Мицкоски посочи дека во скопски Бутел го запознал Мухамед.

– Неговиот роднина жив изгоре во тетовската модуларна болница. Мухамед укажал дека одбива да верува дека главниот виновник за смртта на неговиот  чичко е само струен кабел, но нема ниту бес во него, ниту бара одмазда за Филипче, или кон кој било друг бирократ поради чие отсуство на одговорност повеќе го нема неговиот чичко. Нивната оставка нема да го врати неговиот живот, но првенствено што му е важно да се знае вистината, не за да има некаква политичка жртва, туку за да не се повтори на нечиј друг чичко, татко или роднина истото. И Мухамед не бара многу од државата, парче достоинство за него и за неговото семејство, тој ја сака вистината и неговото барање значи да спаси други животи во иднина – рече Микоски.

Вториот херој е малиот Бојан, кој живее во подножјето на Скопска Црна Гора.

– Откако го сретнав, на митингот во Гази Баба секогаш кога ќе погледнам низ прозорецот кога врне дожд помислувам на неговата судбина. Секој ден Бојан патува по два километри до неговото училиште. Пешки со ранчето на грбот. Претежно по каллив пат, неасфалтиран, а многу често вели кога ќе дојде зима, светлото е реткост по бандерите. Бојан живее на само 7 километри воздушна линија од оваа моја говорница, во центарот на градот. Тука до ова плато блиску е Владата, подолу на Водно е владината резиденција каде престојува премиерот. Таму има светло, асфалтирани булевари, внатре персиски килими, затоплување. Кај Бојан, на само 7 километри од тука нема ништо од ова. Нема асфалт, нема светло. Не знам дали има и канализација или водовод. Ама кај Бојан има надеж и челична волја да успее. И Бојан победува секој ден, и го носи нашиот товар како општество кое не успеавме да овозможиме еднакви услови за развој.  Затоа Бојан е мојот херој, херојот поради кој вреди сето ова. Поради кој имаме обврска да успееме, да победиме и да донесеме иднина и за него, и за сите млади луѓе кои заслужуваат надеж, шанса и среќа – рече Мицкоски.

Мицкоски додаде дека мора да се воочи дека ниту едно оружје на светот, не е толку за застрашувачко како волјата и моралната храброст на слободните индивидуи, на луѓето кои се хероите на нашето време поради кои мора да се менува системот.

The post МУХАМЕД И БОЈАН СЕ ХЕРОИТЕ НА НАШЕТО ВРЕМЕ Мицкоски пред скопјани раскажа две емотивни сведоштва appeared first on plusinfo.mk.

– Нека продолжат на сила да го туркаат процесот за пописот, кажувам дека опозицијата нема да биде конструктивна и влегуваме во политичка криза, па да видиме кој ќе победи. ВМРО-ДПМНЕ нема да ги признае резултатите, доколку одлучат насилно да продолжат со процесот – изјави лидерот на ВМРО-ДПМНЕ на Алфа ТВ.

На прашање за што ќе разговараат на средбата во понеделник со Заев и дали ќе ја прифати понудата за широка коалиција, Мицкоски, рече дека на средбата оди заради тоа што народот очекува нешто да се направи за нивните проблеми, а не цело време меѓусебно да се напаѓаат.   

– Не зборувам за широка коалиција, мојот став е експертска влада што треба да ги организира следните локални избори или влада на национално единство и тоа и е потребно на државата – рече Мицкоски.  

За можноста да се разговара за предвремени избори заедно со локалните, Мицкоски рече дека ќе се разговара и дека се можни само локални избори, па од резултатите од тоа се можно три сценарија. 

Прашан дали може да побара одложување на пописот на средбата со Зоран Заев во понеделник, Мицкоски рече дека гледајќи ги нивните ставови во јавноста, не се подготвени за разговор и тоа нема да биде тема на средбата.

– За да дојде некој кај мене дома и јас да му отворам врата за да се попишам, мора тој да биде имунолошки подготвен. Ако пописот почнува на 1-ви април, тогаш тој нема да биде имунолошки подготвен. И јас вратата нема да ја отворам и не само јас, туку и стотици наши граѓани. Тогаш ние нема да добиеме правилни податоци од овој попис. Тогаш зошто трошиме пари. Зошто правиме попис ако податоците што ќе ги добиеме не се податоци кои што нас ни се потребни за да понатаму го планираме развојот на Македонија – посочи Мицкоски. 

Луѓето нема да отвораат врата за да се попишуваат. Еве јас ќе бидам тој кој нема да отвори врата,  рече Мицкоски. 

– Покрај мене и моите родители кои поминаа исто така низ еден тежок период. Ако вие не сте мудар и немате елементарно чувство за здравјето на луѓето и за човечките животи, тогаш вие не заслужувате воопшто човек да ви придава значење. Им кажавме ние, но тие не разбираат и во понеделник ќе имаме една тема помалку за разговор. Јас и илјадници, стотици граѓани нема да отвориме врата, а нека си тераат Венко, Заев и директорот на ДЗС Апостол Симовски попис па, ќе видат како ќе заврши тој попис – посочи Мицкоски. 

