Премиерот Христијан Мицкоски потврди дека од следниот месец ќе има редовно зголемување на пензиите според процентуалното усогласувања предвидено со Законот за пензиското и инвалидското осигурување посочувајќи дека сè уште траат пресметките за износот.

– Да, тоа ќе биде редовно усогласување, нивелирање во согласност со законот. Знаете дека постоеја иницијативи од страна на поединци, во заднина охрабрени од политички партии, пред Уставниот суд да поведат тема за линеарното зголемување на пензиите. За да ги заштитиме пензионерите и пензиите, понатаму зголемувањето ќе биде во соодветство со усогласувањата предвидени со законот – рече Мицкоски во одговор на новинарско прашање по посетата на Управата за хидрометеоролошки работи.

Според Мицкоски, износот на зголемувањето на пензиите сè уште се пресметува.

– Не, не се знае. Се пресметува, ќе се знае многу бргу – изјави Мицкоски.

Пензиите се усогласуваат двапати годишно, на 1 март и на 1 септември, а во пресметката во согласност со законот еднакво учествуваат порастот на просечно исплатената плата и порастот на трошоците на живот.

Во изминатите две години пензионерите добија линеарно зголемување на пензиите од 7.000 денари.

The post ПО РАСТОТ НА ПЕНЗИИТЕ ОД 7.000 ДЕНАРИ ЛИНЕАРНО, СЛЕДУВА СЕПТЕМВРИСКИ РАСТ ВО ПРОЦЕНТИ Колку од пензионерите ќе бидат задоволни од тоа што ќе го добијат? appeared first on plusinfo.mk.

Возачите што патуваат низ Италија би можеле да се соочат со важна промена во начинот на кој се казнува брзото возење. Откако надзорот на автопатите беше зајакнат со системот Tutor 3.0, кој ја мери просечната брзина помеѓу контролните пунктови, сега се подготвува нов модел за пресметување на казните.

Според предложените измени на италијанскиот Закон за безбедност во сообраќајот, казната во иднина би можела да се пресметува според тоа колку возачот го надминал ограничувањето на брзината. Предвидена е казна до 10 евра за секој километар на час над ограничувањето.

На автопатот, каде што општото ограничување е 130 км/ч, возењето со 140 км/ч според тој модел би можело да значи казна од 100 евра. Со 150 км/ч, сметката би пораснала на 200 евра, додека возењето со 170 км/ч би можело да донесе дури 400 евра казни.

Важно е да се нагласи дека засега станува збор за предлог, а не за правилата што веќе се во сила. Во Италија, постојните опсези на казни во моментов сè уште се применуваат, додека новиот текст е сè уште во процес на донесување.

Новиот предлог е особено интересен бидејќи би го направил системот многу едноставен за разбирање: колку повеќе го надминувате ограничувањето на брзината, толку повеќе плаќате. Ова би ги елиминирало деловите од сегашниот модел во кој казните се одредуваат според пошироки категории на прекршоци.

Според тековниот распоред, заинтересираните страни можат да предложат измени до 13 септември, а конечната верзија на законот треба да се усвои до 14 октомври 2026 година. Дури потоа ќе се знае дали моделот од 10 евра по километар всушност ќе стапи на сила.

Во исто време, Италија веќе го зголемува надзорот на автопатите со системот Tutor 3.0. За разлика од класичната камера што ја мери брзината во еден момент, Tutor ја пресметува просечната брзина помеѓу две контролни точки. Ова значи дека повеќе не е доволно само одеднаш да се забави пред камерата, а потоа повторно да се забрза.

The post ИТАЛИЈА ВОВЕДУВА НОВ СИСТЕМ ЗА ПРЕСМЕТКА НА СООБРАЌАЈНИ КАЗНИ За секој километар над дозволеното ќе се плаќа по10 евра казна appeared first on plusinfo.mk.

Вооружени лица вчера отворија оган на фудбалско игралиште во централно Мексико убивајќи најмалку 11 лица и ранувајќи 12, соопштија локалните власти.

Нападот се случил во градот Саламанка, на крајот од фудбалскиот натпревар, изјави градоначалникот Сезар Прието, пишуваат американските медиуми.

Десет лица загинаа на лице место, а едно подоцна им подлегна на повредите во болница. Градоначалникот потврди дека меѓу ранетите има една жена и едно малолетно лице.

Градоначалникот ја повика претседателката Клаудија Шајнбаум да помогне во спречувањето на насилството.

