Една од најуспешните ери во историјата на англискиот фудбал официјално завршува – Пеп Гвардиола си заминува од Манчестер Сити по десет години поминати на клупата на клубот.

Шпанскиот стратег пристигна во 2016 година и за една деценија успеа да испише историја, освојувајќи дури 20 трофеи и претворајќи го Сити во доминантна сила во Англија и Европа.

Од клубот потврдија дека и покрај заминувањето од тренерската функција, Пеп Гвардиола ќе остане поврзан со клубот како глобален амбасадор.

– Не ме прашувајте зошто заминувам. Нема причина, но длабоко во себе знам дека е вистинското време. Ништо не е вечно, ако беше, ќе бев тука засекогаш. Вечно ќе бидат чувството, луѓето, спомените, љубовта што ја имам за мојот Манчестер сити – изјави Гвардиола во емотивното збогување.

Под негово водство, Манчестер Сити освои повеќе титули во Премиер лига, трофеи во домашните купови и долгоочекуваната европска круна, со што Гвардиола стана најуспешниот тренер во историјата на клубот.

Според најавите од англиските медиуми, фаворит за негов наследник е Енцо Мареска, кој во минатото беше дел од стручниот штаб на Гвардиола и важи за човек што добро ја познава филозофијата на Сити.

Заминувањето на Пеп означува крај на една генерација во Манчестер Сити, но и почеток на ново поглавје за клубот кој во последната деценија стана еден од најмоќните во светскиот фудбал.

The post ФУДБАЛСКИОТ СВЕТ ВО ШОК Пеп Гвардиола официјално заминува од Сити appeared first on plusinfo.mk.

Арсенал е на чекор до историска титула во Премиер-лигата, откако со минимални 1-0 го совлада Барнли на „Емирати“.

Херој на „топџиите“ беше Каи Хаверц, кој во 37-та минута со удар со глава ја затресе мрежата по корнерот на Букајо Сака.

Германскиот фудбалер го постигна единствениот гол на натпреварот, а Арсенал успеа да ја зачува предноста до крајот.

Со новите три бода, тимот од Лондон стигна до 82 бодови и сега има 5 повеќе од Манчестер Сити.

„Топџиите“ вечерва навиваат за Борнмут

Арсенал вечерва може и математички да ја обезбеди титулата.

За тоа да се случи, Манчестер Сити не смее да го победи Борнмут во натпреварот што почнува во 20:30 часот.

Последна шанса за Сити

Доколку „граѓаните“ кикснат, Арсенал ќе ја прослави првата шампионска титула по 22 години.

Ако Манчестер Сити победи, тогаш шампионската трка ќе се решава во последното коло.

Во тој случај, Арсенал ќе мора да слави на гостувањето кај Кристал Палас за сигурно да стане шампион.

The post „ТОПЏИИТЕ“ ВЕЧЕРВА МОЖАТ ДА СТАНАТ АНГЛИСКИ ШАМПИОНИ По 22 години Арсенал чека кикс на Сити за титула appeared first on plusinfo.mk.

Челзи пријави загуба од 262,4 милиони фунти за сезоната 2024/25, што претставува најголем финансиски минус во една година во историјата на англискиот фудбал.

Со тоа лондонскиот клуб го надмина претходниот негативен рекорд на Манчестер Сити, кој во сезоната 2010/11 пријави загуба од 194,9 милиони фунти.

Зголемувањето на приходите на Челзи на 490,9 милиони фунти не беше доволно за да се намали минусот. Приходите пораснаа благодарение на освојувањето на УЕФА Конференциска лига и пласманот на четвртото место во Премиер лига, со што клубот обезбеди настап во Лига на шампиони во тековната сезона.

Од клубот објаснуваат дека оперативните трошоци значително се зголемиле, главно поради враќањето во европските натпреварувања.

„Оперативните трошоци се зголемија првенствено поради враќањето во европските натпреварувања, што значително ги зголеми трошоците за натпревари“, соопштија од Челзи.