Според него, пописот во дијаспората не е ни за спомнување. Затоа што тоа не е ни попис. Тоа е евидентирање на дијаспората.

– Затоа не мораше вака да го прават со циркус, туку можеше од бројот на издадени државјанства да го одземат бројот на резидентното население. Но, ете решиле да си прават некаков маркетинг. Гледаме таму во една држава – членка на ЕУ како си земале пасоши и си ги внесуваат во компјутер. Тоа е една обична евиденција и ништо повеќе – дециден е Мицкоски.

The post Мицкоски: Ќе го повикам народот да не отвора врата на попишувачите, здравјето нема реприза appeared first on plusinfo.mk.

Според Мицкоски, ова не се какви било избори и се поразлични од сите  други во минатото. На овие избори, како што кажа, изборот е помеѓу СДСМ и нивните политичари кои се истрошени транзициски политичари без никаква креативна идеја и луѓе кои со својата биографија и животен век не може да гарантираат решение за напластените проблеми, што после овие три години се повеќе се зголемија.

-Јас сум убеден дека овие избори ќе завршат со една голема победа на ВМРО-ДПМНЕ и Коалицијата За обнова на Македонија – потенцираше Мицкоски.

Тој од Македонска Каменица порача дека веднаш по победата по 15 јули треба да се засукаат ракавите и сето она кое што ни се случуваше во минатото, а кое претставуваше проблем за нашите сограѓани треба да се реши.

– Нивната матрица е составен од четири чекори. Првиот чекор секогаш е предизборна лага. Ќе дојдат овде пред вас, ќе ве гледаат во очи со раката на срцето, ќе ви зборуваат за жицата, за семето и ќе ви кажат по некоја лага мислејќи дека на тој начин ќе ја добијат вашата доверба и ќе заминат. Потоа вториот чекор е националниот срам, понижување и предавство, потоа следи третиот чекор пљачка и криминал и на крај е заробено обвинителство и судство за пресметка со политичките неистомисленици – рече Мицкоски.

Лидерот на ВМРО-ДПМНЕ рече дека сега доаѓа време на политичари кои заедно со народот ќе разговараат што му треба, кои чесно ќе работат за сопствениот народ.

– Ние напишавме програма која ја нарековме „Обнова“ од 360 страни каде ќе најдете како до повисока просечна плата во еден мандат од најмалку 25%, како до 20% повисока пензија и враќање на старото законско решение, како до стапка на невработеност пониска од 10%. 4 милијарди евра странски и домашни инвестиции, ослободување на студентите од партиципација во учебната 2020/2021 година, за угостителите намалување на данокот за додадена вредност, историски најнизок рамен данок од 8%, 640 милиони евра субвенции за земјоделците – додаде Мицкоски во Македонска Каменица. 

The post Мицкоски: Изборот е помеѓу СДСМ и нивните транзициски политичари и ВМРО-ДПМНЕ, кои ќе работат за народот ВИДЕО appeared first on plusinfo.mk.

– Ние никогаш не сме ја игнорирале реалноста. Јас би бил дволичен ако ви кажам дека ја игнорираме реалноста. Кој вели дека оваа реалност ние ја игнорираме? Па ние сме дел од Владата. Но не можам никогаш да се сложам со административното име бидејќи тоа е спротивно на моите принципи како да ви кажам. Јас за мене оваа држава длабоко во себе ја носам како што сум ја наследил, и така ќе ја пренесам на моите потомци како Македонија – нагласи Мицкоски.

Тој запраша што е неевропски ако твојата држава си ја сакаш и почитуваш како Македонија.

– Јас лично не можам да сум лицемерен и дека оваа реалност ја игнорираме. За жал таа реалност што ни ја донесе Зоран Заев и СДСМ. Но никогаш јас нема и не можам да се сложам со оваа придавка – истакна Мицкоски.

The post Мицкоски: Jа прифаќам новата реалност, но името на мојата земја останува Македонија appeared first on plusinfo.mk.

– Никаде не пишува да се променат сведителствата. Кој го тераше Зоран Заев да ги промени сведителствата, кога ние се уште не сме го отвориле поглавјето – истакна Мицкоски.

Тој додаде дека студенти кои што завршуваат и дипломираат и на диплома на која им пишува Република Македонија, и пак го продолжуваат своето образование во врвните универзитети по светот, и никој не им прави проблем ако пишува на дипломите Република Македонија. 

– Јас сум сигурен во ова што ви го зборувам,  јас можам и примери да ви ускажам. Има студенти кои студираат без проблем во Франција – Париз, во Швајцарија. Ние имаме дипломци кои по светот студираат со дипломи на кои пишува Република Македонија. Немојте да мислите дека оваа административна пречка го натерала Зоран Заев. Не, затоа што тие кога имаа слабост во сите области корупција, криминал, немање реформи, лоша економија, буквално катастрофа во се, единствено најлесно што останува е вратоврската  и да потпишете една ваква капитулација – нагласи Мицкоски.

