Се сеќавате ли на морничавите медицински грешки во мрачното доба на медицината?

Како талидомидните деца или, пак, третманите со радиум?

Талидомидот е воведен како лек за рак во доцните 1950-ти. Поради консумирање на само едно апче за време на бременоста, илјадници деца низ светот се родиле со деформитети. Во 1961 година лекот е повлечен од пазарот.

Третманите со радиум биле нормална пракса во 1920-те, додека не се откриле штетните здравствени последици од радијацијата, но на сметка на тоа, илјадници настрадале.

Има многу такви пракси во аналите на историјата, како лоботомијата која вклучува отстранување на дел од мозокот за лекување психолошки растројства.

Внесувањето хормон за раст од хипофизната жлезда на мртовци е друга пракса стара децении, која можеби е поврзана со „пренесувањето“ на Алцхајмеровата болест.

Пет лица како деца во 1980-те примиле инјекции со хормон за раст произведен од хипофизната жлезда на мртовци. Сега се разболеле Алцхајмерова болест многу порано од вообичаено, на возраст од 38 години до 55 години.

Терапијата со хормон за раст од мртовци се забранила, бидејќи лекот со хормонот за раст бил контаминиран од приони кои се „заразни“ протеини во мозокот. Тие предизвикале Кројцфелд-Јакобова болест, фатално дегенаративно заболување. Снимките на луѓето третирани со хормонот за раст покажале и присуство на бета-амилоидни протеини кои се едни од причинителите на Алцхајмерова болест. Постои претпоставка дека веројатно тие се причинителите за раната појава на Алцхајмеровата болест кај петте лица.

Но, не се подготвувајте за новата епидемија!

Не станува збор за зомби апокалипса на Алцхајмеровата болест. Истражувачите се јасни: овие појави се ретки и воопшто не се преносливи. Станува збор за редок случај поврзан со специфична застарена медицинска пракса.

Но, ова е страшен потсетник за духот на поранешните медицински третмани и интересен увид во комплексниот свет на истражувањето на Алцхајмеровата болест. Причините за Алцхајмерова болест сѐ уште се предмет на многубројни научни истражувања. Ваквите појави можат да придонесат кон значајни откритија за Алцхајмеровата болест и улогата на бета-амилоидните протеини во појавата на истата.

The post ХОРМОН ЗА РАСТ, ЗЕМАН ОД МРТОВЦИ, КОРИСТЕН ПРЕД 40 ГОДИНИ, ПРЕДИЗВИКУВА АЛЦХАЈМЕР Нови научни сознанија за опасната болест appeared first on plusinfo.mk.

Светската здравствена организација предупреди дека „се подготвува уште една бура“, опишувајќи го драматичното ширење на сојот Омикрон низ Европа, јави ДПА.

– Откако беше идентификуван пред помалку од четири недели, сојот на коронавирусот беше откриен во најмалку 38 од 53 земји-членки на Европскиот регион на СЗО – изјави регионалниот директор на ОН Ханс Клуге во Виена.

Многу прашања за Омикрон остануваат неодговорени, истакна Клуге, но веќе е познато дека варијантата стана доминантен вид во неколку земји, вклучително и Данска, Португалија и Британија, „каде што заразените со него се удвојуваат за еден и пол до три дена со невидени брзини на пренос“.

Во следните неколку недели, нагласи Клуге, новиот сој ќе стане доминантен во повеќе земји во Европа, со што ќе се изврши притисок врз веќе погодените здравствени системи до крајна точка. Омикрон најверојатно ќе стане доминантна опција што циркулира во Европа, рече тој, додавајќи:

– Големиот обем на нови инфекции може да доведе до повеќе хоспитализации и масовни нарушувања во здравствените системи.

The post СЕ ПОДГОТВУВА УШТЕ ЕДНА БУРА Омикрон драматичко се шири во Европа appeared first on plusinfo.mk.

– Делта варијантата на вирусот беше присутна уште во март оваа година во Индија и проблемот со оваа варијанта е што лесно се пренесува. Преносливоста како компонента е значително изразена, споредено во однос на оригиналниот сој, и уште повеќе со оној алфа сој (британскиот, н.з.) од Велика Британија. Преносливоста се смета дека е поголема за 60% на затворено и 40% на отворено и тоа е навистина една голема бројка. Се смета дека бројот на заразени се дуплираат секој ден во рок од една недела и имате експоненцијално растење на кривата, бројките на хоспитализирани се дуплирани, како и бројките на смртни случаи – вели доктор Мехмедовиќ

Според него ова се информациите што ги добиваат од Индија.

