Албанскиот премиер Еди Рама, реагираше пред утрешниот ден, кога се очекува Талат Џафери да ја преземе функцијата премиер на техничката влада во Македонија, оценувајќи го како историски момент изборот на прв премиер Албанец.

Во објава на Платформата Х оценува дека „лидерот на ДУИ, Али Ахмети направил многу за правата на Албанците во РСМ“.

„Али Ахмети може целосно да биде критикуван внатре во државата, бидејќи право и должност е на секој што е во опозиција да бара повеќе од секој што е на власт… Но она што направи Али Ахмети за унапредување на правата на Албанците во соседната земја и нивното афирмирање како рамноправни граѓани на Република Северна Македонија, е историска лекција за сите нас и за генерациите што доаѓаат“, пишува тој.

Тој споделува фотографија од Џафери со Ахмети и пишува „момците сакаат моќта да ја препознаат другите, а мажите да прават за другите“.

„И гледајќи ја приложената фотографија од историски момент на патот на албанската заедница, се сетив на мудрите зборови на еден голем политичар „Момците сакаат моќта да ја препознаат другите, а мажите да прават за другите“. Ова би биле совршени зборови за оваа фотографија“, наведува Рама.

Во меѓувреме албанските медиуми, без исклучок пренесуваат информации околу изборот на новата техничка влада, со посебен акцент на изборот на Џафери, за прв Албанец премиер, потсетувајќи дека тој е еден од командантите на ОНА. 

The post „АЛИ АХМЕТИ НИ ОДРЖА ЛЕКЦИЈА НА СИТЕ НАС“ Еди Рама го коментира поставувањето премиер Албанец во Македонија appeared first on plusinfo.mk.

Не е исклучена можноста следната техничка влада да биде формирана без учество на опозициската ВМРО-ДПМНЕ.

Ова денеска го изјави актуелниот претседател на Собранието и иден технички премиер Талат Џафери, откако партијата на Христијан Мицкоски објави дека се двоуми дали да учествува во идната техничка влада.

Но, дали техничката влада без учество на најголемата опозициска партија би имала смисла? Како би функционирала таквата техничка влада и која партија ќе ги „присвои“ ресорите што законски ѝ припаѓаат на опозицијата? Ќе има ли легитимитет таа техничка влада или ќе продолжи да делува како редовна, но со премиер Албанец? Што добива, а што губи ВМРО-ДПМНЕ доколку не влезе во техничката влада?

Инаку, ВМРО-ДПМНЕ го смета Џафери за недостоен за технички премиер, и во следниот период ќе реши дали ќе учествува во преодната влада. Актуелниот координатор на пратеничката група на СДСМ во Собранието Јован Митревски е утврден кандидат за претседател на Собранието.

Техничката влада треба да биде избрана на 28 јануари следната година.

Намален легитимитет

Неучеството на опозицијата во т.н техничка влада, во согласност со Пржинскиот договор, со свои министри и заменици-министри во одредени. со закон утврдени ресори, ќе значи поставување на прашањето за легитимитетот на претстојните избори, бидејќи и смислата за ваков вид влада од 100 дена е токму таа: да се направи институционална контрола во рамки на предизборието, коментира за Плусинфо политичкиот аналитичар Благојче Атанасоски.

Веројатно ова е своевидна пи-ар стратегија на опозициската ВМРО ДПМНЕ за да го зголеми своето гласачко тело не давајќи легитимитет на влада предводена од „Албанец премиер од редовите на криминалната ДУИ“.

Благојче Атанасоски Политички аналитичар

– Целта на формирањето техничка влада е за да се спречи евентуално институционална злоупотреба од страна на власта во нагласување на изборните резултати или користење на ресурсите од институциите, што практиката на повеќепартиски избори во овие три децении и тоа како ни покажала таква политичка „култура“ на однесување кај сите политички партии без разлика на нивниот етнички предзнак. Од друга страна, веројатно ова е своевидна пи-ар стратегија на опозициската ВМРО-ДПМНЕ за да го зголеми своето гласачко тело, недавајќи легитимитет на влада предводена од „Албанец премиер од редовите на криминалната ДУИ“. Сепак, сметам дека разумот ќе преовлада, опозицијата ќе номинира свои претставници и изборите ќе бидат одржани во демократски дух и фер натпревар, и на крајот резултатите ќе бидат признаени од сите како валидни, односно како изразена волја на граѓаните кои излегле да гласаат – коментира Атанасоски.

