Како што објави МИА на почетокот на септември минатата година, грчката полиција разби криминална организација во која биле вклучени шест лица, сите македонски државјани, кои се товарат за 19 кражби на луксузни автомобили на Халкидики, во вредност од над еден милион евра, при што двајца од обвинетите сè уште не се уапсени, но се идентификувани.

Тричлениот кривичен суд во Солун, на тројца од обвинетите им одредил казна од 12 и 14 месеци затвор, додека пак четвртиот добил затворска казна од осум години и десет месеци, кој според пресудата бил задолжен да влегува во туристичките објекти и да ги краде клучевите од автомобилите.

За учество во иста криминална група се гонат уште две лица, а меѓу нив, според АНА-МПА е и „мозокот“, но со оглед на тоа што не се уапсени, ќе им се суди откако ќе бидат фатени.

Грчката новинска агенција пишува дека според судската одлука, осудените ги носеле украдените возила во областа Еордеја кај Кожани, од каде друг соучесник ги преземал и преку скриени премини ги пренесувал во Македонија.

Токму затоа, судот ги ослободил тројцата „возачи“ од делото тешка кражба и побарал да се гонат за прекршокот примање производ од кривично дело.

– Фативте погрешен човек – рекол, според АНА-МПА, обвинетиот на кој му беше изречена највисоката казна, а останатите негирале вмешаност во случајот.

Како што лани објави МИА, едниот од уапсените бил откриен во регионот на Халкидики од полицајци од станицата во Полигирос, додека возел украдено возило од странски државјанин, одземено по провала во туристички објект на Халкидики, по што започнала истрага при која биле откриени и другите уапсени лица, кои се обиделе да преземат украдено возило кое нивни соучесник во претходниот период го украл од регионот на Халкидики, а намерата била да го пренесат во странство.

Во однос на методологијата, од грчката полиција тогаш објаснија дека членовите на организацијата првично ги лоцирале луксузните возила на туристи на Халкидики, потоа упаѓале во куќите со цел да ги земат клучевите за потоа да ги украдат возилата.

Секој од членовите имал конкретна улога, што се однесува на координација на криминалната организација, лоцирање на возилата, вршење на кражбите и транспортирање на автомобилите во странство.

The post МЕРКАЛЕ СТРАНСКИ КОЛИ, А ПОТОА ГИ КРАДЕЛЕ Затворски казни за четворицата Македонци уапсени лани на Халкидики appeared first on plusinfo.mk.

Леонид Индов вчера, доцна попладне, беше транспортиран со хеликоптер од Виена во Скопје, информираат Министерството за внатрешни работи и Центарот за управување со кризи.

Министерот за здравство Арбен Таравари денеска најави дека ќе се следи третманот на Индов.

– Утрово потпишав, со одлука на Влада сѐ ќе биде организирано засега да се врати детето во Македонија, па понатаму ќе видиме каков ќе биде третманот. И како Министерство за здравство и како Влада ќе бидеме максимално ангажирани во вакви случаи – изјави Таравари одговарајќи на новинарско прашање.

Леонид беше на лекување во Виена, Австрија и за него на 10 јули 2024 година неговиот татко упати барање до ЦУК за воздухопловен транспорт. Според МВР, хеликоптерот за воздухопловни единици на МВР бил опремен со медицинска опрема, а во него бил и медицински тим од ГОБ „8 Септември“. Ова, нагласува ЦУК, е прв ваков воздухопловен транспорт во нашата држава, на лице заболено од параплегија (со неможност за движење на екстремитетите, а дише со помош на подвижен респиратор и кој е поврзан со катетер).

„Во хеликоптерот на МВР се става специфична медицинска опрема согласно можностите, а и медицински персонал, за транспорт на болни и повредени. Во координација помеѓу Министерството за внатрешни работи и Министерството за здравство на барањето беше позитивно одговорено и вчера се изврши реализација на транспортот со хеликоптер опремен со соодветни медицинска опрема и персонал, од Виена, Австрија до Скопје. Транспортот со хеликоптер се реализира согласно Договорот за соработка и транспорт на болни лица помеѓу Министерството за внатрешни работи и Министерството за здравство на 6 февруари 2024 година од Скопје за транспорт на Леонид до Клиниката во Виена, Австрија на лекување“, информираат до ЦУК.

Младиот Леонид Индов во јули минатата година се повреди на летување во Грција.

