Софиското јавно обвинителство покрена обвиненија против пет лица – четворица полнолетни и еден малолетник – за хулигански дејства со особена дрскост за време на вчерашниот протест на партијата „Преродба“ во главниот град на Бугарија.

Според обвинителството, некои од обвинетите покажале отпор кон полицијата пред зградата на Европската комисија и Европскиот парламент.

Според заменик-обвинителот Атанас Доцински, обвинетите можат да се соочат со затворска казна до пет години, додека за малолетникот таа би била до две години. Судот утре ќе одлучува за мерките за притвор.

Протестот, организиран против воведувањето на еврото, почна пред Народната банка на Бугарија, а потоа продолжи пред претставништвото на Европската комисија. Демонстрантите фрлаа пиротехнички средства и црвена боја врз зградата, а при судирите со полицијата беа повредени десет полицајци.

Обвинителството работи и на идентификација на други учесници во насилството. Според полицијата, протестот бил организиран од пратеници на „Преродба“, кои уверувале дека нема да има инциденти.

The post ПРОТЕСТОТ НА „ПРЕРОДБА“ ВО СОФИЈА ИЗЛЕЗЕ ОД КОНТРОЛА Петмина обвинети, вклучувајќи и малолетник appeared first on plusinfo.mk.

Реакцијата се однесува на тешката провокација од Костадин Костадинов, претседател на бугарската партија „Преродба“, која е трета сила во бугарскиот парламент.

„Ваквите изјави не придонесуваат кон подобрување на односите меѓу двете соседни земји, ниту пак го олеснуваат процесот за интеграција на Северна Македонија во Европската Унија. Сакаме да потсетиме дека Бугарија, со Договорот за добрососедство, се обврза да биде партнер, промотор и поддржувач на Северна Македонија на патот кон членство во Европската Унија. Коалицијата Вреди во рамки на Владата вложува сериозни напори за отстранување на пречките за исполнување на условите за полноправно членство во ЕУ. Но, ваквите провокации го враќаат процесот назад и прават штета на искрените напори за динамизирање на патот на Северна Македонија кон целосна интеграција во европското семејство“, сииопти Вреди.

Вреди ќе продолжи да работи на заштита на интересите на граѓаните и на обезбедување сигурен пат кон европските интеграции, се додава во соопштението.

• ТЕШКА ПРОВОКАЦИЈА ОД ЛИДЕРОТ НА ТРЕТАТА ПОЛИТИЧКА СИЛА ВО БУГАРИЈА Костадинов бара припојување на Македонија кон Бугарија

Министерството за надворешни вчера соопшти дека „силно ја осудува објавата на Костадин Костадинов, со која изразува јасни територијални претензии кон нашата држава“.

„Таквите злонамерни изјави на официјални личности од бугарската политичка сцена се директен напад на суверенитетот, интегритетот и независноста на нашата држава и истовремено се во директна спротивност со правилата и принципите на меѓународното право, немешањето на државите во нивните внатрешни работи и политиката на градење добри меѓусоседски односи“, се наведува во реакцијата на македонското МНР.

Министерството ја оцени изјавата на Костадинов како недолична и непримерна и очекува да биде отфрлена од официјална Софија.

Претседателката Гордана Сиљановска Давкова рече дека „ова е непристоен предлог, намерата не е чесна, намерата не е заради почит“.

„Намерата вака да се искаже еднострано, всушност значи непочитување, значи непризнавање. Тогаш мојот коментар е дека фрустрации се во прашање“, рече Сиљановска Давкова.

Претседателот на СДСМ Венко Филпче, исто така, остро ја осуди изјавата на Костадинов и побара да реагираат официјална Софија, Владата и ЕУ.

The post МАРГИНАЛЕН ПРОРУСКИ ПОЛИТИЧАР ОД БУГАРИЈА САКА ДА Ѝ НАШТЕТИ НА МАКЕДОНИЈА Вреди со остра осуда на провокациите од Костадинов appeared first on plusinfo.mk.

