Правниот тим на најбогатиот човек во светот, Илон Маск, им се закани со тужба на продуцентите и дистрибутерите на четиричасовниот документарен филм посветен на него, меѓу другото обвинувајќи ги авторите дека при создавањето на остварувањето не ги провериле фактите и изнеле клевети.

Неговиот адвокат Алекс Спиро, во опоменувачко писмо од 3 септември, го обвинува оскаровецот и режисер Алекс Гибни дека документарниот филм „Маск“ го засновал врз однапред донесени заклучоци, наместо врз непристрасно истражување, и дека не ги проверил изнесените факти со Маск или со неговите соработници.

Адвокатите на првиот билионер во историјата предупредија дека може да покренат тужби за клевета против продуцентите и дистрибутерите на филмот, меѓу кои се и „Ејч-Би-Оу“, „Бликер стрит“ и „Јуниверзал“.

Спиро посебно ја издвоил наводната инсинуација дека сателитите „Старлинк“ на Маск биле користени за влијание врз американските претседателски избори во 2024 година.

„Бевте информирани, пред премиерата на филмот, дека таа инсинуација е погрешна, дека јавно достапните материјали ја побиваат и дека вие самите одлучивте да не го слушнете остатокот“ – се наведува во дел од писмото на Спиро, пренесува „Холивуд репортер“.

Продукциската куќа „Џигсоу продукшнс“ во соопштение за истиот медиум ја бранеше точноста на информациите во филмот и порача дека Маск, како „апсолутист на слободата на говорот“, треба да го поддржи нивното право да ги преиспитуваат моќните личности.

Филмот „Mаск“ беше прикажан во вторникот на Филмскиот фестивал во Венеција, каде што доби овации од публиката и пофалби од критиката. Во него Гибни го следи патот на сопственикот на „СпејсИкс“, „Икс“ и „Тесла“ од неговото раѓање во Јужноафриканската Република до пробивот во Силиконската Долина на почетокот на 2000-тите години. Филмот се осврнува и на тешкото детство на Маск, како и на неговите 14 деца со повеќе жени.

Маск во последните денови во најмалку десетина објави на својата платформа „Икс“ го нападна режисерот, нарекувајќи го „ужасно човечко суштество“, а неговиот документарен филм – здодевен памфлет.

Инаку, опусот на режисерот Гибни често се занимава со теми поврзани со моќни институции и организации, како во филмовите за Скиентолошката црква или за меѓународната шпионажа. Тој беше награден со Оскар за најдобар документарен филм за „Taxi to the Dark Side“ („Такси до мрачната страна“), кој зборува за тортурата што ја спроведувала американската војска во Авганистан.

The post ИЛОН МАСК ЌЕ ГО ТУЖИ ЗА КЛЕВЕТА РЕЖИСЕРОТ НА „МАСК“ Некои тврдења во документарецот не биле вистинити appeared first on plusinfo.mk.

Облеката на глумицата Ен Хатавеј за премиерата на филмот „The End Of Oak Street“ во Лос Анџелес предизвика дебата на социјалните мрежи. 43-годишната актерка, која го очекува своето трето дете, позираше за фотографите во студијата на Ворнер Брос во комбинација што го откри нејзиниот труднички стомак.

Хатавеј избра светло син топ без ракави кој беше скратен напред, додека од задната страна имаше долга „опашка“ и се спушташе до долу. Внатрешниот дел на горниот дел беше со црвена боја, а Хатавеј го комбинираше со фармерки со низок струк. Изгледот го заокружи со црвени чевли. Носеше и висечки обетки и впечатлива нараквица.

 

View this post on Instagram

 

A post shared by Deadline (@deadline)

Бројни корисници на социјалните медиуми не беа воодушевени од нејзиниот изглед. Еден коментираше дека изгледа „смешно“, додека друг напиша: „Ве молам, некој да ми го избрише ова од сеќавањето“.

Сепак, дел од публиката беше воодушевена.

