За време на гостувањето во радио емисијата „Heart Breakfast“, принцот Вилијам зборуваше за неодамнешното патување на принцезата Кејт во Италија, што беше нејзино прво службено патување во странство по борбата со ракот. Но, освен нејзината вклученост во проекти поврзани со развојот во раното детство, нешто друго го привлекло неговото внимание.

– Не знаев дека зборува италијански – коментираше водителката Аманда Холден откако претходно, за време на нејзината посета на Реџо Емилија, принцезата од Велс им зборуваше на децата на италијански.

– Искрено, ниту јас – одговори принцот Вилијам со смеа, што го насмеа и колегата водител Џејми Тикстон. Тој додаде и дека неговата сопруга „очигледно го освежила своето знаење од пред доста време.

За време на нејзиниот дводневен престој во Италија, принцезата Кејт им се претстави на децата како „Катарина“, италијанската верзија на нејзиното име Катерина, и им зборуваше италијански.

– Зборувам малку италијански. Како се викате? Јас сум Катарина – им рече таа на најмалите за време на посетата на градското собрание во Реџо Емилија.

Британските медиуми потсетуваат дека Кејт студирала италијански јазик и историја на уметност во Фиренца за време на нејзината „година пауза“ во 2000 година, неколку месеци пред да го запознае принцот Вилијам на универзитетот во Шкотска.

Вилијам не криеше колку е горд на својата сопруга по нејзиното враќање на јавните должности.

– Многу сум горд. Таа помина низ многу во последните години и навистина се радуваше на ова патување во Италија. Мило ми е што сè помина толку добро – рече принцот за време на емисијата снимена на островот Скили.

Тој беше особено емотивен кога зборуваше за нејзината улога во семејството.

– Таа е неверојатна мајка и сопруга. Нашето семејство буквално не можеше да функционира без неа – рече Вилијам.

Кејт Мидлтон минатата година објави дека е на лекување од рак, што доведе до нејзино привремено повлекување од јавноста, а на почетокот на 2025 година потврди дека е во ремисија.

The post 🎥 ПРИНЦОТ ВИЛИЈАМ ИЗНЕНАДЕН ОД КЕЈТ „Не ни знаев дека зборува италијански!“ appeared first on plusinfo.mk.

Емотивните сцени на принцот Вилијам по големата победа на Астон Вила брзо станаа хит на социјалните мрежи. Идниот британски крал не ги криеше солзите и воодушевувањето додека ja славеше победата на својот омилен клуб со своите најблиски пријатели.

Астон Вила испиша нова страница во својата историја откако ја освои Лигата на Европа во Истанбул, својот прв голем трофеј по 30 години. Големата прослава на англискиот клуб предизвика вистинска еуфорија кај навивачите, а еден од нивните најпознати навивачи – принцот Вилијам – привлече посебно внимание.

Британскиот принц го гледаше натпреварот од трибината во друштво на своите најблиски пријатели, но по последниот свиреж на судијата, тој повеќе не можеше да ги крие своите емоции. Камерите го фатија Вилијам целосно надвор од вообичаениот кралски протокол – црвен во лицето, со стегнати тупаници и со солзи во очите додека скокаше од радост и ги прегрнуваше своите пријатели околу себе.

До принцот седеше Бен Доуз, попознат како „Доузи“, неговиот долгогодишен пријател и едно од лицата што често се гледаат со него на натпреварите на Астон Вила.
Принцот беше придружуван и од Џејк ван Катсем и неговиот татко Едвард ван Катсем, банкар и еден од најблиските пријатели на Вилијам од детството. Семејството Ван Катсем има блиски врски со британското кралско семејство со децении.

Вилијам отворено зборува за својата љубов кон Астон Вила со години и често ги гледа натпреварите со својот најстар син, принцот Џорџ.

Сепак, оваа победа и начинот на кој ја прослави особено трогнаа многумина бидејќи покажаа поопуштена и поемотивна страна на идниот британски крал.

The post 🎥 КАКОВ ПРОТОКОЛ, КАКВИ БАКРАЧИ… Принцот Вилијам се радуваше до солзи на победата на Астон Вила appeared first on plusinfo.mk.

Веќе е добро познато дека принцот Вилијам е страствен фудбалски навивач, а на најновите фотографии тој беше фатен на трибините како го бодри својот омилен фудбалски клуб Астон Вила со сета сила за време на полуфиналето на Европската лига против Нотингем Форест, а фотографите забележаа момент на чиста еуфорија.

