Принцезата од Велс, 43-годишната Кејт Мидлтон, која се врати во јавниот живот оваа година по битката со ракот, ѝ се придружи на нејзината 10-годишна ќерка Шарлот за специјален пијано дует со кој започна годишната служба во Вестминстерската опатија, која беше емитувана на ITV на Бадник.

Принцезите ја свиреа „Холм Саунд“ од Ерланд Купер – шкотски композитор и продуцент од Оркниските Острови – чијтруд е инспириран од природата и поврзаноста, теми кои се од длабоко значење за принцезата од Велс.

Композицијата е напишана и посветена на мајката на Купер, која исто така се викала Шарлот.

На снимањето на заедничкиот настап на принцезите им се придружил и самиот Купер.

Дуото беше најавено претходно истиот ден преку краток, мистериозен видео-клип објавен на заедничкиот Инстаграм профил на принцот и принцезата од Велс. Во видеото се гледа празнично украсена просторија, по што камерата се задржува на две раце поставени на клавир – едната со впечатлив прстен – со опис: „Посебен дует…“.

Во воведната нарација, Кејт Мидлтон прочита емотивна порака за значењето на Божиќ, нагласувајќи дека тој во својата суштина зборува за љубовта што се покажува на наједноставни и најчовечки начини – преку нежност, внимание, разговор и помагање на другите.

– Во својата суштина, Божиќ зборува за љубовта што се оформува на наједноставните, најчовечки начини.

Не во сентиментални или големи гестови. Туку нежни. Момент на слушање. Збор на утеха. Пријателски разговор. Помагање. Подароци.

Овие едноставни акти на грижа може да изгледаат мали, но тие придонесуваат за прекрасната таписерија на животот на која сите припаѓаме.

Божиќ е време кое нè потсетува колку длабоко се испреплетени нашите животи. Исто како што корените на дрвјата ја делат силата со тлото, невидлива, но витална, така и ние.

Нè привлекува инстинктивна привлечност кон припадност и поврзаност.

Во време кога животот понекогаш може да изгледа фрагментиран или несигурен, божиќната сезона нè поканува да се потсетиме на моќта на меѓусебното пружање рака еден кон друг со великодушност на срцето, разбирање и надеж.

Оваа божиќна служба нуди момент на колективно заедништво, можност да се прослави духот на заедницата и службата и да се почитуваат видливите и невидливите врски што нè обединуваат сите нас.

Времето, грижата и сочувството што ги давате честопати тивко и неизговорено и без никакво очекување или признание прават извонредна разлика во животите на другите – порача Кејт.

По нејзината нарација, програмата продолжи со актерката Вики МекКлур, а потоа следеа изведби на химните „Once in Royal David’s City“ и „A Sussex Carol“ од хорот на Вестминстерската опатија, како и обраќање на велечесниот д-р Дејвид Хојл.

Принцот Вилијам прочита одломок од Евангелието според Лука, а актерката Кејт Винслет изведе рецитација со наслов „Рефлексија за љубовта и поврзаноста“.

The post 🎥 КЕЈТ И ШАРЛОТ ИМАА СПЕЦИЈАЛЕН ПИЈАНО ДУЕТ ЗА БАДНИК Прекрасната изведба на принцезите на Божиќниот концерт ја разнежни јавноста appeared first on plusinfo.mk.

Кејт Мидлтон и Чарлс III присуствувале на погребот на војвотката од Кент во Лондон. Постои еден детаљ кој многу зборува за односот меѓу принцезата од Велс и британскиот крал.

Кејт Мидлтон дошла во Вестминстерската капела со својот сопруг принцот Вилијам, а кралот Чарлс се појавил без кралицата Камила, која го пропуштила настанот поради здравствен проблем (синузитис).

Потоа Кејт Мидлтон и кралот Чарлс се сретнале и топло се поздравиле. Поточно, како што се гледа од снимките, тие се бакнале во образ, за ​​потоа принцезата од Велс да го поздрави монархот со совршен наклон. Принцезата е позната по нејзиното совршено познавање на протоколот, иако понекогаш го крши, но со добра причина.

