Селекторот на Турција, Винченцо Монтела смета дека македонската репрезентација е идеален тест пред мундијалските предизвици.

– СП е огромен турнир. Земјите добиваат шанса да ја покажат својата фудбалска култура на теренот. Ја избравме Македонија бидејќи мислам дека нивниот стил на игра е сличен на оној на Австралија. Верувам дека ова ќе биде сличен тест на натпреварот што ќе го играме против Австралија на Мундијалот. Нашата прва цел е да ја минеме групната фаза. Потоа ќе размислуваме натпревар по натпревар и ќе видиме до каде можеме да стигнеме – изјави Монтела на денешната прес-конференција.

За македонската репрезентација ова ќе биде уште еден силен тест против учесник на Светското првенство, по пријателскиот натпревар со Босна и Херцеговина, додека за Турција дуелот ќе претставува важна проверка пред  настапот на најголемата светска фудбалска сцена.

Натпреварот помеѓу селекциите на Турција и Македонија се игра во Истанбул на стадионот „Шукру Сарачоглу“ на Фенербахче во понеделник со почеток од 18:30 часот.

The post МАКЕДОНИЈА Е СЛИЧНА НА АВСТРАЛИЈА Монтела објасни зошто ја избрал нашата репрезентација appeared first on plusinfo.mk.

Македонската фудбалска репрезентација вечерва во Сараево на стадионот „Кошево“ пред преполни трибини и прекрасна атмосфера одигра 0:0 против домаќинот Босна, која што се подготвува за настап на претстојниот Мундијал во САД, Мексико и Канада.

Она што го очекувавме тоа и го добивме од овој меч. Претпазлив домаќин кој што се воигрува и концентрира за она што следува, и Македонија која што сеуште се бара со новиот селектор Гоце Седлоски. И со состав, и со игра очигледно. Имавме свои моменти, но далеку од тоа дека ова е најдоброто што Македонија треба да го одигра.

Стартот на мечот беше онаков каков и што очекувавме дека ќе биде. Домаќинот со релативно комбиниран состав, од претпазливост пред се, сакаше но не и инститираше рано да поведе. Алајбеговиќ во стартните минути шутираше, а од блокот на Зајков, топката замина директно во дирекот од голот на Димитриевски. По ударот на Тахировиќ во 25 минута, Алајбеговиќ повторно со обид по левата страна но Димитриевски на време реагира.

Во 32. Минута катастрофална реакција на домаќинот. Еден обичен пас наместо во поле заврши во Растодер, а отпадокот директно во нозете на Миовски. Нашиот напаѓач, имаше ситуација „еден на еден“, проба да го лобува Зломислиќ и успеа во тоа. Сепак, топката не беше доволно брза, па Радељиќ спаси од гол линијата наше водство.

На спротивната страна пак, Самед Баждар во финишот на првото полувреме со глава го погоди десниот дирек од голот на Димитриевски. Само минута подоцна, истиот играч ја искористи грешката на Зајков, одзема топка, влезе во шеснаесеникот, но беше себичен и наместо да додава шутираше но беше изблокиран.

На стартот на вториот дел, домаќинот направи десет измени и со тотално нов состав го одигра продолжението од мечот. И ние менувавме, дебитираа на овој меч за А репрезентацијата, Аломеровиќ, Омерагиќ, Анѓелески.

Ударот на Мемиќ покрај голот во 51 минута ги размрда малку нештата, а потоа се обиде и Демировиќ некаде на средината на полувремето.

Во 80 минута директен удар од слободен удар од лево, незгодната топка не можеше Шипковски да ја скроти туку само со тело ја одби, а на наша среќа никој не реагираше доволно опасно за да примиме гол.

Имаме уште еден меч пред нас во Истанбул, против Турција на 1 јуни, па ќе видиме дали тогаш „Рисовите“ ќе покажат нешто повеќе, и дали ќе ја избегнат само ситуацијата на „спаринг партнер“ на терен.

