Американскиот претседател Доналд Трамп потврди дека и вториот член на екипажот на соборениот борбен авион Ф-15 е успешно спасен од иранска територија. Операцијата, која Трамп ја опиша како „една од најхрабрите и најопасните во американската историја“, стави крај на повеќечасовната неизвесност за судбината на американскиот полковник кој се наоѓаше зад непријателските линии.

По соборувањето на авионот Ф-15Е Страјк Игл од страна на иранската противвоздушна одбрана, првиот пилот беше спасен веднаш, додека офицерот за вооружување беше исчезнат повеќе од еден ден. Трамп соопшти дека вториот член на екипажот има повреди, најверојатно здобиени при катапултирањето, но нагласи дека неговата состојба е стабилна. Иако претседателот тврди дека во мисијата нема загинати или ранети американски војници, Би-Би-Си известува дека дошло до директен „контакт“ и судир меѓу американските и иранските сили за време наизвлекувањето.

Додека траеше операцијата, иранските државни медиуми објавија за воздушни напади во планинскиот предел на провинцијата Кохгилује и Бојер-Ахмад во југозападен Иран, каде што се верува дека се наоѓал американскиот офицер. Локалните власти потврдија дека во овие напади загинале најмалку четири лица, обвинувајќи ги САД и Израел за бомбардирањето. Засега не е официјално потврдено дали овие напади биле директно поврзани со мисијата за спасување.

Иранската револуционерна гарда соопшти дека за време на потрагата по американскиот екипаж успеала да собори американски дрон во провинцијата Исфахан. Иако Вашингтон сѐ уште не ги потврдил овие наводи, социјалните мрежи беа преплавени со видеоснимки на кои се гледа како ирански сили пукаат кон американски хеликоптери од типот Блек Хок. Трамп изјави дека во операцијата биле вклучени „десетици авиони“ опремени со најмоќното оружје на светот.

Пред американските сили да стигнат до својот војник, иранската војска понуди награда од околу 60.000 долари за секој што ќе го фати американскиот офицер жив. Снимките покажуваат дека и стотици локални жители се вклучиле во потрагата по непријателските предели, но американските специјални единици успеале први да стигнат до него и да го евакуираат на безбедно.

The post ВО ДРАМАТИЧНА АКЦИЈА СПАСЕНИ ДВАЈЦАТА ПИЛОТИ КАТАПУЛТИРАНИ ВО ИРАН Ангажирани десетици авиони, престрелка со Иранците, гаѓан хеликоптер, соборен дрон… appeared first on plusinfo.mk.

За тоа дали има повеќе детали за денешното убиство во Скопје, Мицкоски рече дека од информациите со кои располага едно лице е фатено, а по другото се трага и оти за сите детали ќе информира МВР.

Според Мицкоски, „во овој период на транзиција поединци земаат замав“, но, како што рече, уверен е дека „ваков тип на криминални битанги ќе завршат онаму каде што им е местото“.

– Криминални структури имало и ќе има. Во овој период на транзиција поединци земаат замав. Некои се охрабрени од некои центри на моќ, но ние ќе се бориме и ќе ги победиме. Да знаете дека жестоко ќе се спротивставиме како држава и ќе ги победиме. Граѓаните да се чувствуваат безбедно и слободно. Ваков тип на криминални битанги ќе завршат онаму каде што им е местото и јас ве уверувам во тоа – изјави изјави Мицкоски, одговарајќи на новинарски прашања на прес-конференција по средбата со претседателката на Судски совет, Весна Дамева.

The post „КРИМИНАЛНИТЕ БИТАНГИ ЌЕ ЗАВРШАТ КАДЕ ШТО ИМ Е МЕСТОТО“ Мицкоски им порача на граѓаните дека се безбедни по двете пукања во Скопје appeared first on plusinfo.mk.

„Полициските единици во самоодбрана беа принудени да одговорат со огнено оружје против криминални лица или групи, кои заминаа во непознат правец. Исто така, според информациите од полициските единици на терен, се слушнале истрели на повеќе различни локации“, се вели во полициското соопштение.

Нема официјални информации за повредени или евентуална штета.

Во општините Звечане, Лепосавиќ и Зубин Поток, каде што живее мнозинството од српското население, денеска беа поставени барикади на повеќе локации како реакција на апсењето на Србин кој бил дел од косовската полиција.

The post ПРЕСТРЕЛКИ КАЈ ЕЗЕРОТО ГАЗИВОДА Нема информации за повредени appeared first on plusinfo.mk.

Владата на Ерменија веќе се обратила до Русија, Организацијата на Договорот за колективна безбедност (ОДКБ) и до Советот за безбедност на ОН во врска со конфликтите на границата со Азербејџан, изјави за ТАСС владин претставник од прес-службата.

Дека конфликт има потврди и Министерството за одбрана на Азербејџан. Според нив ерменските вооружени сили извршиле голема саботажа на границата на двете земји и „почнале со широки провокации“. Министерството за одбрана во Баку соопшти дека има жртви на азербејџанска страна. Азербејџан, исто така, тврдеше дека има загуби меѓу персоналот и воената опрема на ерменските вооружени сили.

