26-годишник од Крива Паланка пријавил дека бил претепан и заплашуван од тројца мажи кои се претставиле како полициски службеници.

Според пријавата доставена вчера во 16:30 часот во СВР Скопје, 26-годишниот К.М. од Крива Паланка изјавил дека инцидентот се случил истиот ден околу 15:30 часот, додека се движел со неговото патничко возило на подрачјето на Центар.

– Лицето било пресретнато од три непознати мажи кои му се претставиле како полициски службеници. Едниот од нив физички го нападнал, додека истовремено му биле упатувани сериозни вербални закани – велат од полицијата

Од МВР потврдуваат дека веднаш се преземени мерки за целосно расчистување на случајот.

The post ВОЗАЧ ПРЕТЕПАН ОД „ЛАЖНИ ПОЛИЦАЈЦИ“ Нападнат 26-годишен маж додека возел во Скопје appeared first on plusinfo.mk.

Во полицискиот извештај пишува дека на 8 јануари во 10.55 часот била повикана полиција во Седертаље.

„Полицијата е повикана во областа Розенлунд со информации за многу тешко повредено лице во стан. Кога полициските патроли пристигнале во станот, затекнале малолетно момче со повреди опасни по живот и возрасен маж. Момчето со хеликоптер на Брза помош било пренесено во болница додека му биле извршени мерки за одржување во живот. Сепак, неговиот живот не можеше да се спаси. Мажот кој бил во станот е уапсен и е осомничен за криминал. Мажот и момчето имаат блиски односи. Станот е опколен и ќе се изврши технички преглед. Во тек се и други мерки за кривична истрага. Роднините се известени“, се вели во соопштението на полицијата.

Човекот кој беше уапсен под сомнение за убиство на момче во Розенлунд во понеделникот, сега е задржан во притвор од страна на окружниот суд во Седертаље. Судот одлучи и да се изврши ментален преглед.

– Во истрагата се појавија делови кои може да укажуваат на тоа дека осомничениот извршил злосторства за време на ментално растројство, вели советничката Медлин Арпегард.

Во понеделник наутро десетгодишно момче беше пронајдено повредено во стан во Седертаље. Биле преземени мерки за одржување во живот, но од здобиените повреди момчето подоцна починало.

Обвинителот во четвртокот за СВТ потврди дека таткото на момчето бил уапсен во станот под сомнение за убиство.

Во средата тој беше побаран да биде приведен од обвинителката Ана Лапинска, а во четвртокот беше спроведена постапка за притвор во окружниот суд во Седертаље, кој одлучи дека тој треба да биде притворен со целосни ограничувања.

– Има делови што се појавија во истрагата што може да укажуваат на тоа дека осомничениот извршил злосторства за време на ментално растројство – вели советничката во окружниот суд во Седертаље, Медлин Арпегард.

Станува збор за лекарски преглед кој се врши кога судот смета дека треба да се испита психичката состојба на лицето. Испитувањето го врши специјалист по судска психијатрија кој пишува потврда со неговите препораки до судот.

– Овој тип на истрага се случува доста често во слични случаи – вели Медлин Арпегард.

Обвиненијата мора да бидат поднесени најдоцна до 9 февруари.

Беше тежок првиот ден на училиште по божиќните празници за многу деца, старатели и учители во Седертаље по трагичниот инцидент кога едно момче во Розенлунд почина.

– Тешко е да се прифати, многу тажно – вели директорката на основното училиште Џени Стансер.

Во понеделник наутро малолетно момче беше пронајдено повредено во стан во Седертаље. Преземени се мерки за одржување на живот, но момчето подоцна починало од повредите.

Во вторник момчето ќе го имаше првиот училишен ден по божиќните празници и во неговото училиште знамето беше подигнато на половина копје.

– Некои деца беа многу тажни, некои беа надвор и играа како и обично. Многу е различно како реагираат децата – вели Џени Стансер, директорка на основното училиште во општината Седертаље.

Раководителот на основното училиште во понеделникот попладне излегол во училиштето и се сретнал со вработените и се подготвил да ги прими децата и старателите.

Дополнителен персонал и психолози беа на лице место во текот на денот и беше одржана панихида за најблиските часови.

„Фокус“ пишува дека деновиве на социјалните мрежи кај нас се актуелни реакции на лица кои го познавале семејството и кои тврдат дека станува збор за луѓе од Кочани кои живееле и работеле во Шведска.

The post 📷 МАКЕДОНЕЦ СИ ГО УБИЛ СИНОТ ВО ШВЕДСКА 10-годишното момче со хеликоптер било пренесено во болница, но починало по неколку дена appeared first on plusinfo.mk.

Ова е прво враќање на Пендиков во родниот град по неговото лекување во Софија. Тој мора да го опише нападот и причините за нападот. По инцидентот, обвинителството во Охрид соопшти дека делото е сторено поради етничката припадност на Пендиков.

