Голема виолетова модринка на десната страна од лицето го стави Ендру Маунтбатен-Виндзор повторно во центарот на вниманието на британската јавност.

Поранешниот принц беше фотографиран додека возел во близина на својот нов дом на имотот Сандрингам. Британските медиуми наведуваат дека нема причина за загриженост и дека не е познато како ја заработил повредата.

Во исто време, нов извештај отвори прашања за привилегиите што со години ги уживал преку кралските имоти. Ендру ги изнајмувал колибите на „Ројал Лоџ“, пишува Би-Би-Си. Принцот, неговото семејство и персоналот користеле 12 имоти во сопственост на Крунскиот имот и Кралското домаќинство.

Поранешниот принц вложил 7,5 милиони фунти во обновата на „Ројал Лоџ“(во превод Кралската Ложа) кога го добил закупот. Според договорот, поради таа инвестиција не плаќал месечна кирија.

Плаќал симболична кирија

Според извештајот на Британската национална канцеларија за ревизија, Ендру со години плаќал значително пониска кирија за Кралската ложа во Виндзор.

Договорот му овозможувал и да издава под закуп 3 колиби што се наоѓале во рамки на имотот.

Во извештајот не е наведено колкав приход остварил, но откритијата предизвикаа критики и дополнителен интерес во јавноста.

Former Prince Andrew’s luck just goes from bad to worse

He was pictured today MASSIVE bruise on his face

I wonder which lucky person had the chance to give him that

Source: The Sun pic.twitter.com/NIkqCyOYBq

— Mario Nawfal (@MarioNawfal) June 4, 2026

Ќерките на Ендру не плаќаат ниту денар   

Документот ги опфати и условите под кои живеат други членови на британското кралско семејство.

Ревизорите наведуваат дека дел од договорите биле склучувани пред повеќе децении и содржеле различни услови во споредба со пазарните цени.

„Дејли Мејл“ тврди дека во извештајот пишува и дека меѓу оние кои уживале во шемата на Ендру се неговите ќерки Беатрис и Јуџин. Тие не извршуваат кралски должности, работат и се мажени, но не плаќаат ни денар за живеење на кралски имот.

„И двете жени имаат свои кариери, богати сопрузи и домови од повеќе милиони фунти на друго место и сигурно ќе се соочат со прашања зошто не можат сами да си ја платат егзистенцијата“, се вели во текстот.

Сепак, според извештајот, во анализираните случаи биле следени стандардните процедури и проценки.

Според некои написи, истрагата за примањата на принцот може да потрае цела година.

Контроверзиите не стивнуваат

Ендру останува една од најконтроверзните личности во британското кралско семејство.

Во последните години неговото име најчесто се поврзува со аферата околу американскиот финансиер и осуден сексуален престапник Џефри Епштајн.

По скандалот, тој ги загуби повеќето кралски должности и почести, а повеќе не ја користи титулата „Неговото кралско височество“ во официјалните настапи.

Фотографиите со модринката дополнително го привлекоа вниманието на јавноста во период кога повторно се отвора дебатата за неговите привилегии и улога во кралското семејство.

The post ПРИНЦОТ ЕНДРУ СНИМЕН СО МОДРИНКА НА ЛИЦЕТО Ревизијата откри како заработувал од кралските имоти appeared first on plusinfo.mk.

Скандалот околу поранешниот принц Ендру и неговата врска со Џефри Епстин фрла долга сенка врз британското кралско семејство со години, а неговите последици не ја заобиколија неговата поранешна сопруга Сара Фергусон. Иако формално се развеле во 1996 година, Ферги останала тесно поврзана со Ендру, како преку семејството, така и преку јавната перцепција.

Поради оваа причина, секој нов детаљ поврзан со аферата со Епстин автоматски го носи нејзиното име во центарот на вниманието, дополнително оштетувајќи го веќе кревкиот углед што се обидуваше да го одржи во последните години. Најновиот бран публикации од таканаречените документи на Епстин ги отвори старите рани и ја стави Фергусон под лупа, поради што, според изворите, таа одлучила речиси целосно да се повлече од јавноста.

Не е видена во јавноста веќе некое време, а извештаите сугерираат дека престојувала на различни луксузни локации, од швајцарски спа-центри до вили во Обединетите Арапски Емирати, Португалија и Ирска. Сепак, најголемо внимание привлече информацијата дека ѝ обезбедила засолниште Присила Присли, поранешната сопруга на Елвис Присли.