„Поради итните мерки што ги преземаа нашите единици за итно спречување на овие активности, дојде до вооружен конфликт“, се вели во соопштението на министерството.

Ерменскиот премиер Никол Пашинјан ги покани Владимир Путин,  францускиот претседател Емануел Макрон и американскиот државен секретар Ентони Блинкен да разговараат за ситуацијата. Блинкен повика на итен прекин на непријателствата, за кои секоја страна ја обвинува другата.

Владата на Азербејџан објави дека Ерменија „почнала со широки провокации“ против

Двете земји со децении наназад имаат несогласувања за регионот Нагорно-Карабах, кој во советско време имаше мнозинско ерменско население, но легално беше дел од Азербејџан.

По распадот на Советскиот Сојуз, Нагорно-Карабах прогласи независност од Баку како Република Арцах, со поддршка од Ереван, што предизвика тригодишна војна.

Војната заврши во 1994 година со победа на Ерменија, а Нагорно-Карабах беше под ерменска контрола четвртина век, иако неговиот статус никогаш не беше меѓународно признат.

По една деценија стагнација, Азербејџан во 2020 година повторно зазеде големи делови од регионот, принудувајќи ја Ерменија да направи големи територијални отстапки. Ова вклучуваше одредба со која се ограничува пристапот на Ерменија во регионот до безбеден коридор надгледуван од руски мировници.

Во меѓувреме, примирјето на неколку пати беше прекинувано со спорадични напади од двете страни.

The post ЕРМЕНИЈА НАПАДНАТА ОД АЗЕРБЕЈЏАН? Оган долж целата граница, Ереван бара помош од Путин appeared first on plusinfo.mk.

Три лица се убиени во оружен напад во сојузната држава Мичиген, во една од трите пукотници регистрирани во периодот од саботата вечер до вчера изутрината. Во пукотницата што се случила вчера изутрината во Сагинава, северозападно од Детроит, загинале две лица, додека една жена подоцна им подлегнала на повредите здобиени во инцидентот. Притоа се ранети уште две лица.

Во другите судири викендот се убиени три лица, а најмалку 11 повредени кога неколку лица отвориле оган врз маса луѓе во френкфентен дел во центарот на Филаделфија.

Три лица загинале, а 14 се ранети во оружен судир пред ноќен клуб во градот Чатаноди во сојузната држава Тенеси. Три лица биле повредени кога во нив удрил автомобил додека се обидувале да побегнат од нападот.

Четиринаесетгодишно девојче е убиено, а осум лица се ранети во оружен напад извршен вечерта во саботата во трговски центар во Феникс, Аризона.

Оружените инциденти се случуваат во мигови кога три американски градови сè уште жалат по жртвите на злосторствата во кои неодамна беа убиени 35 лица – десет во пукотница во продавница во Бафало во Њујорк, 21 во основно училиште во Увалде во Тексас и четири во болница во Тулса, Оклахома.

Во САД оваа година се регистрирани најмалку 240 масовни пукотници, што по дефиниција се инциденти во кои се погодени најмалку четири лица, не сметајќи го напаѓачот.

Американскиот претседател Џо Бајден побара од Конгресот да го забрани офанзивното оружје, да ги засили контролите на лицата што поседуваат оружје и да спроведе други мерки за построга контрола на оружјето. Во текот на вчерашниот ден тој го повтори барањето за воведување рестрикции на купувањето полуавтоматско оружје.

The post НОВИ НАПАДИ ВО САД 9 лица го загубија животот во текот на викендот appeared first on plusinfo.mk.

Западни медиуми јавуваат дека силите на територијалната одбрана се ангажирани против руската војска.

Извештаите јавуваат за оружени престрелки утрово и во Киев.

Украинското Министерство за здравство соопшти дека досега се убиени 198 луѓе, а повредени се 1.115 лица од кои 33 деца.

Владата на Чешка одобри испраќање оружје од 8,6 милиони долари за Украина. Холандија соопшти дека ќе испорача уште 200 ракети за противвоздушна одбрана.

The post ОРУЖЕНИ ПРЕСТРЕЛКИ УТРОВО ВО СУМИ И ВО КИЕВ Чешка и Холандија најавија воена помош за Украина appeared first on plusinfo.mk.

Германската канцеларка Ангела Меркел разговараше денеска со ерменскиот премиер Никол Пашињан и со азербејџанскиот претседател Илхам Алиев, барајќи прекин на оружените судири.

– Во телефонскиот разговор Меркел нагласи дека е итно потребно примирје и враќање на преговарачка маса, истакна портпаролот на германската канцеларка, Штефан Сајберт.

Меркел изјави дека ОБСЕ заедно со „Групата Минск“ овозможува за тоа одличен форум. Таа додаде дека овие две соседни земји треба да придонесат за мирољубиво решение на конфликтот.

The post Меркел бара итно прекинување на оружениот судир во Нагорно Карабах appeared first on plusinfo.mk.