The post МАКЕДОНИЈА „ПРЕЖИВЕА“ ВО САРАЕВО Реми без голови против Босна appeared first on plusinfo.mk.

На стадионот „Кошево“ во Сараево вечерва се случи необична сцена пред пријателскиот натпревар меѓу Босна и Херцеговина и Македонија, публиката не аплаудираше само на домашните фудбалери, туку со громогласни овации поздрави и еден македонски репрезентативец.

Станува збор за Агон Елези, кој доби силен аплауз од трибините уште за време на загревањето, во моментите кога стадионот почна да се полни пред почетокот на натпреварот.

Причината за ваквиот прием е неговиот статус во босанскиот фудбал. Елези настапува за Сараево и токму на „Кошево“ ја игра својата клупска сезона, каде се наметна како еден од клучните играчи на тимот и стана миленик на навивачите.

 

View this post on Instagram

 

A post shared by SportSport (@sportsportba)

Иако вечерва е на спротивната страна како репрезентативец на Македонија, домашната публика не го заборави неговиот придонес во клубот, па го поздрави со силни овации – сцена која ретко се гледа на фудбалските натпревари од ваков карактер.

Натпреварот меѓу Босна и Херцеговина и Македонија е дел од подготовките на двете селекции пред новиот циклус натпревари.

The post 📽️ ОВАЦИИ И ЗА ЕДЕН МАКЕДОНЕЦ НА „КОШЕВО“ Со громогласен аплауз поздравен фудбалерот на Сараево appeared first on plusinfo.mk.

Македонската фудбалска репрезентација вечерва во Сараево ѝ гостува на Босна и Херцеговина во првиот од двата контролни натпревари, кои ќе послужат како подготовка за новиот циклус во Лигата на нации што следува наесен. По дуелот со БиХ, „црвено-жолтите“ в понеделник ќе играат и против Турција во Истанбул.

Селекторот Гоце Седлоски за овие натпревари повика 27 фудбалери, меѓу кои и петмина дебитанти – Дин Аломеровиќ, Георгије Јанкулов, Дарко Анѓелески, Дарко Додев и Азер Омерагиќ. Од составот отпадна капитенот Енис Барди поради повреда.

Седлоски истакна дека новите играчи донеле свежина во тимот и дека сите ќе добијат шанса да се докажат.

– Новите фудбалери донесоа свежина во тимот и добро беа прифатени од останатите репрезентативци. Повикав повеќе нови играчи и сите ќе добијат шанса да се докажат. Имам неколку варијанти за замена на повредениот Барди, а конечната одлука ќе ја донесам по денешниот тренинг – изјави селекторот.

Тој додаде дека е важно тимот да остави добар впечаток во дуелот со БиХ.

– Сакаме да се докажеме и тимски и резултатски. Најважно е да излеземе на терен и да одиграме најдобро што можеме. Ќе дадеме максимум, а нека победи подобриот – рече Седлоски.

Капитенската лента во отсуство на Барди ќе ја носи голманот Столе Димитриевски, кој нагласи дека овие натпревари се важна подготовка за Лигата на нации.

– Натпреварите што следуваат се најважни за нас. Босна е селекција која по стил наликува на противниците што нè очекуваат. Новите фудбалери имаат потенцијал и треба да се вклопат во тимот. Потребно е да работат и да ја заслужат шансата и за следниот циклус – изјави Димитриевски.

Натпреварот започнува во 20:30 часот на стадионот „Асим Ферхатовиќ“ во Сараево, пред полни трибини, откако билетите беа распродадени за помалку од два часа.

The post ПОЛН СТАДИОН ВО САРАЕВО JA ЧЕКА МАКЕДОНИЈА Дебитанти и нова енергија кај „црвено-жолтите“ appeared first on plusinfo.mk.