@hellocanadamag

#PrincessKate said goodbye to King Charles with a kiss and a curtsy as she left the funeral of the Duchess of Kent at Westminster Cathedral. : @emilynashhello

♬ original sound – HELLO! Canada Magazine – HELLO! Canada Magazine

Кралот Чарлс, ја смета Кејт за своја ќерка, а овој однос помеѓу нив е потврда за нивната блискост и огромна почит што трае со години и која стана уште посилна поради нивната борба со ракот.

Да потсетиме дека сопругата на принцот од Велс претходно оваа година објави дека е во ремисија, третманот на кралот сè уште е во тек.

Познато е дека Чарлс е повеќе приврзан кон Кејт Мидлтон, во споредба со неговата врска со Меган Маркл, која и го критикува и го фали јавно, па од таа перспектива, би било помалку веројатно војвотката од Сасекс да доживее некогаш една ваква средба со кралот.

The post 🎥 ПРВО БАКНЕЖ ЗА СВЕКОРОТ, А ПОТОА НАКЛОН ЗА КРАЛОТ Снимките од погребот на војвотката од Кент, го откриваат посебниот однос на Кејт и Чарлс appeared first on plusinfo.mk.

Петдневните коњски трки во Кралскиот Аскот се омилено место за собири на британската аристократија со децении, а доаѓањето на принцезата од Велс, Кејт Мидлтон, беше најавено и оваа година. Но, нејзиното појавување во церемонијалната кочија е откажано во последен момент, што предизвика загриженост во јавноста.

Иако не е официјално потврдено зошто Кејт Мидлтон се пензионираше, се шпекулира дека причината лежи во нејзиното здравје. Помина една година откако таа ја заврши превентивната хемотерапија по дијагнозата на рак, а бројни медиумски извештаи велат дека принцезата во моментот се фокусира на одмор и закрепнување.

„Принцезата од Велс се повлече од списокот на гости на Кралскиот Аскот, еден од најславните социјални и спортски настани во Велика Британија, за да продолжи со закрепнувањето и да најде рамнотежа по неколкумесечната борба со ракот“, пишува „Бизнис инсајдер“.

Според зборовите на дописничката на кралското семејство Даниел Стејси, принцезата Кејт (43) изразила жалење што нема да може да присуствува на трките во Беркшир оваа година, каде што нејзиниот сопруг принцот Вилијам, кралот Чарлс и кралицата Камила требаше да ја придружуваат. Принцезата првично беше планирана како учесник во традиционалната поворка со кочии заедно со принцот Вилијам и брачната двојка Роуз-Филипс, но Бакингемската палата подоцна потврди дека тоа сепак нема да се случи.

И покрај нејзиното отсуство, мајката на Кејт, Керол Мидлтон, и снаата Ализе Тевенет, сопруга на нејзиниот брат Џејмс Мидлтон, не го пропуштија Кралскиот Аскот. Кумот на принцезата Шарлот, Томас ван Штраубензе, со неговата сопруга Луси, исто така беа забележани во публиката.

Иако не беше во Аскот, принцезата се појави на два важни настани во последните денови – прославата во Виндзор и парадата „Trooping the Color“ по повод официјалниот роденден на кралот Чарлс.

The post КЕЈТ МИДЛТОН ВО ПОСЛЕДЕН МОМЕНТ ГО ОТКАЖА ДОАЃАЊЕТО НА ПОЗНАТИОТ НАСТАН Сите за загрижени за принцезата appeared first on plusinfo.mk.

Принцот Вилијам изрази благодарност за „извонредната“ работа на здравствениот персонал кога пристигнал во Бирмингем на конференција за итна и интензивна нега.

Тој го посвети својот говор на службите за итни случаи во донесувањето ефикасни одлуки под притисок и им пружи поддршка.

