Српските одбојкарки со своето однесување на приемот кај претседателот Александар Вучиќ предизвикаа лавина реакции во јавноста. Иако самите не дадоа никаква политичка порака, на социјалните мрежи се коментираше дека биле воздржани, делувале незаинтересирано, не аплаудирале по говорот на Вучиќ и не останале на коктелот по официјалниот дел.

Женската одбојкарска репрезентација на Србија во вторникот, 8 септември, беше на прием кај Вучиќ во зградата на Генералниот секретаријат на претседателот, по освоениот бронзен медал на Европското првенство во Истанбул, откако во мечот за третото место ја совлада Полска со 3:1. Приемот бил најавен од претседателската служба и на него присуствувале и министерот за спорт Зоран Гајиќ, министерот Дарко Глишиќ, претседателот на Олимпискиот комитет Дејан Томашевиќ и раководството на Одбојкарскиот сојуз на Србија.

Но, снимките од приемот брзо станаа повпечатливи од самиот повод.

Додека Вучиќ им се обраќаше на одбојкарките, дел од нив изгледаа сериозно и гледаа кон подот. По завршувањето на говорот, на снимката не се забележува аплауз од репрезентативките. Српските медиуми и корисниците на социјалните мрежи веднаш го споредија тоа со моментот кога зборуваше селекторот Зоран Терзиќ.

Кога Терзиќ заврши со своето обраќање, одбојкарките аплаудираа.

Терзиќ во својот говор зборуваше за тоа дека репрезентацијата во натпреварот за бронзата против Полска играла за Србија и за својот народ.

– Не играме за себе овој пат, не играме дури ни за екипата, играме за нашиот народ во Србија. И секогаш ќе го правиме тоа, без разлика на сè, секогаш ќе играме само за Србија – рече Терзиќ.

Тој го спомна и Новак Ѓоковиќ, нарекувајќи го „најголемиот меѓу нас спортистите на Србија“, по што го цитираше неговиот став дека кога мотивот е играњето за својата земја, може да се постигне сè.

Вучиќ, пак, ги пофали одбојкарките за континуитетот на големите резултати и најави дополнителни вложувања во одбојката.

– Вие сте златни, бидејќи шест пати по ред носите медали од Европското првенство, осум пати по ред сте биле во полуфиналето. Навикнати сме на медали и стана нормално да ги освојуваме. Бескрајно сум благодарен – рече Вучиќ.

Во меѓувреме, на социјалните мрежи почна да се шири приказната дека одбојкарките „ја одбиле тортата“ на приемот кај Вучиќ. Тоа, сепак, не е буквално точно.

Според снимките и извештаите од приемот, капитенката Маја Огњеновиќ му предала на Вучиќ одбојкарска топка со потписите на репрезентативките, а потоа таа и Наѓа Антоновиќ ја пресекле специјално подготвената торта.

Изразот за „одбиената торта“ се појави како сатирична и метафорична реакција на атмосферата на приемот. Дел од јавноста го употреби за да сугерира дека одбојкарките биле подготвени да го испочитуваат протоколот и државната институција, но не и да учествуваат во политичката промоција на претседателот. Такво толкување, сепак, не е потврдено од самите одбојкарки.

По завршувањето на официјалниот дел, според извештаите на српските медиуми, репрезентативките не останале на коктелот и послужувањето. Токму ова, заедно со снимките на кои дел од нив гледаат во под за време на говорот на Вучиќ и изостанатиот аплауз, предизвика поделени реакции.

Дел од јавноста ги пофали одбојкарките, оценувајќи го нивното однесување како воздржано и достоинствено. Други, пак, го оценија како непрофесионално и несоодветно за прием организиран по голем спортски успех.

The post 🎥 СРПСКИТЕ ОДБОЈКАРКИ „СТУДЕНИ“ НА ПРИЕМОТ КАЈ ВУЧИЌ Молчеа и гледаа во под додека зборуваше, не му аплаудираа, си отидоа пред коктелот appeared first on plusinfo.mk.

Српскиот претседател Александар Вучиќ смета дека Европската Унија треба да се откаже од сегашниот модел на проширување, според кој земјите кандидати напредуваат поединечно, и наместо тоа да го прими целиот Западен Балкан како единствена целина.

Во интервју за „Фајненшл тајмс“, Вучиќ оцени дека таквиот пристап би спречил создавање нови поделби во регионот.

„Што сакате да изградите? Посилни граници меѓу сите? Ако сите одиме заедно, нема да има граници меѓу Приштина, Белград и сите други. На регионот му е потребно заедничко членство“, рече Вучиќ.

Според него, заедничкиот прием во Европската Унија би придонел за поголема стабилност на Западен Балкан.