Претседателот на СДСМ, Венко Филипче, ги осуди иредентистичките изјави на претседателот на крајнодесничарската бугарска партија Преродба, Костадин Костадинов, кој побара Бугарија да ја присоедини Македонија, затоа што тоа биле „две земји со заедничка историја, заедничко потекло, заеднички јазик и народ“.

Филипче побара реакција од Софија и осуда од страна на Европската Унија.

„Најостро ги осудувам иредентистичките изјави на лидерот на крајнодесничарската бугарска партија Преродба, Костадин Костадинов, со кои тој го поткопува суверенитетот и достоинството на Република Северна Македонија и го негира посебниот македонски етнички идентитет. Негирањето на посебноста на македонскиот јазик, идентитетот и историјата претставува директно кршење на принципите на меѓународното право и на основните вредности на Европската унија“, наведува Филипче на својот профил на Фејсбук.

Повикувам и очекувам официјална Софија јасно и недвосмислено да се огради од изјавите на Костадинов, кои се во спротивност со европските вредности и принципите на добрососедство, додаде Филипче.

„Ја повикувам Европската Унија јасно да го осуди ваквиот однос, кој ги поткопува универзалните човекови права и европските вредности и да покаже дека ваквите изјави немаат место во ЕУ“, напиша Филипче.

Тој додаде дека очекува македонската влада итно да соопшти конкретни мерки за спречување на ваквите иредентистички изјави и активности и да преземе активности за заштита на македонското национално достоинство и интереси.

„Секој обид за негирање на македонската посебност е неприфатлив и директно спротивен на европските вредности за почитување на различностите“, потенцира претседателот на опозициската СДСМ.

Лидерот на ултаранационалистичката и крајнодесничарската бугарска партија „Преродба“, Костадин Костадинов ја повика владата во Софија официјално да објави претензии за припојување на Македонија и на украинската област Јужна Бесарабија кон Бугарија.

Во објава на социјалната мрежа Фејсбук, Костадинов ги поддржува изјавите на новоизбраниот претседател на САД Доналд Трамп за Канада и Панамскиот канал, и наведува дека е потребно и Софија јавно да излезе со барање за припојување на Македонија и Јужна Бесарабија кон Бугарија.

Партијата „Преродба“ стана трета политичка сила во  бугарскиот парламент на последните парламентарни избори во Бугарија, откако доби 12,92 отсто од гласовите. Од вкупно  240 пратенилки места, „Преродба“ има 35.

• ТЕШКА ПРОВОКАЦИЈА ОД ЛИДЕРОТ НА ТРЕТАТА ПОЛИТИЧКА СИЛА ВО БУГАРИЈА Костадинов бара припојување на Македонија кон Бугарија

The post ФИЛИПЧЕ БАРА РЕАКЦИЈА ОД СОФИЈА, ОД ВЛАДАТА И ОД ЕУ ЗА ПРОВОКАЦИИТЕ НА КОСТАДИНОВ „Секој обид за негирање на македонската посебност е неприфатлив“ appeared first on plusinfo.mk.

Партијата „Преродба“ стана трета политичка сила во 240-члениот бугарски парламент на последните парламентарни избори во Бугарија откако доби 12,92 отсто од гласовите и 35 пратенички места.

Во објава на социјалната мрежа Фејсбук, Костадинов ги поддржува изјавите на новоизбраниот претседател на САД Доналд Трамп за Канада и Панамскиот канал, и наведува дека е потребно и Софија јавно да излезе со барање за припојување на Македонија и Јужна Бесарабија кон Бугарија.

„Претензиите на Трамп кон Канада се целосно оправдани. Нема ништо пологично и понормално од две земји со заедничка историја, заедничко потекло, заеднички јазик и, во голема мера, ист народ, како што се САД и Канада, да станат една земја. Истото важи и за претензиите на Трамп за Панамскиот канал. Впрочем, САД се првиот сопственик на земјиштето на каналот, тие го градеа и го поседуваа до 1979 година. Затоа „Преродба“ целосно ги поддржува тврдењата на новоизбраниот американски претседател.

