците на превозници во патниот сообраќај „МАКАМ-ТРАНС“ и „Превозник“ денеска упатија допис со барање за овозможување приоритет за издавање на сите потребни документи на превозните трговски друштва до Министерство за внатрешни работи и допис за поддршка до Министерство за транспорт и врски, а поради стапувањето во сила на одредбите од Договорот од Преспа.

Како што истакнуваат, на професионалните возачи, работните активности им зависат токму од овие документи и затоа се обраќаат за помош и поддршка со цел избегнување на застојот во вршење на превозот на стока.

The post АКО БИДЕ НЕОПХОДНО, ЌЕ СЕ БАРА ЧАРЕ ЗА КАМИОНЏИИТЕ Битиќи уверува дека засега тие немаат посериозни проблеми со вадењето документи appeared first on plusinfo.mk.

Како што истакнуваат, на професионалните возачи, работните активности им зависат токму од овие документи и затоа се обраќаат за помош и поддршка со цел избегнување на застојот во вршење на превозот на стока.

– Во однос на пасошите и возачките дозволи, се работи за поднесени барања од страна на физички лица кои за да се препознаат во масата на доставени барања треба да се овозможи преку асоцијациите и разните здружувања да се достават пишани списоци со податоци за истите, како би се овозможило полесно пронаоѓање и изработка на истите – велат асоцијациите на превозниците.

Додека, во однос на процедурите кои се пропишани за добивање на налепници и нови сообраќајни дозволи, како што дополнуваат, потребно е да се овозможи на сите кои вршат комерцијален превоз (превоз на стока и патници) истите да ги добиваат наеднаш за сите возила кои ги имаат во сопственост, а врз база на копии од сообраќајните дозволи да им се издадат нави со променет назив на државата.

– Ова наше барање го поткрепуваме со фактот дека, превозот во патниот сообраќај не може и не смее да се прекинува затоа што целото стопанство зависи од нив, особено што според статистички податоци превоз на стока во увоз и во 96 отсто случаи се врши преку патниот сообраќај и возилата се насекаде низ европскиот транспортен пазар, велат оттаму.

Дополнуваат дека превозниците од своја страна ќе си обезбедат доставување на налепниците и сообраќајните дозволи преку брза пошта, или со други превозници кои се во државата и ќе патуваат во правец на возилата кои се надвор од државата.

Асоцијациите испратиле допис и до министерот за транспорт и врски, Благој Бочварски, со кој бараат поддршка во однос на сите процедури кои во моментот се вршат, со цел да се даде приоритет на професионалните возачи и превозните трговски друштва.

The post КАМИОНЏИИТЕ ДА ИМААТ ПРЕДНОСТ ПРИ ВАДЕЊЕ ДОКУМЕНТИ Барање од здруженијата на превозници до МВР и до Министерството за транспорт appeared first on plusinfo.mk.

Израелскиот весник Хаарец објави дека обновувањето на војната од страна на Израел е најголемата грешка што ја направил од 7 октомври. Неговите цели се намалуваат, а неговите злосторства се натрупуваат. Првите два дена од обновената фаза на војната изгледаа страшно, како враќање на загубата на човештвото.

Во својата колумна во споменатиот весник, Гидеон Леви наведува дека светот се вратил на ужасните сцени, во кои децата умираат врескајќи од болка, а повредените – чии крвави тела се покриени со прашината на урнатите згради – се транспортираат во возила на брзата помош што не можат да им помогнат.

Колумнистот наведува дека Газа веќе не може да го поднесе ова и дека веќе нема смисла повторно да се бара раселување од северот. Ситуацијата е таква што југот на Појасот Газа е изложен на истото неселективно бомбардирање, а интерактивната карта на патот за бегство, која ја претставува славата на технологијата и етиката на ИДФ, веќе не може да спаси ниту еден живот.

„Јасно е дека Израел претпочита да го „скрши“ Движењето на исламскиот отпор (Хамас) отколку да ги спасува заложниците. Со повторното почнување на војната, Израел не само што ги загрозува животите на заложниците, туку го уништува секој обид за нивно ослободување и тоа во време кога процесот на размена на заробеници се одвиваше подобро од очекуваното“ – пишува Леви.

Според некои извештаи, Хамас бил заинтересиран да ги ослободи машките заложници, за што цената била повисока, но Израел сакал прво да го заврши ослободувањето на жените. Неуспехот на преговорите и враќањето на сеопфатната војна ги покажува приоритетите на Израел, кој и пред ова покажа дека повеќе сака војна отколку ослободување заложници.

„Дојде моментот на вистината кога е Израел во прашање, изборот е направен, иако фактот што Израел има поважна цел од ослободувањето на заложниците предизвикува гнев. Нема ништо поопасно од прекршување на непишаниот договор меѓу цивил или војник и неговата земја, оставајќи ги заложниците на нивната судбина“ – истакнува колумнистот на Хаарец.

Иако колумнистот смета дека војната на Израел е праведна, тој вели дека таа се води со ужасни методи. Дури и во праведни војни, не е сè прифатливо, особено да се убиваат 15.000 луѓе и да се продолжи со бескрајно убивање за да се постигнат цели кои можеби не се остварливи.

The post ИЗРАЕЛ ИМА ПОВАЖНА ЦЕЛ ОД ОСЛОБОДУВАЊЕТО НА ЗАЛОЖНИЦИТЕ Продолжувањето на војната предизвикува гнев кај Израелците appeared first on plusinfo.mk.