The post ЧЕЛЗИ СО РЕКОРДНА ЗАГУБА ОД 262 МИЛИОНИ ФУНТИ „Сините“ од Лондон во голем минус appeared first on plusinfo.mk.

Фудбалерите на Тотенхем се најдоа видно вознемирени по драматичниот пораз од Бурнемаут со 3:2, решен во 95-та минута. Атмосферата, веќе разнишана од слабите резултати, експлодираше на крајот од натпреварот, кога дел од играчите сакале да се пресметаат со своите навивачи.

Пожар на трибините

По последниот свиреж на судијата, Мики ван де Вен, се доближи до трибината со гостинските навивачи и започна жестока расправија со еден од нив. Педро Поро, исто така избезумен, се вклучи во инцидентот и мораше да биде задржан од редарите. Според сведоци, токму тој момент можел да се претвори во физички судир.

Жоао Палиња, стрелецот на еден од головите, се обиде да ја смири ситуацијата, зборувајќи со ладна глава и повикувајќи на трпение и единство.

Навивачки бунт и Франков товар

Незадоволството на навивачите не е ново. Тие веќе неколку кола по ред го искажуваат револтот – свирежите по ремијата со Брентфорд и Сандерленд беа само предговор на оваа сцена.

Масло на огнот додал и потегот на тренерот Томас Франк, кој неодамна бил виден со чаша со обележја на Арсенал – потег што навивачите го сметале за провокација.

Гласот на разумот

По мечот, Палиња пред камерите на „Sky Sports“ се обиде да внесе мир:

– Навивачите имаат право да се лутат. И ние сме разочарани. Но сите сме на иста страна. Работиме напорно и победите ќе дојдат. Само ако бидеме заедно – рече Палиња.

Франк, пак, со воздржан тон изјави дека не го видел инцидентот, но дека фрустрацијата е разбирлива:

– Тешко е да се гледа пораз во последна минута. Но второто полувреме беше добро. Верувам дека сме на вистинскиот пат.

Клуб на крстопат

Ситуацијата во Тотенхем изгледа нестабилна. Само една победа во последните шест натпревари, растечки тензии меѓу навивачите и фрустрација кај играчите го оставаат клубот во осетлив момент.

Наредните мечеви ќе бидат повеќе од резултатска битка – тие ќе решат дали тимот ќе се спаси од внатрешен колапс или ќе потоне во нова криза.

The post 📽️ НЕВЕРОЈАТНО, ИГРАЧИТЕ САКАА ДА СЕ ПРЕСМЕТААТ СО НАВИВАЧИТЕ Тотенхем во срам и сенка по поразот appeared first on plusinfo.mk.

Фудбалерот на Манчестер сити, Ерлинг Халанд, го престигна поранешниот напаѓач на Манчестер јунајтед, Кристијано Роналдо, на листата на голови во Премиер лигата.

Норвежанецот постигна два гола во денешната победа од 3:0 над Вест Хем во 17. коло од Премиер лигата. Халанд сега има 104 гола во Премиер лигата, еден повеќе од Роналдо. Норвежанецот ја достигна оваа бројка во 114 лигашки настапи, додека на Португалецот му беа потребни 236 натпревари.

Кристијано Роналдо играше за Манчестер јунајтед од август 2003 до јули 2009 година и од август 2021 до ноември 2022 година.

The post СОБОРЕН РЕКОРДОТ НА РОНАЛДО Халанд испиша нова страница во англискиот фудбал appeared first on plusinfo.mk.

Сер Алекс Фергусон, најтрофејниот менаџер во историјата на Манчестер Јунајтед, остро го крена прашањето за „ливерпулски синдром“ кај Црвените ѓаволи.

Легендарниот стратег тврдеше дека клубот би можел да чека 10 или 11 години за следна Премиер лига титула. Фергусон поврза период од 3 децении на Ливерпул без шампионски трофеи со сегашната состојба на Јунајтед.