Крајно време дојде, додава тој, политичките партии конечно да покажат почит кон граѓаните.

– Особено што велиме дека Македонија заслужува да ги започне преговорите со ЕУ, односно сите партии велат дека се проевропски настроени во својата реторика. Ако се такви, тогаш нека се однесуваат така и во предизборната кампања, на самиот ден на гласањето и постизборно. Досега сме се изнагледале разни балкански случаи со македонска мизерија кога станува збор за организирање и учество во еден изборен процес кој треба да биде врв на демократијата, така што мислам дека крајно време дојде да покажат повеќе култура, почит кон граѓаните и кон институциите и цивилизирано европско поведение на претстојните претседателски и парламентарни избори – порача Атанасоски.

Неговиот колега Петар Арсовски вели дека легитимитетот на техничката влада ќе биде намален доколку опозицијата не даде свои претставници, но, како што што објаснува, тоа не значи дека таа влада нема да може да функционира.

– Пржинскиот формат е наменет за да се спречат злоупотреби, а ако такви злоупотреби веќе не постојат, тогаш опозициската ВМРО-ДПМНЕ имаше предлог за целосно укинување на техничката влада. Би било добро кога сите политички партии би дале свои претставници во техничката влада, а ако не се случи такво нешто, тогаш сигурно е дека идната техничка влада ќе има намален легитимитет. Сепак, имајќи предвид дека се работи за последните 100 дена пред избори, јас лично сметам дека техничката влада ќе биде формирана и не очекувам поголеми политички турбуленции – истакна Арсовски.

Можност за развластување

Според пратеникот и член на Извршниот комитет на ВМРО-ДПМНЕ Антонио Милошоски, органите на партијата во следните неколку дена ќе одлучуваат дали опозицијата ќе учествува во техничката влада.

ВМРО-ДПМНЕ, вели Милошоски, треба да учествува во техничката влада за да ги развласти СДСМ и ДУИ.

– Ќе заседаваат Извршниот и Централниот комитет, но сметам дека кога владата ја предводи човек како Талат Џафери, кој безброј пати го прекршуваше Деловникот, кој не го пополнува местото член на ДИК кое ѝ следува на опозицијата, а со месеци го влечка овој оглас и не го става на дневен ред, тогаш тој што би имал намера да не учествува во ваква влада за организирање на избори, може само да им даде поголема шанса на Џафери, Груби, Спасовски да прават малверзации – изјави Милошоски.

Ценам дека министер за внатрешните работи, труд и социјала и тројца заменици во земјоделие, финансии и министерство за информатичко општество и администрација би биле добар влог во зголемување на изборниот систем и намалување на малверзациите на СДС и ДУИ.

Антонио Милошоски ВМРО-ДПМНЕ

Милошоски смета дека доколку партијата донесе одлука да биде дел од техничката влада, министрите кои ќе ги добие ВМРО-ДПМНЕ ќе имаат поголеми шанси да ја направат владата потранспарентна и ќе можат да попречат незаконитости кои планираат да ги прават СДСМ и ДУИ.

– Ценам дека министер за внатрешни работи, труд и социјала и тројца заменици во земјоделие, финансии и министерство за информатичко општество и администрација би биле добар влог во зголемување на изборниот систем и намалување на малверзациите на СДС и ДУИ. Затоа што не е случајно што Фатмир Бесими е шеф на изборен штаб на ДУИ, нему приоритет ќе му биде да создава прилики за ДУИ да го избере тоа министерство за финансии за изборни цели. ВМРО-ДПМНЕ ако учествува во техничка влада таму би имале заменик кој ќе се обиде тоа да го спречи – рече Милошоски.

Законска обврска?

За најавите на опозициската ВМРО-ДПМНЕ дека ќе размисли дали ќе учествува во техничката влада, премиерот и лидер на СДСМ, Димитар Ковачевски, вели дека тоа е законска обврска.

– Таа законска обврска е наведена во Законот за влада, во законот за избори и сметам дека сите политички партии треба да ја испочитуваат својата законска обврска, исто како што е моја законска обврска на 100 дена пред изборите да поднесам оставка, што ќе го направам. Исто така е и обврска на сите политички партии да учествуваат во изборниот процес, оти во спротивно се става една дамка во изборниот процес, без никаква потреба – рече Ковачевски.

