Претставничкиот дом на САД го усвои Законот за овластување на трошоците за националната одбрана, со кој се одобруваат рекордни 1,15 билиони (1.150 милијарди) долари за одбраната, во согласност со барањето на претседателот Доналд Трамп.

Предлог-законот беше усвоен со 216 гласа „за“ и 212 „против“, што претставува значително потесна поддршка од вообичаената бидејќи таа законска рамка традиционално добива широка двопартиска поддршка во Конгресот.

Демократите се спротивставија на значителното зголемување на средствата за Пентагон, оценувајќи дека тоа доаѓа во период кога се кратат буџетите за социјалните програми.

Меѓу одредбите што предизвикаа критики е и клаузулата со која значително се проширува американско-израелската соработка во областа на воените технологии, и покрај повиците на дел од американската јавност за намалување на поддршката за Израел поради големиот број палестински жртви во израелските напади врз Појасот Газа.

Републиканците, пак, оценија дека буџетот од над билион долари е неопходен за поддршка на вооружените сили во услови на војната со Иран, како и за финансирање на развојот на одбранбени системи и друга воена опрема.

Законот предвидува и зголемување на платите на припадниците на вооружените сили од пет до седум проценти во следната година, во зависност од нивниот чин.

The post ЗА ОДБРАНАТА НА САД ОДОБРЕНИ РЕКОРДНИ 1.150 МИЛИЈАРДИ ДОЛАРИ Претставничкиот дом го усвои предложениот буџет appeared first on plusinfo.mk.

Американскиот Сенат синоќа усвои резолуција за ограничување на воените овластувања на претседателот на САД, со која би се ограничила можноста претседателот Доналд Трамп самостојно да носи одлуки за воени дејствија.

Резолуцијата која допрва оди на гласање во Претставничкиот дом, доаѓа во време кога САД е во отворена војна против Иран и отвора можности за запирање на војната.

Резолуцијата беше изгласана со 50 гласа „за“ и 47 „против“.

Особено внимание привлече фактот што четворица републиканци гласаа заедно со демократите.

„Конгресот носи одлука за војна“

Поддржувачите на резолуцијата сметаат дека според американскиот Устав токму Конгресот, а не претседателот, има овластување да испраќа американски трупи во војна.

Со документот практично се бара секоја нова ескалација со Иран да биде одобрена од законодавниот дом.

Трамп и натаму има опции

Иако Сенатот ја усвои резолуцијата, таа сè уште не е конечна. Следува гласање и во Претставничкиот дом, каде мнозинство имаат републиканците.

Дополнително, Трамп може да стави и претседателско вето.

„Прекинот на огнот остава простор“

Сенаторот Тим Кејн, кој е предлагач на резолуцијата, изјави дека актуелниот прекин на огнот отвора простор Трамп своите аргументи да ги претстави пред Конгресот.

– Претседателот треба да го образложи секој чекор пред американските претставници – порача Кејн.

Нов потрес во Белата куќа

Гласањето се толкува како нов сигнал за растечка загриженост во Вашингтон околу можноста САД повторно да влезат во поширок конфликт на Блискиот Исток.

Одлуката покажува и дека дел од републиканците не сакаат Белата куќа самостојно да одлучува за нови воени операции против Иран.

The post РЕЗОЛУЦИЈА КОЈА МОЖЕ ДА ЈА ЗАВРШИ ВОЈНАТА Сенатот предложи кочници за Трамп appeared first on plusinfo.mk.

Државниот секретар за одбрана на САД Пит Хегсет се најде во непријатна ситуација на сослушување пред Конгресот да не може да даде објаснување зошто ги разрешил генералите среде војна, а не знаеше да каже ниту колку високи офицери има разрешено досега.

На прашање на демократскиот конгресмен Адам Смит, кој го води Комитетот за вооружени сили во Претставничкиот дом, Хегсет одбегна да даде директни одговори и изгледаше збунето.

– Колку генерали се разрешени досега – праша Адам Смит.

– Не го знам точниот број, тие служат по воља на претседателот – одговори Пит Хегсет.

– Осум, рече конгресменот, осум имате сменето. Може да објасните зошто?

– Претседателот има право да го избере тимот во кој има доверба – рече Хегсет.

