Синовите на Мајкл Џексон, Принс и Биги, ретко се заедно во јавноста, но се појавија на премиерата на биографскиот филм за нивниот татко во Берлин, заедно со дел од семејството.

Тие привлекоа посебно внимание со својот моден избор и симболичен детаљ – црвена лента во чест на Мајкл.

@parismatch

#princejackson #blanketjackson #michaeljackson #michaellefilm #onregardequoi

♬ Billie Jean Remix FULL REMIX ON MY YT – jiandro

Филмот е исткаен од приказната за неговиот живот и кариера, а во синопсисот се вели:

– Филмот носи голем и импресивен приказ на неговите триумфи и трагедии – од неговата човечка страна и лични борби до неговиот неоспорен креативен гениј, прикажан преку неговите највпечатливи настапи.

 

View this post on Instagram

 

A post shared by PPB Jackson (@prince.paris.bigi)

Биги ретко се појавува во јавноста, но претходно порача:

– Секој од нас тројцата сака да создаде нешто во што луѓето ќе уживаат, но и нешто што ќе им биде корисно – додека Принс за својот татко рече:

– Би сакал да верувам дека би бил многу горд, бидејќи мислам дека една од неговите главни цели не беше само да шири порака за позитивност и среќа, туку да ги види неговите деца навистина како ја живеат таа порака.

 

View this post on Instagram

 

A post shared by PPB Jackson (@prince.paris.bigi)

Патем, вистинското име на Биги е Бленкет, а неговото целосно име е Принс Мајкл Џексон II. Биги ѝ беше претставен на јавноста кога имаше само девет месеци. Потоа неговиот татко го покажа од балконот на хотелот во Берлин каде што престојуваше и мавташе со него преку оградата пред толпата, што предизвика огромен скандал.

Дури и кога беше жив, Мајкл го криеше од камерите и блицовите на фотоапаратите ставајќи му маски на лицето кога се појавуваа заедно во јавност.

Откако пејачот почина, Биги целосно се повлече од јавноста.

Тој направи исклучок кон крајот на 2021 година кога зборуваше во емисијата „Добро утро Британијо“ за темата климатски промени. Во тоа време, тој ги прошета новинарите низ својот дом и им покажа неколку работи што му припаѓаа на неговиот татко.

The post 🎥 СИНОВИТЕ НА МАЈКЛ ЏЕКСОН СЕ ПОЈАВИЈА НА ПРЕМИЕРАТА НА ФИЛМОТ ЗА ЅВЕЗДАТА Принс и Биги му оддадоа почит на својот татко со еден детаљ appeared first on plusinfo.mk.

На гала премиерата на филмот „Свадба“, сите очи беа вперени во Северина – но овој пат не стануваше збор само за модната комбинација, туку за детаљот што го украде целото внимание, пишуваат хрватските медиуми.

Северина се појавила во елегантен, сјаен темен мантил со шлиц, кој дополнително ја нагласува нејзината силуета, а целиот стил го подигнала со еден луксузен моден додаток.

Имено, во раката таа носи чанта од Ботега Венета, со препознатлив плетен дизајн, кој веднаш стана главна тема на вечерта.

Станува збор за парче кое го обожаваат светските модни фанови, а цената на оваа престижна чанта е 2800 евра. Дискретна, но во исто време исклучително ефектна, таа совршено се вклопи во софистицираната модна комбинација на Северина и уште еднаш го потврди нејзиниот статус на модна икона.

Фотографиите на Северина од настанот погледнете ги ТУКА.

The post И СЕВЕРИНА СЕ ПОЈАВИ НА ПРЕМИЕРАТА НА ФИЛМОТ „СВАДБА“ Погледнете колку чини чантата на пејачката која со својот стил ги засени сите останати appeared first on plusinfo.mk.

Филмот „Утре наутро“ во режија и по сценарио на Јани Бојаџи ја доживеа својата премиера пред огромна публика која исполни четири сали во Синеплекс.

Приказната за две жени кои бараат доволно причини, едната да замине, а другата да остане во земјата, полни со надеж дека утре наутро ќе биде подобро од денеска, ја погледнаа бројни претставници на политичкиот и културниот живот во земјава.

– Филмот е посветен на сите оние жени во Македонија кои се подготвени да ги одбранат семејствата и заедницата на која се посветени – вели Јани Бојаџи, режисер и сценарист на филмот.

Аида, млада докторка Ромка е силувана од нејзин постар колега, инаку влијателен хирург. Корумпираниот суд ја отфрла нејзината тужба со образложение дека за време на настанот таа не давала доволно силен отпор. Јоана Пеласка, сопругата на поранешниот премиер и нејзините деца се прогонувани заради видео фајлот на кој се гледа што се случило во нивната куќа вечерта кога американскиот амбасадор од таму ќе украде мала бронзена античка фигурина на која е претставено „Силувањето на Европа”.

Аида од жртва се претвора во насилник. Јоана е прогонувана од корумпираната политичка елита со моќ, за дела што ги направила во минатото. И од насилник се претвора во жртва. Откако ќе им се вкрстат животните патишта, двете жени бараат доволно причини – едната да замине, а другата да остане во Македонија и сѐ ќе се преврти наопаку откако малолетниот син на Јоана ќе убие полицаец на должност…

Сценарист и режисер е Јани Бојаџи, продуцент: Јани Бојаџи, извршен продуцент: Дејан Милошевски, директор на фотографија: Дарио Секуловски, монтажер: Давид Дулев, продукциски дизајнер: Јани Бојаџи, сценограф: Гоце Попов, костимограф: Зорка Тодорова, шминкер: Ирена Сенокозлиовска, композитор: Јани Бојаџи.

Во главните улоги настапуваат: Нина Деан и Ирена Илиевска, а во останатите улоги: Гоце Андонов, Јана Никодиновска, Кети Дончевска Илиќ, Бајрам Северџан, Горан Стојаноски, Васил Зафирчев, Роберт Вељановски, Благој Веселинов, Јана Вељановска, Димитрина Мицкоска.

Комплетната екипа од филмот синоќа се поклони пред публиката во салите, а веќе од 20 ноември почнува целосна дистрибуција низ Македонија и денеска (20 ноември) филмот ќе го погледне публиката во Штип, Велес, Богданци, Струга и во Крива Паланка.

Продуценти се: Синемон медија фактори, Револушн продакшн во соработка со Алфа Национална телевизија.

The post ПРЕМИЕРАТА НА ФИЛМОТ „УТРЕ НАУТРО“ НАПОЛНИ 4 САЛИ ВО СИНЕПЛЕКС Приказна за животниот пат на две жени appeared first on plusinfo.mk.