Опкружен со пријатели и други гости, Вилијам славеше со кренати раце, видливо воодушевен од случувањата на теренот.
Во елегантна облека, но со емоции што ретко се гледаат во кралските кругови, принцот не криеше колку многу му значи овој натпревар.

Неговите реакции, од напнато следење на играта до експлозија на прослава, брзо станаа хит меѓу навивачите.

Познато е дека принцот од Велс е долгогодишен навивач на Астон Вила, а вакви моменти само потврдуваат дека дури ни кралските титули не можат да ја надвладеат вистинската спортска страст.

The post ПРИНЦОТ ВИЛИЈАМ СТРАСТВЕНО НАВИВАШЕ ЗА АСТОН ВИЛА Кралска еуфорија на трибините на полуфиналето на Европската фудбалска лига appeared first on plusinfo.mk.

Принцот Вилијам и принцезата од Велс, Кејт Мидлтон, објавија фотографија по повод нивната 15-та годишнина од бракот. На сликата се гледа парот како лежи на трева со своите три деца, принцот Џорџ, принцезата Шарлот и принцот Луис, и нивните кучиња.

Парот се венча на 29 април 2011 година во Вестминстерската опатија во Лондон, а заедно се од 2003 година. Сликата беше споделена на Инстаграм заедно со емотикон во форма на срце и натпис: „Прослава на 15 години брак“.

Секако, љубителите на модата брзо го препознаа изгледот на Кејт Мидлтон. Ретко погрешувајќи во стилот на облека, принцезата може да се види како носи класична пролетна комбинација, стилизирајќи бретонски плетен топ со бели т.н. цигарет панталони.

Станува збор за класична маица со долги ракави и сино-бели риги, по потекло од Бретања, Франција, каква што пред да стане култно парче гардероба, носеле морнарите. Симболизира француски шик, стил и едноставност. Оваа на фотографијата е од американскиот бренд Veronica Beard, изработена е од кашмир и има ребрести рабови и кратки ракави.

Што се однесува до пантолоните, Кејт се навраќа на еден од нејзините омилени британски брендови, Holland Cooper.

Од еластичен памучен материјал, панталоните се дизајнирани да бидат прилагодливи на телото, но удобни.

Индепендент пишува дури и каде можат да се купат овие парчиња облека и по која цена.

 

View this post on Instagram

 

A post shared by The Prince and Princess of Wales (@princeandprincessofwales)

The post ПРИНЦОТ И ПРИНЦЕЗАТА ОД ВЕЛС СО СЕМЕЈНО ФОТО ОДБЕЛЕЖАА 15 ГОДИНИ БРАК Еве ги точните детали за облеката што ја носи Кејт Мидлтон на фотографијата appeared first on plusinfo.mk.

Во британското кралско семејство би можел да се направи пресврт, бидејќи принцот Вилијам е решен да ја промени долгогодишната пракса во која првороденото дете има централна улога, а помладите деца често остануваат во втор план.

Како иден крал, неговиот најстар син, принцот Џорџ, е прв во редот за престолот. Но Вилијам сака неговите помлади деца, принцезата Шарлот и принцот Луис, да не растат во сенка на постариот брат, туку да имаат сопствен идентитет и јасна животна насока.

Според авторката Тина Браун, ваквиот систем со години создавал чувство на запоставеност кај помладите деца. Таа посочува дека Вилијам е свесен за неговите слабости и сака да избегне исто сценарио во своето семејство.

Вилијам и неговата сопруга Кејт Мидлтон веќе работат на тоа нивните деца да бидат финансиски обезбедени и подготвени за самостоен живот, независно од кралските должности.

Кралскиот биограф Роберт Хардман објаснува дека иако редот за наследување нема да се промени, можно е да се создаде порамноправна атмосфера во семејството, каде секое дете ќе се чувствува подеднакво важно.

Историја на семејни тензии

Ваквата поделба во минатото често доведувала до конфликти. Најпознат современ пример е односот меѓу принцот Вилијам и принцот Хари, кој прерасна во сериозен раздор.

Слични приказни постојат и низ историјата. Принцезата Маргарет долго време живеела во сенка на својата сестра, додека случајот со кралот Едвард Осми и кралот Џорџ Шести оставил длабоки последици.

Кога кралот Едвард Осми абдицирал во 1936 година за да се ожени со Волис Симпсон, неговиот брат бил принуден да ја преземе круната – улога за која не бил подготвен.