– За жал, постојат криминални групи кои се обидуваат да ги потчинат властите, нешто што нема да го постигнат – рече градоначалникот.

Канцеларијата на државниот обвинител на Гуанахуато соопшти дека истражува и работи со федералните власти за зајакнување на безбедноста во областа.

Државата Гуанахуато минатата година регистрираше најголем број убиства во Мексико. Во таа област, локалната банда Санта Роса де Лима се бори против моќниот картел „Нова генерација на Халиско“.

И покрај ова, мексиканската влада тврди дека стапката на убиства во земјата во 2025 година била најниска од 2016 година, со 17,5 убиства на 100.000 жители. Сепак, аналитичарите предупредуваат дека овие бројки можеби не го одразуваат целосно вистинското ниво на насилство во земјата.

The post НЕВИДЕН МАСАКР НА ФУДБАЛСКИ НАТПРЕВАР ВО МЕКСИКО 11 мртви, 12 ранети во пресметка меѓу картелите appeared first on plusinfo.mk.

Анализата на пратенички места според гласовите е прецизна математичка операција која јасно покажува дека ВМРО-ДПМНЕ би паднале на 52 пратеници, а СДСМ би имал најмалку 21 – тврди СДСМ во соопштение.

„ВМРО-ДПМНЕ не може да го скрие падот, а бројките се јасни и немилосрдни кон нив. Очајните обиди за манипулација се резултат на шокот кој го доживеаа и падот од преку 140.000 гласа, кој е јасен сигнал дека нивните лаги и погрешни политики се прочитани.

СДСМ ја продолжува битката за уште 17 општини, ги повикуваме граѓаните масовно да излезат на гласање во вториот круг и да гласаат за кандидатите на СДСМ, докажани и чесни луѓе кои уште во првиот круг јасно докажаа дека имаат што да понудат“ – се вели во соопштението од Центарот за комуникации со јавноста на СДСМ.

The post СДСМ УПОРНО СЕ КОНСОЛИДИРА ВО МАТЕМАТИКИТЕ Пресметале дека со ваков резултат би имале 21 пратеник, а ВМРО-ДПМНЕ 52 appeared first on plusinfo.mk.

Српските истражни органи утрврдија дека Мартин С. (21) од Македонија е загинатиот во страотната експлозија што се случи на 1 октомври во стан во центарот на Белград, објави српскиот портал Курир.

Медиумот пишува дека македонскиот државјанин Мартин С. (21) немал криминално досие.

– Утврден е идентитетот на жртвата во експлозијата на улица Косовска. Станува збор за македонскиот државјанин Мартин С. (21), кој наводно бил модел во Македонија – потврдил изворот на Курир.

Првичните информации на српските медиуми беа дека Македонецот подготвувал експлозина направа во изнајмен стан на Косовска улица, која била наменета за ликвдација на човек со криминално досие, наводно на дилер со дрога, кој е поврзан и со навивачки групи. Најновите информации се дека загинатиот не ја подготвувал бомбата, туку дека му ја дал извесен Филип В. (26), кој по наредба на Вишото јавно обвинителство во Белград е уапсен под сомнение дека му ја предал бомбата на манекенот од Македонија еден ден пред експлозијата. Се претпоставува дека направата експлодирала поради неспретно ракување од страна на загинатиот Мартин С.

Филип В. беше уапсен под сомнение дека на неидентификуван државјанин на Македонија му го дал експлозивот „пентрит“, кој несмасно го активирал во стан на улицата Косовска. Медиумите пишуваат дела „пентритот“ е експлозив со исклучително висока разорна моќ, лесен е за обликување, поради што лесно се крие при шверцување преку граница, а детекторот за метал не може да го регистрира, бидејќи нема метални струготини.

„Филип В. (26) бил испрашуван во Вишото јавно обвинителство во Белград под сомнение дека на 30 септември нелегално го стекнал, а потоа го носел експлозивот „пентрит“ и го предал на државјанин на Северна Македонија, истиот ден на аголот на улиците Косовска и Нушиќева. Државјанинот на Македонија го активирал експлозивот следниот ден, на 1 октомври, околу 21.45 часот и загина на лице место“, пишува Курур.

Осомничениот се товари за кривичното дело Нелегално производство, поседување, носење и тргување со оружје и експлозивни материи. Одредена му е мерка притвор.

Соговорник на Курур вели дека „пентрит“ бил користен во минатото при ликвидацијата на Страхиња Стојановиќ на 13 септември 2020 година во Нов Белград. На Стојановиќ му билпоставен тој експлозив под неговиот џип, а убиецот, кој до денес не е уапсен, го активирал со мобилен телефон.