Се вели дека станува збор за чин на сочувство откако кон крајот на јануари беа објавени нови документи за Епстин, кои повторно отворија прашања за поврзаноста на Ферги со контроверзниот финансиер Џефри Епстин.

Извори тврдат дека Фергусон сега има само неколку луѓе кои се подготвени јавно да застанат покрај неа. Иако многумина сè уште ја сакаат лично, нејзината поврзаност со Епстин стана сериозен товар за нејзиниот углед.

– Сите ѝ велат дека ова не е добро време“, тврди еден извор. Затоа многумина го толкуваат нејзиното повлекување од јавноста како обид да се избегне дополнителен притисок и внимание од медиумите.

Нејзината блиска врска со Присила Присли не е ништо ново. Тие беа поврзани со долгогодишно пријателство со покојната Лиза Мари Присли, со која Ферги беше исклучително блиска. Оваа врска, која пријателите ја опишаа како речиси сестринска, сега очигледно ѝ обезбедува безбедна зона во еден турбулентен период, а се вели дека Присила не ја заборавила поддршката што Ферги ѝ ја пружила на нејзината ќерка во тешките моменти од нејзиниот живот, а сега ѝ ја возвраќа услугата.

Во исто време, во САД расте притисокот Фергусон да сведочи пред конгресниот комитет што ја истражува мрежата на Епстин. Американските политичари тврдат дека документите укажуваат на блиска врска меѓу неа и Епстин, вклучително и финансиската помош што тој ѝ ја пружил.

Иако таа не може законски да биде принудена да сведочи, сè повеќе се повикува да се појави и да го сподели она што го знае. Адвокатите на жртвите веруваат дека нејзиното сведочење може да биде клучно.

Додека некои тврдат дека таа се крие, други веруваат дека ова е обид да најде стабилност во животот што повторно е потресен од скандал. Таа наводно бара насоки и се обидува да се справи со притисокот што доаѓа од јавноста и политиката.

Во секој случај, едно е сигурно – Сара Фергусон моментално поминува низ еден од најтешките периоди во нејзиниот живот.

The post ПОРАНЕШНАТА ВОЈВОТКА СЕ СКРИЛА КАЈ СВОЈАТА СЛАВНА ПРИЈАТЕЛКА Сара Фергусон и Присила Присли се стари пријателки appeared first on plusinfo.mk.

Од поранешниот принц Ендрју е побарано да се откаже од договорот за закуп на Ист Лоџ, куќа во близина на Виндзор што ја изнајмува од Крунскиот имот од 1998 година за член на неговиот персонал.

Од август 2025 година, тој плаќа околу 17.293 долари годишно за имотот, што е само дел од реалната пазарна цена. Иако закупот првично требаше да важи до јули 2027 година, покрената е судска постапка за предвремено раскинување на договорот, по барањето на Би-Би-Си за слобода на информации за резиденцијата во јануари истата година.

Овој потег доаѓа откако братот на кралот Чарлс беше избркан од неговиот долгогодишен дом, Ројал Лоџ, од кој официјално се исели на почетокот на февруари 2026 година, напуштајќи ја вилата со 30 соби во која живееше од 2003 година.

Кралот Чарлс го направи потегот и му ги одзеде кралските титули поради обновената истрага за врските на Ендрју со покојниот американски финансиер и осуден сексуален престапник Џефри Епштајн.

Уапсен на неговиот роденден

Претходно му беа одземени воените титули и покровителства од покојната кралица Елизабета во јануари 2022 година, по тужбата за сексуален напад против него од страна на Вирџинија Робертс Џуфре.

По иселувањето, Ендрју привремено се пресели да живее во Вуд Фарм на имотот Сандрингам, каде што беше уапсен на 19 февруари 2026 година (неговиот 66-ти роденден) под сомнение за злоупотреба на службената должност.

Властите во моментов истражуваат обвинувања дека споделувал доверливи државни информации со Епштајн во 2000-тите додека тој служел како трговски претставник на Велика Британија. Поранешниот војвода од Јорк беше ослободен откако помина околу 11 часа во полициски притвор, а доколку биде осуден, може да се соочи со максимална казна доживотен затвор.

The post 📽️ ТОТАЛЕН КОЛАПС НА ПОРАНЕШНИОТ ПРИНЦ ЕНДРЈУ Го исфрлаат од уште една резиденција, Кралот му одзеде сè, а може да скапе зад решетки поради Епштајн  appeared first on plusinfo.mk.