Рубен Аморим, актуелен тренер на Манчестер Јунајтед, одговори дека разбира фудбал подобро од повеќето луѓе, но дека „нема да чекаме толку долго“.

“He understands football more than me – especially English football. I think we will not take that long to win a league… I truly believe we can fight for the title in the next years”

Ruben Amorim responds to Sir Alex Ferguson’s comments that #MUFC could be 10 years from… pic.twitter.com/5BUePzphhs

— Stretford Paddock (@StretfordPaddck) December 19, 2025

Тој откри дека во кампот постои чувство на привилегираност кај некои млади играчи. За актуелниот тренер проблематично е што Хари Амас и Чидо Оби, кои објавувале слики од свои успеси пред тренерот да ги оцени како неподготвени за првиот тим.

– Треба да се бориме со ова чувство. Вратата од мојата канцеларија е отворена, но никој не доаѓа да разговара со мене – истакна Аморим.

Тој се осврна и на ситуацијата со Коби Меину, чиј полубрат носеше маичка со порака „Ослободете го Коби Меину“.

Тренерот потврди дека играчот нема да биде казнет поради постапките на семејството.

The post АМОРИМ МУ ВОЗВРАТИ НА ФЕРГУСОН ЗА „СИНДРОМОТ ЛИВЕРПУЛ“ Ќе чекаме ли 10 години за нова титула на Јунајтед? appeared first on plusinfo.mk.

Манчестер Сити му одржа лекција на Ливерпул, победувајќи го со 3:0 на „Етихад“ во дербито од 11. коло во Премиер лигата. Тимот на Пеп Гвардиола го прослави својот 1.000-ти натпревар во тренерската кариера со триумф кој ја потврди доминацијата на „граѓаните“, јави Би-Би-Си.

Во првите минути Жереми Доку покажа зошто е новата сензација на клубот. Со неверојатна енергија и агресија, го натера противникот на грешки во шеснаесетникот. По еден судир со Мамардашвили, судијата досуди пенал за домаќините, но Ерлинг Халанд не успеа да го совлада грузискиот голман.

Меѓутоа, неколкуте промашени шанси не го поколебаа тимот. По половина час, Нунес центаршутираше од десно, а Халанд конечно погоди. Тоа беше сигнал за целосна доминација.

На самиот крај од првото полувреме, Ван Дајк мислеше дека израмнил по корнер, но голот беше поништен поради офсајд на Робертсон. Сити веднаш возврати. Нико Гонзалес зголеми на 2:0, а вториот дел само ја запечати судбината на Ливерпул.

Точка на мечот стави Жереми Доку во 63-та минута, откако мина низ одбраната како да не постои.

Ливерпул го запиша четвртиот пораз на гостински терен и со 18 бода падна на осмото место. Сити сега има само четири поени помалку од лидерот Арсенал.

Во следното коло, „граѓаните“ ќе гостуваат кај Њукасл, а Ливерпул ќе го пречека Нотингем Форест.

The post 📽️ СИТИ ГО ПРЕГАЗИ ЛИВЕРПУЛ, ДОКУ ГО ОСВЕТЛИ ЕТИХАД Халанд промаши, но машинеријата на Гвардиола слави appeared first on plusinfo.mk.

Капитенот на Манчестер Јунајтед, Бруно Фернандеш, би можел да го напушти клубот по завршувањето на сезоната, откако премиерлигашот е подготвен да го продаде во Саудиска Арабија за неверојатни 115 милиони евра, пренесуваат англиските медиуми.

Според информациите, најголем интерес за португалскиот плејмејкер покажува Ал Хилал, клуб кој е подготвен да му понуди плата од 800.000 евра неделно, што е двојно повеќе од тоа што моментално го заработува на „Олд Трафорд“.

Иако ова лето Фернандеш ја одби понудата и остана верен на Јунајтед, неговата одлука би можела да се промени поради слабите резултати на тимот. „Црвените ѓаволи“ се наоѓаат на 14. место во Премиер лигата со само седум освоени бодови од можни осумнаесет.