Во станот на улицата Косовска, што загинатиот го изнајмол на еден ден, истрагата пронашла шифрирани телефони. Истражителите сè уште работат на нивното целосно дешифрирање, но веќе се пронајдени некои докази, односно  сомнеж дека експлозивната направа ја подготвила група поврзана со кланот Кавач. Прекарот што беше откриен во шифрираните телефони им е познат на истражителите, односно личноста е поврзана со организација на убиството на Никола Станковиќ Пивце, како и со некои други ликвидации, открива изворот на Курир. Никола Станковиќ Пивце беше убиен во декември минатата година додека спиел во својот дом. Напаѓачите упаднале во куќата и го застрелале додека спиел во кревет со својата бремена свршеница.

Поради силината на експлозијата, преградните ѕидови во станот се урнаа, прозорците и гредите се искршија на на улицата под станот неколку авѕомобили беа оштетени.

МАКЕДОНЕЦ ЗАГИНА ПРАВЕЈЌИ БОМБА ВО БЕЛГРАД Сакал да ликвидира дилер на дрога

The post 21-ГОДИШНИОТ МАНЕКЕН МАРТИН Е ЗАГИНАТИОТ ВО ЕКСПЛОЗИЈАТА ВО БЕЛГРАД Бомбата ја активирал со несмасно ракување appeared first on plusinfo.mk.

Еден тинејџер е прободен и е пренесен во болница по пресметка на две групи малолетници вчера претпладне во близина на хотел „Карпош“.

Учениците прво се скарале, а потоа и се степале, при што еден е прободен со остар предмет. Повредениот е пренесен во ГОБ „8 Септември“, каде што му е  укажана лекарска помош.

The post КРВАВА ПРЕСМЕТКА НА МАЛОЛЕТНИЦИ ПРЕД ХОТЕЛ „КАРПОШ“ Еден тинејџер е прободен со нож appeared first on plusinfo.mk.

Кога претседателот Доналд Трамп првично ги објави своите нови царини во февруари, тој ги предложи како „фер и реципрочен план за трговија“. И така се претпостави дека овие реципрочни царини, како што се познати, ќе бидат еднакви по вредност на даноците што странските земји ги поставиле против американските производи. Всушност, тарифите објавени на 2 април, на „Денот на ослободувањето“ на Трамп, беа малку покомплицирани — и за некои економисти, позагрижувачки. Трамп прво воведе општа тарифа од 10 отсто на сите увози во САД, вклучувајќи ги и ненаселените острови, како што се островите Херд и Мекдоналд, и на места со кои САД имаат трговски суфицит, како што е Обединетото Кралство, пишува Тајмс.

– На сите странски претседатели, премиери, кралеви, кралици, амбасадори и сите други кои наскоро ќе се јават да побараат изземање од овие тарифи, им велам – укинете ги вашите сопствени тарифи, отстранете ги вашите бариери, не манипулирајте со вашите валути- рече Трамп додека зборуваше од Градината на рози во Белата куќа.

Покрај оваа основна наплата од 10%, Трамп покажа картонска табела и објави дополнителни царини за некои земји, пресметани според „тарифите наплатени на САД“.

Администрацијата на Трамп всушност користела едноставна пресметка: трговскиот дефицит на секоја земја со САД поделен со нејзиниот извоз во САД. Конечната реципрочна тарифа потоа беше поделена на 2, со минимум од 10%.

Пред администрацијата на Трамп да го потврди овој метод, истакнатиот економист Џејмс Суровиецки привлече внимание со обратно инженерство на објаснувањето за цените на тарифите на Икс.

„Наместо тоа, за секоја земја, тие само го зедоа нашиот трговски дефицит со таа земја и го поделија со извозот на земјата кон нас . Каква неверојатна глупост е ова“, објави поранешниот финансиски колумнист за Њујоркер на Икс.

Канцеларијата на трговскиот претставник на САД ја потврди математиката на тарифите на Трамп во објаснување, наведувајќи:  реципрочните царини се пресметуваат како царинска стапка неопходна за балансирање на билатералните трговски дефицити меѓу САД и секој од нашите трговски партнери… За да се конципираат реципрочните тарифи, беа пресметани царинските стапки што би ги довеле билатералните трговски дефицити на нула.