Македонската фудбалска репрезентација одигра без голови (0-0) против Ирска на пријателски натпревар одигран вечерва на стадионот Авива стадион, во дуел на селекции кои неодамна останаа без пласман на Светското првенство.

Избраниците на селекторот Гоце Седлоски настапија претежно дефанзивно и упатија само еден удар кон противничкиот гол. Седлоски направи четири измени во почетниот состав во однос на дуелот против Данска, давајќи им шанса на Велковски, Костадинов, Алими и дебитантот Фетаи.

Домаќините ја имаа иницијативата, но првата посериозна шанса ја имаше Македонија, кога голманот Куивин Келехер го одбрани ударот на Енис Барди од слободен удар во 21. минута.

Во периодот од 24. до 26. минута Ирска се закани двапати, но Столе Димитриевски интервенираше по ударот со глава на Трој Перот, додека Азез беше непрецизен од слободен удар.

Во финишот на првото полувреме Ирците повторно беа опасни. Перот во 39. минута од десетина метри шутираше над голот, а четири минути подоцна негов погодок беше поништен поради офсајд.

По паузата Ирска тргна поофанзивно и во 52. минута ја имаше најдобрата шанса, кога Перот од непосредна близина ја погоди стативата.

Бројните измени и прекини поради повреди го успорија темпото во продолжението, а домаќините во судиското продолжение пропуштија идеална шанса за победа преку Еван Фергусон Кени, па натпреварот заврши без голови.

The post ИРСКА ДОМИНИРАШЕ, НО БЕЗ ПОБЕДА Македонија се одбрани за реми appeared first on plusinfo.mk.

Кандидатот за градоначалник на Тетово од Вреди и актуелен градоначалник, Билал Касами, преку социјалните мрежи се пофали дека неговиот син Лавдрим Касами ќе настапува за Фудбалската репрезентација на Албанија до 19 години.

Лавдрим е играч на „Шкендија“, а добил покана да настапува за два пријателски натпревара што Албанија ќе ги игра со Ирска.

„На врвот од кампањата, најубавата вест што ме направи неизмерно среќен дојде од Тирана. Мојот син, Лавдрим, кој игра за возрасните групи на Шкендија, доби покана од фудбалската репрезентација на Албанија до 19 години за два пријателски натпревари против Ирска“, напиша Касами на Фејсбук.

Тој во постот се заблагодари на фудбалската федерација на Албанија.

The post СИНОТ НА КАСАМИ ЌЕ ИГРА ПРИЈАТЕЛСКИ НАТПРЕВАР ЗА АЛБАНИЈА Гордиот татко се пофали на Фејсбук appeared first on plusinfo.mk.

Македонската фудбалска репрезентација ќе одигра контролен натпревар против Саудиска Арабија на 4 септември во рамки на официјалниот ФИФА термин. Дуелот ќе се одигра на стадионот „Викторија“ во Прага, Чешка, со почеток во 17:00 часот.

Контролниот дуел во Прага ќе биде важен тест за нашите најдобри фудбалери и за селекторот Благоја Милевски да ја провери формата пред продолжението на квалификациите за Светското првенство 2026.

Само три дена подоцна, на 7 септември, „црвено-жолтите“ ќе го играат натпреварот против Лихтенштајн на Националната арена „Тодор Проески“ во Скопје.

Ова ќе биде трет меѓусебен натпревар помеѓу двете репрезентации. Првиот се одигра на 1 август 2001 година во Ријад и заврши без победник (1:1). Вториот меч беше на 22 октомври 2022 година во Абу Даби, кога Саудиска Арабија славеше со 1:0. За македонскиот тим на тој натпревар настапија фудбалери од домашниот шампионат.

The post ДОГОВОРЕНА КОНТРОЛКА СО САУДИСКА АРАБИЈА Пријателската средба меѓу двете репрезентации ќе се игра во Прага appeared first on plusinfo.mk.