Во текот на посетата, Вилијам се смеел и разговарал со разни болничари од различни области на Велика Британија.

 

View this post on Instagram

 

A post shared by The Prince and Princess of Wales (@princeandprincessofwales)

Да потсетиме, во текот на вчерашниот ден принцезата од Велс се огласи и рече дека е „олеснување што сега е во ремисија“ од ракот, додека им се заблагодари на персоналот во болницата Ројал Марсден за нивната исклучителна грижа.

„Сакав да ја искористам оваа прилика да му се заблагодарам на Ројал Марсден што толку добро се грижеше за мене во текот на изминатата година. Од срце се заблагодарувам на сите оние кои тивко чекореа заедно со Вилијам и со мене додека поминувавме низ ова. Не можевме да побараме повеќе од тоа. Негата и советите што ги добив во текот на времето како пациентка беа исклучителни. Во мојата нова улога како заеднички покровител на болницата Ројал Марсден, се надевам дека со поддршка на револуционерни истражувања и клиничка извонредност, како и промовирање на благосостојбата на пациентите и нивните семејства, можеме да спасиме многу повеќе животи и да го трансформираме искуството на сите заболени од рак“, напиша Кејт Мидлтон во објавата на Инстаграм.

The post 📽️ ПРВО ЈАВНО ПОЈАВУВАЊЕ НА ПРИНЦОТ ВИЛИЈАМ ОТКАКО КЕЈТ ОТКРИ ДЕКА Е ВО РЕМИСИЈА Расположен и насмеан по заминувањето на најтешката година за него и принцезата appeared first on plusinfo.mk.

Принцезата од Велс објави неколку фотографии на Инстаграм и порача: „Многу ја поддржувам посветеноста на музејот за создавање посебен простор кој ги поттикнува луѓето од сите возрасти повторно да се поврзат со природата и да научат повеќе за тоа како можеме да ја заштитиме природата и светот“, напиша Кејт Мидлтон.

„Ја знам моќта на природата која ни носи радост и ни помага да останеме физички и психички здрави. Се надевам дека овие градини ќе им бидат инспирација на многу посетители“, додала Кејт.

Ова беше едно од ретките излегувања на принцезата од Велс, откако таа откри дека ѝ бил дијагностициран рак во јануари.

„Добро напредувам, но секој што поминува низ хемотерапија ќе знае дека има добри и лоши денови. Во тие лоши денови се чувствуваш слабо, изморено и мораш да му дозволиш на своето тело да се одмори“, рече принцезата пред еден месец.

„Но, во тие добри денови, кога ќе се чувствуваш посилно, сакаш најдобро да го искористиш тоа што се чувстваш добро. Моето лекување е во тек и ќе трае уште неколку месеци. Во деновите кога се чувствувам доволно добро, среќна сум што сум вклучена во училишниот живот, поминувам време во работи кои ми даваат енергија и позитивност, како и да почнам да работам малку од дома“, додала таа.

 

View this post on Instagram

 

A post shared by The Prince and Princess of Wales (@princeandprincessofwales)

Пред неколку дена принцезата беше на финалето на Вимблдон во Ол Ингланд клубот. Кејт Мидлтон е голем љубител на тенисот, а самата е покровител на клубот за тенис Ол Ингланд. Но, откако и е дијагностициран рак, таа не ги извршува службените должности.

The post 📷 КЕЈТ МИДЛТОН ВО РЕТКО ИЗЛЕГУВАЊЕ ПО ДИЈАГНОЗАТА НА РАК Принцезата испрати јасна порака appeared first on plusinfo.mk.

Јавноста сè уште е потресена од последното јавно појавување на принцезата од Велс Кејт Мидлтон. Во британските медиуми се откриваат детали кои многумина не ги ни забележале. Имено, не случајно принцезата Шарлот ја придружуваше својата мајка Кејт на неодамна завршениот Вимблдон. Нејзината улога била силна и многу важна, пишува „Вуман енд хоум.“

Бидејќи во период од шест месеци се појави само еднаш, на манифестацијата „Поздрав со бои“, сите нетрпеливо го чекаа појавувањето на Кејт Мидлтон на Вимблдон. Токму поради тоа малата Шарлот  донекаде остана во сенката на обожавањето на принцезата.