„Ни треба регионот да биде обединет. За да не стане нова зона на конфликт меѓу луѓето што влегуваат во ЕУ и другите што се далеку од неа“, истакна српскиот претседател.

Изјавите на Вучиќ дојдоа во пресрет на денешните состаноци во рамки на процесот на проширување на Европската Унија, на кои Украина и Молдавија треба да отворат нов кластер од преговорите, додека Црна Гора и Албанија продолжуваат со затворање на преговарачки поглавја во пристапниот процес.

The post ЗАПАДЕН БАЛКАН ДА ВЛЕЗЕ ВО ЕУ КАКО ЦЕЛИНА Вучиќ со смела идеја за проширувањето appeared first on plusinfo.mk.

The post 🎥 „КАДЕ Е, КАДЕ Е!“ Погледнете го најдраматичното видео од нападот во Белата куќа appeared first on plusinfo.mk.

Македонија со години и години страда од вета добиени од земји членки на ЕУ. Од Брисел не уверуват дека тоа е нивно право кое мора да го прифатиме и да угодиме на тие што не кочат. Ама, во последно време внатре во ЕУ почнаа државите да си ставаат вета за други одлуки и сега види мајката – ветото било „злоупотреба”.

Последно такво кукање во Брисел се случи вчера кога министрите за надворешни работи на ЕУ не ја усвоија планираната одлука за заем на Украина од 90 милијарди евра како и намерата да се „бапне” нов пакет санкции против Русија. Унгарија и Словачка рекоа „стоп”, и на Брисел му се крена коса на глава од ветото.

Истите луѓе кои ни велеа низ годините дека ветото не е страшна работа и може да се тргне некогаш во иднината, сега вриштаат на сет глас за „проблем”, „самоволие” „парализа”. Кога Македонија беше блокирана со вето, тоа беше „европска процедура”. Кога ЕУ самата се блокира, тоа било недозволиво.

Македонија триесет години живее под ЕУ вето. Прво грчко – за знамето, па за името… Знамето се смени, името се смени, Уставот се смени, државата се преименува. Наместо крај на блокадите, следуваше француско „не”, нови методологии, нови условувања, па бугарско вето со барања што не ги поставува дури ниту окупатор на окупирана земја.

И пазете, сега кога премиерот Христијан Мицкоски не клечи како претходните премиери, туку ги прашува во Брисел – има ли крај ова со ветата – добива одговор дека тоа никој не може да му го гарантира и дека тој само мора да угоди на тие што ги ставаат ветата и да чека што ќе биде понатаму.

Сега, кога се во прашање други теми, други држави, одеднаш велат нема потреба да се чека, време е да се заобиколи ветото особено ако доаѓа од Унгарија. Чудо. Бугарија може да става вета, ама Унгарија не можело. Но, јасно е, Македонија е таа што е исклучокот, ако реши на пример Унгарија да ни става нам вета – тогаш тоа Брисел ќе го поздрави, а не да го критикува или заобиколува. Тогаш никој во ЕУ не би зборувал за злоупотреба на принципот на едногласност. Едноставно, Македонија е боксерска вреќа каде може секој да вежба – вето – ама, кога е за други работи Брисел увидува дека ударите болеле.

Па, одеднаш во ЕУ почнаа повици на реформа на гласањето за да се спречи „злоупотребата на принципот на едногласност”. Значи, кога ветото ја попречува бриселската агенда, тогаш треба да се менуваат правилата. И? Кога ќе ги сменат, ако ги сменат, за нас во Македонија кое правило ќе важи, новото дека нема едногласност или за нас ќе остане старото правило – кој сака вето може да ни стави? Впрочем, гледаме и сега кога се погласно се зборува дека неколку земји можеби ќе бидат примени во втората ЕУ – лига и за нив ќе важат две обврски: ускладување на надворешната политика со онаа на ЕУ, како и човековите права, за Македонија пак има едно плус бараење – да го смени и Уставот.

Затоа, прашањето повеќе не е дали Унијата треба да се реформира, треба сигурно, туку пред тоа дали конечно ќе си признае дека правилата, правдата и принципите не можат да важат само кога ѝ одговараат.

The post ЕУ почувствува дека ветото болело, ама на Македонија „нежно” ѝ го става и понатаму appeared first on plusinfo.mk.

Бугарскиот претседател Румен Радев вчера изјави дека со впишување на Бугарите во Уставот Македонија  значително ќе го забрза присоединувањето кон Европската Унија.

– Вклучувањето на Бугарите во Уставот на РСМ значително ќе го забрза патот на земјата кон ЕУ и се надевам дека нашиот југозападен сосед ќе го стори тоа што е можно поскоро за да си ги отвори вратите за преговори за полноправно членство – изјави Радев на приемот за претставниците на организациите на Бугари од Македонија.

Тој изрази надеж дека македонските власти ќе го спроведат „европскиот компромис“ од 2022 година.

