Според Чифлиганец неетичното однесување во бизнисот е како канцер во стопанството. Тој вели дека „кога поединец или компанија работи нечесно, тоа испраќа разочарување и лош пример кон другите деловни субјекти и најпоразително од сè, тоа е лош пример за новите генерации, па таа појава сè повеќе се продлабочува“.

Чифлиганец им порача на младите да работат за да живеат, а не обратно.

– Не треба да сме алчни, не е сè во профитот и материјалното. Живееме во свет кој урива рекорди на нарушено ментално здравје и нарушени меѓучовеки односи од секаков вид. Забораваме дека пред сè, треба да сме луѓе и тоа секојдневно да го комуницираме едни кон други. Бизнис лекциите се важни, но на крајот на денот, поважно е да заспиваме и да се будиме со добра мисла, со мирен ум и спокој, и да бидеме богати со оние најскапи работи околу нас, оние работи што не се купуваат со пари – порача Чифлиганец.

Исто така, на средбата на „Economist“, Душко Чифлиганец ги претстави развојните планови на Адора во следниот период, зборувајќи за конкретните инвестиции во градежништвото во 2025, во Македонија, Грција и Словенија.

Тој навести изградба на комплекс за одмор и рекреација на самиот морски брег на Халкидики и премиерен објект на Адора на исклучително квалитетна локација во Словенија, односно изградба на станбена зграда во централната зона на Љубљана. Чифлиганец најави и целосно нови бизнис дејности кои ќе бидат под капата на Адора, во сферата на финансиското инвестирање и енергетиката.

На панелот, Душан Митрев, генерален директор на Пивара Скопје, истакна дека „стратегијата на овој бренд е безвременска, заснована на диверзифицираното портфолио, партнерскиот однос со купувачите, грижата за заедницата и грижата за вработените, како нивна тајна состојка“.

Осврнувајќи се на предизвиците на македонската легислатива,  д-р Ана Пепељугоска, партнер во Адвокатското друштво Пепељугоски, потенцира дека заштитата и регулацијата на интелектуалната сопственост кај нас се целосно занемарени, дека значително заостануваме зад регионот и затоа итно треба да се донесе национална стратегија за интелектуална сопственост.

На The Economist MeetUp 2025 во Скопје, реномиран собир на претставници на бизнисот, економијата и општеството од Македонија и регионот, беа изнесени многу интересни и корисни анализи, искуства, насоки и визии за тоа што може да го очекуваме во 2025 и годините потоа.

The post ЖИВЕЕМЕ ВО СВЕТ НА НАРУШЕНИ ОДНОСИ, ПРЕД СÈ ДА БИДЕМЕ ЛУЃЕ Душко Чифлиганец им се обрати на младите претприемачи на „Economist MeetUp“ appeared first on plusinfo.mk.

Финансиската поддршка се доделува во рамки на мерката „Субвенции за поддршка на жени претприемачи за која годинава аплицирале вкупно 23 компании. Поединечно, секоја од овие 11 компании ќе биде потпомогната со една до две илјади евра во зависност од апликацијата. Се субвенционираат 50 проценти од докажаните трошоци на компаниите, но не повеќе од 120 илјади денари по апликант.

Министерот за економија Крешник Бектеши ги повика сите жени претприемачи да ги искористат можностите што ги нуди оваа мерка и најави дека од следната година ќе се креираат и нови мерки за поддршка на женското претприемништво.

– Освен оваа мерка, која е наменета само за жените претприемачи, од оваа година воведовме и стимулативни мерки за компаниите кои се водени од жени. Така што бројот на компании кои се основани или управувани од страна на жените споредбено со минатата година е зголемен за над 16 проценти што е поттик за нас како министерство и за владата да креираме мерки и олеснувачки околности за жените претприемачи бидејќи има интерес од нивна страна – истакна Бектеши на денешната прес-конференција.

Мерката почна да се применува од 2012 година во рамки на Програмата за конкурентост, иновации и претприемништво. Во изминатите девет години преку оваа мерка субвенционирани се вкупно 152 компании во сопственост и управувани од жени со вкупно 14.198.105 денари. Гледано според дејноста, во 2015  и 2016  година доминираа сметководство-книговодствените работи, додека во 2017, 2018, 2019 и 2020  година  доминираат  дејностите од областа на  производството, преработувачката индустрија и разните услуги.

The post Единаесет жени претприемачи добија пари од државата за реализација на нивните бизнис планови appeared first on plusinfo.mk.

– Дигиталниот е единствениот начин за развој, за одењето чекор понатаму. Веќе ја немаме можноста да бираме дали ќе работиме на традиционален или дигитален начин, сега сите мора да се адаптираат. Ова мора да се искористи мудро, особено од страна на жените претприемачи. Оваа пандемија ќе заврши – а кога ќе заврши, од нас зависи колку попаметно, поефективно и подобро ќе функционираме. Се ќе зависи од тоа колку брзо ќе се адаптираме на ситуацијата. Вработените, граѓаните и фирмите ќе имаат нови способности, нови бизнис модели ќе се развијат, голем дел ќе се променат, а технологијата дефинитивно ќе одигра клучна улога во сето тоа, во секоја дејност и економија во светот – рече Ангеловска.