Документи од американското Министерство за правда повторно го отворија случајот „Епстин“. Меѓу материјалите се појави и фотографија од покојниот физичар Стивен Хокинг.

На сликата физичарот лежи на плажа со 2 жени во бикини. Не е познат точниот датум. Се знае дека во 2006 година присуствувал на научна конференција организирана од сексуалниот престапник Џефри Епстин на Девствените Острови.

„Научниот филантроп Епстин“

Се смета дека фотката е снимена 5 месеци пред Епстин да биде обвинет за подведување малолетници. Хокинг бил дел од група од 21 научник што го посетиле Свети Тома и приватниот остров Литл Сент Џејмс.

На блог на фондацијата поврзана со Епстин било наведено дека гостите се собрале за „разговори, одмор на плажа и патување до блискиот приватен островски одмор на научниот филантроп Џефри Епстин, кој го финансираше настанот“. Конференцијата се одржала во хотелот „Риц-Карлтон“.

Ноќевањето, според медиумски извештаи, чинело околу 1.600 долари.

250 спомнувања, малку докази

Хокинг се појавува најмалку 250 пати во над 3,5 милиони документи. Самото споменување не значи кривично дело.

Во објавени електронски пораки од Епстин се појавуваат неосновани тврдења поврзани со Вирџинија Џуфре.

„Можете да понудите награда на секој пријател, познаник или член на семејството од Вирџинија кој ќе се појави и ќе помогне да се докаже дека нејзините обвинувања се лажни. Најсилна (лага) е вечерата со Клинтон и новата верзија на Девствените Острови дека Стивен Хокинг учествувал во оргии со малолетници “, напишал Епстин.

Обвинувањата не се поткрепени со докази.

Џуфре почина во април 2025 година. Таа го обвини принцот британаскиот принц Ендру за сексуален напад. Случајот беше решен надвор од суд. Принцот се согласи на исплата од 12 милиони фунти, без признание на вина.

Ендру неодамна беше уапсен, па пуштен од британската полиција и е под истрага за злоупотреба на службената должност.

9,1 милиони за Харвард од Епстин

Досиејата сугерираат дека сексуалнит претстапник Епстин се претставувал како филантроп. Остварил контакти со научници и универзитети. Универзитетот Харвард соопштил дека примил 9,1 милиони долари донации од него меѓу 1998 и 2008 година.

Федералното истражно биро примило и непотврдена дојава дека Епстин и Хокинг посетиле „геј клуб само за мажи“ во 2011 година. Нема јавно објавени докази што ја потврдуваат таа информација.

Хокинг почина во 2018 година на 76 години. Боледуваше од амиотрофична латерална склероза повеќе од 50 години.

The post ХОКИНГ МЕЃУ ДЕВОЈКИ ВО БИКИНИ НА ОСТРОВОТ НА ЕПСТИН Снимка од 2006 повторно ја разгоре контроверзата околу физичарот appeared first on plusinfo.mk.

Сара Фергусон наводно се пријавила во скапа клиника за рехабилитација во Швајцарија, поради можноста да биде испрашувана за нејзините врски со Џефри Епстин, пишува „Пејџ Сикс“.

Клиниката за рехабилитација „Парацелзус“ се фокусира на опоравување на менталното здравје и нуди персонализирана, дискретна грижа за оние кои се борат со зависности, нарушувања во исхраната и хронични состојби и попречености.

Ултра-луксузниот центар за рехабилитација наводно чини над 17.500 долари од ноќ.
Извор изјавил за медиумот дека Фергусон всушност веќе поминала подолго време таму после Божиќ до крајот на јануари.

– Таа секогаш се чувствува како дома во Парацелзус и знае дека таму ќе добие љубов и внимание, како и стручен здравствен третман кога е најранлива – рекол изворот.

Поранешниот сопруг на Фергусон, поранешниот принц Ендру, беше уапсен под сомнение за злоупотреба на јавна функција на 19 февруари – на неговиот 66-ти роденден. Тој беше испрашуван 11 часа во полициска станица пред да биде ослободен. Ендру беше уапсен за наводно проследување доверливи трговски документи до Епстин, осуден сексуален престапник.

Доколку биде осуден, може да се соочи со максимална казна – доживотен затвор.