– Сите се надеваме дека интеграцијата на РСМ ќе се случи што е можно поскоро, но тоа не може да биде на сметка на правата на бугарската заедница во земјата – рече Радев.

Претставниците на бугарските организации од Скопје, Битола, Охрид, Прилеп, Кавадарци и Кочани, пак, пред шефот на бугарската држава категорично се изјаснија против уставни измени со одложено дејство, бидејќи станувало збор за гарантирање на основните човекови права.

The post СОФИЈА БАРА БУГАРИТЕ ШТО ПОСКОРО ДА СЕ ЗАПИШАТ ВО УСТАВОТ Радев уверува дека тоа ќе ја забрза Македонија кон ЕУ appeared first on plusinfo.mk.

Група истакнати македонски уметници, а меѓу нив и некои од регионот, присуствуваа на приемот на британскиот монарх Кралот Чарлс, во палатата Сејнт Џејмс во Лондон, Обединетото Кралство.

The post ДИСКРЕТНИОТ ШАРМ НА МОНАРХИЈАТА Македонски уметници на прием кај Кралот Чарлс appeared first on plusinfo.mk.

Европската унија ја разгледува можноста идните членки да се приклучат кон блокот без целосни права на донесување одлуки, вклучително и право на вето, со цел да го забрза процесот на проширување, дознава Политико од дипломатски извори.

Предлогот, кој е сè уште во рана фаза и бара едногласно одобрување од сите 27 земји-членки, би им овозможил на новите држави да уживаат во поголемиот дел од придобивките од членството, додека тие би добиле целосни права подоцна, откако ЕУ ќе спроведе клучни институционални реформи, вклучително и укинување на едногласното донесување одлуки во повеќето области.

Според овој предлог, земјите-кандидатки би можеле да станат членки под пофлексибилни услови, без потреба од измени на основачките договори на ЕУ, објасниле извори за порталот од Брисел.

Застапниците на проширувањето, вклучувајќи ги Австрија и Шведска, сакаат да ја искористат оваа иницијатива за да ги надминат блокадите што, како што велат, доаѓаат од Будимпешта и неколку други главни градови кои се плашат од губење на пазари или загрозување на националната безбедност.

– Идните членки треба да се откажат од своите права на вето сè додека не се спроведат реформските промени, како што е воведувањето на гласање со квалификувано мнозинство во донесувањето одлуки. Не смееме да дозволиме поединечните земји-членки да го забават проширувањето – рече Антон Хофрајтер, претседател на Комисијата за европски прашања на германскиот Бундестаг.

Претходно, правилото беше дека проширувањето не може да биде можно без сеопфатна институционална реформа.

Сепак, обидите за укинување на правото на вето за постојните членки наидоа на отпор, не само од Унгарија, туку и од Франција и Холандија.

Хофрајтер наведува дека таков пристап би ѝ овозможил на Унијата да остане функционална дури и во проширен формат.

– Разговорите со претставниците на земјите од Западен Балкан покажуваат дека тие ја гледаат оваа идеја како конструктивна и реалистична – додаде тој.

Овој потег, како што објаснува Политико, доаѓа во време на растечка фрустрација кај земјите-кандидатки, кои веќе спроведоа значајни внатрешни реформи, но сè уште се соочуваат со неуспеси во процесот на пристапување.

– Хрватска беше последната што се приклучи на ЕУ пред повеќе од една деценија, додека Велика Британија оттогаш ја напушти Унијата. Затоа верувам дека е време да се оживее овој процес – изјави претходно за Политико црногорскиот претседател Јаков Милатовиќ.

Претседателката на Европската комисија, Урсула фон дер Лајен, го стави проширувањето во срцето на својата агенда, најавувајќи го можниот влез на Украина и Молдавија до 2030 година, но земјите-членки на ЕУ досега одбиваат да ги забрзаат процедурите.

Поранешниот обид на претседателот на Европскиот совет, Антонио Коста, да го забрза проширувањето беше одбиен од неколку земји-членки, потсетува Политико.

Во среда во Лондон ќе се одржи самит како дел од „Берлинскиот процес“, каде што лидерите на ЕУ ќе разговараат со претставници на Западен Балкан за понатамошната интеграција на регионот во ЕУ.

Според извори од ЕУ, Комисијата би можела да предложи продолжување на преговорите со кандидатите без формална согласност од сите земји-членки за секој чекор, што би ја избегнало можноста за вето, особено од Будимпешта.

Во нацрт-заклучоците за самитот на лидерите на ЕУ во Брисел во четврток, проширувањето дури и не беше споменато, предизвикувајќи негодување кај земјите што го поддржуваат процесот.