Потоа Смит се обидува да добие одговор на прашањето зошто се сменети овие офицери, на што Хегсет повторно одбегна директен одговор.

– А знаете ли воопшто што значи зборот „зошто“ – рече на крајот конгресменот Смит со повишен тон.

Во последните недели неколку високи офицери на армијата на САД беа отстранети или маргинализирани, без јасни образложенија. Овие потези се толкуваат како обид на Хегсет да воспостави цврста контрола врз воениот врв, но истовремено предизвикуваат сериозно незадоволство и отпор.

Смената на началникот на Генералштабот на американската армија, генерал Ренди Џорџ, и генералот Дејвид Ходни ги изненади воените лидери и предизвика длабока загриженост кај одбранбените претставници.

Џорџ и Ходне се најновите во низата генерали и високи офицери што ги отпушти министерот за одбрана Пит Хегсет.

Минатата недела беше разрешен врвниот генерал Ден Дрискол, наводно поради стравувањата ан Хегсет дека може да го замени на неговата функција на секретар за одбрана. Набргу потоа Хегсет побара оставка и од началникот на Генералштабот на американската армија, генерал Ренди Џорџ – близок соработник на Дрискол, без да даде јавно објаснување за одлуката.

ХАОС ВО БЕЛАТА КУЌА Кој ќе биде следниот на кого Трамп ќе му каже „отпуштен си”?

The post 🎥 ХЕГСЕТ „СЕ ИЗГУБИ“ НА СОСЛУШУВАЊЕ ВО КОНГРЕСОТ Не знае колку генерали разрешил, не знае зошто… appeared first on plusinfo.mk.

Претставничкиот дом на американскиот Конгрес ја отфрли резолуцијата со која би се ограничиле воените операции на американскиот претседател Доналд Трамп во Иран, еден ден откако американскиот Сенат ја блокираше истата иницијатива.

Гласањето во Претставничкиот дом за резолуцијата за воени овластувања, која има за цел да спречи продолжување на нападите врз Иран без одобрение од Конгресот, заврши со 212 гласа „за“ наспроти 219 „против “, при што само двајца републиканци ја поддржаа резолуцијата заедно со мнозинството демократи, објави Ен-Би-Си Њуз (NBC News).

Резолуцијата предвидуваше суспендирање на американските воени операции во Иран сè додека Конгресот на САД не одобри војна или употреба на воена сила.

Демократите истакнаа дека Уставот на САД му дава право на Конгресот да објави војна, додека Трамп и неговите високи функционери конфликтот не го нарекуваат војна.

Лидерот на демократите во Претставничкиот дом, Хаким Џефрис, ги критикуваше Трамп и републиканците за „воведување на Америка во уште еден бесконечен конфликт на Блискиот Исток, трошење милијарди долари за бомбардирање на Иран“, додека, според неговите зборови, грижата за цените на храната, здравствената заштита и домувањето за американските граѓани е занемарена.

Републиканците тврдеа дека Трамп имал избор и решил да ги брани САД од „непосредната закана“.

САД и Израел го нападнаа Иран во саботата утрото, на 28 февруари, со она што го нарекоа „превентивни напади“, кои се случија по неуспехот на неколку рунди преговори за нуклеарната програма на Иран.

Потоа Иран започна масовни одмазднички напади против Израел и цели поврзани со САД низ целиот регион на Блискиот Исток.

The post КОНГРЕСОТ НЕ ЈА УСВОИ РЕЗОЛУЦИЈАТА ПРОТИВ ВОЈНАТА ВО ИРАН По Сенатот, и Претставничкиот дом на САД гласаше против appeared first on plusinfo.mk.

Време е да се објават досиејата на Епстајн, бидејќи немаме што да криеме, напиша претседателот на САД Доналд Трамп на социјалните мрежи повикувајќи ги Републиканците да гласаат „за“. Според него, откривањето на документите ќе стави крај на, како што ја нарече, „измамата на демократите“ насочена кон оцрнување на неговото име.

Позицијата на Трамп доаѓа како изненадување, коментира Би-Би-Си.

„Главната промена во ставот на Трамп доаѓа откако потенцијално десетици републиканци сигнализираа дека се подготвени да ги напуштат редовите и да гласаат за објавување на документите“.

