Во образовниот систем во Македонија одамна е поставен механизам за превенција од употреба на психоактивни супстанци, но тој мора да се менува и надополнува, затоа што се менуваат и трендовите во однесувањето на младите – се намалува употребата на тутунот, но се зголемува употребата на електронските цигари и на тоа мора да се делува.

Ова го истакна министерката за образование и наука проф. д-р Весна Јаневска на денешната прес-конференција во Институтот за јавно здравје каде беше презентиран последниот извештај на Европскиот проект за истражување во училиштата за употреба на психоактивни супстанци, од 2024 година.

Во документот има препораки што ќе помогнат при креирање на идните политики за зголемување на свеста кај младите за штетноста на психоактивните супстанци.

– Јас ќе споделам дека теми кои се поврзани со грижата за сопственото здравје се застапени во сите одделенија во редовните предмети, особено во природните науки. Но, за да ја подигнеме здравствената писменост, од оваа учебна година со поддршка на Светската здравствена организација воведовме и нов изборен предмет „Учам за моето здравје“ во VII одделение – рече Јаневска.

Министерката информираше и дека на почетокот на годинава направени се законски измени со кои основните и средните училишта имаат обврска покрај програми за заштита од насилство, спречување на дискриминација, поголема толерантност и слично, задолжително да спроведуваат и програми за превенција од злоупотреба на алкохол, тутун и други психоактивни супстанци.

– Заедно со Канцеларијата на Обединетите нации за дрога и криминал, во октомври и ноември годинава спроведовме обуки за наставници и стручни соработници во 50 основни училишта во Скопје, Струмица, Штип, Прилеп, Кочани и Гостивар, кои ќе ја реализираат превентивната програма „Вештини за адолесценција“. Станува збор за структурирана програма која е базирана на докази и ја спроведуваат над 100 земји во светот, а има за цел да ги подготвува младите да не подлегнуваат на врснички притисок, односно да прават здрави избори и да не користат штетни психоактивни супстанци – информираше министерката.

Наша задача е, рече Јаневска, како нови институционални раководства да продолжиме да работиме во интерес на новите генерации и заштитата на нивното здравје.

– Тоа и го правиме и затоа јавно алармираме за одредени состојби, ги обединуваме напорите и бараме вклучување на сите релевантни чинители кои можат да помогнат во креирање и спроведување на најдобрите превентивни политики – потенцираше министерката.

Европскиот проект за истражување во училиштата за алкохол и други дроги (ЕСПАД) е најстарата истражувачка иницијатива во Европа посветена на следење на трендовите на употреба на супстанции кај адолесцентите, основана во 1995 година од денешната Агенција за дроги на Европската унија (ЕУДА). Последното истражување во Македонија беше спроведено во 2024 година во 96 средни училишта и 182 паралелки. Опфатени беа 2.831 ученик, од кои 1.397 или 49,3% момчиња и 1434, односно 50,7% девојчиња.

The post МЛАДИТЕ ВО МАКЕДОНИЈА ЈА МЕНУВААТ ПЕРЦЕПЦИЈАТА ЗА ТУТУНОТ Се надградуваат превентивните образовни мерки appeared first on plusinfo.mk.

Тошковски, кој го посети пунктот на обезбедувањето пред Сити мол, рече дека минатата недела во Скопје се одземени 30 000 – 40 000 пиротехнички средства. Вакви акции имало и во Валандово, Свети Николе,…, при што се поднесени соодветни пријави.

– Присутни сме на терен, обезбедувањето комуницира со луѓето, ги следиме состојбите,.. Сите овие превентивни дејства се преземаат за што побрзо откривање каков било криминалитет, тргнувајќи од имотни деликти, разбојништва,…, рече Тошковски.

Во врска со синоќешните инциденти што денеска ги објави градоначалникот на Општина Центар Горан Герасимовски дека малолетници во Капиштец палеле петарди, Тошковски истакна дека ова не е прв случај.

-Три вакви настани се регистрирани изминатиов период, се постапува од страна на МВР. Најголем дел од лицата се малолетници и во однос на нив се преземаат соодветни постапки. Реагираме, но се повторуваат ваквите несакани настани. Ќе сториме се за превенирање, но преземеме и репресивни мерки ако е потребно. Мора и родителите да поведат сметка – порача министерот.

The post ПОЛИЦИЈАТА ВО АКЦИЈА ПРОТИВ ПИРОТЕХНИКАТА Се преземаат и мерки против малолетните вандали во Капиштец appeared first on plusinfo.mk.

Во изминатиот период во Грција е зголемен бројот на заразени со Ковид-19, но и болни од грип, па затоа од ЕОДИ во петокот објавија упатства за наставниците, учениците и останатиот персонал, со цел да се намали опасноста од ширење на респираторни инфекции во училиштата.

