Со букет во рака, денеска новиозбраниот градоначаник на Скопје Орце Ѓеоргиевски ја презеде официјално должноста од својата претходничка Данела Арсовска. По протоколарниот разговор, кој траел помалку од еден час, новиот градоначаник даде изјава во која најави дека уште вечерва во 20:30 часот, почнува акција за темелно чистење на градот.

– Појдовната точка ќе ни биде паркингот пред спортската сала Борис Трајковски. Во следните 72 часа ќе дадеме сè од себе да блесне градот, онака како што ветив. Во следните 72 часа ќе го исчистиме секој агол, секоја улица, секој запуштен простор. Скопјани повеќе нема да живеат во запуштеност ќе живеат во град достоен за нив – рече Ѓорѓиевски.

Тој најави дека во чистењето ќе биде вклучена механизација на „Комунална хигиена“, но и камиони од другите градови. Покрај чистењето, ќе се мијат и улиците, но и кејот и на плоштадот „Македонија“.

За наредните денови тој најави средба со приватните превозници, за да се вклучат уште 60 автобуси во јавниот превоз.

Како приоритетни проекти ги најави тие кај клучката Момин Поток, проширување на улицата „Борис Трајковски“ во булевар и доградба на мостовите во Карпош 4 и во Аеродром, проекти што се почнати во времето на ексградоначалникот Петре Шилегов, а во мандатот на Арсовска не беа довршени.

Новиот градоначалник рече дека ќе следи ревизија за работењето на сите јавни претпријатија, како и за Градот Скопје.

Во својата објава на Фејсбук Ѓорѓиевски рече дека „од овој ден испишуваме ново поглавје во историјата на нашиот град“.

Тој информира дека се отстранети рампите од влезот во кругот на локалната администрација, „Скопје повеќе нема да биде затворен град, сега е отворен и за медиумите и за сите граѓани!

The post ОД ДЕНЕСКА СКОПЈЕ Е СЛОБОДЕН, ОТВОРЕН И ДОСТАПЕН ЗА СИТЕ! Орце со цвеќе ја презеде функцијата од Данела appeared first on plusinfo.mk.

Џафери ова го кажа одговарајќи на прашања на новинарите, кои алудираа на тоа дека дента кога беше избран во Собранието, Џафери пристигна во своето родно село Форино со службен „мерцедес“ придружуван од полициско обезбедување.

– Иронијата за „мерцедесот“ верувам дека не е во служба на никого. Јас немам комплекс со што доаѓам или се враќам од работа, дали со „мерцедес“ или со приватно возило – рече Џафери,

Новиот премиер посочи дека Владата има компетенции и одговорности според Уставот и законите.

– Нашиот ангажман како Влада и мојот личен е да се реализираат сите уставни процедури за сите индивидуи. Без оглед колку ќе трае оваа влада, во ниту еден миг нема да отсуствува редовното функционирање на институцијата, соработката и инклузивноста во работата на Владата, обезбедувајќи секој сегмент или министерство да бидат транспарентни и ефикасни и во служба на граѓаните – рече премиерот Џафери.

Oдговарајќи на новинарски прашања во однос на неодамнешната изјава на министерот за информатичко општество и администрација Азир Алиу, дека доколку не се одблокира пакетот закони за МИОА, ќе даде оставка, премиерот Џафери рече дека „не е човек кој работи под ултиматуми“.

– Јас во принцип не работам така, не ми е својствено да прифаќам ултиматум. Секој има своја слобода како ќе цени дека треба да постапи нека постапува, а за последиците нека си мислат субјектите од каде што доаѓаат и од каде што добиле доминација без оглед кој од каде доаѓа. Тоа е ставот. Јас хипотетички нема да зборувам во смисла што ќе се случи и што ако би се случило. Оставам на конкретна состојба како и да се случуваат работите така и да се изнајдат решенијата за надминување на работите – рече Џафери.

Во однос на протестите поради одлуката за формирање на паралелка на албански јазик во училиште во Чашка, Џафери посочи дека во овој момент не може да каже што конкретно ќе преземе, но дека секој има право на она што му е пропишано во законот. Како што посочи, ќе бидат вклучени и ангажирани сите страни и сите надлежности кои се во Владата ќе се извршат, за да се најде соодветно решение.