Хатавеј глуми во филмот „The End Of Oak Street“, кој излегува во кината на 14 август. Во неа глумат и Еван Мекгрегор, Мејзи Стела и Кристијан Конвери. Филмот, според IMDb, го следи семејството Плат кое се обидува да се снајде во новото опкружување откако еден космички настан го преместува целото нивно предградие на непозната локација.

– Филмот е многу забавен и одличен за гледање во кино. Тоа е семеен хорор, жанр што никогаш порано не сум го пробала и навистина сум возбудена поради тоа – изјави Хатавеј во интервју за Extra.

The post 🎥 ЕН ХАТАВЕЈ ВО ЧУДНА КОМБИНАЦИЈА НА ПРЕМИЕРАТА НА НОВИОТ ФИЛМ Актерката го покажа својот труднички стомак и предизвика дебата на интернет appeared first on plusinfo.mk.

Мет Дејмон повторно беше во центарот на вниманието, на премиерата на новиот филм „Одисеја“ на Кристофер Нолан, во Сеул, Јужна Кореја, кадешто му се придружија сопругата Лучијана Баросо и нивните две најмлади ќерки, Џија (17) и Стела (15), кои со својата елеганција ги освоија фотографите и публиката.

Дејмон се појави во темнобордо одело, додека Лучијана блесна во кралско син фустан. Џија носеше долг бел фустан, а Стела светлосин модел со чипка. Семејството позираше насмеано, правејќи ги препознатливите „срца“ со рацете за обожавателите, а фотографиите брзо се проширија низ светските медиуми.

Иако важи за еден од најголемите холивудски актери, Мет Дејмон отсекогаш настојувал да го држи приватниот живот далеку од јавноста. Тој и Лучијана Баросо се во брак од 2005 година и имаат три заеднички ќерки – Изабела, Џија и Стела, а Дејмон ја смета за своја и Алексија, ќерката на Лучијана од претходнaта врска. Семејните појавувања на црвениот тепих се вистинска реткост, па затоа секогаш привлекуваат големо внимание.

Пред само еден месец, целото семејство се појави и на светската премиера на „Одисеја“ во Лондон, каде што актерот призна дека бил емотивен кога ги видел сите четири ќерки покрај себе. Во неодамнешно интервју изјави дека најголема среќа му е што неговите деца можат да патуваат со него и да ги запознаваат земјите во кои ги промовира своите филмови. Во Сеул откри дека токму ова било прва посета на Јужна Кореја за неговата сопруга и двете најмлади ќерки.

Во „Одисеја“, режирана од Кристофер Нолан, Мет Дејмон ја толкува главната улога на Одисеј, додека во актерската екипа се и Том Холанд, Ен Хатавеј, Зендеја, Шарлиз Терон, Роберт Патинсон и Лупита Нионго. Филмот веќе бележи голем успех во кината, а Дејмон добива одлични критики за својата изведба.

The post 🎥 МЕТ ДЕЈМОН СО СОПРУГАТА И ЌЕРКИТЕ ГО УКРАДЕ ВНИМАНИЕТО НА ПРЕМИЕРАТА НА „ОДИСЕЈА“ Ретко семејно појавување на ѕвездата на црвениот тепих во Сеул appeared first on plusinfo.mk.

Зендаја уште еднаш покажа дека знае како да ја претвори филмската промоција во моден спектакл. На лондонската премиера на „Spider-Man: Brand New Day“, актерката се појави во впечатлива бела тоалета инспирирана од светот на Спајдермен.

Ова не е првпат 29-годишната ѕвезда да избере стајлинг поврзан со славниот суперхерој. И на претходните премиери во Рим и Шангај таа носеше креации со мотиви на пајакова мрежа, со што создаде препознатлива модна нишка низ целата промотивна турнеја.

За лондонската премиера Зендаја избра раскошен бел фустан на дизајнерката Тамара Ралф. Тесниот корсет ја нагласуваше нејзината фигура, додека долниот дел се претвораше во лесен шлеп. Најголемо внимание привлече сребрената пајакова мрежа изработена од светки и кристали, која беше директна асоцијација на Спајдермен.

