Познат албански ТВ-водител Елтон Тозај бил нападнат и брутално претепан синоќа околу 19:30 часот на автопатот Тирана-Драч, под околности кои сè уште остануваат вознемирувачки и нејасни, објавија албанските медиуми, пренесе МИА.

Според информациите објавени од неговото семејство, на неговиот профил на социјалните мрежи, новинарот бил брутално нападнат од неколку лица. Насилниците на Тозај му нанеле сериозни физички повреди.

„Семејството објави дека Елтон Тозај моментално е во сериозна здравствена состојба и е на интензивна медицинска нега. Според нив, ситуацијата е деликатна, бидејќи новинарот се бори да не го изгуби видот, што го прави овој настан уште поалармантен“, наведуваат медиумите.

Од полицијата засега нема информација околу настанот.

Елтон Тозај е познат албански новинар и ТВ‑водител, кој активно работел како коментатор во студиски емисии за реалити‑шоуа, вклучително и Big Brother VIP. Тој се појавувал како аналитичар, дискутирајќи за настаните и однесувањето на учесниците, што го направило добро познато лице во албанскиот шоубиз. Покрај тоа, Тозај се нашол во контроверзни ситуации, вклучувајќи правни спорови со други јавни личности. Активен е како блогер и инфлуенсер, и познат е по своите коментари за актуелни настани и личности во јавниот живот на Албанија.

The post БРУТАЛНО ПРЕТЕПАН ВОДИТЕЛ НА БИГ БРАДЕР ВО АЛБАНИЈА На интензивна нега е, може да го изгуби видот appeared first on plusinfo.mk.

Бугарското Министерство за надворешни работи остро го осуди физичкиот напад врз 80-годишниот новинар и активист Владо Перев, еден од најистакнатите претставници на бугарската заедница во Македонија, кој во центарот на Скопје бил нападнат од непознат маж.

Според Перев, напаѓачот, двојно помлад од него, го удрил во лицето, му ги скршил очилата и извикал: „Бугарите да одат во Бугарија!“, заканувајќи му се и со бесење, токму затоа што е Бугарин.

Министерот за надворешни работи на Бугарија, Георг Георгиев, веднаш стапил во телефонски контакт со повредениот Перев и му ветил целосна поддршка. Во официјалното соопштение на МНР на Софија се вели:

„Категорично осудуваме уште еден чин на насилство од омраза врз Бугарин во Република Северна Македонија – феномен, за жал, поттикнат од моменталната социо-политичка атмосфера и антибугарската реторика. Очекуваме надлежните органи во Република Северна Македонија да преземат навремени и ефикасни мерки за истрага и правда. Потсетуваме дека европскиот пат на земјата бара целосно и совесно спроведување на европскиот компромис од 2022 година, вклучително и почитување на заедничките вредности и гарантирање на правата на македонските Бугари“.

Министерството за внатрешни работи на Македонија потврди дека случајот е пријавен и дека се преземаат сите мерки за идентификација и приведување на сторителот.

The post НАПАДНАТ ЕДЕН ОД НАЈИСТАКНАТИТЕ БУГАРИ ВО МАКЕДОНИЈА Бугарското МНР стапи во контакт со Владо Перев appeared first on plusinfo.mk.

На улица во Љубљана во петокот бил пронајден мртов човек, кој по анализите и истрагата, е идентификуван како 38-годишен маж од Македонија, соопшти словенечката полиција

– Пронајденото безживотно тело, кое во петокот беше пријавено во полицијата на Љубљана, му припаѓа на 38-годишен државјанин на Македонија – потврди портпаролката на полициската управа во Љубљана Шпела Шкопорц.

Според првичните неофицијални информации, тој бил претепан до смрт.

– Полициските службеници извршиле увид на местото на настанот, наредена е судска обдукција, но причината за смртта сè уште не е разјаснета. Интензивната кривична истрага сè уште е во тек. Надлежното државно обвинителство ќе биде известено за сите наоди – најави портпаролката.

The post БИЛ ПРЕТЕПАН ДО СМРТ? Македонец пронајден мртов во Љубљана appeared first on plusinfo.mk.

На 12.01.2025 во 19.20 часот во СВР Скопје, С.А.(44) од Скопје пријавил дека во 19.02 часот на работното место како контролор во автобус на ЈСП Скопје на подрачјето на Центар бил физички нападнат од едно машко лице кое немало билет.

Се преземаат мерки за расчистување на случајот, информира МВР.

The post ПАТНИК ПРЕТЕПАЛ КОНТРОЛОР НА ЈСП Го „фатил“ како се вози без билет appeared first on plusinfo.mk.

Урош Блажиќ бил испрашуван на 23 декември во Високиот суд во Смедерево од страна на судијата за извршување на кривичните санкции на тој суд.