The post МЛАДИОТ ЛЕОНИД ОД ВИЕНА СО ХЕЛИКОПТЕР ДОНЕСЕН ВО СКОПЈЕ Барањето за транспорт на Индов било од неговите родители appeared first on plusinfo.mk.

Бета
– Во првиот круг од претседателските избори во Северна Македонија води кандидатот на опозициската партија ВМРО ДПМНЕ Гордана Силјановска Давкова, покажуваат податоците објавени на веб-страницата на Државната изборна комисија (ДИК), врз основа на повеќе од половина од гласачките ливчиња обработени од избирачките места. Според веб-страницата на ДИК, Силјановска Давкова добила 197.741 глас или 37,80 отсто на 59,61 отсто од избирачките места, а нејзиниот главен противкандидат, претседателот на Северна Македонија, Стево Пендаровски, кој е поддржан од владејачката СДСМ, доби 97.592 гласови или 18,66 отсто.

Ројтерс
– Северномакедонскaтa претседателскa кандидатka Гордана Силјановска-Давкова има големо водство пред актуелниот претседател Стево Пендаровски со преброени гласови од речиси 70 отсто од избирачките места во средата, но и на двaта кандидата имаат многу помалку од 50 отсто потребни за целосна победа во првиот круг. Силјановска-Давкова од десничарската ВМРО-ДПМНЕ имаше 38,71 отсто гласови, а социјалдемократот Пендаровски со 19,02 отсто, соопшти Државната изборна комисија. Бројките сугерираат дека ќе има втор круг меѓу двајцата водечки кандидати, на 8 мај. Гласањето за главно церемонијалното претседателство се смета за латмус- тест за парламентарните избори следниот месец на кои ВМРО-ДПМНЕ се обидува да ги собори владејачките проевропски и централно-левичарски социјалдемократи.
============
БТА
Со 59,59 отсто од гласачките ливчиња обработени од Државната изборна комисија, претседателскиот кандидат предложен од ВМРО-ДПМНЕ Гордана Силјановска води со 37,80 отсто пред останатите кандидати на претседателските избори во Северна Македонија. Вториот резултат е за претседателот на државата и кандидат за втор мандат Стево Пендаровски – 18,66 отсто, за Бујар Османи, номиниран од коалицијата „Европски фронт“, предводена од најголемата албанска партија ДУИ Бујар Османи гласале 15,63 отсто од гласачите.
===========
Дер Стандард

Скопје – На претседателските избори во Северна Македонија, конзервативната кандидатка Гордана Силјановска-Давкова јасно надвладеа против актуелниот претседател Стево Пендаровски. Според првичните резултати, кандидатката од опозициската ВРМО-ДПМНЕ добила 36,99 отсто од гласовите, Пендаровски 18,18 отсто. Следува министерот за надворешни работи Бујар Османи со 16,44 отсто. Бидејќи никој не постигна апсолутно мнозинство гласови, ќе има втор круг избори на 8 мај. зш/
================

АП (Асошиејтед прес)

Северна Македонија ќе оди во втор круг од претседателските избори откако ниту еден кандидат не обезбеди доволно гласови за да победи целосно во првиот круг од гласањето во средата што се одржа додека земјата се обидува да влезе во Европската унија. Вториот круг на гласање на 8 мај ќе се совпадне со парламентарните избори. Прелиминарните резултати покажаа силна промена во корист на кандидатот поддржан од главната опозициска коалиција на десниот центар, ВМРО-ДПМНЕ. Со преброени 74,72% од гласовите Гордана Силјановска Давкова беше далеку пред со 39,50% од гласовите за актуелниот претседател Стево Пендаровски, кој бара втор петгодишен мандат со поддршка од владејачките социјалдемократи во земјата, и според Државната изборна комисија имал 19,30 отсто. По него следува кандидатот од етничкото албанско малцинство, кој е сојузник на владата, министерот за надворешни работи Бујар Османи, со 14,38%. Во Северна Македонија се големи надежите дека претседателот ќе го надгледува долгоочекуваниот влез во ЕУ. Малата балканска земја орбитира околу 27-члениот блок речиси две децении, без малку да покаже за нејзините напори.