Изгледот го надополни со брановидна коса и ненаметлива шминка, оставајќи фустанот да биде во центарот на вниманието.

 

View this post on Instagram

 

A post shared by Just Jared (@justjared)

На премиерата со неа беше и Том Холанд, кој по четврти пат ја игра улогата на Питер Паркер. Актерот носеше темновиолетов костум и брош во форма на пајак, со што и самиот суптилно се вклопи во тематиката на вечерта.

Двојката разменуваше насмевки и нежни погледи пред фотографите, а ова беше едно од нивните најзабележителни заеднички појавувања откако неодамна беше потврдено дека стапиле во брак.

„Spider-Man: Brand New Day“ продолжува по настаните од „Spider-Man: No Way Home“, а првите реакции на критичарите се многу позитивни. Покрај филмот, големо внимание привлекува и модната приказна на Зендаја, која на секоја премиера на свој начин му оддава почит на суперхеројот што ја прослави неа и Том Холанд како еден од најомилените холивудски парови.

 

View this post on Instagram

 

A post shared by Law Roach (@luxurylaw)

The post ЗЕНДАЈА ПОВТОРНО ВО ЗНАКОТ НА СПАЈДЕРМЕН Новата креација со пајакова мрежа ги воодушеви обожавателите appeared first on plusinfo.mk.

Холивудската ѕвезда Шарлиз Терон периодов е фокусирана на промоција на својот најнов филмски проект „The Odyssey“. Таа се појави на премиерата на филмот во Њујорк со своите ќерки, 12-годишната Огуст и 14-годишната Џексон која, инаку, ја посвои како момче.

Снимките ја покажуваат Шарлиз Терон (50), која ја игра Калипсо во филмската адаптација на епската поема на Хомер, како ја напушта премиерата со своите ќерки, Џексон и  Огуст кои изгледаат доста пораснати и веќе ја стасуваат нивната мајка која е висока 177 цм.

Терон прошета сама по црвениот тепих, носејќи фустан во боја на слонова коска од Кристијан Диор. Џексон и Огуст пак, се одлучија за црни фустани, а помалата го комбинираше фустанот со војнички чизми и чорапи до колена.

Терон стана мајка кога го посвои Џексон во 2012 година. Ѕвездата подоцна го прошири своето семејство кога во 2015 година ја посвои и Огуст.

Во разговор за „Пипл“ во 2018 година, Терон објасни дека посвојувањето на децата е нејзин долгогодишен сон.

– Дури и кога бев во врски, секогаш бев искрена со моите партнери, дека посвојувањето е опција за тоа како ќе изгледа моето семејство еден ден. Ова дефинитивно не беше втора опција за мене. Секогаш беше моја прва – рече таа.

Во мај, Терон сподели неколку досега невидени фотографии од своите ќерки на Инстаграм во чест на Денот на мајките.

 

View this post on Instagram

 

A post shared by Charlize Theron (@charlizeafrica)

Појавувајќи се во „Џими Кимел во живо!“ минатата година, Терон откри дека нејзините ќерки „не се толку импресионирани“ од успешната актерска кариера на нивната мајка.

– Едноставно е неверојатно, се чувствувам како да сум прилично скромна, но одвреме-навреме си велам: Има еден проклет Оскар таму. Тие не се толку импресионирани од мене – рече таа.

The post ЦРНО-БЕЛИОТ СВЕТ НА ШАРЛИЗ ТЕРОН Актерката се појави на премиерата на „Одисеја“ со посвоените ќерки appeared first on plusinfo.mk.

Ен Хатавеј, која минатиот месец објави дека го очекува своето трето дете, е зафатена со своите работни обврски. Актерката блескаше на париската премиера на „Одисеја“ облечена  во темно син фустан што го истакна нејзиниот труднички стомак.

43-годишната актерка, која ја игра Пенелопа во филмот, носеше креација која се врзува околу вратот. Фустанот беше украсен со светкави златни детали што личеа на ноќно небо, а Хатавеј ја дополни комбинацијата со отворени златни сандали со потпетици и соодветни нараквици.