Оние кои внимателно го следат животот на сите членови на кралското семејство забележале еден детаљ на малата принцеза Шарлот со кој таа испратила своевидна порака. На раката носела нова златна белегзија со тиркизна амајлија назар, привезок во облик на око, кој содржи посебен збор на арапски јазик. Овој приврзок симболизира „вид“ и „надзор“ и претставува амајлија што се носи за да го заштити оној што го поседува од „проклетството на злото око“ која е инспирирана од завист и му нанесува штети на личноста што ја прима. Носењето амајлија за лошото око може да биде начин да се заштитите од овие знаци и лоша среќа.

Да потсетиме, принцезата Кејт Мидлтон кон крајот на март преку видео порака објави дека има рак, не сакајќи да открие за кој тип се работи. Потоа напомена дека влегла во процесот на лекување и дека е благодарна за поддршката. Некако во исто време, неколку недели претходно, и кралот Чарлс Трети објави дека боледува од рак. Тогаш целата важна улога падна на принцот Вилијам, кој ги извршувалкралските должности, а истовремено се грижи и за децата, кои ги носеше на неколку интересни настани како концерти и спортски натпревари.

The post ДОДЕКА СИТЕ ГЛЕДАА ВО КЕЈТ МИДЛТОН, НЕ ЗАБЕЛЕЖАА ЕДНА РАБОТА Детаљот на раката на принцезата Шарлот на Вимблдон appeared first on plusinfo.mk.

Принцезата од Велс Кејт Мидлтон се појави во неделата на финалето на Вимблдон и ја воодушеви јавноста, која ја пречека со стоечки овации.

Познато е дека принцезата се бори со ракот со месеци и дека нема многу информации за нејзиното лекување, ниту за нејзината здравствена состојба.

Затоа, британската, но и на светската јавност беше воодушевена кога ја видоа насмеана и весела во друштво на нејзината ќерка, принцезата Шарлот и нејзината сестра Пипа.

Меѓутоа, сега се појави видео од Кејт Мидлтон во кралската ложа на Вимблдон.

На видеото принцезата плаче, а солзите ги крие со црни очила за сонце кои цело време ги држела на лицето. Меѓутоа, овие нејзини солзи не останаа незабележани.

@katee.middelton #katemiddleton #princesskate #tennis #wimbledon #foryou #cancer #tiktok ♬ original sound – edited audios

Видеото од расплаканата Кејт заврши на социјалната мрежа ТикТок и има стотици коментари. Сите беа полни со поддршка во нејзината борба да оздрави. Многумина сметаат дека ја совладале емоциите кога видела колкава поддршка и љубов има од јавноста во тешките моменти.

The post 🎥 ИСПЛИВА СНИМКА ОД РАСПЛАКАНАТА КЕЈТ МИДЛТОН Принцезата скршена од емоции на Вимблдон appeared first on plusinfo.mk.

Писмото предизвика огромно внимание во јавноста и беше детално протолкувано, но се чини дека многумина не ја прочитаа тајната порака, која принцезата преку него ѝ ја испрати на јавноста.

Сепак, многумина потоа забележаа два збора што може да го навестат периодот во кој Кејт би можела да се врати на своите должности.

„Чест ми е да бидам ваш полковник и многу ми е жал што нема да можам да се поздравам на овогодинешната парада на полковници. Ве молам, пренесете го моето извинување до целиот полк, меѓутоа, се надевам дека многу брзо ќе можам сите повторно да ве претставувам“, рекла Кејт Мидлтон во писмото.

„Многу брзо“ се два збора кои многумина ги забележаа, па мислат дека Кејт успешно закрепнува.