Тој бил испрашуван за околностите на инцидентот и за повредите во окружниот затвор во Смедрево каде што е притворен.

Урош Блажиќ претрпел повреди, според извештајот на лекарот од 16 до 19 декември.

Според неофицијални информации, затворската администрација наводно не презела соодветни мерки за да го заштити.

The post МОНСТРУМОТ ОД МЛАДЕНОВАЦ БИЛ ПРЕТЕПАН ВО ЗАТВОР Чуварите не го заштитиле Урош appeared first on plusinfo.mk.

Ѓорѓе Алексиќ по тепачката изјави дека кога го собориле Драган Ѓилас на подот „буквално почнале да го клоцаат“.

Драган Ѓилас во текот на ноќта завршил во Ургентниот центар, каде што му била снимена главата поради помали набиеници при тепачката. Покрај тоа, тој се здоби и со повреда на скочниот зглоб.

Banditi koji lepe plakate tuku Dragana Đilasa… pic.twitter.com/CFFIOY9naZ

— Stranka slobode i pravde (@SlobodaIPravda) December 19, 2024

Ѓорѓе Алексиќ, кој бил со него, добил најмногу клоци во пределот на грбот и задниот дел од главата, а има и неколку хематоми.

Тој за српските медиуми  изјави дека кога насилниците го собориле Драган Ѓилас тој се обидел да му помогне.

-Легнав врз него, а тие продолжија да не клоцаат заедно. На видеото се гледа како луѓето паѓаат од силината на ударот. На видеото се гледа дека никој не дошол таму да се пресмета со никого, се гледа дека ги држам рацете горе, се обидувам да спречам нешто полошо да се случи, но тие први нападнаа. Се одбранивме, тоа можете да го видите на видеото – изјави Алексиќ.

I ko bi sada poverovao Đorđu, da nije sve snimljeno?
Niko.
Svi iz ovoga treba da izvuku pouku i snimaju ih što više, pa neka beže niz ulicu i neka se kriju iza maski, kapuljača i kačketa, kada već obraza nemaju. pic.twitter.com/RlP1jhkTWy

— Aθαμαη ζαΓλιβλιαηςκι (@atamanzagliblje) December 20, 2024

The post 📽️ ИСТЕПАН Е СРПСКИОТ ОПОЗИЦИОНЕР ДРАГАН ЃИЛАС Бил нападнат од група која лепела плакати appeared first on plusinfo.mk.

Германската полиција денеска соопшти дека покренала истрага против четворица тинејџери осомничени дека претепале германски пратеник во Европскиот парламент и активист на Партијата на зелените во градот Дрезден, на истокот на земјата.

Првиот напаѓач, 17-годишник, и се предаде на полицијата во неделата по нападот во кој Матијас Еке, кој ги претставува социјалдемократите (СПД) во Европскиот парламент, беше претепан во петокот вечерта за време на изборната кампања.

Четворицата млади момчиња се на 17 и 18 години. При претрес на куќи земени се докази кои сега се предмет на анализа. Ќе помине извесно време пред да заврши истрагата, се вели во соопштението на полицијата и државното обвинителство.

Заднината на злосторството е нејасна.

Германски европратеник  Матијас Еке од партијата на канцеларот Олаф Шолц ќе мора да оди на итна операција откако беше брутално претепан.

Владејачките социјалдемократи соопштија дека Еке кој се кандидира за реизбор следниот месец, бил нападнат додека поставувал плакати во Дрезден во петокот вечерта.

Еке, кој има 41 година, е пренесен во болница. Полицијата соопшти дека тој бил нападнат и клоцан од четворица мажи и дека истата група очигледно нападнала член на Зелената партија неколку минути претходно на истата улица.

– Демократијата е загрозена од ваквиот чин – рече Шолц на конгресот на европските социјалистички партии во Берлин.

Тоа е последен во серијата инциденти кои ги подигнаа политичките тензии во Германија пред изборите.

Министерката за внатрешни работи Ненси Фесер, исто така социјалдемократ, рече дека нападот, доколку се докаже дека е политички мотивиран, ќе биде сериозен напад врз демократијата.

– Доживуваме нова димензија на антидемократско насилство – рече Фезер и вети поостра акција и дополнителни заштитни мерки за демократските сили.

Владејачките и опозициските партии велат дека нивните членови и поддржувачи се соочиле со бран физички и вербални напади во последниве месеци и ја повикале полицијата да ја засили заштитата на политичарите и предизборните собири.

Многу од инцидентите се случија на поранешниот комунистички исток на земјата, каде што се очекува екстремно десничарската и анти-естаблишмент партија Алтернатива за Германија (AfD) да има придобивки на европските и германските државни избори наесен.

Ли Јае-Мјунг, лидерот на јужнокорејската опозиција, неодамна беше нападнат со нож во пристанишниот град Бусан, откако тесно ги загуби претседателските избори во таа земја.