Договорот на 29-годишниот португалец со Манчестер Јунајтед трае до летото 2027 година, но понудата од Блискиот Исток се смета за „предобра за да се одбие“.

Фернандеш е еден од најважните фудбалери на клубот во последните сезони, со 298 одиграни натпревари, 100 постигнати голови и 86 асистенции откако пристигна во 2020 година од Спортинг Лисабон.

Доколку трансферот се реализира, Бруно Фернандеш ќе стане еден од најплатените фудбалери во светот, а Манчестер Јунајтед би добил значителна финансиска инјекција за летниот преоден рок.

The post БРУНО ФЕРНАНДЕШ ГО НАПУШТА МАНЧЕСТЕР ЈУНАЈТЕД Саудијците нудат неверојатни 115 милиони евра за Португалецот appeared first on plusinfo.mk.

Актуелниот шампион на Англија, Ливерпул, го одврза ќесето во летниот преоден рок, трошeјќи околу 300 милиони евра за нови играчи, а пазарот за нив сè уште не е затворен.

Во „Енфилд“ пристигнаа Флоријан Вирц и Џереми Фримпонг од Баер Леверкузен, Уго Екитике од Ајнтрахт Франкфурт, Милош Керкез од Бормут и младиот голман Армин Печи од Пушкаш (Унгарија).

Но Ливерпул не планира да застане тука. Клубот е во активни преговори за англискиот репрезентативен дефанзивец Марк Геи (Кристал Палас), младиот стопер Џовани Леони (Парма) и напаѓачот на Њукасл, Александар Исак, кој веќе изрази желба за трансфер и не тренира со својот сегашен тим.

Од друга страна, „црвените“ се разделија со седуммина играчи, носејќи околу 200 милиони евра во клупската каса. Најголемите трансфери се оние на Луис Диаз во Баерн Минхен и Дарвин Нуњез во Ал Хилал.

Новата сезона во Премиер лигата Ливерпул ќе ја отвори на домашен терен против Бормут, во петок на 15 август.

The post 200 МИЛИОНИ ОД ПРОДАЖБИ, 300 МИЛИОНИ ЗА КУПУВАЊА Ливерпул купи 5 играчи, но не застанува, мерка уште тројца appeared first on plusinfo.mk.

Менаџерот на Манчестер Сити, Пеп Гвардиола, со загриженост зборува за згуснатиот календар и влијанието на Светското клупско првенство врз неговиот тим. Според него, играчите се веќе исцрпени, а ситуацијата би можела да се влоши пред стартот на новата сезона во Премиер лигата.

Сити ја заврши домашната сезона на 25 мај, а новиот натпреварувачки предизвик го почна само три недели подоцна – на 18 јуни во САД. Ако тимот стигне до финалето на 13 јули, ќе имаат само еден месец подготовка пред почетокот на Премиер лигата на 16 август.

– Можам да кажам, слушајте, ние сме катастрофа. Исцрпени сме. Светското клупско првенство нè уништи. Не знам, ова се случува првпат во нашите животи. Ќе видиме – изјави Гвардиола, коментирајќи ја ситуацијата.

Тој се осврна и на ставовите на Јирген Клоп, кој ја критикуваше одлуката за проширување на турнирот на 32 екипи и неговото одржување секои четири години во предсезонскиот период.

– Јирген, се расправавме многу пати… особено кога одевме на состаноци на УЕФА или кога дискутиравме за календарот на Премиер лигата, за тоа како да додадеме поголем квалитет со тоа што ќе им дадеме повеќе одмор на менаџерите и играчите. Затоа неговите коментари не ме изненадија многу… Ги разбирам неговите аргументи затоа што размислувам на ист начин – заклучи Гвардиола.

Граѓаните вечерва играат против Ал-Хилал во Орландо, во осминафиналето од Светското клупско првенство.

The post „КАТАСТРОФА СМЕ ВО СИТИ, СВЕТСКОТО НÈ ИСЦРПИ“ Клубот нема време да одмори пред Премиер лигата appeared first on plusinfo.mk.