Џек Ројстон, кралскиот дописник, изјави за „Скај њус“ дека враќањето на принцезата е многу блиску.

„Сега не треба да читаме премногу за тоа, тоа е оптимистичка употреба на јазикот. Можеби е примамливо да се мисли дека „многу наскоро“ значи дека таа ќе се појави на церемонијата оваа сабота и тоа сигурно би било многу наскоро. Мислам дека тоа би било и малку дрско“, рекол тој.

Последното јавно појавување на принцезата од Велс беше во декември 2023 година, кога таа му се придружи на остатокот од кралското семејство за Божик во Сандрингем.

The post ДВА ЗБОРА ВО ПИСМОТО НА КЕЈТ МИДЛТОН ИСПРАЌААТ ТАЈНА ПОРАКА Никој не го забележал ова appeared first on plusinfo.mk.

Принцезата од Велс Кејт Мидлтон, која од јануари живее во илегала поради веста дека има рак, наводно била забележана во понеделникот вечерта во американскиот град Хјустон.

Веста дека болната принцеза од Велс е забележана на влезот во медицинскиот центар во Хјустон го обиколи светот со брзина на светлината.

Информацијата ја објави извесна Аманда Мата на својот профил на ТикТок, за половина час ја прегледале половина милион луѓе, а потоа следувале илјадници коментари.

„Таа нема да биде во хотел. Ќе има своја куќа некаде само за неа“, напишал еден корисник на оваа социјална мрежа, а стотици од нив додале дека „логично е што го направила тоа“.

„Има логика Кејт да го бара најдобриот третман, без разлика каде се наоѓа“, гласат бројните коментари.

@matta_of_fact Kate Middleton spotted in Houston TX? Spilling the reat of the tea on my #royal theory about #KateMiddleton reciving cancer treatment outside of the UK (in the United States, no less) #royals #royalfamily #princesskate #princessofwales #britishroyals #royalnews #royaltea #royalty #britishroyalfamily #royalgossip #royalnews #royalupdates ♬ “Moonlight” in the dream (Beethoven) – LEOPARD

Британските медиуми, некои, не сите, веднаш стапиле во контакт со претставници на Центарот за рак „МД Андерсон“ за да ги потврдат овие наводи, а оттаму им одговориле:

„Болницата не може да коментира дали некој поединец е наш пациент или не, поради законите за приватност на пациентите.“

Овој Центар е познат по своето револуционерно лекување и истражување на ракот, во него спас побараа многу познати луѓе, меѓу кои и музичарот Еди Ван Хејлен и поранешната тенисерка Крис Еверт.

На крајот морала да реагира Кенсингтонската палата, која објави соопштение на својата официјална страница на Инстаграм:

„Гласините дека Кејт Мидлтон се лекува во Центарот за рак „МД Андерсон“ во Хјустон се лажни. Неколку сведоци ќе кажат дека ја виделе во Норфолк“, гласело официјалното соопштение од кралската палата.

The post 🎥 КЕЈТ МИДЛТОН ВИДЕНА НА ДРУГИОТ КРАЈ НА ПЛАНЕТАТА Се огласи и Кенсингтонската палата appeared first on plusinfo.mk.

Принцот Вилијам го рекол ова во разговорот со ветераните по комеморацијата на годишнината во Портсмут и додал дека Кејт е сè подобра, пренесува „Тајмс“.

Принцезата од Велкс Кејт Мидлтон на крајот на март објави дека има рак, но ниту таа ниту кралската палата не појаснија за каков вид на рак се работи.

Кралската палата се уште не соопштила кога принцезата би можела да се врати на јавните обврски.

Постоеја шпекулации дека принцезата можеби е доволно добро за да учествува на воен настан во Лондон на 8 јуни.

The post СЕ ОГЛАСИ ПРИНЦОТ ВИЛИЈАМ Каква е состојбата на Кејт Мидлтон? appeared first on plusinfo.mk.