Фергусон би можела да се соочи со прашања од полицијата, која го уапси нејзиниот поранешен сопруг, ако се врати во Велика Британија, изјавиле британски правни извори за Пејџ Сикс.

Иако нема докази за какво било кривично дело од страна на Фергусон, „полицијата може да има основа да ја испрашува Сара Фергусон бидејќи таа може да биде релевантен сведок во овој случај – рекол во својата изјава еден врвен адвокат.

– Иако Сара Фергусон не би била на јавна функција во тоа време, не знаат што знае и дали открила нешто (во е-пошта што е во согласност со нејзината улога како поранешен член на кралското семејство и поранешна сопруга на Ендру).

Кралски извор изјавил за Дејли Меил еден ден по апсењето на Ендру дека Фергусон не е во добра ментална состојба.

– Разговарав со некои нејзини пријатели. Звучи лошо. Таа им кажува на луѓето дека навистина страда од своето ментално здравје и мисли дека сите се обидуваат да ѝ го загрозат животот.

Фергусон, која е разведена од Ендру од 1996 година, беше лишена од титулата војвотка од Јорк поради скандалот со Епстин во октомври 2025 година.

Извор изјави за Page Six во тоа време дека таа „секогаш ќе стои покрај Ендру и „секогаш ќе има љубов кон него“.

The post САРА ФЕРГУСОН СЕ ПРИЈАВИЛА ВО КЛИНИКА ЗА РЕХАБИЛИТАЦИЈА По апсењето на Ендру, поранешната војвотка не е во добра ментална состојба appeared first on plusinfo.mk.

Детективите апелираа до поранешните телохранители на Ендрју Маунтбатен-Виндзор да достават какви било информации релевантни за истрагата за осудениот педофил Џефри Епстин и неговите соработници. Лондонската полиција соопшти дека соработува со своите американски колеги за да утврди дали лондонските аеродроми се користат за олеснување на трговијата со луѓе и сексуалната експлоатација, објавува „Гардијан“.

Апелот доаѓа откако Маунтбатен-Виндзор беше уапсен во четврток под сомнение за злоупотреба на службена должност. Поранешниот принц беше задржан во притвор 11 часа пред да биде ослободен додека истрагата продолжува.

Полицијата издаде соопштение во петокот во кое се вели дека ги идентификуваат и контактираат поранешните и сегашните полицајци кои работеле на заштитата на Ендрју Маунтбатен-Виндзор.

„Од нив е побарано внимателно да размислат дали нешто што го виделе или слушнале за време на тој период на служба е релевантно за нашите тековни истраги и да споделат какви било информации што би можеле да ни помогнат“, се вели во соопштението.

Тие додадоа дека не добиле никакви нови извештаи за наводни сексуални злосторства откако Министерството за правда на САД објави милиони страници документи поврзани со Епстин.

„Продолжуваме да ги повикуваме сите што имаат нови или релевантни информации да се јават. Сите обвинувања ќе бидат сфатени сериозно и, како и во секој друг случај, сите добиени информации ќе бидат оценети и истражени каде што е соодветно“, соопшти полицијата.

Полицијата претходно ги истражуваше обвинувањата дека обезбедувањето на Маунтбатен-Виндзор „затворило очи“ пред неговите посети на островот Литл Сент Џејмс на Епстин, но до денес не е пронајдено никакво прекршување во нивните постапки. Неговата главна тужителка, Вирџинија Џуфре, тврдеше дека имала сексуални односи со него за време на оргии со малолетни девојки на карипскиот остров. Поранешниот принц претходно ги негираше сите обвинувања.

The post СЕ БАРААТ ИНФОРМАЦИИ ОД СИТЕ ПОЛИЦАЈЦИ ШТО ГО ОБЕЗБЕДУВАЛЕ ПРИНЦОТ ЕНДРУ Истрагата повикува да се јават и жртвите на Епстин appeared first on plusinfo.mk.

Изразот на лицето на принцот Ендру кој во шок зад затемнето стакло бил пронајден во неговиот автомобил ќе го следи неговото апсење, пишува Би-Би-Си. Британскиот медиум објави фотка од аспењето велејќи дека братот на Кралот Чарлс, Еднру Маунтбатен-Виндзор во полициската кола бил згрчен на задното седиште со стиснати прсти и крената јака oд палтото.

Поранешниот принц стана првиот висок член на британското кралско семејство во модерната историја што беше уапсен под сомневња дека ја злоупотребил положбата ккога бил трговски претставник на Велика Британија од 2001 до 2011 година.