Од опозициската ВМРО-ДПМНЕ велат дека нема да учествуваат во таа техничка влада, но мислам дека тоа ќе им биде грешка.

Ристо Пенов Министер за локална самоуправа

Тој потсети дека неодамна, како што кажа, имало успешна лидерска средба на која со исклучително широк консензус беше договорен датумот за претседателски избори и датумот за парламентарните избори во редовен термин, а беше поддржано дека ќе имаме техничка влада.

– Нема да има промена на Изборниот законик во тој дел и на Законот за влада, што значи дека сите политички партии треба да учествуваат во изборниот процес така како што е предвиден согласно закон и на крајот да имаме демократски избори, како што имавме во изминатиот период по 2016 година и да добиеме и претседател на држава, и Парламент, а се разбира и Влада и Северна Македонија да продолжи во своите евроинтеграции – рече Ковачевски.

Министерот за локална самоуправа од ЛДП Ристо Пенов, пак, смета дека зад барањето на ВМРО-ДПМНЕ да нема техничка влада се крие тоа да нема премиер Албанец, иако велат дека не сакаат премиер од ДУИ.

– Талат Џафери покажа и како министер и како претседател на Собрание дека е капацитетен и дека може да ја обавува функцијата на технички премиер. Од опозициската ВМРО-ДПМНЕ велат дека нема да учествуваат во таа техничка влада, но мислам дека тоа ќе им биде грешка – вели Пенов.

The post ТЕХНИЧКА ВЛАДА БЕЗ ОПОЗИЦИЈА, ЗВУЧИ ШАШАВО АМА ФУНКЦИОНИРА?! Кој добива, а кој губи ако ВМРО-ДПМНЕ не предложи свои министри appeared first on plusinfo.mk.

Од ДУИ велат дека тогашната кампањата препознатлива по мотото „Pse jo“ имала за цел да се урне табуто дека Албанец не може да биде премиер во Македонија.

Откако не беше избран за премиер, Собранието го именуваше за Народен правобранител.

Потпретседателот на ДУИ и актуелен МНР Бујар Османи вели дека исто така било и со изборот на претседателот на Собранието, по што беше избран Талат Џафери.

Сега, согласно договорот Ахмети-Заев, последните 100 дена од оваа влада треба да ги води технички премиер – Албанец и тоа од ДУИ, како што инсистираат интегративците.

Насер Зибери се согласува дека целта била да се урне табуто за премиерската функција, смета дека не треба да се заборави дека во таа кампања таа функција имала име и презиме – неговото.

Тој ја отфрла можноста одново да биде кандидиран за премиерска функција и дека за ова разговарал со Али Ахмети.

– Пред 10 дена имав средба со претседателот Ахмети на којашто требаше да разговараме за прашањето за кандидатот за премиер. Тој ги изложи сите можни опции, констелацијата на извештаи на политичката сцена додека ги искажував моите ставови за прашањето за мојот евентуален ангажман – изјави Насер Зибери за ТВ21

Реков дека не е добро да се напушти оваа институција Народен правобранител во последните три месеци и потоа да не се знае како ќе се одвива нејзината идна активност, со што господинот Ахмети целосно се согласи, вели Зибери.

Позицијата премиер Албанец во последните 100 дена е дел од договорот на владината коалиција меѓу двете партии на власт, СДСМ и ДУИ.

The post НАСЕР ЗИБЕРИ МУ КАЖАЛ „НЕ“ НА АЛИ АХМЕТИ Народниот правобранител не сака да биде 100 дена премиер appeared first on plusinfo.mk.

Повеќе медиуми извесно време објавуваат шпекулации за постоењето непомирливи поделби во врвот на СДСМ, поради нискиот рејтинг на партијата, неуспехот да се наметнат уставните промени, инфериорната положба во Владата кон кадрите на ДУИ и поради наследените поделби во партијата уште од времето на Заев.

СДСМ поделен на три табори

Анализирајќи ги тие шпекулации и истражувајќи, утврдивме дека раководството на СДСМ во овој момент е поделено на три табори.

Првиот табор го предводи претседателот Ковачевски, кому му е целосно верен само министерот Бојан Маричиќ. Последната надеж на тандемот Ковачевски – Маричиќ е ДУИ, заедно со странските дипломати, некако да успее во последен момент да го принуди ВМРО-ДПМНЕ да гласа за уставните промени за внесувањето на Бугарите во Уставот.