• НОВА ПРОВОКАЦИЈА ОД БУГАРСКАТА ФОНДАЦИЈА „МАКЕДОНИЈА“ Виктор Стојанов најавува панихида за Мара Бунева во повеќе градови

Иста е ситуацијата и со Македонија. Нема ништо пологично од тоа две земји со заедничка историја, заедничко потекло, заеднички јазик и народ да станат една земја. Сличен е случајот и со Јужна Бесарабија. Таа е дел од бугарската држава повеќе од 450 години, Бугарите се домородното население на оваа област (од 6 век) и до денес се мнозинство од населението. За споредба, Украина ја поседува Јужна Бесарабија само 34 години.

Затоа нема ништо пологично од обединување на Бугарија и Македонија во една заедничка држава, како и враќање на Јужна Бесарабија назад во Бугарија. Украина се распаѓа и на идниот мировен конгрес кој ќе одлучува за судбината на неуспешната т.н. украинската државност, Бугарија треба да ги потврди своите претензии кон бугарска Бесарабија, напиша Костадинов на социјалната мрежа“, наведува Костадинов во објавата на Фесјбук.

The post ТЕШКА ПРОВОКАЦИЈА ОД ЛИДЕРОТ НА TРЕТАТА ПОЛИТИЧКА СИЛА ВО БУГАРИЈА Костадинов бара припојување на Македонија кон Бугарија appeared first on plusinfo.mk.

Декларацијата е на предлог на конзервативната десничарска партија „Преродба“ на Костадин Костадинов и утрово беше едногласно усвоена во Комисијата за надворешна политика, со помали корекции.

Во текстот се наведува и дека Националното собрание декларира политичка намера и аспирација за завршување на изградбата на паневропскиот Коридор 8 на бугарска страна и се повикува владата на Македонија одговорно и со добра волја да пристапи кон сите обврски и договори, со цел навремено да се изградат делниците на македонската територија.

Во декларацијата се инсистира да се врати позитивниот дијалог „кој е прекинат од страна на Македонија“ и да запре „антибугарската кампања во Македонија и провокативните изјави кон Бугарија“.

Со документот се потврдува волјата на бугарската држава и институции за организирање на заеднички прослави на заеднички историски настани и личности, „со оглед на богатата заедничка историја на двете земји“. Исто така, се изразува навреденост од тоа што членови на македонската влада го негираат постоењето на заедничката историја, „што е директно кршење на Договорот за пријателство, добрососедство и соработка од 2017 година“.

Во нацрт-декларацијата се повикуваат Европската Унија и Европската Комисија да обрнат внимание и да ги осудат „навредливите квалификации на вицепремиерот и министер за транспорт Александар Николоски, кој Бугарите ги нарекува недостојни, мизерни и нецивилизирани, а бугарските политичари – маргиналци и корумпирани.

Се нагласува и дека покрај прифатениот француски предлог, „постои опасност преговарачкиот процес за проширување на ЕУ повторно да биде во застој поради едностраното неисполнување на обврските и роковите од страна на РСМ“.

Со документот се бара прецизно да се разгледаат сите аспекти за одвојувањето на Албанија од Македонија во преговарачкиот процес за членство во ЕУ.

„Очигледно е дека ваквото раздвојување ќе го забрза членството на Албанија и ќе придонесе за нејзина побрза европска интеграција. Истовремено, на РСМ би ѝ овозможило можност да избегне ескалација на политичката тензија поради потребата да се израмни со брзината на Албанија“, се вели во текстот.

По завршувањето на расправата, претседателот на Комисијата за надворешни работи во бугарското собрание, Бојко Борисов, изјави дека најважно е што сите пратеници и сите партии во Бугарија се обединети кога е во прашање добрососедството меѓу двете земји и „секој што ќе го прекрши треба да сноси одговорност“.

The post ПРЕД ФАЈРОНТ УШТЕ ЕДНА КОДОШКА ДЕКЛАРАЦИЈА НА БУГАРСКИТЕ ПРАТЕНИЦИ Софија се жали во Брисел на „антибугарска кампања“ во Македонија appeared first on plusinfo.mk.