Промени што веќе започнаа

Значаен чекор беше направен во 2013 година, кога беше укинато правилото што им даваше предност на машките наследници. Благодарение на тоа, принцезата Шарлот го задржа своето место во наследниот ред.

Историчарот Том Квин смета дека ваквите промени ќе помогнат да се намалат конфликтите, додека поранешната портпаролка на кралицата Елизабета Втора, Аилса Андерсон, верува дека новата генерација ќе има повеќе слобода.

Фокус на стабилно семејство

Принцот Вилијам јавно истакнува дека најважно му е децата да растат во стабилна и среќна средина. Тој се обидува да ги избегне грешките од минатото, поврзани со односите меѓу кралот Чарлс Трети и принцезата Дајана.

Доколку оваа стратегија успее, Вилијам и Кејт би можеле да воведат нов пристап во монархијата – каде секое дете има своја вредност и простор да го изгради сопствениот пат.

The post ВИЛИЈАМ САКА ДА МУ СТАВИ КРАЈ НА РИВАЛСТВОТО МЕЃУ ДЕЦАТА ВО КРАЛСКОТО СЕМЕЈСТВО Принцот ќе го менува вековниот кралски образец appeared first on plusinfo.mk.

Принцот Вилијам ѝ оддаде почит на својата мајка, принцезата Дајана, по повод Денот на мајките во Велика Британија, кој оваа година се одбележува на 15 март.

Тој сподели фотографија од детството што никогаш порано не е видена на социјалните мрежи, потсетувајќи многумина на силната врска што ја имал со покојната принцеза.

Фотографијата, направена во 1984 година на цветно поле во Хајгроув, го прикажува двегодишниот Вилијам како ја држи за рака принцезата Дајана. Емотивната сцена од семејната архива ги прикажува мајката и синот во опуштен момент, а објавата предизвика бројни реакции и емоции кај следбениците.

 

View this post on Instagram

 

A post shared by The Prince and Princess of Wales (@princeandprincessofwales)

Дијана ќе наполнеше 65 години оваа година, на 1 јули. Принцот од Велс имаше само 15 години кога неговата мајка трагично почина.

Заедно со фотографија од неговата приватна колекција, 43-годишниот Вилијам сподели кратка, но емотивна порака.

– Се сеќавам на мајка ми, денес и секој ден. Моите мисли се со сите што се сеќаваат на некој што го сакаат денес. Среќен Ден на мајките. В – напиша принцот.
Принцезата Дајана почина на 31 август 1997 година, во сообраќајна несреќа во тунелот Понт де л’Алма во Париз. Во автомобилот во тоа време биле и нејзиниот партнер Доди Ал-Фајед и возачот Анри Пол, кои исто така ги загубија животите. Единствениот преживеан бил телохранителот на Дајана, Тревор Рис-Џонс.

The post ПРИНЦОТ ВИЛИЈАМ СЕ ПОТСЕТИ НA НЕГОВАТА МАЈКА Досега необјавена фотографија со покојната Дајана appeared first on plusinfo.mk.

Принцезата Кејт Мидлтон и принцот Вилијам го посетија најстариот и најпознат пазар за храна во Лондон Бороу маркет (Borough Market) кој постои од 13 век и има над 100 тезги полни со фантастична улична храна, свежи и занаетчиски производи, но и популарни пабови и кафулиња.

Тие се прошетаа и по тезгите кадешто разговараа со производителите и се испробаа во неколку активности, во улога на продавач, правеа кафе за проект што им помага на бездомниците и служеа традиционален овошен десерт со ванила крем.

За време на посетата, тие се запознаа и со Bermondsey Beer Mile, позната рута во југоисточниот дел на Лондон, каде што се наоѓаат голем број пиварници.
Домаќините ги запознаа со процесот на производство на пиво и сајдер, а Кејт дури и самата се вклучи – облече големи заштитни ракавици, се искачи на скали и со насмевка промеша голем котел пиво, додека принцот Вилијам ја искористи можноста да дегустира неколку различни видови, пишува Дејли Меил.

Кога принцезата била поканета да дегустира пиво и сајдер, таа искрено објаснила зошто ќе ја прескокне дегустацијата.

– Не сум пиела многу алкохол откако ми беше поставена дијагнозата. Сега морам да бидам многу посвесна за тоа – рекла таа.

 

View this post on Instagram

 

A post shared by The Prince and Princess of Wales (@princeandprincessofwales)

Додека Кејт се држела до безалкохолните пијалаци, принцот Вилијам пробал неколку видови пиво и сајдер, вклучувајќи производи од брендот Hiver, кој е познат по тоа што користи мед од пчелни кошници наместо шеќер во ферментацијата.