На виртуелната меѓународна конференција „Жени во технологијата“ учествуваа 150 говорници од 60 земји од светот.

Ангеловска е една од првите седум амбасадорки на дигитална трговија на УНКТАД – телото на Oбединетите Нации за трговија и развој.

The post Ангеловска на „Woman in Tech”: Се зголемуваат можностите на жените претприемачи со дигитализацијата appeared first on plusinfo.mk.

Во истражувањето, вклучени се претпријатија од сите региони во земјава и тоа најголем дел, 54%  се лоцирани во Скопскиот, 9% се од Пелагонискиот, по 7% од Југоисточниот, Полошкиот и Источниот регион, по 6% од Југозападниот и Вардарскиот регион и 4% се лоцирани во Североисточниот регион на Македонија.

Според дејноста претпријатијата припаѓаат на секторите угостителство, производство и преработка, сметководство и финансии, трговија, услуги, градежништво, туризам, здравство, транспорт и логистика и земјоделие.

Благоја Грозданов, член на Управниот одбор на ССК, истакна дека во истражувањето учествуваа претприемачи, претпријатија од сите големини но пред се микро, мали и средни кои претставуваат 99,8 проценти од вкупниот број регистрирани правни субјекти во земјата. Од учесниците во истражувањето, 73% се микро,  21 % мали, 5% средни, а само 1% припаѓа на големи субјекти, што соодветствува и ја отсликува националната економија.

– Генерално претприемачите се соочуваат со намален обем на работа како и со големи штети од пандемијата, а голем дел не се во можност да се задолжуваат со нови кредити, на веќе постоечките за да ја пребродат кризата – вели Грозданов.

Според големината на штетата, 49% од анкетираните претпријатија одговориле дека трпат штети во нивното работењето меѓу 81% и 100%, 13% имале штета од 61% – 80%, 13% се со штета од 41% – 60%, 16% претрпеле штета од 21% – 40% и 8% се изјасниле дека имале штета од 0% – 20%. Само 1% се изјасниле дека немаат штета во нивното работење.

На прашањето колку е намален обемот на работата во месец март 2020, 40% од претпријатијата одговориле дека обемот на работа им е намален помеѓу 81% и 100%, на 19% обемот на работа им се намалил од 61% до 80%, 12% имаат намален обем на работа меѓу 41% и 60%, кај 15% обемот е намален помеѓу  21% и 40% и кај 9% намалувањето е од 0% – 20%. Само кај 5% од прeтпријатијата немало намалување на обемот на работа.

Во однос на бројот на вработени 85% од претпријатијата одговориле дека се уште не го намалиле бројот на вработени како резултат на состојбата за разлика од 15% од компаниите кои веќе го намалиле бројот на вработени, но доколку нема соодветни економски мерки и како резултат на состојбите дури 46% од компаниите се изјасниле дека планираат да го намалат бројот на вработени ако немаат ликвидност  и средства да ги исплатат платите и трошоците. истакна Грозданов

Најголем дел од претпријатијата, односно 86%, сметаат дека економските мерки кои ги донесе Владата не се во согласност со потребите на стопанството и нема да ја исполнат целта да се преброди состојбата, додека само 14% од компаниите сметаат дека мерките се во согласност со нивните потреби.

– Вкупно 65% од претпријатијата одговориле дека се уште немаат аплицирано за дел од понудените економски  мерки за справување со кризата донесени од Владата, 19% аплицирале, а 16% воопшто не планираат да ги користат економските мерки. Во поглед на понудениот кредит на Развојната банка 65% од претпријатијата не аплицирале, 8% изјавиле дека аплицирале, 7% се изјасниле дека аплицирале и се уште чекаат одговор. 19% од претпријатијата се изјасниле дека нема воопшто да аплицираат за кредит, а 1% истакнаа дека се одбиени – информираше Грозданов.

Што се однесува до Мерката финансиска поддршка 14.500 денари, се изјасниле дека планираат да ја користат 47% од претпријатијата, 32 % не одлучиле, а 21%  воопшто не планираат да ја користат. На прашањето дали се запознаени дека средствата за поддршка треба да се вратат во 2021 година, 79% од претпријатијата се изјасниле дека се запознаени со условите.

– Од сите претпријатија вклучени во истражувањето 80% се изјасниле дека немаат можност да ја вршат својата работа од дома или онлајн, а на прашањето дали бараат алтернативен начин за остварување на нивната дејност 70% се изјасниле дека не е можно да ја вршат нивната дејност на алтернативен начин, 19% од нив бараат алтернативни начини, а 11% не бараат друг начин – изјави Грозданов.

Сојузот на стопански комори на Македонија, обединува 35 стопански комори, 30 групации, здруженија и асоцијации, кои застапуваат над 24.000  претпријатија од сите региони и сектори.

The post Претприемачите трпат штети и немаат алтернативен начин за вршење дејност appeared first on plusinfo.mk.