Танјуг
Кандидатката на ВМРО-ДПМНЕ за претседател на Северна Македонија Гордана Силјановска Давкова води со освоени 37,80 отсто од гласовите на денешните избори, додека актуелниот претседател Стево Пендаровски освоил 18,66 отсто од гласачите, покажуваат првите резултати на Државната изборна комисија. Како што е објавено на веб-страницата на ДИК, Силјановска Давкова освоила 197.741 глас, а Пендаровски 97.592 гласа. Третото место го зазема Бујар Османи, кој е поддржан од Европскиот фронт со 15,63 отсто од гласовите.

The post УБЕДЛИВА ПОБЕДА НА СИЛЈАНОВСКА ДАВКОВА ВО ПРВИОТ КРУГ Еве како дел од светските медиуми известуваа за изборите во Македонија appeared first on plusinfo.mk.

„На 19.07.2023 на граничен премин „Богородица“, пријавените со патничко возило префрлиле државјанин на Република Грција, прикривајќи го во багажниот простор од возилото, со цел да ја избегне граничната контрола“, информираат од МВР.

The post ПОЛИЦИЈАТА ФАТИ ГРК СКРИЕН ВО БАГАЖНИК Двајца Грци сакале да го пренесат сонародникот преку „Богородица“ appeared first on plusinfo.mk.

Виролозите порачаа дека ова е период од годината кога се очекува да се појават заболени, бидејќи вирусот се пренесува со каснување на заразен комарец. Специфичен лек за болеста, која најчесто се јавува од јуни до октомври, нема, а нема ни вакцина. Пациентите се третираат со терапија која ги ублажува симптомите.

Лекарите велат дека нема потреба од паника, бидејќи 80 отсто од заболените немаат никакви симптоми и инфекцијата поминува незабележана. Околу 20 отсто од заразените имаат лесна клиничка слика, а во ретки случаи се јавуваат посериозни компликации, енцефалитис, кој може да биде фатален.

Од Институтот за јавно здравје на Србија „Д-р Милан Јовановиќ Батут“ наведуваат дека западнонилската треска е сезонско заболување, а вирусот го пренесуваат заразени комарци. Инфекцијата не се пренесува меѓу луѓето преку контакт. Сезоната на пренос на вирусот Западен Нил во Србија обично трае од јуни до ноември.

Вирологот д-р Нада Куљиќ Капулица вели дека западнонилската треска првпат била потврдена во Србија пред дваесет години, но дека во поранешна Југославија направиле тестови и докажале присуство на антитела, што значи дека болеста и порано била присутна кај населението.

Таа забележа дека западнонилската треска не е единствената болест што ја пренесуваат комарците. Тие се главните виновници за појава на вирусни заболувања како денга, зика, чикунгуња, маларија. Една од превентивните мерки за сите овие болести е борбата против комарците. Во Србија тоа се прави со запрашување, но и со испуштање на стерилни комарци во природата. Се покажа дека пуштањето на стерилни комарци е ефикасен начин за борба против азискиот тигрест комарец, кој носи многу заразни болести. Тој ја пренесува и западнонилската треска, но не е единствениот. Вирусот на Западен Нил го пренесуваат и домашните комарци.

– Компликациите се исклучително ретки, најсериозен е вирусниот менингитис, кој може да доведе до смрт – вели Куљиќ Капулица.

The post ДВЕ ЛИЦА ЗАБОЛЕНИ ОД ЗАПАДНОНИЛСКА ТРЕСКА ВО СРБИЈА Заразени комарци лоцирани во три града, дадени се превентивни мерки appeared first on plusinfo.mk.

– Пренесувањето на нуклеарното оружје започна, тоа е веќе во тек – рече Лукашенко како одговор на руски новинар, во видео споделено на официјалниот канал на Телеграм на белоруското претседателство.

Лукашенко, кој денеска е во Москва на меѓународна средба, не откри дали нуклеарното оружје е веќе во Белорусија.

– Можно е, ќе се вратам и ќе видам – рече тој. Лукашенко додаде дека Путин му кажал ден претходно дека потпишал указ со кој се овозможува трансферот.

На 25 март Путин објави дека Москва ќе распореди тактичко нуклеарно оружје на територијата на Белорусија, земја на границата на Европската унија.

Опозициската белоруска политичарка во егзил Светлана Тихановскаја денеска го оцени ова како закана за целиот континент.

„Ова не само што ги загрозува животите на Белорусите, туку создава нова закана за Украина и за цела Европа“, напиша таа на Твитер.

– Кога станува збор за тактичките нуклеарни бомби, повеќето од нив се со сила како онаа што во Хирошима уби 140.000 луѓе – додаде таа.