На последното судско рочиште еден од напаѓачите Илија Спасески изјави дека „го разбира обвинението, но не се чувствува виновен.“

Пендиков беше секретар на сега веќе поранешниот бугарски клуб „Цар Борис Трети“, кој е затворен заедно со другите клубови кои одбија да ги променат своите имиња и називи. Тој месецов ја заврши својата процедура за добивање бугарско државјанство што ја почнал во декември минатата година. Пасошот лично му го даде потпретседателката на Бугарија, Илијана Јотова на свечена церемонија на која присуствуваа повеќе луѓе и таа се пренесуваше во живо. Тој истакна дека сè уште има многу македонски Бугари, како што се претседателите на бугарските клубови, кои немаат бугарско државјанство, а за ова доставиле документи пред долго време.

Претепувањето на Пендиков предизвика напрегнатост во односите меѓу Македонија и Бугарија. Во Софија тоа беше оценето дека се засилувале постапките од омраза во Македонија.

Утре во Охрид се очекува ново рочиште за случајот со претепувањето на Христијан Пендиков.

The post ОТКАКО БЕШЕ НАТЕПАН, ПРВПАТ СЕ ВРАЌА ДОМА Пендиков пристигна во Охрид ќе дава исказ пред истражителите appeared first on plusinfo.mk.

– На 2 август, по вербална расправија, осомничениот извршил семејно насилство врз жена со која претходно повеќе години живеел во вонбрачна заедница. Тој повеќе пати ја удирал со бокс во главата, а потоа ја турнал кон туш кабината во бањата. Оштетената паднала и се здобила со тешка телесна повреда од која западнала во коматозна состојба. По интервенција во Општа болница – Кавадарци, таа била итно пренесена на лекување во Клиничкиот центар „Мајка Тереза“ во Скопје – информираат од ЈО.

Оттаму велат дека надлежниот јавен обвинител до судијата на претходна постапка од Основниот суд во Кавадарци поднесол предлог за определување мерка притвор за осомниченото лице, бидејќи оцени дека постои опасност тој да се даде во бегство за да го избегне кривичниот прогон.​

The post ТЕПАЈЌИ ЈА ОНЕСВЕСТИЛ Притвор за насилникот од Неготино кој ја нападнал партнерката appeared first on plusinfo.mk.

– Државниот пазарен инспекторат може да излезе на терен и да провери околу ова – додаде Бектеши.

Истиот извор наведува дека од државниот пазарен инспекторат најавиле дека повторно ќе постапат за овој ноќен клуб, иако наводно и претходно постапувале.

Пред ноќниот клуб „Привилиџ“, претепан до смрт беше ракометарот Денис Тот. За неговото убиство, се товарат три лица, од кои две се во триесетдневен притвор. Првоосомничениот Анџело Ѓоргиевски е во бегство и истражните органи петти ден не откриваат дали ја напуштил државата или е во земјава.

The post ДИСКОТЕКАТА „ПРИВИЛИЏ“ РАБОТИ БЕЗ ЛИЦЕНЦА Министерот Бектеши бара инспекција appeared first on plusinfo.mk.

– На 19 март, во куќа лоцирана во селото Десово каде престојувал оштетениот од Кичево, тие најпрвин со него започнале вербална расправија, а потоа и физички се пресметале. Според првичните сознанија, откако оштетениот му задал неколку удари на првоосомничениот во пределот на главата, првоосомничениот му возвратил удирајќи го со тупаници во пределот на главата. Кога оштетениот паднал, осомничениот продолжил да го удира со тупаници и  метално ѓезве по главата и со нозете по целото тело – велат од ОЈО Прилеп.

Од обвинителство објаснуваат дека од ударите оштетениот изгубил свест.

– Првоосомничениот ја напуштил собата, но по кратко време кај оштетениот дошол второосомничениот кој физички го нападнал, удирајќи го со раце по целото тело, насилно го извлекол од собата и во дворното место продолжил да го удира. Откако двајцата си заминале, оштетениот влегол во собата, легнал на креветот и паднал во кома како последица од здобиените удари со кои му биле нанесени голем број телесни повреди – фрактури и крварења. Следниот ден, како резултат на задобиените повреди, оштетениот починал –  информираат од ОЈО Прилеп.

Против осомничените надлежниот јавен обвинител поднесе предлог за определување мерка притвор до судијата на претходна постапка при Основниот суд во Прилеп, оценувајќи дека постои опасност од бегство и можност за влијание врз сведоци. Судијата на претходна постапка го прифати предлогот и со решение на осомничените им определи мерка притвор во траење до 30 дена.

The post ГО ТЕПАЛЕ СО ТУПАНИЦИ И СО ЃЕЗВЕ Кичевчанецот починал ден по претепувањето appeared first on plusinfo.mk.

Таки Дарјаби и Немат Накди од кабулскиот медиум Етилаат-е Роз беа приведени и нападнати.

Двајцата известувале за протестите на жените во главниот град на Авганистан, повикувајќи да се стави крај на кршењето на правата на жените и девојчињата од страна на талибанците.

Новинарите биле одведени во полициска станица и сместени во одделни ќелии, пред да бидат брутално удирани со кабли, објави Етилаат-е Роз.

Тие се ослободени вчера и хоспитализирани поради повреди на грбот и лицето.

The post ВО ОБИД ДА ЗАШТИТАТ ЖЕНИ Талибанците со кабли претепаа двајца новинари appeared first on plusinfo.mk.