Ендру беше пуштен од краткиот притвор додека истрагата продолжува.

Обвиненијата се поврзани со неговите контакти со Џефри Епстин. Во досиејата се наведува дека Ендру споделувал официјални документи и брифинзи, вклучително и информации поврзани со инвестиции во Авганистан.

Неговото шокирано лице веќе се споредува со друга фотографија. Таа е стара речиси 25 години. Насмеан, самоуверен принц, покрај 17-годишната Вирџинија Џуфре во лондонска градска куќа.

The post 📽️ ЌЕ ГО ПАМЕТИМЕ АПСЕЊЕТO ПО ИЗРАЗОТ НА ЛИЦЕТО НА ЕНДРУ Би-Би-Си ја коментира сликата на шокираниот принц appeared first on plusinfo.mk.

Апсењето на Ендрју Маунтбатен-Виндзор одекна и во Вашингтон. Американскиот претседател Доналд Трамп изјави дека настанот е лош за британското кралско семејство, јави ДПА.

Коментарот следи по приведувањето на поранешниот принц под сомнение за злоупотреба на јавна функција, поврзана со неговите контакти со финансиерот Џефри Епстин.

Трамп зборувал со новинари додека патувал кон настан во државата Џорџија. Притоа го пофалил британскиот крал Чарлс III и најавил негова скорешна посета на САД.

– Мислам дека е многу тажно. Мислам дека е многу лошо за кралското семејство. Да се види што се случува со неговиот брат, кој очигледно многу скоро ќе дојде во нашата земја, е многу тажно. Кралот е фантастичен човек – изјавил Трамп.

Претседателот на САД додал дека апсењето претставува „срам“.

Ендру бил уапсен наутро, по објавување на досиеја поврзани со Епстин. Според информациите, приведувањето се случило околу 11 часот, на неговиот 66-ти роденден.

Станува збор за прв висок член на британското кралско семејство уапсен во модерната историја.

Обвиненијата се однесуваат на наводно споделување чувствителни информации додека бил британски трговски претставник.

Ендрју негира какво било кривично дело поврзано со Епстин.

The post АПСЕЊЕТО НА ЕНДРУ Е СРАМ, КРАЛОТ ЧАРЛС Е ФАНТАСТИЧЕН ЧОВЕК Трамп даде поддршка за британското кралско семејство appeared first on plusinfo.mk.

Ендру Маунтбатен-Виндзор вечерва е ослободен од притвор откако беше испрашуван од полицијата во Норфолк речиси 12 часа, по апсењето под сомнение за недолично однесување на јавна функција поради неговите врски со педофилот финансиер Џефри Епстин јави Гардијан.

Полицијата соопшти дека тој е ослободен, но оти истрагата за неговата наводна злоупотреба на службената должност е сè уште во тек.

Поранешниот принц, кој стана првиот висок член на кралското семејство во модерната историја што е уапсен, е обвинет за споделување чувствителни информации со Епстин додека служел како трговски пратеник на Обединетото Кралство.

Неговиот брат, британскиот крал Чарлс Трети, денеска изјави дека „законот мора да го следи својот пат“, изразувајќи „најдлабока загриженост“ поради апсењето, кое уследи по објавувањето на милиони датотеки од страна на американското Министерство за правда во врска со скандалот Епстин.

Полицијата претходно соопшти дека ги разгледува наводите откако електронските пораки објавени како дел од документите покажаа дека поранешниот војвода споделувал извештаи од официјални посети на Хонг Конг, Виетнам и Сингапур со озлогласениот финансиер.

Еден имејл, од ноември 2010 година, наводно бил препратен од Ендру само пет минути откако му бил испратен од неговиот тогашен специјален советник Амир Пател. Друга порака, на Бадник 2010 година, наводно покажува дека Ендру му испратил на Епстин доверлив извештај за можностите за инвестирање во реконструкцијата на провинцијата Хелманд во Авганистан.

Денешното апсење на Ендру, токму на неговиот 66-ти роденден, уследи по фотографиите на кои се гледаат полициски службеници во неговиот дом на имотот Сандрингем во Норфолк. Претреси беа извршени и во Ројал Лоџ (Royal Lodge), неговиот поранешен дом во Виндзор.

Ендру негираше каква било вина за неговите врски со Епстин, но не одговори директно на последните обвинувања. Се верува дека ниту кралот ниту Бакингемската палата не биле однапред информирани за апсењето.

