Американскиот државен секретар Ентони Блинкен денеска оцени дека претседателските избори во Русија биле недемократски и дека се одржале во атмосфера на, како што наведе, „интензивна репресија на независните гласови и затвор, смрт или егзил на речиси сета вистинска политичка опозиција“.

– Кремљ систематски ги маргинализира групите кои се залагаат за демократски процеси и владеење на правото, вклучително и набљудувачи на изборите. Руските власти, исто така, одбија да регистрираат антивоени претседателски кандидати под лажни изговори и не ја поканија Канцеларијата за демократски институции и човековите права на Организацијата за безбедност и соработка во Европа или која било кредибилна меѓународна организација, да го набљудуваат гласањето – рече Блинкен во изјавата на Стејт департментот.

Тој додаде дека овие потези илустрираат „до кој степен Кремљ им го скрати на своите граѓани транспарентниот и значаен демократски процес“.

– Во тој контекст, овие избори може да се опишат само како недемократски – рече американскиот државен секретар.

The post ИЗБОРИТЕ ВО РУСИЈА СЕ НЕДЕМОКРАТСКИ Блинкен го обвини Кремљ за интензивна репресија appeared first on plusinfo.mk.

Пријателите и сојузниците на рускиот претседател Владимир Путин побрзаа да му ја честитаат изборната победа, но западните лидери ги осудија, како што рекоа, нелегалните избори, пренесуваат денеска светските агенции. Според излезните анкети, Путин го освои петтиот претседателски мандат со рекордни 87% од гласовите.

Шефот за надворешна политика на ЕУ, Жозеп Борел, рече дека изборите не биле слободни и фер и се базирани на репресија и заплашување. Борел додаде дека 27-те земји од ЕУ ќе усвојат заедничка изјава за изборите подоцна во понеделник.

Реизборот на Путин се случи во контекст на репресија врз граѓанското општество и не беа испочитувани условите за слободни и демократски избори, се наведува во соопштението на француското Министерство за надворешни работи. Министерството ја пофали и храброста на „многу руски граѓани кои мирно протестираа против овој напад врз нивните основни политички права“.

Италијанскиот министер за надворешни работи Антонио Тајани изјави дека „изборите не биле ниту слободни ниту фер“.

– Продолжуваме да работиме за праведен мир што ќе ја наведе Русија да стави крај на својата агресивна војна против Украина во согласност со меѓународното право – истакна Тајани.

Портпаролот на Белата куќа рече дека изборите во Русија „очигледно не биле слободни или фер со тоа што Путин ги затвора политичките противници и ги спречува другите да се кандидираат против него“.

Британскиот министер за надворешни работи Дејвид Камерон објави на X дека „слободните и фер избори не изгледаат вака“.

Шефот на германската дипломатија Аналена Баербок истакна дека изборите во Русија не се вистински избори.

– Руските избори беа избори без избори – рече Баербок на почетокот на состанокот на европските министри за надворешни работи.

Изборната победа на Путин нема легитимитет бидејќи народот немаше слобода на избор, изјави во понеделникот литванскиот министер за надворешни работи Габриелиус Ландсбергис.

– Во оваа атмосфера на неслобода, дефинитивно не може да има избор – рече Ландсбергис пред состанокот со колегите министри од ЕУ во Брисел.

Украинскиот претседател Володимир Зеленски го нарече Путин „диктатор“ кој е „опиен од власта“.

-Нема зло што тој нема да го направи за да ја прошири својата лична моќ – рече Зеленски.

Во меѓувреме, полското Министерство за надворешни работи објави дека е „невозможно да се гласа слободно и демократски“ на руските избори. Чешкиот министер за надворешни работи Јан Липавски ги нарече изборите „фарса и пародија“.

Но има и лидери што му честитаа на Путин.

Кинескиот претседател Си Џинпинг испрати порака во која му честиташе на Владимир Путин за неговиот реизбор за претседател на Русија, објавија во понеделникот кинеските државни медиуми.

-Цврсто веруваме дека под стратешко водство на претседателот Кси Џинпинг и претседателот Путин, односите меѓу Кина и Русија ќе продолжат да напредуваат. Кина и Русија се едни со други најголеми соседи и сеопфатни стратешки партнери во новата ера – изјави портпаролот на кинеското Министерство за надворешни работи, Лин Џијан.