– Дали таканаречениот „француски компромис“ на Кирил Петков и Христо Иванов се поткопува или не, во крајна линија не е важно за Бугарите во Македонија. Едно вклучување на Бугарите меѓу шест, седум или осум други националности во Република Северна Македонија, без разлика дали во некоја преамбула, дали во поединечни написи, ја заби последната шајка во ковчегот на бугарскиот карактер на Македонија – рече Костадинов.

– Пред споменот на генерациите кои паднаа за Бугарија од Осогово и Огражден, сите сме одговорни, секој на свој начин. И секој од нас во оваа сала пред сѐ мора да се грижи за бугарскиот национален интерес. Ние од Преродба го направивме тоа, размислете дали ви го правите – рече Костадинов.

Во декларацијата тој се повикува на постапките на бугарскиот претставник во Комитетот на постојани претставници на владите на земјите-членки на Европската унија (КОРЕПЕР). Според Костадинов, нашиот претставник го бранел бугарскиот национален интерес, но бил вербално нападнат од бугарските партнери во ЕУ, посочувајќи дека шпанското претседателство го торпедирало таканаречениот „француски компромис“, бидејќи е испратено писмо до РСМ, со кое информира за критериумите за членство. Костадинов истакна дека ваквите писма се дел од претпристапните договори и преговори. Вакви писма да има дури откако ќе се направат измените на Уставот на РСМ, како што се договорија Кирил Петков и Христо Иванов.

– Нашиот претставник јасно кажа дека испраќањето на писмото е во спротивност со францускиот компромис, во кој претставници на другите партии вербално го нападнаа – истакна Костадинов.

The post ЛИДЕРОТ НА ПРЕРОДБА КОНТРА СИТЕ ВО БУГАРИЈА Костадин Костадинов се изјасни против францускиот компромис за Македонија appeared first on plusinfo.mk.

Тој посочил дека „би било соодветно секоја од бугарските политички сили да има однос кога вакво нешто се коментира на највисоко законодавно ниво, бидејќи тоа директно влијае на бугарската држава, на бугарските надворешнополитички интереси и пред сѐ на проблемот со нашите односи со Македонија и нејзината политика кон тамошните Бугари“.

Костадинов исто така истакнал дека од неговата партија „отишле да бараат партнери и сојузници во Бундестагот за да не биде прифатена резолуцијата“.

– Во разговорите со Алтернатива за Германија успеавме да ја убедиме оваа политичка сила да го поддржи бугарскиот национален интерес. Големото прашање е зошто партиите кои овде во Парламентот имаат партнери во Бундестагот во линијата на европската соработка и во линијата на Европскиот парламент, не го направија истото, бидејќи јас сум убеден дека знаеле за оваа декларација. Зошто е тоа така, зошто нашата земја не го штити, а има можност да го заштити бугарскиот национален интерес и практично абдицира – рекол тој.

Костадинов истакнал дека пред две и пол недели во Бундестагот имало посета на „огромна парламентарна делегација од Македонија, која лобирала токму за оваа декларација“.

– Во моментов се зборува дека Бугарија треба да се повлече дури и од т.н француски предлог, кој за нас беше крајно понижување – изјавил лидерот на Преродба.

Според него, ако и ова се дозволи, тоа ќе биде „уште поголемо национално предавство, најголемо во последните 33 години“.

The post ДА МУ УМРЕ КОЗАТА НА КОМШИЈАТА Костадинов призна дека ги убедувал Германците да не ја гласаат резолуцијата за Македонија appeared first on plusinfo.mk.

Костадинов, пратеник на партијата Преродба (Возраждание), смета дека Бугарија треба да ја анектира Македонија и дека таа е „втора бугарска држава“. На почетокот на месецов во парламентот тој изјави:

– Преродба работи на обединување на двете бугарски државни формации во една заедничка држава. Патот до ова обединување е целосна економска, културна и политичка интеграција, што ќе доведе до обновување на нарушеното единство на бугарската нација и ќе ја направи Бугарија најголема и најсилна земја во Југоисточна Европа – изјави во таа прилика Костадинов.