Таа им мавташе на фановите кога пристигна на премиерата, а на црвениот тепих ѝ се придружија и колешките Зендаја, Том Холанд, Лупита Њонго и Шарлиз Терон.

За актерската екипа неделата беше исполнета со обврски со оглед на тоа што светската премиера на филмот се одржа во Лондон. И таму Хатавеј покажа беспрекорен моден вкус во син лелеав фустан, а целокупниот изглед го нагласи со светло црвен кармин.

Филмот „Одисеја“ во режија на Кристофер Нолан е адаптација на античкиот грчки еп на Хомер што го следи истоимениот грчки крал на опасно патување дома по Тројанската војна, во обид повторно да се соедини со својата сакана сопруга Пенелопа. Во филмот глумат и Мет Дејмон, Роберт Патинсон и Тревис Скот.

55-годишниот Дејмон го игра главниот лик – Одисеј, додека Хатавеј ја игра неговата лојална кралица, која во текот на отсуството на нејзиниот сопруг е принудена да ги одбива потенцијалните додворувачи.

 

View this post on Instagram

 

A post shared by Anne Hathaway (@annehathaway)

Ен Хатавеј со својот сопруг Адам Шулман (45), веќе има два сина, десетгодишниот Џонатан и шестгодишниот Џек, а својата трета бременост ја објави на социјалните мрежи кон крајот на јуни.

На Инстаграм, таа им го покажа своето трудничко стомаче на своите обожаватели позирајќи во бел топ и макси здолниште. На фотографијата ја додаде песната од Барбара Луис „Baby, I’m Yours“ и го искористи насловот како опис.

 

View this post on Instagram

 

A post shared by Anne Hathaway (@annehathaway)

– Знам дека не секој што сака да биде родител може да го оствари тоа. Едноставно сум вчудоневидена колку сум среќна – изјави актерката за People во април. За своите претходни бремености призна: – Двапати помина добро и тоа е навистина среќа.

Хатавеј, исто така, го пофали својот сопруг, за кого се омажи во 2012 година, истакнувајќи дека тој држи сè под контрола додека таа работи.

– Имам голема среќа што го имам како мој животен партнер. Со сè што се случува, тој е едноставно тука. Тој ги држи сите конци во свои раце – рече актерката.

Оваа година беше исклучително зафатена за актерката, со пет филмови што се појавија во кината. Меѓу нив е и музичката драма „Mother Mary“, која беше објавена во април. Во тој филм, таа ја игра насловната поп-ѕвезда која, според описот на IMDb, „воочи својот повратнички настап се обединува со својaта отуѓена најдобра пријателка и поранешна костимографка“.

Хатавеј годинава глуми и во филмовите „Verity“ и „The End of Oak Street“, покрај претходно споменатиот „The Odyssey“.

The post БРЕМЕНАТА ЕН ХАТАВЕЈ ГИ ПРИВЛЕЧЕ СИТЕ ПОГЛЕДИ ВО ПАРИЗ Актерката блескаше на париската премиера на „Одисеја“ appeared first on plusinfo.mk.

Двејн Џонсон пристигна на премиерата на играната верзија на филмот „Моана“ во Лос Анџелес со целото семејство. На актерот на црвениот тепих му се придружија неговата сопруга Лорен Хашиан, мајката Ата, поранешната сопруга Дени Гарсија со нејзиниот сопруг Дејв Риензи и, во ретко јавно појавување, сите три негови ќерки – Симон (24), Јасмин (10) и Тиана (8).

Помладите ќерки Јасмин и Тиана за премиерата носеа усогласени сини фустани со голем црвен дезен од хибискус, а комбинациите ги комплетираа со украси за коса во ист стил. Најстарата ќерка Симон избра црн миди фустан со шлиц што го комбинираше со црни сандали.

Ова беше едно од ретките појавувања на помладите ќерки на Џонсон на црвениот тепих. Последен пат се појавија со својот татко во ноември 2024 година, на хавајската премиера на „Моана 2“. И тогаш го привлекоа вниманието со усогласени фустани во портокалови, розеви и жолти бои.