Американските законодавци, кои со месеци притискаат за декласификација на документите поврзани со истрагата против финансиерот Џефри Епстин, конечно се приближуваат до историска победа. Очекувањата се дека Претставничкиот дом ќе гласа во корист на предлог-законот, откако повеќе од сто републиканци застанале зад иницијативата, дел од нив и покрај првичниот отпор на раководството и на самиот Доналд Трамп, јави Политико.

Претседателот на Претставничкиот дом, Мајк Џонсон, деновиве изјави дека гласањето за објавување на документите би помогнало да се стави крај на шпекулациите дека Трамп имал поврзаност со Епстајн.

– Републиканците во Домот треба да гласаат за откривање на досиејата, бидејќи немаме што да криеме – напиша Трамп, повикувајќи на транспарентност.

Во објавата тој ги нападна „радикалните левичари“, обвинувајќи ги дека го користат случајот за да го свртат вниманието од, како што рече, „успесите на Републиканската партија“.

Во јавноста повторно се појавија документи што отвораат дилеми за мрежата на Епстајн, меѓу нив и е-пошта од 2019 година во која тој наводно пишува дека Трамп „знаел за девојките“. Белата куќа ги обвини демократите дека селективно објавуваат материјали за да го компромитираат поранешниот претседател.

Иако Трамп и Епстајн се фотографирани заедно на настани од 90-тите, Трамп тврди дека двајцата се скарале „пред да излезат обвиненијата“. По самоубиството на Епстајн во 2019 година, Трамп нареди Министерството за правда на САД да испита дали видни демократи имале поврзаност со финансиерот.

Трамп никогаш не бил обвинет во врска со случајот. Официјално, Епстајн почина во затвор додека го очекуваше судењето за сексуална трговија. Тој имал блиски врски со политичари и славни личности од целиот свет.

The post ПРЕСВРТ, ТРАМП ПОВИКА ДА СЕ ОБЈАВАТ ДОСИЕЈАТА НА ЕПСТАЈН Попушти пред притисокот на Републиканците? appeared first on plusinfo.mk.

Сенатот на САД го усвои Законот за стабилни криптовалути, кој воспоставува регулаторни правила за криптовалути врзани за доларот. Останува сега и Претставничкиот дом да даде мислење за законот.

Гласањето во Сенатот помина иако демократите се обидуваа да го спречат донесувањето на законот кој му овозможува на американскиот претседател Доналд Трамп да профитира од своите крипто-бизниси додека е на функција.

Претставничкиот дом работи на свој законодавен предлог, кој вклучува посеопфатни мерки за регулирање на поширокиот крипто-пазар. Пратениците сега мора да одлучат дали да го прифатат законот усвоен од Сенатот или да се обидат да преговараат за компромисно решение.

Според законот, стабилните криптовалути врзани за доларот ќе мора да чуваат резерва еден спрема еден во форма на краткорочен државен долг или слични инструменти под надзор на федералните или државните регулатори.

Поддржувачите на индустријата се надеваат дека законот ќе ја претвори стабилната криптовалута во широко прифатено средство за плаќање.

Трговците го поддржаа законодавството со идејата дека тие би можеле да овозможат поевтина и побрза обработка на трансакции во споредба со традиционалните банкарски производи како кредитни картички и чекови.

Банките, особено помалите, предупредуваат дека може да има одлив на депозити и намален пристап до кредити. Големите банки размислуваат за издавање свои стабилни криптовалути, што би им носело профит  од камата на резервите.

The post СЕНАТОТ ГО ПРИФАТИ ТРАМПОВИОТ ЗАКОН ЗА КРИПТОВАЛУТИ Се очекува стабилната криптовалута да стане средство за плаќање appeared first on plusinfo.mk.

• ПРИЈАТЕЛ НА МАСК ЌЕ БИДЕ ШЕФ НА НАСА Џаред Ајзакмен е изборот на Трамп

Новоизбраниот американски претседател, Доналд Трамп, и неговите републиканци ќе ги контролираат Белата куќа и двата дома на Конгресот, почнувајќи од следниот месец, по победата на изборите во ноември на кои демократите ги загубија Белата куќа и Сенатот.