Но, Плусинфо дознава дека тој план, како и планот за враќањето на Никола Груевски (кој би создал фракција во ВМРО-ДПМНЕ), веќе се напуштени од западните дипломати. Тие сега имаат нов мастер план за решавање на политичката криза во Македонија, а Ковачевски веќе ја игра својата нова ролја. За тој план малку подоцна…

Вториот табор во СДСМ го предводи Оливер Спасовски, актуелниот министер за внатрешни работи. За Спасовски велат дека е човекот кој има најголем потенцијал да го преземе кормилото на СДСМ, по очекуваниот тежок пораз на партијата на претстојните избори во мај 2024 година. Со зачестените контакти со поранешниот лидер Зоран Заев и со нему блиски луѓе, контакти што внимателниот Спасовски ги одржува формално и транспарентно, Кумановецот испраќа јасни пораки дека смета на поддршката на Заев и на неговите структури во партијата. А сите кои ги познаваат Струмичанецот и СДСМ, знаат дека моќта на Заев во партијата не треба да се потцени.

Третиот табор се остатоците од некогашното „скопско крило“, кое по доаѓањето на Зоран Заев на кормилото во 2013 година е во постојано опаѓање. За неформален лидер на овој табор се смета Радмила Шеќеринска. Со ова крило повремено кокетирал генералниот секретар Миле Зечевиќ, кој сѐ уште му е лојален на Ковачевски. Сепак, некои сметаат дека фронтмен на овој табор би можел да биде Петре Шилегов, поранешниот градоначалник на Скопје.

До Плусинфо допреа шпекулации дека пред извесно време, токму на барање на Шилегов, кон кое се придружиле и некои други членови на раководството на СДСМ, Ковачевски свикал состанок на врвот, на кој се разговарало за состојбите и во партијата и во државата. Се шпекулира дека и Шилегов и неколку други членови на раководството биле нагласено критички настроени, а Ковачевски и Маричиќ останале осамени, бранејќи се со единствената анкета на јавното мислење во која СДСМ стои подобро од ВМРО-ДПМНЕ, анкетата на Фокус од почетокот на октомври годинава.

Нова проценка, нов план

Плусинфо од добро упатени извори дознава дека овие настани во СДСМ не се случајни. Неколку луѓе од естаблишментот сигурно се запознаени со новиот мастер план за решавање на политичката криза: Али Ахмети, Артан Груби и Бујар Османи, Димитар Ковачевски и Бојан Маричиќ, Оливер Спасовски и веројатно и Радмила Шеќеринска, а секако и лидерот на ВМРО-ДПМНЕ Христијан Мицкоски. Затоа сите сега се позиционираат според тој план, или според сопствените предвидувања за тоа што може да се очекува на претстојните избори и потоа.

Се виде дека има „промена на серва” кога Бујар Османи, пред извесно време, прв пат изјави дека за ДУИ е прифатливо претседателските и парламентарните избори во 2024 година да се одржат заедно. Потоа премиерот Димитар Ковачевски даде чудна изјава дека и едните и другите избори ќе се одржат во редовниот термин во мај 2024 година. На крајот, Ковачевски закажа лидерска средба за декември, а Мицкоски најверојатно ќе дојде, откако претходно ја промовираше идејата за укинување на Пржинската влада која треба да ѝ претходи на изборите.

Како така одеднаш се случи ова неочекувано приближување, коешто води до можен плоден дијалог на лидерската средба во декември? За добро упатените, нема тука голема тајна – на оваа средба ќе биде презентиран мастер планот на западните дипломати (целосно или делумно), кој е подготвен врз основа на разумната проценка дека ВМРО-ДПМНЕ ќе биде голем победник на претстојните парламентарни, а и можен победник на претстојните претседателски избори.

Домашниот есап по амбасадите не се потврди на „пазарот“

Добро упатен извор го брифираше Плусинфо дека западните дипломати конечно се откажале од идејата со сила да ги наметнат уставните промени, да го искористат Никола Груевски за предизвикување внатрешни поделби во ВМРО-ДПМНЕ и да го поддржат Димитар Ковачевски во неговата намера на изборите поразениот СДСМ со сите албански партии заедно да формира малцинска влада.

Во дипломатските кулоари преовладува оценката дека ВМРО-ДПМНЕ има реален потенцијал да освои околу 50 пратенички мандати, а расте и рејтингот на радикализираната Левица. Од друга страна, неизвесно е што ќе се случува во албанскиот политички блок. ДУИ има најголеми шанси за успех, но албанската опозиција не е за потценување, а нејзиниот кандидат за претседател на државата би можел да освои најмалку 100.000 гласови.