Иако објаснувањето користи грчки букви и формули, Политико забележува дека тоа е во суштина истата формула што ја објави Суровиецки. Користејќи ја оваа формула, администрацијата на Трамп пресмета екстремно високи стапки за одредени земји, вклучувајќи нова тарифа од 34 отсто наметната на Кина, 46% за Виетнам и 20% за Европската Унија.

На пример, САД купуваат повеќе стоки од Кина отколку што и продава – има дефицит во стоки во вредност од 295 милијарди долари. Вкупниот износ на стоки што ги купува од Кина е 440 милијарди долари. Кога ќе поделите 440 со 295, добивате 67 проценти и го делите со два и заокружете нагоре. Според тоа, тарифата наметната на Кина е 34%.

Феликс Тинтелнот, вонреден професор по економија на Универзитетот Дјук, гледа големи проблеми со овој метод на пресметка — особено бидејќи трговскиот дефицит е „нормален“ и „може да се промени“.

– Да речеме дека трговскиот дефицит во Виетнам ќе се намали во текот на следната година. Па, тогаш и тарифната стапка треба да се промени. Но, сега учесниците на пазарот треба да предвидат колку ќе се промени трговскиот дефицит со поединечни земји . Тоа не е едноставно бидејќи ние истовремено менуваме толку многу царини, и на крајот, вкупниот трговски дефицит на САД во голема мера е одреден од други макро одлуки, како вкупните заштеди и вкупните инвестиции, кои немаат ништо со тарифните стапки – вели Тинтелнот.

Тој, исто така, истакнува дека за одредени земји не е важно дали тие всушност имаат царини кон САД. Израел ги укина тарифите на американските производи на 1 април, во подготовка за царините на Трамп, но сепак беше силно погоден со тарифа од 17% во објавата на 2 април.

– Фактот дека земјите кои наплаќаат нула царини на САД се погодени со тарифи покажува дека овие не се реципрочни тарифи во нивното вистинско значење. Во интегрирана глобална економија е сосема нормално да постои билатерален трговски дефицит. Малку интроспекција помага: Имате билатерален трговски дефицит со вашата локална продавница за намирници, но билатерален трговски суфицит со вашиот работодавач. Зошто би ставиле тарифа на вашата локална продавница за намирници?- вели Тинтелнот.

Брајан Бетјун, професор по економија на Бостонскиот колеџ, тврди дека администрацијата на Трамп никогаш не требало да ги пресметува овие тарифи за земји со толку различни економски позиции и односи со САД користејќи ја истата формула.

– Третирањето на сите мали земји во развој на ист начин како што ја третирате Европската Унија… тоа изгледа скандалозно. Некои од овие земји со релативно мали и покревки економии може да имаат малку поинаков пристап кон трговијата. Ова е проблемот кога ги групирате сите заедно – вели Бетјун

Денес, веднаш се почувствува влијанието како резултат на „Денот на ослободувањето“ на Трамп. Американскиот долар падна на шестмесечен минимум во однос на еврото, а Дау Џонс потона за повеќе од 1.500 поени.

Трамп претходно рече дека „некоја болка“ може да се почувствува како резултат на тарифите. Бетјун предвидува дека администрацијата на Трамп ги подготвува луѓето за рецесија која, според неговото професионално мислење, е „неизбежна“.

The post КАКО СЕ ПРЕСМЕТАНИ ЦАРИНИТЕ НА ТРАМП? Објавена е формулата која ги изненади економистите appeared first on plusinfo.mk.

Едно лице е убиено синоќа на влезот од метро станицата „Клемансо“ во бриселската населба Андерлехт, јави дописникот на МИА од Брисел.Полицијата и натаму трага по напаѓачот, кој сè уште е во бегство. Според белгискиот весник „Либр“, во моментот на инцидентот полицајци стоеле на „само неколку метри“ од влезот на станицата.

На снимките од безбедносните камери се гледа како лице облечено во црно и со качулка на главата со истрели од огнено оружје застрелува млад човек, по штое бега од местото на настанот. Жртвата, која според неофицијални информации е 19-годишен дилер на дрога, починала на лице место на влезот во станицата.

Лице кое било близу станицата во време на инцидентот, за државната телевизија ВРТ, изјави дека се слушнале три истрели.

Градоначалникот на Андерлехт, Фабрис Кампс, пак, изјави дека инцидентот се случил „и покрај засиленото полициско присуство на само 70 метри“.