The post Мицкоски: Кој го тераше Заев да прифати сведителствата да бидат со новото име? appeared first on plusinfo.mk.

Претседателот на ВМРО-ДПМНЕ, Христијан Мицкоски заедно со Александар Николоски, носител на изборна единица 4 денеска ја посетија Демир Капија и остварија средба со мештаните. Мицкоски при своето обраќање посочи дека во првите 6 месеци од владеењето на ВМРО-ДПМНЕ ќе се стави крај на криминалот кој што го донесе СДСМ. Сите кои што се огрешиле пред законот ќе одговараат пред словото на правдата. Време е да започне во Република Македонија да се почитуваат законите и Уставот. 

– Трет ден од кампањата во малку поинакви услови, во многу попредизвикувачка атмосфера и амбиент поради оваа пандемија која што не задеси. А, поради неспособноста на владата и мерките која што ги преземаше изминатиов период кај нас се издолжи тој период на борба со оваа пандемија. За жал ете и ние во нашето семејство тоа го почувствувавме и навистина е потребно да се чуваме, и да го чуваме нашето здравје, затоа што само здрав човек може многу работи да направи – истакна Мицкоски.

Мицкоски додаде дека е важно на 15-ти јули сите масовно да излезат на избори и да се поддржи победничката листа, листата која што ја предводи Александар Николоски со реден број 14, затоа што само така може оваа пандемија која што е предизвикана од раководството на СДСМ и СДСМ да се порази. 

– Оној слоган кој што го слушаме деновиве, а тоа е „Можеме“, јас повеќе би рекол „Можевме“. Зошто можеа, затоа што имаа три години сето она кое што го ветуваа и во таа 2016 година, а потоа и на локалните избори во 2017, па подоцна и на претседателските избори во 2019 година да го реализираат. Но за жал не успеаја во тоа што го ветуваа и затоа ние на 15-ти јули треба да им кажеме „Можевте“, а сега ќе можете од опозиција да учите и да гледате како се работи и како се сака сопствената држава Република Македонија – порача Мицкоски.

Мицкоски потсети на ветувањата кои ги даваа СДСМ за време на кампањите, но не ги исполнија. СДСМ можеше да го сочува достоинството и гордоста на Македонецот, но за жал тоа не го направија. Па денес Македонецот се чувствуваат како граѓани од втор ред, поради политиките на ова раководство на СДСМ предводено од Зоран Заев. Оваа влада не работеше чесно. Земјоделците ги фрлаа своите производи на буниште бидејќи власта заборави на нив. Владата не изгради ниту еден километар нов автопат од ветените 600 километри. Ветениот чист воздух не го донесоа, туку бевме први по загаденоста на воздухот, граѓаните се гушеа во смог.

– Не треба да губиме надеж, најдоброто допрва доаѓа. Многу внимателно го креиравме секој пасус во нашата предизборна програма. Многу внимателно со многу експерти од земјава и од странство, со многу луѓе кои што се дел од партиската структура, универзитетски професори, професионалци од коморите, од бизнисот, луѓето кои што се стручни во образованието, здравството, земјоделието, социјалата. Буквално во секој сегмент. Збор по збор внимаваме што  ќе напишеме во тие 360 страници наречени „Проект – обнова“ – нагласи Мицкоски.

Мицкоски им порача на граѓаните да бидат спокојни бидејќи најдобрите години допрва доаѓаат, Македонија ќе се исправи. Македонија ќе биде пример на Балканот како треба да изгледа една држава со ред, чест и достоинство.

– Стојам пред вас, ве гледам во очи и ви ветувам за разлика од нив во првите 6 месеци се обврзувам дека Владата предводена од ВМРО-ДПМНЕ, сите тие за кои што постојат основано сомнение за сторен криминал дека ќе ги процесуира и ќе одговараат. Во првите 6 месеци, ветувам. Повторно ќе се видиме овде на локалните избори. Секој кој што се огрешил пред законот дали бил ВМРО-ДПМНЕ, дали бил СДСМ, дали бил ДУИ, Алијанса, политички определен и неопределен ќе одговара. Доста беше богатење на грбот на македонскиот напатен граѓанин. Доста беше! Мора да има правда! Мора да владее правото и мора правото, секаде законите и Уставот да се почитуваат на овие 25.000 км2, наша држава Република Македонија, од Куманово до Гевгелија, од Дебар до Делчево. Секаде мора да владеат законите и Уставот. Нема да има привилегирани, нема да има силни политичари,нема да има политичка каста – вети Мицкоски.

Мицкоски на самиот крај од средбата порача дека на 15-ти јули да се излезе масовно и да се каже доста е на Зоран Заев и неговата криминална банда.

The post Мицкоски: Нема да има политичка каста, сите мора да бидат еднакви пред законот appeared first on plusinfo.mk.