Два авиона ловци „Јурофајтер“ (Eurofighter) од германските воздухопловни сили биле кренати во воздух во вторникот за да пресретнат руски извидувачки авион кој се наоѓал во меѓународниот воздушен простор над Балтичкото Море, објави Дојче веле.

Наредбата за пресретнување на авионот Ил-20, кој летал со исклучени транспондери и без поднесен летен план, ја издала командата на силите на НАТО. Германските ловци полетале од воздухопловната база Росток-Лаге.

Оваа операција претставува веќе десетто вонредно полетување на германските воздухопловни сили над Балтичкото Море од почетокот на годината.

Ситуацијата во Балтичкиот регион во последно време се заостри поради обиди за шпионажа и претпоставени акти на саботажа. Руски извидувачки авиони повеќепати полетувале од Калининград за собирање информации за воената активност на земјите од НАТО на брегот на Балтичкото Море, особено во Полска, Германија, Данска и во Шведска.

Таквите летови се сметаат за дел од „руската тактика на воено заплашување и собирање разузнавачки податоци“, пишуваше претходно германскиот весник „Билд“.

The post ОПАСНА ТЕНЗИЈА НАД БАЛТИКОТ Германски воени авиони пресретнале руски извидувач по наредба на НАТО appeared first on plusinfo.mk.

Руски авион Су-35 успеал да пресретне два стратешки бомбардера на американските воздухопловни сили Б-52Н над Балтичкото Море, соопшти во понеделникот рускиот Национален одбранбен контролен центар.

– На 20 март 2023 година, радарите за противвоздушна одбрана на дежурниот Западен воен округ открија две воздушни цели над Балтичкото Море кои летаат кон државната граница на Руската Федерација. Целите се идентификувани како два стратешки бомбардери Б-52Н на американското воено воздухопловство – соопшти Министерството за одбрана.

Министерството соопшти дека ловецот Су-35 отишол да ги идентификува авионите и да спречи нарушување на државната граница, додавајќи дека екипажот стигнал до одредено воздушно патролно подрачје, пренесува ТАСС.

– Откако странските воени авиони се оддалечија од државната граница на Руската Федерација, рускиот авион се врати во матичната база – се наведува во соопштението.

Ова е прв инцидент откако американската армија минатата недела објави дека руски борбен авион удрил во пропелерот на шпионски дрон, кој потоа паднал во Црното Море.

Russian jet intercepted a B-52 this afternoon pic.twitter.com/TJ5ugKnaw6

— War Monitor (@WarMonitors) March 20, 2023

The post СИ ЈА БАРААТ БЕЉАТА НАД БАЛТИКОТ Руски авион пресретнал две американски летечки тврдини Б-52Н (ВИДЕО) appeared first on plusinfo.mk.