Тактичкото нуклеарно оружје може да предизвика огромна штета, но неговиот опсег на уништување е поограничен од радиусот на „стратешкото“ нуклеарно оружје, пишува агенцијата Франс прес.

Белорусија не е директно вклучена во конфликтот во Украина, но ѝ дозволи на Русија да изврши напад од нејзина територија во февруари 2022 година.

The post НОВА ЗАКАНА ЗА УКРАИНА И ЗА ЕВРОПА Лукашенко потврди дека руско нуклеарно оружје се префрла во Белорусија appeared first on plusinfo.mk.

Во интервју за списанието на Заедницата на Македонците во Република Хрватска „Македонски глас“, посветено на активностите на МСМЈЛК при УКИМ, Мојсова-Чепишевска нагласува дека верува во нив и во нивната мисија да продолжат во духот на досегашната дејност, а тоа е создавање пријатели и лобисти за земјава, кои ќе ги пренесат и ќе ги претставуваат македонскиот јазик, литература и култура во своите држави, па и пошироко во светот.

– За нас како Меѓународен семинар за македонски јазик, литература и култура и за УКИМ под чија капа е Семинарот, но и за целата држава, сите лекторати се влијателни. Зашто ако се земат предвид сите, се доаѓа до една неверојатна бројка од над 250 студенти годишно што го изучуваат македонскиот јазик, литература и култура, на додипломски и постдипломски студии – нагласува Мојсова-Чепишевска.

Во однос на бројноста на студентите на лекторатите по македонски јазик, таа ги посочува лекторатите на универзитетите во Риека, Истанбул и Будимпешта на коишто интересот за изучување на македонистиката е огромен.

Конкретно, според неа, минатата година на Универзитетот во Риека, македонскиот јазик го изучувале седумдесетина студенти, а на Истанбулскиот универзитет, на различни нивоа, бројот на студентите бил дури шеесет, додека за понатаму може да се очекува да биде и значајно поголем, имајќи предвид дека од следната академска година можност за изучување на македонистиката ќе имаат сите студенти на Универзитетот, а не само оние коишто студираат на Факултетот за литература. На Универзитетот во Будимпешта пак, минатата година, наставата по македонски јазик ја следеле триесетина студенти.

– Но, на лекторатите не смееме да гледаме само статистички. Затоа што на пр. лекторатот во Москва е при големиот Универзитет „Ломоносов“ каде што наставата по македонски јазик како главен предмет се изведува од академската 1975/76 година и тоа благодарение на академик Рина Усикова. По нејзините стапки продолжија извонредните македонисти, академик Ала Шешкен и проф. д-р Елена Верижникова и заради нивната посветеност и висока професионалност расте овој исклучителен македонистички центар. Или Катедрата по македонистички студии во Париз, при познатиот Националниот институт за ориентални јазици и култури (ИНАЛКО), каде што е еден од најстарите лекторати по македонски јазик. Во академската 2023/24 година ќе се одбележи голем јубилеј – половина век македонистика на ИНАЛКО, каде што денес македонскиот јазик се изучува и на додипломските и на постдиломските студии, вклучително и на докторските студии, под раководство на проф. д-р Фроса Пејоска-Бушро, која истовремено е и директорка на Школата за докторски студии при ИНАЛКО – посочува директорката на МСМЈЛК при УКИМ во интервјуто.

Притоа, таа напоменува дека и овие образовни и научни центри, скоро секогаш даваат посветени македонисти, не само како дипломирани студенти, туку и како магистри и доктори на филолошки науки од областа на македонистиката.

Во прилог на интервјуто, одделен дел е посветен и на историјатот и остварувања на МСМЈЛК при УКИМ, започнувајќи од неговото формирање во 1967 година.

Инаку, како што информира Меѓународен семинар за македонски јазик, литература и култура во август, во негова организација во Охрид во август ќе се одржи 55. Летна школа за македонски јазик, литература и култура, на којашто се очекува учество на голем број странски слависти и македонисти, а потоа во септември ќе се одржи и 49. Меѓународна научна конференција на МСМЈЛК.

The post ИНТЕРВЈУ НА МОЈСОВА-ЧЕПИШЕВСКА Странските македонисти се најголеми лобисти кои го пренесуваат македонскиот јазик во светот appeared first on plusinfo.mk.