– Нормално, во оние земји каде процесот на вакцинација е спроведен е поинаку, затоа не можеме да добиеме една дефинитивна слика за тоа каков е клиничкиот аспект на оваа болест, поради тоа што во Индија можевме да видиме некои тешки форми на болеста, со некои непознати форми на засегање на кардиоваскуларниот систем и на дигестивниот систем, како и на нервниот. Во Велика Британија гледаме една друга слика, имаме значителен број на ПЦР тестови, меѓутоа имаме мал број на хоспитализирани лица, што е добар индикатор. Двата аспекти на болеста што нас нè загрижува е брзата трансмисија и клиничката слика на болеста – рече Мехмедовиќ.

The post Д-р Мехмедовиќ: Делта сојот се пренесува за 60% побрзо во затворен простор и за 40% на отворено appeared first on plusinfo.mk.

Во неа се наведува дека новата варијанта го зголемува бројот – R помеѓу 0,4 и 0,7.

Моментално, тој јиндекс во Велика Британија помеѓу 1,1 и 1,3. Како што велат лекарите, е тој да биде под 1,0 за да започне да паѓа бројот на случаи.

Проф. Аксел Ганди од лондонскиот империјален колеџ изјавил дека разликите меѓу двата типа на вируси се „доста екстремни“.

– Постои огромна разлика во тоа колку лесно се шири новиот тип вирус – рекол тој за програмата на радио „BBC“.

Студијата на Империјал колеџ сугерира пренесување на новата варијанта тројно повеќе за време на строгите мерки во Англија во ноември.

Случаите со ковид-19 започнаа брзо да се зголемуваат за време на вториот бран, а бројот на случаи забележани во еден ден достигна ново највисоко ниво во четвртокот.

Иако првичните резултати покажале дека вирусот се шири побрзо кај помлади од 20 години, испитувањата што следеле покажале дека новиот вирус има зголемена инфективност кај сите возрасни групи.

The post Новата варијанта на коронавирусот го крева „R“ бројот до 0,7 appeared first on plusinfo.mk.

Министерот рече дека мерките даваат резултати, но предупреди оти вирусот е непредвидлив и во даден момент може да се влоши клиничката состојба на пациент, па да треба голем број пациенти да се хоспитализираат.

– Тоа значи огромен притисок врз здравствениот систем – изјави Филипче.

Министерот потенцира дека засега не е потребно воведување на полициски час, но од друга страна ја потенцираше важноста за почитување на мерките поради сериозниот притисок на здравствениот систем и брзото исполнување на болничките капацитети, како и недостаток на медицински кадар.

– За разлика од пролетта и летото, во овој период од годината вирусот има силна локална трансмисија – рече вчера Филипче.

Преносливоста на вирусот е намалена, но притисокот врз болниците е сè уште голем. Според вчерашните информации, во инфективните оддели во Скопје и болниците низ земјава вкупно се хоспитализирани 1.225 пациенти. Во ковид-центрите во болниците низ земјава, пријавено е дека се лекуваат 640 пациенти позитивни и суспектни на коронавирусот. Во регионалните центри во Битола и Штип се хоспитализирани дополнително 152 болни, со што вкупната бројка на пациенти позитивни и суспектни на Ковид-19, кои болнички се лекуваат на инфективните одделенија е 792.

– Во болниците во внатрешноста има околу 90 слободни болнички кревети, а се прават и исписи на оздравени пациенти со што ќе се ослободат дополнителни легла – информираат од Министерството.

Во Скопје во ковид-центрите, претходното деноноќие биле хоспитализирани 43 нови пациенти поради компликации од коронавирусот. Вкупно 433 лица сомнителни и потврдени за Ковид-19 се лекуваат на инфективните оддели во главниот град. Голем дел од хоспитализираните се на кислородна поддршка, соопшти вчера Министерството за здравство.

Од неделата, пациенти сомнителни и потврдени за ковид-19 се примаат и во ковид центарот на Клиниката за нефрологија. Таму во моментов се сместени 14 пациенти и има уште 11 слободни кревети.