Оваа тема особено ја заинтересира принцезата бидејќи е познато дека и самата е пчелар. Кејт има свои кошници во својот дом, Анмер Хол, во Норфолк.

– Ако земете мед од кошницата на почетокот на летото, неговиот вкус е сосема поинаков. Ако го земете медот додека е сè уште влажен, тоа е всушност природен процес на ферментација – рекла таа, а нејзиното познавање на пчелите го предизвикало принцот Вилијам да се пошегува:

– Таа знае многу за пчелите. Внимавај што зборуваш, можеби ќе те поправи.

The post 🎥 ПРИНЦЕЗАТА ВАРИ ПИВО, ПРИНЦОТ ДЕГУСТИРА Кејт Мидлтон и Вилијам го поминаа денот на познатиот лондонски пазар за храна appeared first on plusinfo.mk.

 

View this post on Instagram

 

A post shared by The Prince and Princess of Wales (@princeandprincessofwales)

The post 🎥 НА КОЈ ЈАЗИК ЗБОРУВААТ ВО НОВОТО ВИДЕО КЕЈТ И ВИЛИЈАМ? Еве што се крие зад збунувачката снимка на омилениот британски пар appeared first on plusinfo.mk.

Додека британската монархија поминува низ еден од најчувствителните периоди во последните години, се зголемуваат шпекулациите дека принцот Вилијам би можел да направи неочекуван потег.

Тој би можел да ја преобликува самата структура на монархијата за да им даде на родителите на неговата сопруга Кејт поистакната улога во кралското семејство, тврдат кралските експерти.

Нов документарец го постави прашањето – дали на Керол и Мајкл Мидлтон треба да им се дадат официјални титули?

Документарецот го истражува влијанието што го имаат Мидлтон во внатрешниот круг на кралското семејство, но и потенцијалот тие да станат активни членови на монархијата во време кога институцијата се соочува со сериозни предизвици во однос на репутацијата.

Сара Вајн од Дејли Меил во емисијата изјавила:

– Во 21 век, кралската припадност зависи од тоа како се однесувате. Не е загарантирана. И ако кралското семејство денес претставува нешто, тоа е давањето пример. Станува збор за почитување на одредени стандарди, а Ендру ги прекрши тие правила и затоа повеќе не е дел од тоа. Но, тоа значи дека вратата е отворена за другите луѓе да станат „кралски“ преку нивното однесување.

Кралските коментатори веруваат дека Вилијам би можел да им даде на родителите на неговата сопруга еден вид кралски „печат на одобрување“, потпирајќи се на она што тие го нарекуваат нивна стабилност, пристојност, британски вредности и чувство за хумор – особено во средина на кризата околу пријателството на принцот Ендру со Џефри Епстин.

Главниот кралски дописник на „Њузвик“, Џек Ројстон, истакнал:

– За Керол и Мајкл да станат членови на кралското семејство, Вилијам би морал целосно да ја промени структурата на монархијата. Тој вели дека сака промени. Сè е можно.

Според кралската биографка Кејти Никол, Мидлтонови отсекогаш нагласувале дека бракот на Кејт со Вилијам значи дека добиле син.

Од нивната венчавка во април 2011 година, нивната врска стана уште посилна, а Мидлтонови играат клучна улога во обезбедувањето на тоа принцот Џорџ, принцезата Шарлот и принцот Луис да имаат што е можно понормално детство.

„Тајмс“ минатата година објави дека принцот Џорџ сака да помага со домашните работи. Еден жител на Виндзор ја опишал средбата со младиот принц и Керол Мидлтон во продавница за ткаенини:

– Тој беше весел и јадеше парчиња портокал додека неговата баба избираше материјал.

Сара Вајн додаде: „Се чини дека имаат аура на добрина и мислам дека Мидлтонови се таа безбедносна мрежа“.

Документарецот, исто така, потсети на посетата на принцезата Дајана во забавниот парк Торп Парк во 1993 година, кога таа инсистираше Вилијам и Хари да чекаат во ред како и сите други.

Како и неговата мајка, Вилијам сака да им обезбеди на своите деца среќен, здрав и стабилен дом.

Во интервју со Јуџин Леви, тој рече: „За мене, најважното нешто во животот е семејството и сè е усмерено кон иднината. Ако не им обезбедите среќен, здрав, стабилен дом на вашите деца сега, мислам дека ги подготвувате за тежок пат и можен пад.“

Американско-британската драматичарка Бони Грир верува дека семејството Мидлтон е одговорно за овој пристап:

– Тој се чувствува решен да им даде на овие деца што е можно понормално детство затоа што самиот немал такво. Мислам дека тоа е ефектот на Мидлтон.