Според него, „супер-носителите“ на инфекцијата обично самите не се разболуваат, туку масовно ги инфицираат луѓето од нивната околина. Најчесто само 20% од луѓето го пренесуваат вирусот, и доста е тешко да се идентификуваат, објаснува докторот.

Тој додаде дека друг парадокс е поврзан со различни предиспозиции за оваа болест. Мјасников потсетува дека луѓето со нулта крвна група се со помала веројатност да се заразат.

Во исто време, тој ги повика жителите да не се грижат во случај повторно да заболат од ковид-19.

– Луѓето повторно се разболуваат, но ги има многу помалку отколку што пишуваат медиумите – посочи тој.

Тој, исто така, потсетува дека губењето на антитела кон вирусот е природно со текот на времето, нагласувајќи дека за повеќето лекари, нивното ниво престанало да биде показател. Најбезбедниот начин за откривање на присуството на вирусот е тест на крвта.

– Тестот не покажува дали вирусот е присутен во телото, туку дали вирусот е присутен на стапчето што ви е втурнато во носот. Таму, 40 проценти од негативните резултати се лажни! – предупреди докторот.

Тој, исто така, ја коментираше ситуацијата со зголемувањето на стапката на смртност од ковид -19 во Русија, привлекувајќи внимание на искуствата на земјите, особено Америка и Израел, каде што вакцинацијата помогна значително да се намали смртноста.

Според рускиот министер за здравство Михаил Мурашко, повеќето пациенти кои завршуваат во болниците поради ковид-19 не се вакцинирани.

The post РУСКИ ДОКТОР ПРЕДУПРЕДУВА! Постојат необјасниви работи во врска со короната и ПЦР тестот appeared first on plusinfo.mk.

Тој потенцира дека овој сој се смета за поопасен бидејќи е позаразен, односно едно заразено лице може да зарази дури 8 други лица.

– Кај првичниот сој на ковид-19, секоја заразена личност заразувала околу двајца други. Раните проценки укажуваат дека човек заразен со делта-сојот заразува од пет до осум други лица. Кога еднаш ќе се појави во еден регион, делта сојот набрзо станува доминантен. Овој сој веројатно произведува значително потешка болест. Иако се потребни уште податоци, прелиминарните бројки покажуваат дека делта сојот предизвикува до 85% повеќе хоспитализации кај невакцинираните, ако се земе предвид староста на заразените. На пример, нивото на тешки болести и смрт е релативно мал во однос на бројот на зарази во Велика Британија – вели Д-р Бабиќ.

За делта-сојот пријавени се и некои нови симптоми: загуба на слухот, сериозни гастроинтестинални проблеми, а во ретки случаи и периферни гангрени поради комплетна блокада на капиларите на микротромбовите. За среќа, ова не е знак за промена на механизмите кои вирусот ги користи, само станува збор за поголемо и забрзано ширење на вирусот во организмот, што предизвикува повеќе микротромбози, фузија помеѓу ќелиите и сл., отколку кај претходните соеви.

The post Д-р Бабиќ: Еден заразен пациент со делта-сојот го пренесува вирусот на други осум лица appeared first on plusinfo.mk.

– Ако имате ковид-19, треба да избегнувате контакт со мачка или куче, исто како и со луѓето. Главната грижа не е здравјето на животните, туку потенцијалната опасност тие да бидат само носители, па вирусот повторно да дојде кај човек – истакна Елс Броенс од Универзитетот на Утрехт.

Земени се брисеви од 310 миленичиња во 196 домаќинства каде што барем еден човек фатил коронавирус. Шест мачки и седум кучиња биле позитивни на ПЦР-тестот, а 54 животни биле позитивни на вирусни антитела. Повеќето заразени миленичиња имаат тенденција да не покажат симптоми или пак, имале поблаги симптоми на ковид-19.

Авторите на испитувањата сметаат дека досега нема докази за пренесување на болеста од домашно милениче на неговиот сопственик, но тоа е тешко да се утврди додека вирусот се уште лесно се шири меѓу луѓето.

Резултатите беа презентирани на Европскиот конгрес за клиничка микробиологија и инфективни болести. Сите ПЦР-позитивни животни ја совладале заразата и развиле антитела. Истражувачите велат дека најверојатниот начин на пренесување на вирусот е од човек на животно, а не обратно.

The post Кучињата и мачките можат да се заразат со ковид-19 appeared first on plusinfo.mk.