• ТРОЈЦА СОВЕТНИЦИ МУ ПРЕДЛОЖИЛЕ ПЛАНОВИ ЗА УКРАИНА НА ТРАМП Еве што содржат нивните мировни решенија

Демократот Адам Греј освои пратеничко место во калифорнискиот 13-ти конгресен округ во последната трка за Претставничкиот дом на изборите на 5 ноември, според Едисон рисрч.

Републиканците оваа недела ги изложија плановите за спроведување на агендата на Трамп веднаш штом тој ќе ја преземе функцијата.

За време на кампањата Трамп најави воведување нови царини, масовни депортации на илегални имигранти, дерегулација на енергетскиот сектор и продолжување на даночните намалувања што ги спроведе во неговиот прв мандат, а кои истекуваа следната година.

ДОНАЛД ТРАМП ГО ПОТПИША МЕМОРАНДУМОТ Почнуваат подготовките за преземање на власта

The post ТРАМП ЌЕ ГО КОНТРОЛИРА КОНГРЕСОТ Републиканците го освоија Претставничкиот дом со тесно мнозинство appeared first on plusinfo.mk.

Засега, демократите имат осигурано 205 места додека, пак, републиканците имаат 214.

Според најновата прогноза на оваа агенција, Републиканската партија може да ја добие контролата врз двата дома на Конгресот во јануари, кога избраниот претседател Доналд Трамп ќе ја преземе должноста. Републиканската партија со тоа ќе направи „хет-трик“, заземајќи целосна контрола врз извршната и врз законодавната власт во САД. Со ова, новиот шеф на државата ќе може да ги реализира своите планови за кратење на даноците и економски реформи во федералната влада.

Уште една агенција, Edison Reaserch, претходно даде точна прогноза за тоа дека републиканците ќе обезбедат мнозинство во Сенатот, со минимум 52 места против 46 за демократите.

Според DDHQ, републиканците ќе задржат минимум 218 места за мнозинство во Претставничкиот дом, иако засега останува неизвесна состојбата со осумте преостанати трки, заклучно понеделник навечер, како што се бројат гласовите во уште неколку држави од западниот брег, како што се Калифорнија и Невада.

The post РЕПУБЛИКАНЦИТЕ ЦЕЛОСНО ЌЕ ГО КОНТРОЛИРААТ КОНГРЕСОТ НА САД? Изгледа дека Трамп ќе си ги оствари плановите без проблем appeared first on plusinfo.mk.

Тој одговори на прашање за неодамнешната изјава на Трамп дека Бајден ќе биде „многу напумпан“ на дебатата, алудирајќи на вреќата со кокаин пронајдена во Белата куќа минатата година.

Џонсон истакна дека јавноста може да очекува Бајден да дебатира на истото високо ниво на кое се обрати до нацијата во Конгресот, претходно оваа година.

The post ДЕБАТА СО ДОПИНГ Никој не очекува Бајден да биде на кокаин ама енергетски пијалаци се можни appeared first on plusinfo.mk.

Комитетот на американскиот Претставнички дом отвори истрага за импичмент на претседателот Џозеф Бајден. Оваа информација ја соопшти портпаролот на комитетот, Кевин Мекарти.

Портпаролот на Комитетот додаде дека истрагата покажала дека Бајден ги лажел граѓаните дека не знае ништо за дејствија на членови на неговото семејство.

– Републиканците од Домот открија сериозни и веродостојни обвинувања за однесувањето на претседателот Бајден. Заедно, овие тврдења даваат слика на култура на корупција – изјави Мекарти

Во својот говор тој наведе дека против Бајден има обвиненија за злоупотреба на службената положба, опструкција и корупција.

– Ова се обвинувања за злоупотреба на службената положба, опструкција и корупција. И тие бараат дополнителна истрага од Претставничкиот дом. Затоа денеска ја упатувам нашата комисија на Претставничкиот дом да отвори официјална истрага за импичментот на претседателот Џо Бајден – рече Мекарти.

The post НА БАЈДЕН МУ СЕ ЗАКАНУВА ИМПИЧМЕНТ Претставничкиот дом отвора истрага за отповикување на претседателот appeared first on plusinfo.mk.