Од Националната организација за јавно здравје апелираат до учениците и наставниците да се придржуваат до основните мерки како што се редовно миење раце, добро проветрување на училниците, одржување растојание, кашлање и кивање во лактот или во марамче итн.

Доколку некој од учениците има симптоми на респираторна инфекција (болки во грлото, кашлица, течење на носот) или има позитивен резултат од Ковид тест или тест за грип се препорачува да остане дома и да ги ограничи контактите со други луѓе.

Согласно неделниот извештај на Националната организација за јавно здравје објавен во четвртокот, во периодот од 25 до 31 декември, „значително е зголемена позитивноста кај сите тестирани примероци во однос на претходната седмица“, кога исто така имаше зголемување споредбено со претходно.

Хоспитализирани биле 1.818 лица, за 44 отсто повеќе од просекот во изминатите четири седмици, зголемен е бројот и на пациентите приклучени на апарати, а намалување има на бројот на починати од Ковид-19, вкупно 57, наспроти 62 лица минатата седмица.

The post КОРОНАВИРУСОТ И ГРИПОТ ГИ ИСПЛАШИЈА ГРЦИТЕ Децата се враќаат од распуст на училиште, но со многу превентивни мерки appeared first on plusinfo.mk.

Се разбира, кај нас расправата ќе остане на најниско политичко ниво, од аспект кој е крив, кој бил претходно, кој е сега… Кога сите заедно 30 години не направиле ништо сериозно инфраструктурно, камоли превентивно.

Македонија е високо ризична земја за последици од климатски промени и сѐ почесто ќе бидеме мета на нагли и бурни невремиња, долги периоди на суша, пожари и сѐ друго.

Се разбира, како што не бевме спремни за пожари и суша, така сме неспремни и за силни врнежи и поплави.

Се доцни веќе со децении, не се презема ништо, темата не ни постои, така што ич немам надеж дека некој ќе разбере колку сериозна е ситуацијата.

Ниту имаме пари, ниту знаење, ниту свест, а камоли политичари или повисоки структури кои нешто би презеле за општо добро.

Тоа е…

(Фејсбук статус на авторот)

The post Никој ништо не направил, а сите расправaат кој е крив appeared first on plusinfo.mk.

Циодрас рече дека „не може улиците да се полни со автомобили со луѓе кои одат на екскурзија, а при тоа без да знаат дали се носители на вирусот“, а како пример спомена дека на еден грчки остров регистриран е случај на коронавирусот од контакт дојден од Атина.

– Ве молам, најмалку што можете да направите е да не стапите во контакт со никој од локалното население онаму каде што патувате, туку да останете дома   порача професорот и истакна дека ваквите однесувањa ги поткопуваат сите напори и ја зголемуваат опасноста за ширење на вирусот и во делови од земјата каде што не е регистриран случај.

На истата тема се осврна и портпаролот на грчката влада Стелиос Пецас во неговата изјава за медиумите, но и заменик- министерот за цивилна заштита на Грција Никос Хардаљас.

Пецас рече дека оние кои решиле да патуваат кон нивните села или во викендичките, особено по препораките да останат дома, си се ставаат и самите себе во опасност.

-Треба сите да сфатиме дека можеби сме заразени со вирусот, дури и ако немаме симптоми. И во меѓувреме, да го шириме вирусот низ локалното население низ цела Грција. Секој што одбрал да избега во своето село, мора да се однесува како веќе да го има вирусот, да избегнува било каков контакт и по секоја цена да остане дома, рече Пецас.

Заменик – министерот за цивилна заштита на Грција, објави нови дополнителни превентивни мерки, меѓу кои и забрана за пловидба на приватни јахти, нови правила за пазарите и супермаркетите.

Почнувајќи од утре наутро забранета е пловидба на приватни јахти на целата територија на земјата, а за оние кои што се вон пристаништата, до сабота на полноќ треба да се закотват.

Сите мобилни пазари во Грција утре ќе бидат затворени, а од понеделник за 50% ќе биде намален бројот на производители, а тезгите ќе треба да бидат на растојание од пет метри.

Во супермаркети, од понеделник, бројот на потроѓувачи треба да биде еден на 15 метри квадратни, а не на десет како што беше до сега.

Хардаљас повтори дека забранети се собири на десет или повеќе лица, а за прекршувачите предвидени се казни од 1000 евра по лице и по случај.

-За време на викендот ќе има силно присуство на полиција во паркови, на големи плоштади, простори каде што се забележува собири на луѓе, со цел да се почитува горенаведеното правило. Не е дозволено ниту пикник, ниту спортување на тимови. Повторуваме дека движењето надвор од домовите треба да се ограничи на минимум, рече Хардаљас

The post Грците масовно ги напуштаат Солун и Атина, владата со нови мерки appeared first on plusinfo.mk.