21-годишник од Прилеп бил приведен откако без возачка дозвола управувал автомобил и се судрил со полициско возило.

Инцидентот се случил на крстосницата меѓу улиците Кузман Јосифоски и Ладо Лапецот, каде што младиот возач со „опел“ со прилепски таблички удрил во службено возило „пежо“ на Министерството за внатрешни работи. Полициското возило го управувал 31-годишен возач од прилепско.

Во несреќата била причинета материјална штета, а повредени лица нема. По интервенцијата, полицијата утврдила дека 21-годишникот воопшто нема положено за возачка дозвола.

Тој бил приведен, а по расчистување на случајот против него ќе следува соодветна пријава.

The post БЕЗ ВОЗАЧКА УДРИЛ ВО ПОЛИЦИСКО ВОЗИЛО Приведен 21-годишник од Прилеп appeared first on plusinfo.mk.

Триесет и деветгодишниот Виктор Илиоски од Прилеп исчезнал во саботата попладне, а неговото семејство апелира до јавноста за помош во потрагата по него.

Според информациите од блиските, Виктор последен пат бил виден на 14 февруари околу 14 часот. Во моментот на исчезнувањето бил облечен во тегет јакна (вентијага), црни тренерки и сиви патики.

Неговиот татко, 69-годишниот Д.И., во неделата попладне го пријавил исчезнувањето во полиција. Од таму информираат дека се преземаат мерки за негово пронаоѓање.

Семејството ги повикува сите граѓани кои имаат каква било информација да се јават на телефонскиот број 076 303 292 или да ја известат најблиската полициска станица.

The post ИСЧЕЗНА ВИКТОР ИЛИОСКИ ОД ПРИЛЕП Семејството моли за помош, секоја информација е важна appeared first on plusinfo.mk.

Триесет и четири годишната Биљана Ј.А. од Прилеп е исчезната веќе повеќе од 24 часа, а нејзиното семејство преку социјалните мрежи апелира до јавноста да помогне во пронаоѓањето.

Сестрата на исчезнатата, Соња Јандреска, преку потресна објава на Фејсбук ги моли сите што имаат информации, веднаш да се јават:

„Луѓе мои, помагајте, ве премолувам. Мојата сестра Биљана е исчезната веќе повеќе од 24 часа. Последен пат е видена во село Крушеани, од каде заминала со својот автомобил Ауди A4 со регистарски таблици  PP7822AG, темно мастилна боја. Од таму ѝ се губи секоја трага, а нејзиниот мобилен телефон е исклучен. Ве молам, доколку некој ја забележи, нека ме контактира мене или некој од моето семејство. Ве молам, помогнете мајката на Дори и Таиса да се врати жива“.

Потрагата трае, а случајот е пријавен и во полиција. Министерството за внатрешни работи потврдува дека исчезнувањето е заведено во службените евиденции.

„На 23.07.2025 во 23.02 часот во СВР Битола, С.Ј.М. од Прилеп пријавила дека од дома со возило се оддалечила нејзината сестра Б.Ј.А. (34), која имала здравствени проблеми. Се преземаат мерки за пронаоѓање на лицето“, соопштија од МВР.

The post ИСЧЕЗНА МАЈКА НА ДВЕ ДЕЦА Трага ѝ се губи на Биљана, мобилниот ѝ е исклучен, семејството моли за помош appeared first on plusinfo.mk.