Честитки за победата на Путин во Кремљ стигнале и од Северна Кореја, од Иран и од Венецуела.

Севернокорејските државни медиуми објавија дека Ким Јонг Ун му испратил порака на Путин во која му ја честитал победата. Иранскиот претседател Ебрахим Раиси му честитал на својот руски колега за неговата „решавачка“ победа на претседателските избори, јавуваат државните медиуми.

Венецуелскиот претседател Николас Мадуро бил најоргинален во честитката.

„Нашиот постар брат триумфираше, што е добар знак за светот“ – напишал Мадуро.

The post „ДИКТАТОРОТ Е ОПИЕН ОД ВЛАСТА“ Сè повеќе реакции за победата на Путин на руските избори appeared first on plusinfo.mk.

Шапс претходно изјави дека Владимир Путин „повторно ги украл изборите, но нема да ја украде Украина“.

„Обединетото Кралство ќе работи со сојузниците за да се запре кражбата со зголемување на севкупната помош за Украина. Како што покажува историјата, мора да ги запреме диктаторите и автократите, во спротивно тие ќе продолжат да крадат уште повеќе“ – напиша Шапс.

На оваа изјава на британскиот министер реагираше Захарова, која изјави дека Британците се „навикнати да ограбуваат сѐ“.

#MariaTelegram #Zakharova
Maria Zakharova, 17 March

British Defence Secretary Grant Shapps: “Putin has stolen the election again, but he will not steal Ukraine. The UK will work with allies to stop the theft by increasing overall aid to Ukraine. As history shows, we must stop… pic.twitter.com/sD0IgdKdHR

— Maria Zakharova (Commentary) (@_MariaZakharova) March 18, 2024

„Ништо не им украдовме. Не им го дадовме нашето. Така тие се лутат. Навикнати се на секого да му одземаат сè со право на „ексклузивност“…Патем, што е со Кејт Мидлтон? Се појави? Шапс, барајте ја“ – напиша Захарова на социјалните медиуми.

Портпаролката на руското Министерство за надворешни работи му порача на Шапс да ја бара принцезата од Велс, наместо да се занимава со Русија, алудирајќи на мистериозното отстуство на Кејт Мидлтон по хируршката интервенција што ја имаше во јануари во приватна лондонска болница.

The post „ШТО Е СО КЕЈТ МИДЛТОН, СЕ ПОЈАВИ?“ Барајте ја принцезата наместо да се занимавате со Русија, порача Захарова appeared first on plusinfo.mk.

Кремљ предупредува дека ќе има правни последици за секој што ќе го слуша овој „провокативен повик“ на луѓето што ги нарекуваат опасни екстремисти поддржани од САД.

Во објавата на социјалните мрежи од 1 февруари, Навални ги повика Русите да го искажат своето мислење со заедничко излегување на гласање во исто време, напладне на 17 март.

Навални почина во арктичката казнена колонија на 16 февруари.

Неговиот сојузник Волков во видеото на Јутјуб го нарече повикот за протест „директната политичка волја на Навални“ и последен повик за акција што тој го упати.

– Ова повеќе не е само политичка акција насочена кон надминување на политичката осаменост и изолација. Ова стана собир на жалост и граѓанска комеморација, акција во спомен на Навални, кој побара од нас да го одржиме – рече Волков.

Тој истакна дека тоа е многу важно бидејќи „на тој начин луѓето ќе ја исполнат последната волја на Алексеј Навални“ и ќе ги охрабрат истомислениците да дејствуваат.

Повик до Русите да излезат на протест за време на претседателските избори на кои Владимир Путин очекува нов шестгодишен мандат, упати и вдовицата на починатиот опозициски лидер, Јулија Навална.

17 марта. Полдень. За Навального. pic.twitter.com/9fxFxt0NOY

— Yulia Navalnaya (@yulia_navalnaya) March 6, 2024

Портпаролот на Кремљ, Дмитриј Песков за новинарите изјави дека поддржувачите на Навални се „добро познати по нивните провокативни повици за кршење на законите на Руската Федерација“ и дека „ќе има последици за оние што ќе одговорат на нив“, бидејќи таквата практика е „штетна“.

Навални повика на протест „Напладне против Путин“ како начин да се покаже отпор без ризик од апсење за учесниците бидејќи тие ќе протестираат со застанување во ред за легално гласање.