На изјавата на Костадинов реагираше нашето Министерство за надворешни работи, кое упати вербална нота до Софија, оценувајќи дека ваквите ставови се директно спротивни на духот на Договорот за пријателство, во чија суштина е меѓусебната почит како основа за унапредување на добрососедските односи и не се во духот на европските вредности и нашето заедничко евроатланско сојузништво.

Министерката за култура Бисера Kостадиновска-Стојчевска на денешното отворање на Културно-информативниот центар на Бугарија во Скопје, одговараше на новинарско прашање во врска со иредентистичките изјави на бугарскиот пратеник и лидер на националистичката партија Преродба, Костадин Костадинов.

– Секој политичар треба да сноси одговорност за она што го изјавува. Таквите изјави се најмалку европски и воопшто не одат во прилог на еден ваков убав настан како што е овој денеска – рече министерката Kостадиновска-Стојчевска.

Барајќи надлежните институции и политички претставници во Бугарија да се оградат и да го осудат овој говор на омраза во кој неспорно се содржат и територијални претензии кон земјава, МНР во реакцијата потсети дека и минатиот месец упати вербална нота до бугарското Министерство за надворешни работи по повод изјавите на Костадинов за време на конститутивната седница на Народно Собрание на Бугарија. Во нотата од 21 октомври МНР изрази крајно незадоволство од содржина на изјавата на Костадинов во Собранието во Софија во која јавно се изразуваат иредентистички и територијални претензии кон земјава.

Еве дел од изјавите на Костадинов во бугарскиот парламент, во кои ги плаши своите колеги и бугарската јавност дека „постои опасност македонскиот јазик да биде признаен од ЕУ“:

А освен што има криминални политички ставови, Костадинов понекогаш и пее, а самото тоа е доволен криминал за да се прогласи за „персона нон-грата“ во Македонија:

The post АНТИМАКЕДОНСКИ ШОВИНИСТ НА ОТВОРАЊЕТО НА БУГАРСКИ КУЛТУРЕН ЦЕНТАР ВО СКОПЈЕ! Ултранационалистот Костадинов негира македонска нација, јазик и заговара анексија на Македонија (Видео) appeared first on plusinfo.mk.

– Должни сме да го заштитиме бугарскиот национален интерес во втората бугарска држава во Европа, Македонија или како што е од скоро Северна Македонија – изјави Костадинов.

Бугарското Народно собрание  ја прекина денешната свечена седница по двата неуспешни обиди за избор на претседател на парламентот, јави дописникот на МИА од Софија.

Пратениците утре ќе направат нов обид за избор на спикер на 48. Народно собрание на Бугарија за излез од политичката ситуација.

Предлогот за прекин на седницата дојде од претседателката на пратеничката група на ГЕРБ-СДС Десислава Атанасова.

Претседателот на „Бугарски подем” и поранешен технички премиер, Стефан Јанев, повика на одржување претседателски совет за избор на претседател на 48. Народно собрание. Тој предложи да се направи обид да се истакне единствена кандидатура за која ќе се дебатира и гласа на состанокот в четврток.

The post БУГАРСКИ ПРАТЕНИК ЈА НАРЕЧЕ МАКЕДОНИЈА „ВТОРА БУГАРСКА ДРЖАВА“ Костадинов вели дека Бугарија е должна да го заштити националниот интерес appeared first on plusinfo.mk.

„Македонија е втората бугарска држава на Балканскиот Полуостров и Преродба работи на обединување на двете бугарски државни формации во една заедничка држава. Патот до ова обединување е целосна економска, културна и политичка интеграција, што ќе доведе до обновување на нарушеното единство на бугарската нација и ќе ја направи Бугарија најголема и најсилна земја во Југоисточна Европа“, пишува во програмата на „Преродба“.

The post БУГАРСКА ПАРТИЈА СЕ ЗАЛАГА ЗА АНЕКТИРАЊЕ НА МАКЕДОНИЈА „Преродба“ работи на обединување на „двете бугарски држави“ appeared first on plusinfo.mk.