– Тоа е показател дека овие негативци нема да запрат. Мораме да продолжиме да ја контролираме оваа локација, но тоа не е доволно. Треба да ги засилиме судските истраги за да ги разбиеме мрежите и оние што ги влечат конците – додаде Кампс.

Според него, реонот на станицата „Клемансо“ претставува „важна продажна точка за дрога“, од каде нарко дилерите дневно заработуваат и по 50.000 евра.

Полициски извори претпоставуваат дека ова е уште инцидент е дел на тековната „војна“ меѓу криминалните банди за контрола на теренот, во чии рамки минатата недела во реонот околу станицата „Клемансо“ имаше три оружени инциденти, при кои загина едно лице, а друго беше рането.

ADMIN POST.

Another culturally enriching evening in the heart of the EU, Brussels last night.

Clémenceau Metro Station sees it’s third heavy gunfire in a matter of weeks.

Western leaders too busy moaning about @JDVance for calling it out. pic.twitter.com/Ji1Lb5UDrp

— Tommy Robinson (@TRobinsonNewEra) February 16, 2025

Бриселското Јавно обвинителство соопшти дека во интерес на истрагата нема да дава дополнителни коментари за синоќешниот инцидент.

Набрзо по инцидентот местото го посети белгискиот министер за внатрешни работи и безбедност Бернар Квинтан, кој за денеска најави итни консултации околу криминалните пресметки во Брисел, а пред се во Андерлехт.

– Јасно е дека треба да преземеме дополнителни строги мерки – рече Квинтан.

оради, инцидентот неколку часа имаше делумен прекин на сите четири линии на бриселското метро, на една трамвајска и на неколку автобуски линии.

The post 📽️ НОВА НАРКО-ПРЕСМЕТКА ВО БРИСЕЛ, ЗАГИНА 19-ГОДИШНИК Дилерите заработуваат и по 50.000 евра дневно на станицата „Клемансо“? appeared first on plusinfo.mk.

Тој рече дека не знае колкава ќе биде реалната потрошувачка кошница кој ќе се пресметува во иднина.

– Можеби ќе биде поголема, односно цените ќе бидат повисоки, нема да бидат пониски. Но, навистина треба да создадеме таква потрошувачка кошничка, минимална зборам, којашто навистина ја користат граѓаните, бидејќи оваа мислам дека не е минимална потрошувачка кошничка – додаде Мицкоски.

Прашан зошто сега реагира за методологијата за минималната потрошувачка кошничка, а не реагирал додека бил во опозиција кога ги користел податоците од истата, Мицкоски потсети дека кошничката е воведена во 2010 година, кога Владата ја предводеше ВМРО-ДПМНЕ.

– Така што јас не би го поделил периодот кога сме биле ние на власт или во опозиција и не би сакал на тоа ниво да го сведеме разговорот. Што се однесува до промената на новата методологија од декември 2023 година ние не сме ја имале на увид. Откако ја добивме на увид разговаравме најпрвин со синдикатите. Ние не излеговме во јавност од сето тоа да правиме естрада. Разговаравме со синдикатите и кога ќе забележите кои производи се вклучени, тогаш навистина се збунувате. Збунувачки делува, бидејќи дел од производите граѓаните не ги користат или не ги користат во тој обем – рече Мицкоски.

The post РЕАЛНАТА МИНИМАЛНА КОШНИЧКА ЌЕ БИДЕ МОЖЕБИ И ПОСКАПА ОД СЕГАШНАТА Мицкоски кажа зошто треба да се смени методологијата на нејзина пресметка appeared first on plusinfo.mk.

Вака одговори премиерот Христијан Мицкоски на прашањето од каде е потребата за измена во методологијата за пресметка на минималната синдикална кошничка.

– Нелогично е да имате цигари во минимална кошничка. За да не бидеме тие кои што не го надсихронизираат она кое што е работено од Синдикатот, а оценувано од двајца поранешни министри на СДСМ – Никола Поповски и Тевдоски, рековме ајде да вклучиме лица од сите области и сите заедно да ја формираме минималната потрошувачка кошничка. Цените да не бидат од еден од поекслузивните маркети, туку бидејќи е минимална, од тие кои што се со пониски и поскромни цени, да избереме средина и така да ја пресметуваме кошничката. Може ќе биде поголема, но, можеби и помала – заклучи премиерот.

The post НИТУ ЈАДЕВ ГРОЗЈЕ, НИТУ ДИЊА, А НИ ЛУБЕНИЦА ВО ЈАНУАРИ Мицкоски побара интервенции во минималната кошничка appeared first on plusinfo.mk.