Во новиот филм Џонсон ја повторува својата улога како полубогот Мауи, на кој му го позајми гласот и во оригиналниот анимиран филм од 2016 година и во продолжението од 2024 година. Иако Мауи е еден од омилените ликови на неговите ќерки, ќерката на актерот, Јасмин, не била секогаш воодушевена од поврзаноста на нејзиниот татко со ликот.

 

View this post on Instagram

 

A post shared by Walt Disney Studios (@disneystudios)

Џонсон во 2019 година раскажа како реагирала кога дознала дека нејзиниот татко го позајмува гласот на Мауи.

– Ѝ реков: „Знаеш, тато го пее тоа, ќе ти покажам.“ Мауи почна да пее, а јас пеев со него. За десет секунди, таа се обидуваше да стави перница преку мојата уста и велеше: „Ја уништуваш песната“ – се присети актерот.

 

View this post on Instagram

 

A post shared by Walt Disney Studios (@disneystudios)

Јасмин и Тиана имаа и мали гласовни улоги во филмот „Моана 2“. Џонсон изјави за E! Вести за тоа како реагирале девојките кога првпат ги слушнале нивните гласови во киното.

– Беа воодушевени, апсолутно воодушевени. Никогаш порано не го гледале филмот. Знаеја дека се во него и буквално седеа на работ од своите седишта, само чекајќи го тој момент.

Кога дојде нивната сцена, тие само извикаа: „Тоа сум јас!“ Беше прекрасно – раскажа актерот.

– Тоа е една од предностите на славата – додаде тој низ смеа, а потоа се пошегува: „И на непотизмот“.

На прес-конференција во Рио де Жанеиро, Џонсон потврди дека е во тек трето продолжение на анимираниот филм „Моана“, објави Варајети.

Џаред Буш и Дана Леду Милер повторно ќе работат на сценариото. Играната верзија на филмот од 2016 година ќе се појави во кината овој петок, 10 јули. Заедно со Џонсон, во филмот глумат Кетрин Лага’аја во главната улога, Џон Туи, Френки Адамс, Рена Овен и Џемејн Клемент.

The post 🎥 ДВЕЈН ЏОНСОН ВО ДРУШТВО СО ПОРАНЕШНАТА И СЕГАШНАТА СОПРУГА И ТРИТЕ ЌЕРКИ Актерот пристигна на премиерата на „Моана“ со целото семејство appeared first on plusinfo.mk.

Мет Дејмон (55), ја одбележа премиерата на својот нов филм „Одисеја“ со едно ретко јавно појавување на целото семејство. Холивудскиот актер на свечената премиера пристигна во придружба на сопругата Лусијана и нивните четири ќерки – Алексија (26), Изабела (19) и тинејџерките Џиа (17) и Стела (15).

По премиерата, 55-годишниот актер заминал на ексклузивната забава во приватниот клуб „Освалдс“ во лондонскиот кварт Мејфер, каде што му се придружиле тинејџерките Џиа и Стела.

Стела привлече внимание во розов сатенски фустан со детали од чипка, додека Џиа избра впечатлив фустан со животински принт. На забавата беше забележана и нивната постара сестра Изабела.

Меѓу бројните славни гости беа и актерките Шарлиз Терон, Џамила Џамил и Миа Гот, како и актерската двојка Том Холанд и Зендеја, кои беа фотографирани при заминувањето од настанот.

Во филмот „Одисеја“, режиран од Кристофер Нолан, Дејмон ја толкува главната улога – Одисеј, кралот на Итака. Приказната го следи неговото долго и тешко враќање дома по Тројанската војна, во обид повторно да се обедини со сопругата и синот. Филмот треба да почне да се прикажува во кината на 17 јули.

Иако е една од најголемите холивудски ѕвезди, Дејмон е познат по тоа што внимателно ја чува приватноста на своето семејство и ретко ги носи сопругата и ќерките на јавни настани. Токму затоа нивното заедничко појавување на премиерата привлече големо внимание.

