Полицијата во Тетово поднесе две одделни кривични пријави за „измама“ и за „давање лажен исказ“ против физички и правни лица осомничени дека, иако знаеле дека договорите за превоз на ученици биле истечени, изготвувале и доставувале фактури со цел неоснована наплата од средни училишта во Тетово.

Во првиот случај, СВР Тетово поднесе кривична пријава против М.З. (46) од Тетово и против транспортно претпријатие од Тетово. Според наводите, во текот на септември и октомври 2024 година, тие изготвиле фактури иако биле свесни дека договорот за превоз на редовни ученици, склучен со едно средно училиште во Тетово, веќе бил истечен. Без правен основ биле фактурирани услуги во вкупен износ од 15.034.110 денари, а фактурите биле доставени до надлежните служби во училиштето со намера да се изврши наплата.

Бидејќи не успеале да ги доведат во заблуда одговорните лица во училиштето, осомничените, како што информира полицијата, дале лажен исказ кај нотар и ги доставиле истите фактури со барање да биде изготвен предлог-решение за нотарски платен налог, кој потоа бил донесен од нотарот.

Втората кривична пријава е поднесена против Ќ.Ф. (59) од селото Шемшово и против правно лице од истото село. И во овој случај, според полицијата, во септември и октомври 2024 година пријавените знаеле дека договорот за превоз на редовни ученици со средно училиште во Тетово бил истечен. Сепак, на 10 јуни 2025 година, без правен основ, изготвиле фактури за услугите во септември и октомври 2024 година, во вкупен износ од 2.152.447 денари.

Фактурите биле доставени до надлежните служби во училиштето со намера да се доведат во заблуда и да се изврши наплата, а пријавените потоа дале лажен исказ и пред нотар, барајќи да биде изготвен предлог-решение за нотарски платен налог.

Од СВР Тетово информираат дека по двата случаи се преземаат натамошни мерки и активности во соработка со надлежното јавно обвинителство.

The post СО ЛАЖНИ ФАКТУРИ „ШМУКАЛЕ“ ПАРИ ОД СРЕДНО УЧИЛИШТЕ Кривични пријави за двајца тетовски превозници appeared first on plusinfo.mk.

The post ВОЗЕЛЕ УЧЕНИЦИ СО ИСТЕЧЕНИ РЕГИСТРАЦИИ Полицијата исклучи 3 автобуси, а 21 автобус испрати на технички преглед appeared first on plusinfo.mk.

„Денеска во периодот од 12.00 до 16.00 часот на територијата на Република Северна Македонија спроведена е акциска контрола на возила што вршат јавен превоз на ученици, за зголемување на безбедноста на учениците од дома до училиште и од училиште кон дома. При контролата констатирани е едно кривично дело за возење без лиценца по член 284 – а од Кривичен законик и 60 сообраќајни прекршоци. Од нив четири за возење без возачка дозвола, а 21 возило е упатено на вонреден технички преглед. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и заеднички да придонесеме за побезбедни патишта“ – се вели во соопштението на МВР.

The post ДОБРО, КАКВА КАТАНГА Е ОВА? Вршат превоз на ученици без лиценци, без дозволи и со технички неисправни автобуси!? appeared first on plusinfo.mk.

Како што соопшти полицијата, во акцијата биле исконтролирани 249 возила кои вршат јавен превоз на деца кон училиштата на 102 локации.

– При тоа  биле констатирани 8 кривични дела по член 284-а за вршење на јавен превоз без соодветна документација, и 48 прекршоци, од кои 29 од Законот за безбедност на сообраќајот на патиштата, 16 од Законот за возила, 3 од Законот за заштита на населението од заразни болести и сл. Во станица за технички преглед биле упатени 41 возило, а од сообраќај биле исклучени 11 возила кои вршат јавен превоз поради техничка неисправност и други констатирани недоследност – информираат од полицијата.

За време на контролата на подрачјата на сите сектори за внатрешни работи биле легитимирани 277 полнолетни средношколци, а извршени се 2.211 прегледи кај ученици, во однос на почитување на Законот за оружјето, Законот за правда на детето и Кривичниот законик.

По документирање на случаите, против сите одговорни лица кои сториле било каков прекршок или кривично дело ќе биде поднесена соодветна прекршочен или кривичен поднесок.

The post КОЈ ГИ ВОЗИ НАШИТЕ ДЕЦА НА УЧИЛИШТЕ? Полицијата за 3 часа исклучи од сообраќај 11 возила appeared first on plusinfo.mk.