И покрај големиот број на приеми во текот на завчерашниот ден, вчера имало 20-тина слободни места.

Во наредните неколку дена со работа ќе почне и ковид центарот на Клиниката за оториноларингологија.

Во претходното деноноќие биле регистрирани 977 нови случаи на коронавирусот од направени 2930 тестирања, 843 оздравени пациенти, а починати 31 лице.

Вкупната бројка на ковид дијагностицирани во нашата земја од почетокот на епидемијата изнесува 48613, бројката на оздравени пациенти е 28646, бројот на активни случаи изнесува 18591, а на починати 1376.

За дел од смртните случаи Државниот санитарен и здравствен инспекторат иницира стручни надзори. Во тек се надзори за починати пациенти од КОВИД-19 во Тетово, Кавадарци, Битола и Крива Паланка

Последните два месеца од страна на Државниот санитарен и здравствен инспекторат до Министерството за здравство, по извршен инспекциски надзор и обезбедена документација, иницирани се четири стручни надзори за пациенти починати од Ковид-19, а во тек се надзори за починатите пациенти од Тетово, Кавадарци, Битола и Крива Паланка, информираа вчера од Министерството за здравство.

– Стручни надзори за пациенти починати од Ковид-19, за последните два месеца од страна на ДСЗИ до МЗ, по извршен инспекциски надзор и обезбедена документација, иницирани се четири надзори за пациент од Свети Николе, два од Струмица и од Ресен. Во тек се инспекциските надзори за починатите пациенти од Тетово, Кавадарци, Битола и Крива Паланка – се вели во соопштението од МЗ.

Од страна на ДСЗИ, во наредниот период ќе бидат извршени надзори за уште четири пациенти починати од Ковид-19.

Во врска со случајот со починатата 41-годишна жена од Штип, штипската болница треба во рок од три дена да го извести ДСЗИ за нејзиното лекување.

ЈЗУ Клиничка болница Штип треба во рок од три дена да го извести Државниот санитарен и здравствен инспекторат од ПО Штип за утврдената фактичка состојба за спроведеното лекување на починатата пациентка од КОВИД-19 и околностите кои довеле до смртен исход.

По завчерашниот вонреден инспекциски надзор од ДСЗИ директорот на ЈЗУ Клиничка болница Штип е задолжен веднаш да се состане Комисијата за следење на квалитет на здравствената установа.

Независно од работата на Комисијата, во текот на вчерашниот ден е инициран стручен надзор над работата на здравствената установа и здравствените работници во врска со третманот на пациентката, до министерот за здравство. 

The post Намалена преносливоста на вирусот, но притисокот врз болниците е сè уште голем appeared first on plusinfo.mk.

Министерот изјави дека мерките даваат разултати, но предупреди дека  вирусот е непредвидлив и во даден момент може да се влоши клиничката состојба на пациент па да треба голем број пациенти да се хоспитализираат. Тоа значи огромен притисок врз здравствениот систем.

– Се повеќе одделенија се пренаменуваат да третираат пациенти со ковид. Многу веројатно е дека за многу кратко време, тоа може да доведе до намалување на обемот на нормалната работа на одделенијата, редуцирање  на термините преку системот Мој термин како за прегледи така и за интервенции, дијагностички или оперативни. Сите се посветени на оваа работа координаторите на интерните клиники, Инфективната клиника, во болниците сите одделенија практично и целокупниот кадар е посветен, и по систем на ротација спремен да помогне во третман на ковид пациентите , но тоа оди се потешко – изјави Филипче.

За разлика од пролетта и летото, во овој период од годината вирусот има силна локална трансмисија, објасни Филипче, а мерките кои се на сила иако ги даваат првичните резултати сепак не може да се зборува за целосно елеминиран ризик во делот со хоспитализацијата и брзото пополнување на болничките капацитети како и недостаток од медицински кадар. Министерот изјави дека секојдневно се следат и се анализираат состојбите на терен, а доколку има простор и потреба Комисијата за заразни болести,  Министерството за здравство, ќе препорача и дополнителни рестриктивни мерки. Следна мерка би можела да е полициски час.

The post Филипче: Се намалува преносливоста на вирусот, но и понатаму притисокот врз болниците е голем appeared first on plusinfo.mk.