„Со најдлабока загриженост ја дознав веста за Ендру Маунтбатен-Виндзор и сомнежот за недолично однесување на јавна функција. Она што сега следи е целосен, праведен и соодветен процес преку кој ова прашање ќе се истражи на соодветен начин од соодветните органи. Законот мора да го следи својот пат“, се вели во пишаната изјава на кралот Чарлс по апсењето.

Според веб-страницата на Обвинителството на Велика Британија (CPS), недоличното однесување на јавна функција предвидува максимална казна доживотен затвор. Осомничениот може да биде задржан во притвор до 24 часа, со можност за продолжување до 96 часа со одлука на суд.

Братот на кралот практично веќе не е член на кралското семејство, откако минатата година му беа одземени правото да биде принц и неговата титула војвода. Сепак, тој сè уште е осми по ред за тронот. Пред да биде објавено апсењето, премиерот Кир Стармер изјави за „BBC Breakfast“ дека „никој не е над законот“.

The post ПОРАНЕШНИОТ ПРИНЦ ЕНДРУ ПУШТЕН НА СЛОБОДА Сепак, истрагата продолжува appeared first on plusinfo.mk.

Додека имињата на принцот Ендру и Сара Фергусон повторно се во центарот на глобалниот скандал со Џефри Епстин, принцезите Беатрис и Јуџин наводно минуваат низ најтешкиот период од нивните животи – далеку од рефлекторите, но под огромен притисок.

Според извори блиски до семејството, сестрите се растргнати помеѓу нивната приватна лојалност кон своите родители и потребата да ги заштитат сопствените животи и углед.

– Беатрис и Јуџин се растргнати. Мислам дека треба да кажат нешто, но се сомневам дека ќе кажат бидејќи треба да останат лојални на своите родители приватно и да се дистанцираат од нив јавно – изјавил кралски извор за Дејли Меил.

Новите документи од досиејата на Епстин фрлија дополнителна светлина врз односот на нивните родители со осудениот сексуален престапник. Извори велат дека принцезите се ужаснати и засрамени од она што го прочитале.

– Тие се ужаснати од она што го прочитале. Тие се засрамени од е-поштата што нивната мајка му ја испратила на Епстин. Тоа е исклучително срамно за нив – рекол извор близок до сестрите.

Наводно, тие биле особено погодени од откритието дека Сара Фергусон имала интимна и флертувачка преписка со Епстин, разговарајќи за приватни работи, па дури и ги носела своите ќерки да се сретнат со него откако бил ослободен од затвор.

– Не веруваме дека на девојките им е кажано многу за она што сега излезе на виделина и тие едноставно ќе бидат ужаснати од тоа колку нивните родители биле блиски со овој ужасен човек – додал изворот.

Иако кралот наводно тврди дека принцезите не направиле ништо лошо, штетата врз нивниот имиџ е неизбежна.

Ситуацијата е особено чувствителна за принцезата Јуџин, која е коосновач на добротворната организација The Anti-Slavery Collective која се бори против модерното ропство и трговијата со луѓе.

– Како може да води кампања против трговијата со луѓе без да проговори за Епстин, Вирџинија Џуфре и новите обвинувања? – прашува изворот.

Каде се сега?

Принцот Ендру веќе ја напушти Кралската ложа и се пресели во Сандрингам, а Сара Фергусон се повлече од јавноста и наводно размислува да се пресели во странство. Беатрис и Јуџин не се појавуваат во јавноста.

Семејството Јорк, според изворот, се борат да го одржат семејството заедно, но ова создадло нови тензии во нивните односи – тврди изворот.

Сепак, и покрај сè, сестрите наводно сè уште стојат покрај своите родители – барем зад затворени врати.

– Последно што слушнав, ќерките сè уште тајно ги поддржуваат двајцата родители.

Засега, Беатрис и Јуџин избираат да молчат. Но, како што скандалот се шири и се појавуваат нови детали, прашањето е дали ќе можат да ја балансираат семејната лојалност и јавната одговорност уште многу долго.

The post КАДЕ СЕ ПРИНЦЕЗИТЕ ДОДЕКА НИВНИТЕ РОДИТЕЛИ СЀ ПОВЕЌЕ ТОНАТ? Имињата на Ендру и Сара Фергусон повторно се во центарот на глобалниот скандал со Епстин appeared first on plusinfo.mk.