Кејти Никол додава дека разумното и љубезно семејство на Кејт ѝ помогнало на идната кралица да остане приземјена додека учела за кралските должности.

Фотографиите од 2016 година на покојната кралица како ги вози Мидлтон во својот Ренџ Ровер во Балморал го зацврстија нивниот статус како „квази-кралски членови“.

Според извор кој зборува за Дејли Меил: „Тоа беше идеја на Вилијам. Тој навистина сакаше неговата баба да им пружи посебно топло добредојде. Тие беа на врвот на многу долгиот список на гости.“

Кралските експерти исто така, ја истакнале нивната дискреција за време на кратката разделба на Кејт и Вилијам, како и во периодот пред кралската свадба, што ги направи попопуларни од кога било во Бакингемската палата.

Сара Вајн заклучи: „Тие навистина не згрешија во ништо“.

Во време кога британската монархија се соочува со предизвици, Мидлтонови сè повеќе се споменуваат како стабилна и сигурна поддршка за идниот крал – а некои веруваат дека би можеле да играат поважна улога во нова, помодерна верзија на кралското семејство.

The post ПРИНЦОТ ВИЛИЈАМ ЌЕ ИМ ДОДЕЛИ ТИТУЛИ НА РОДИТЕЛИТЕ НА КЕЈТ?! Дали на Керол и Мајкл Мидлтон треба да им се дадат официјални улоги во монархијата? appeared first on plusinfo.mk.

Кејт Мидлтон и принцот Вилијам присуствуваа на доделувањето на наградите БАФТА во Лондон.
Појавувањето на принцот и принцезата од Велс дојде на крајот од тешката недела за кралското семејство поради апсењето на чичкото на Вилијам, поранешниот принц Ендрју

Имено, пред само неколку дена Ендру Маунтбатен-Виндзор беше уапсен во Сандрингам на неговиот 66-ти роденден и ова беше прво појавување на принцот и принцезата од Велс на голем јавен настан.

На црвениот тепих, кој беше затворен за кралскиот пар, Кејт и Вилијам беа прашани од еден од присутните: „Дали монархијата е во опасност?“

И двајцата го игнорираа прашањето.

Ова е првпат принцот Вилијам и принцезата Кејт да присуствуваат на доделувањето на наградите заедно после три години. Иако редовно го поддржуваат настанот, последен пат заедно прошетаа по црвениот тепих на БАФТА во 2023 година.

Двојката не присуствуваше минатата година, а Вилијам присуствуваше сам во 2024 година, споделувајќи го своето жалење што неговата сопруга не можеше да се придружи таа година поради нејзината дијагноза и третман на рак.

Принцот Вилијам, таму во својство на претседател на Британската академија за филмска и телевизиска уметност (BAFTA), требаше да ѝ ја додели наградата за стипендии BAFTA, највисокото признание на Академијата, на Дама Дона Ленгли, претседателка на NBCUniversal Entertainment, која е наградена за нејзиниот извонреден придонес во филмот.

Се верува дека принцот и принцезата од Велс поголемиот дел од изминатата недела го поминале со своите деца – принцот Џорџ (12), принцезата Шарлот (10) и принцот Луис (7) – кои биле на училишен распуст. Се верува дека поминале време во нивниот селски дом во Норфолк, Анмер Хол, во Норфолк, кој е на истиот кралски имот каде што живеел Ендру.

Нивното појавување на британскиот еквивалент на Оскарите следува по продолжувањето на јавните настапи на другите членови на кралското семејство по апсењето на Ендру.

Само неколку часа откако веста за апсењето беше објавена во четврток, кралот Чарлс (77) одржа аудиенции и се појави на Лондонската недела на модата. Во меѓувреме, кралицата Камила (78) присуствуваше на концерт и се сретна со музичари во Лондон, а принцезата Ана (75) исто така го изврши планираниот ангажман во машки затвор.

The post 🎥 ПРИНЦОТ И ПРИНЦЕЗАТА ОД ВЕЛС ГО ИГНОРИРАА ПРАШАЊЕТО „ДАЛИ Е МОНАРХИЈАТА ВО ОПАСНОСТ?“ Кејт Мидлтон и Вилијам се појавија во гламурозно издание на БАФТА 2026 appeared first on plusinfo.mk.