– Доколку ЕУ не ги забрза реформите и проширувањето, ризикува да ја изгуби својата стратешка предност во корист на трети страни кои веќе чекаат на својата шанса – изјави Клаудија Плаколм, австриска министерка за европски прашања.

The post ЕУ РАЗМИСЛУВА ЗА ПРИЕМ НА ЧЛЕНКИ БЕЗ ПРАВО НА ВЕТО Идните земји членки можеби нема да имаат право на одлучување appeared first on plusinfo.mk.

Приемот на Украина во НАТО веднаш би резултирал со војна со Русија, што би значело ризик од Трета светска војна, па затоа на Украина не смее да ѝ се дозволи да се приклучи ниту кон НАТО ниту кон Европската Унија, напиша на својот ФБ профил, унгарскиот премиер Виктор Орбан. Унгарија има примарен безбедносен интерес да не припаѓа на истата интеграциска рамка како Украина, напиша тој на Фејсбук.

Орбан истакнува дека меѓу потписниците се вклучени и неодамна започнати иницијативи од унгарски граѓани отворени за политичко размислување на луѓе со кои тој се борел заедно за слободата на Унгарците и независноста на земјата пред 35 години.

– Од очигледни причини, почитта што произлезе од ова оттогаш исчезна, но заедничкото минато сè уште ме врзува. Затоа го објавувам следниов одговор – вели Орбан.

Според него, потписниците ги занемариле интересите на Унгарија и дека нивната проценка на последиците од продолжената војна меѓу Русија и Украина е погрешна.

– Тие исто така грешат во идентификувањето на интересите на Европската Унија. Доколку ЕУ ја прифати Украина како членка, тоа веднаш би резултирало со отворена војна, а по прекинот на огнот би довело до постојан ризик од војна меѓу Европа и Русија – нагласи тој, додавајќи дека на Украина треба да ѝ се понуди форма на соработка што би довело до крај на војната.

The post ПОДГОТВЕТЕ СЕ ЗА ВОЈНА СО РУСИЈА, АКО ЈА ПРИМИТЕ УКРАИНА Орбан со ново предупредување до НАТО и до ЕУ appeared first on plusinfo.mk.

– Во декември 2023 година тоа беше малку поконкретизирано и фокус беше ставен на уставните измени. Во последно време слушаме изјави од партиски лидери, но и од владини раководители во Северна Република Македонија дека нема да се извршат такви измени – рече Главчев.

Тој нагласи дека ќе ги информира европските лидери какви се состојбите и што досега беше усвоено во однос на ова прашање.

Запрашан дали Бугарија разговарала со Грција за преземање на некакви заеднички акции, бугарскиот премиер изјави дека засега не станало збор за нешто такво, но дека и тоа не е исклучено во иднина.

– За мене е важно да покажам каква е бугарската позиција, која впрочем е и европска позиција – изјави Главчев, додавајќи дека засега има намера само да ги потсети европските колеги што се случува, бидејќи за Бугарија тоа е важна тема.

The post ГЛАВЧЕВ БАРА МАКЕДОНИЈА ДА ГИ ПОЧИТУВА ДОГОВОРИТЕ Бугарскиот премиер најави дека ќе ги потсети европските лидери кои се условите за прием во ЕУ appeared first on plusinfo.mk.

„Денеска е ден на срамот во Парламентарното собрание на СЕ. Првпат во историјата се препорачува членство на нешто што не е држава и кое не ги исполнува основните услови во доменот на човековите права и слободи. Напротив, веќе 11 години одбива да формира Заедница на српски општини, што е негова меѓународна обврска, и спроведува политика на терор врз српскиот народ и етничко чистење“, се наведува во изјавата на Дачиќ што ја соопшти неговиот кабинет.

Во неа се додава дека „со оваа одлука, наметната од силата на меѓународните моќници, се поткопуваат темелите на Советот на Европа и меѓународниот правен поредок“.

„За кој принцип на заштита на територијалниот интегритет ќе продолжат да зборуваат кога го нарушија територијалниот интегритет на Србија?“, прашува Дачиќ во реакцијата, порачувајќи дека „ќе ја продолжат нивната борба со сите сили и дека ќе се борат оваа одлука да не биде донесена на Комитетот на министри на 16 мај“.

Парламентарното собрание на Советот на Европа (ПССЕ) денеска го поддржа приемот на Косово во членството на Советот на Европа и го повика Комитетот на министри да донесе таква одлука.

Предлог-мислењето за барањето на Косово за членство, со кое се препорачува прием на Косово во Советот на Европа на денешната седница во Стразбур, го поддржаа 131 пратеник, а 29 гласаа против.

The post „ПРЕПОРАЧАА ПРИЕМ НА КОСОВО, ТОА НЕ Е ДРЖАВА“ Дачиќ реагира, „денеска е ден на срамот за Советот на Европа“ appeared first on plusinfo.mk.