Во неодамнешно интервју, актерот зборуваше за предизвиците и радостите на родителството. Тој раскажа дека неодамна неговата 17-годишна ќерка Џиа го замолила да ѝ ја исчешла косата пред училиште.

– Не ми се веруваше. Последен пат ѝ ја чешлав косата пред осум или девет години. Времето минува неверојатно брзо – изјавил актерот.

Дејмон и Лусијана се во брак од 2005 година. Тој ја посвои нејзината ќерка Алексија, а подоцна двојката доби уште три ќерки – Изабела, Џиа и Стела.

– Не можам да си го замислам животот без нив. Не сакам ни да помислам како би изгледал мојот живот ако не станев татко – признал актерот.

The post МЕТ ДЕЈМОН НА ПРЕМИЕРАТА НА „ОДИСЕЈА“ СО СОПРУГАТА И ЧЕТИРИТЕ ЌЕРКИ Ретко семејно појавување на црвениот тепих appeared first on plusinfo.mk.

– Многу ми значи што можам да бидам мал дел од оваа серија – изјавила Свифт.

По својот настап, таа на сцената претстави уште еден неочекуван гостин, композиторот Ренди Њумен, автор на музиката и на дел од најпознатите песни од серијата „Приказна за играчките“.

Тие заедно ја испеаа „Јас сум ти пријател“, еден од најпрепознатливите музички хитови од првата сезона на серијалот. Во текот на вечерта, Свифт на црвениот тепих се појави заедно со актерите Том Хенкс и Џоан Кјузак, како и со останатите членови од екипата.

Анимираниот филм е во продукција на Пиксар, а неговото прикажување во кината ќе започне од 19 јуни.

The post 🎥 ТЕЈЛОР СВИФТ НАСТАПИ НА ПРЕМИЕРАТА НА „ПРИКАЗНА ЗА ИГРАЧКИТЕ 5“ Пејачката изненади со неочекувана изведба на песната од серијата appeared first on plusinfo.mk.

Кијану Ривс и Александра Грант се појавија на црвениот тепих, на светската премиера на новиот филм на актерот во Њујорк држејќи се за раце.

Актерот и неговата партнерка покажаа дека се навистина поинакви од останатите ѕвезди.

Ривс (61) во елегантен црн костум со темно сива кошула и вратоврска, а Грант (53) со сиво палто со дезен, природни, едноставни и свои.

Двајцата беа одлично расположени додека им позираа на фоторепортерите во „AMC Lincoln Square“, но за разлика од останатите кои со наместени и вкочанети насмевки позираат на црвените теписи на премиери и слични настани, тие дури и ова го прават некако лабаво и како едвај да чекаат да заврши, но сепак се доволно пристојни за да „одработат“.

Инаку, кога станува збор за новиот филм на актерот, „Outcome“, станува збор за мрачна комедија во режија на Џона Хил, кадешто Ривс го толкува ликот на Риф Хок, актер кој „мора да се соочи со демоните од своето минато“ откако ќе стане жртва на уцена.

Според официјалното сценарио, со поддршка на неговите долгогодишни најдобри пријатели Кајл (Камерон Дијаз) и Зандер (Мет Бомер), како и кризниот адвокат Ира (Хил), Риф тргнува на пат кон самооткривање за да им се извини на сите што можеби ги повредил, со надеж дека ќе открие кој го уценува.

Филмот „Исход“ ќе биде достапен на платформата „Епл ТВ Плус“ од петок, 10 април.

Кијану Ривс првпат се појави во јавноста со својата партнерка Александра Грант во ноември 2019 година. Нивното познанство датира речиси десет години претходно, кога соработуваа на книгата „Ода на среќата“ во 2011 година.

The post 🎥 КИЈАНУ РИВС И АЛЕКСАНДРА ГРАНТ НЕ ПОЗИРААТ КАКО ДРУГИТЕ ЅВЕЗДИ Фатени за рака и насмеани до уши, цупкаат лево-десно на црвениот тепих appeared first on plusinfo.mk.