The post ПРЕТЕПАН Е ГЕРМАНСКИ ЕВРОПРАТЕНИК ДОДЕКА ЛЕПЕЛ ПЛАКАТИ Полицијата уапси четворица тинејџери appeared first on plusinfo.mk.

Според извештаите, Сандра Зепин  ѕвездата на филмот „Збогум Германија“, го ризикувала сопствениот живот за да го спаси својот вереник, но немало помош.

– Се обидов да ги одвлечам напаѓачите од Емре, но и тие ме нападнаа и мене. Очите на Емре беа отворени и имаше многу крв. Ме погледна, му реков дека го сакам, дека не ме остава сама… – раскажа Сандра за трагичниот момент.

 

View this post on Instagram

 

A post shared by Umut Emre Aytekin (@umutemreaytekin)

Како што пренесуваат германските медиуми, постои сомневање дека непознати напаѓачи ја малтретирале вереницата на Ајтекин пред кобниот момент.

Како што пренесува Билд, Емре Ајтекин бил претепан во ресторан за брза храна, откако Сандра била малтретирана од двајца мажи. Емре сакал да ја смири ситуацијата, а потоа двајцата мажи го нападнале и му нанеле смртоносни повреди.

The post ПОЗНАТ ТУРСКИ АКТЕР УБИЕН ВО ИСТАНБУЛ Претепан до смрт додека се обидувал да ја заштити својата вереница appeared first on plusinfo.mk.

Вработени во „Комунална хигиена“ претепале колега кој чистел отпад низ Скопје. Ова се случило доцна синоќа, откако камионите на претпријатието излегоа од дирекцијата. Од МВР најавуваат дека ќе има кривична пријава за кривично дело насилство, за сите кои учествувале во претепувањето. Со помош на снимки од надзорни камери и изјави на очевидци се утврдува кој учествувал во настанот, информираат од МВР.

„На подрачјето на Гази Баба полициски службеници од Единицата за интервентна полиција при СВР Скопје го лишиле од слобода Ф.Ц.(28) од Скопје, вработен во ЈП Комунална хигиена Скопје, поради тоа што на 09.07.2023 околу 23.30 часот во трговски центар на подрачјето на Гази Баба, заедно со Д.Д. и уште неколку лица, физички го нападнале Д.С.(37) од Скопје, додека ги извршувал своите работни задачи како вработен во истото претпријатие“, велат од МВР.

Неофицијално, причината за претепувањето на вработениот од „Комунална хигиена“ е бидејќи не го поддржи протестот и излегол на терен да работи. МВР работи на расчистување на случајот.

The post ГО ПРЕТЕПАЛЕ ЗАШТО ЧИСТЕЛ, А НЕ ШТРАЈКУВАЛ! Насилство меѓу вработени во „Комуналец“ appeared first on plusinfo.mk.

Ова го објави претседателот на бугарската фондација „Македонија“, Виктор Стојанов, кој сѐ уште има забрана за влез во земјава.

„Бекир Кадриески е добро и наскоро ќе се врати во Северна Македонија за да ја продолжи борбата за човековите права на Бугарите во Македонија“, објави Стојанов на Фејсбук.

Тој потоа додава дека „нема обвинение на напаѓачот на Кадриески и дека е на слобода“.

„Ова е земјата Северна Македонија. Нема да има фер истрага, како што побара бугарското Министерство за надворешни работи“, порачал Стојанов, објавувајќи заедничка фотографија со Кадриески.

Кадриески по сопствена желба бил во Бугарија за да се лекува, по што беше прегледан во Воената-медицинска академија во Софија.

Тој беше нападнат на 13 јуни во Струга, а како што изјавил во полиција, неговите напаѓачи почнале да го навредуваат и го удирале во стомакот.

Самиот Кадриески вели дека немал блиски односи со напаѓачот, додека приведениот тврди дека двајцата имале нерасчистени сметки од претходно.

Кадриески е државјанин на Македонија. Тој нема бугарски пасош, но тврди дека има бугарски идентитет.

Случајот со него потсетува на инцидентот со претседателот на сега веќе згаснатиот бугарски клуб „Цар Борис Трети“ во Охрид, Христијан Пендиков, кој беше претепан на 19 јануари пред кафе-бар во Охрид, по што со бугарски владин авион експресно беше пренесен на лекување во Софија.

Освен што се лекуваше во соседната држава, бугарските власти му обезбедија престој и лично обезбедување, а неколку месеци подоцна му беше врачено и бугарско државјанство.

The post НИ БУГАРСКИ ПАСОШ, НИ СТАН ВО СОФИЈА Истепаниот Кадриески се враќа во Струга со празни раце appeared first on plusinfo.mk.