Со концертот ќе се отвори меѓународниот камп „Приморско креативен камп 2021“, за време на кој на едно место се собираат претставници на креативните индустрии во Бугарија и Европа. Организаторите за бугарските медиуми изјавија дека Васил со нетрпение го очекува концертот.

-Бугарската публика е одлична. Секогаш ме поздравува со многу љубов. Многу сум среќен што можам да ја споделам сцената со Викторија, вели Гарванлиев.

На Концертот ќе настапи и победникот на популарното ТВ шоу „Бугарија бара талент“ – Валерија Војкова, која ќе изведе заедничка песна со Викторија. На музичкиот спектакл ќе му се придружат македонско-канадскиот композитор, музички продуцент и пијанист Давор Јордановски, како и унгарскиот композитор и уметник Џони Палмер.

Интернационалниот креативен камп „Приморско креативен камп 2021“ се одржува со поддршка на Општина Приморско и Форест Бич Ресорт.

The post ЗАЕДНИЧКИ КОНЦЕРТ Васил Гарванлиев и Викторија ќе настапуваат во Бугарија appeared first on plusinfo.mk.