The post НЕМАМ КОМПЛЕКС ДАЛИ СЕ ВОЗАМ СО „МЕРЦЕДЕС“ ИЛИ СО ПРИВАТНО ВОЗИЛО Џафери одговараше на првите незгодни прашања како премиер appeared first on plusinfo.mk.

– Основна задача на техничката влада е да организира и спроведе слободни, демократски и фер претседателски и парламентарни избори. Сите почнати политики треба целосно и континуирано да се реализираат. Очекувам посветеност во работата, концентрација на сите во Владата и во оваа насока сметам дека работата ќе биде на највисоко ниво – порача Ковачевски.

Според него, изминатите две години не биле воопшто лесни.

– Тие беа години на исклучително голема европска, па и светска економска и енергетска криза, но и покрај тоа, направивме многу и никого не го оставивме сам. Владата успеа да воспостави систем што функционира во време на криза, политиките се поставени, мерките се јасни, очекувам сите да покажат јасна политичка волја за да се поддржат и одржат и економската и политичката стабилност и да се спроведат мирни, фер и демократски избори како што ѝ прилега на држава членка на НАТО и држава со почнати преговори со ЕУ – истакна Ковачевски.

The post КОВАЧЕВСКИ НА ЗАМИНУВАЊЕ АПЕЛИРА ЗА СЛОГА ВО ВЛАДАТА „Сите да работат за заедничкиот интерес, без оглед од која партија доаѓаат“ appeared first on plusinfo.mk.

Досегашниот премиер Димитар Ковачевски денеска ќе му ја предаде функцијата на претседателот на преодната, техничка Влада, Талат Џафери, која во наредните 100 дена ќе раководи со државата.

Оваа преодна Влада вчера беше избрана со 65 гласа „за“ и три „против“. Пратениците од ВМРО-ДПМНЕ беа во салата, но се воздржаа од гласање, додека на седницата воопшто не присуствуваа пратениците од Европскиот сојуз за промени.

Тнр. Пржинска влада треба да организира и да гарантира фер и демократски избори. Единаесеттите парламентарни избори во земјава ќе се одржат на 8 мај, а седмите претседателски избори на 24 април. До формирањето на нова Влада до крајот на јуни, земјата ќе ја води техничка влада на чело со премиерот Талат Џафери.

Во Владата денеска е предвидено свечено примопредавање на функцијата меѓу Ковачевски и Џафери, по што е планирано тие да одржат кратка средба.

Примопредавања на функциите денеска треба да има и во сите министерства и кабинети на Владата.

The post НОВАТА ВЛАДА ДЕНЕСКА СТАПУВА НА ДОЛЖНОСТ Ковачевски ќе му ја предаде функцијата на Џафери appeared first on plusinfo.mk.

Новиот шеф на Основното јавно обвинителство за гонење организиран криминал и корупција (ОЈО ГОКК), Ислам Абази, денеска даде заклетва пред Советот на јавни обвинители, а потоа во просториите на обвинителство ја презеде функцијата од Вилма Русковска, јави МИА.

На примопредавањето на функцијата, Абази и Русковска дискутирале за досегашната работа на обвинителството и работата која претстои.

Ислам Абази доаѓа на местото на Русковска откако на непосредните избори на 7 ноември, кои беа организирани според новиот Закон за јавно обвинителство, освои 66 гласа или само два повеќе од скопскиот обвинител Ермон Незири.

На примопредавањето на функцијата, Абази ѝ подари букет бели рози на Русковска, јави порталот 360 степени и објави видео и фотографии од настанот.

Инаку, белите рози значат чистотија, невиност и тајност. Вилма Русковска се надева Арафат Муареми да ја повлече кривичната опријава против неа, а со тоа да запре и дисиплинската постапка.

The post НО ПОМИНА НЕКОЈ, РОЗАТА ЈА СКИНА… Абази даде заклетва, Русковска доби букет бели рози (ФОТО) appeared first on plusinfo.mk.