The post 🎥 НАВАЛНИ И МРТОВ МУ ГИ РАСИПУВА СМЕТКИТЕ НА ПУТИН Русите повикани на изборен протест, узбуна во Кремљ appeared first on plusinfo.mk.

Election day in Belgorod

In the evening, they will tell how the heroic citizens of Belgorod came to the polling stations under rocket fire and all voted for putler pic.twitter.com/1T7uX95M78

— Eva (@Eva_CZ1) March 15, 2024

Пораката за опасност од ракетен напад во Белгород и Белгородската област е објавена во 08:10 часот по московско време. Од граѓаните било побарано да останат дома и да не се доближуваат до прозорците. По 14 минути алармот бил укинат. Се појавија повеќе видеа од нападот, вклучително и едно на кое се гледа како проектил удира во камион.

Voting in Belgorod was interrupted due to shelling

For those who don’t know, the presidential elections in the Russian Federation are held on March 15–17. There are few candidates, there is only one candidate.

The elections are illegal because they are also held in the occupied… pic.twitter.com/LYdfgRnHXa

— TOGA (@TOGAjano21) March 15, 2024

Руските гласачи утринава почнаа да излегуваат на гласање, за тридневните претседателски избори кои сигурно на Владимир Путин ќе му донесат уште еден шестгодишен мандат. Путин има три формални ривали: Леонид Слуцки, Николај Харитонов и Владислав Даванков.

Нападот го објави градоначалникот на Белгород, Валентин Демидов на својот канал на Телеграм. Тој објави дека во денешниот ракетен напад има најмалку тројца повредени.

– Белгород утрово беше изложен на уште еден терористички напад од страна на украинските вооружени сили. Двајца мажи се повредени. Еден од нив е хоспитализиран со неколку скршени ребра и набиени гради. Другиот е префрлен во медицинска установа бидејќи лицето му било исечено од шрапнели. И една жена се појавила со потрес на мозокот и расекотина на прстот , но таа одби хоспитализацијат – соопшти Демидов.

New Ukrainian #drone attacks have hit Russian southern region of #Belgorod Thursday, the latest wave of attacks ahead of the March 15-17 presidential election.

FRANCE 24’s Eliza Herbert reports pic.twitter.com/QE9GcnOYVk

— FRANCE 24 English (@France24_en) March 14, 2024

Гувернерот на Белгородската област, Вјачеслав Гладков соопшти дека се оштетени 23 стана во седум станбени згради, два трговски центри, училиште, стадион и осум автомобили. Тој истакна дека итните служби се на терен.

The post 🎥 РАКЕТИРАН РУСКИ БЕЛГОРОД Гласањето за претседателските избори во Русија почна со воздушна тревога appeared first on plusinfo.mk.

– Претседателот сѐ уште не ја објавил својата кандидатура, но ако претпоставиме дека претседателот ќе биде кандидат, очигледно е дека нема да има сериозен ривал. Путин ужива апсолутна поддршка од населението – рече Песков.

Путин веќе две децении доминира во Русија, било како претседател или како премиер, наведувајќи ја како свој успех стабилизацијата на огромната руска нација по хаосот што ја зафати земјата како резултат на распадот на СССР во 1991 година. Но, неговата одлука да испрати десетици илјади војници во Украина на 24 февруари 2022 година претставува најголем предизвик за неговото владеење досега.

Овој потег ја предизвика најсериозната конфронтација со Западот од Кубанската ракетна криза во 1962 година. Западот ги воведе најстрогите санкции на руската економија од 2,1 трилиони долари, вртејќи ја земјата кон Кина. Кинескиот претседател Си Џинпинг му рече на Путин во март дека е убеден дека Русите ќе го поддржат шефот на Кремљ на следните претседателски избори.

Анкетите ја покажуваат огромната популарност на Путин. Анкета спроведена во август покажа дека актуелниот претседател ужива поддршка од 80% од испитаниците, повеќе отколку пред војната во Украина. Анкетите покажуваат и дека 70% од испитаниците ја поддржуваат руската воена интервенција во Украина. Опозицијата и Западот пак тврдат дека не треба да им се верува на овие анкети.

The post НЕМА ЈУНАК ШТО ЌЕ МУ СЕ СПРОТИСТАВИ Ако Путин се кандидира на избори сигурно ќе победи appeared first on plusinfo.mk.