Бетис и Комо вчера одиграа контролен натпревар во Кадиз, а според сцените од тепачката што се случи на теренот и споделени на социјалните мрежи, натпреварот беше сѐ, само пријателски не!

Голем број играчи од двата тима учествуваа во големата тепачка.

По завршувањето на првото полувреме, во кое Комо водеше со 2:0 благодарение на головите на Асане Диао и Лукас де Куња, се случи тепачка откако Пабло Форналс и Масимо Пероне разменија удари.

Во моментите на тепачката, видеото покажаува дека напаѓачот на Бетис, Кучо Ернандез, влета во толпата со намера да удри еден од играчите на италијанскиот тим, но наместо тоа успеа да го удри соиграчот Натан.

Форналс, и покрај тоа што прв удри, избегна исклучување, додека Пероне доби црвен картон на стадионот „Естадио Мунисипал де Ла Линеа де ла Консепсион“. Сепак, Бетис остана со еден играч помалку бидејќи Хектор Белерин беше исклучен.

Натпреварот заврши со победа на Комо (3:2).

 

View this post on Instagram

 

A post shared by Plusinfo.mk (@plusinfo.mk)

The post 🎥 ДАЛИ ОВА Е НАЈНЕПРИЈАТЕЛСКИОТ ПРИЈАТЕЛСКИ НАТПРЕВАР ВО ИСТОРИЈАТА? Играчите на Бетис и на Комо си разменија шлаканици и боксови appeared first on plusinfo.mk.

Селекторот на српската репрезентација Драган Стојковиќ Пикси им се обрати на медиумите на прес-конференција во пресрет на натпреварот од плејофот од Лигата на нации против Австрија и пред своите први зборови изрази сочувство до семејствата и пријателите на загинатите во големата трагедија во Кочани.

– Пред да ја започнеме конференцијата во врска со претстојниот натпревар, вчера се случи страшна несреќа. Невидена трагедија во Кочани, Сакам да изразам сочувство до народот на Македонија и семејствата на жртвите. Ќе предложам Фудбалскиот сојуз на Србија да стапи во контакт со Фудбалскиот сојуз на Македонија за во иднина, што се однесува до нашата репрезентација, да одиграме натпревар со нив и секако сето тоа да има некаква поддршка и хуманитарен карактер. По нашите трагедии, уште една голема, но тоа е животот – изјави Стојковиќ.

Во трагедијата во Кочани ноќта сабота кон недела животот го загубија 59 лица. Во пожарот во дискотеката повредени се повеќе од 150 млади лица од кои четириесетина се во тешка состојба.

 

View this post on Instagram

 

A post shared by Republika.rs sport (@republikars_sport)

The post 📽️ ПИКСИ СКРШЕН ПО ТРАГЕДИЈАТА ВО КОЧАНИ Српскиот селектор предлага хуманитарен натпревар со Македонија appeared first on plusinfo.mk.

– Хрватска е голема репрезентација и одличен тест за нас. Како и во минатото и сега треба да покажеме дека можеме да се носиме со вакви силни репрезентации. Но, исто така, ова ќе биде добра контрола и за Хрватска која се подготвува за Европско првенство и мислам дека ќе биде добар натпревар. Искрено, и јас и сите во нашата репрезентација веруваме во добар резултат. Ќе се обидеме и ќе го дадеме максимумот за да го постигнеме тоа. Едноставно да покажеме какви се нашите идеи и за натпреварите во септември во Лига на нации – изјави Трајковски за ФФМ.

„Црвено-жолтите“ контролниот натпревар против Хрватска ќе го играат на 3 јуни во Риека, седум дена подоцна одат во Храдец Кралове на дуел со Чешка.

The post „ЌЕ ИМАМЕ ОДЛИЧЕН НАТПРЕВАР ВО РИЈЕКА“ Напаѓачот на Хајдук верува во добар резултат против Хрватска appeared first on plusinfo.mk.