Еден таков скор ги доведува под знак прашање шансите на претседателскиот кандидат на СДСМ (најверојатно Стево Пендаровски) да го победи противникот од ВМРО-ДПМНЕ со гласовите на Албанците. Веројатно затоа, како што дознава Плусинфо, западните дипломати имаат свој фаворит и меѓу потенцијалните претседателски кандидати на ВМРО-ДПМНЕ.

Со вакви претпоставки е подготвен новиот мастер план на западните дипломати, чија цел е после изборите Македонија да добие стабилна влада, со неспорен политички мандат да биде стабилен партнер на САД, на НАТО и на ЕУ во претстојните турбулентни времиња.

Ова се деталите на новиот мастер план

Ова се деталите на тој план што ги дозна Плусинфо.

1. Димитар Ковачевски и Христијан Мицкоски ќе се договорат парламентарните и претседателските избори да се одржат заедно, следната година во мај, при што како клучен термин се спомнува 8 мај.

2. Ковачевски и Мицкоски ќе се договорат да се укине Пржинската влада, под услов лидерот на ВМРО-ДПМНЕ да не се противи Ковачевски да го исполни ветувањето премиерската фотелја во последните 100 дена да му припадне на Албанец избран од ДУИ. Тоа би било и условот Али Ахмети да го прифати укинувањето на Пржинската влада. Има само еден начин премиер да стане Албанец во ваква комбинација – тоа е Димитар Ковачевски да поднесе оставка од премиерската функција, по што би била избрана нова влада на чело со премиер Албанец. Мицкоски, во принцип, не би требало да има ништо против оваа рокада, која ионака би била на штета на рејтингот на СДСМ.

3. По оставката од премиерската функција, Димитар Ковачевски веднаш ќе поднесе оставка и на функцијата претседател на СДСМ, дознава Плусинфо. Се шпекулира дека Ковачевски веќе е во потрага по нов професионален ангажман, а се тврди дека најверојатно би заминал во САД. За Бојан Маричиќ, пак, би се нашол некаков професионален ангажман во Брисел.

Најголеми шанси да биде нов лидер на СДСМ има Оливер Спасовски. Има мислења дека токму Спасовски има потенцијал да ги обедини таборите во СДСМ и да ја предводи кампањата на изборите, заедно со повеќе партиски ликови како фронтмени во кампањата и со позадинската поддршка од Зоран Заев. Спасовски би бил претседателски кандидат само ако процени дека ќе победи, во спротивно СДСМ ќе се натпреварува со Стево Пендаровски.

4. Пред, а особено после изборите, од позиција на победник, ВМРО-ДПМНЕ ќе оствари полесна комуникација и кохабитација со СДСМ без Ковачевски на кормилото. Плусинфо ексклузивно пишуваше за контактите на Христијан Мицкоски со Зоран Заев кон крајот на 2022 година и за нивниот план за заедничка влада на СДСМ и ВМРО-ДПМНЕ после изборите. Дознаваме дека такви контакти во овој момент нема, но постои расположение да бидат обновени веднаш после изборите и по очекуваните промени во врвот на СДСМ.

5. Парламентарните избори на ВМРО-ДПМНЕ треба да му донесат победа, со скор од 50 до најмногу 61 пратеник. Ако се случат очекуваните промени во СДСМ, но и ако дојде и до извесни кадровски освежувања во ДУИ, западните дипломати веројатно ќе ги охрабрат актерите после изборите да состават една широка, концентрациона влада, предводена од победникот Христијан Мицкоски, влада во која би имало место и за победникот во албанскиот политички блок.

Нема да биде лесно да се оствари таа цел, бидејќи ВМРО-ДПМНЕ и ДУИ на сцената разменуваат воинствена реторика, иако имаат и канали на нормална комуникација. После изборите политичкиот пејсаж во Македонија веројатно ќе биде значително променет: ВМРО-ДПМНЕ ќе биде победник (кому му личи да му подаде рака на поразениот, како во бокс мечевите); СДСМ ќе биде без Ковачевски, веројатно и без Миле Зечевиќ и без некои други кадри, но затоа со нов лидер, со старо-нови фаци во раководството и со нови надежи; во ДУИ би можело да дојде до “ветинг” и до “зазеленување” на врвот; албанската опозиција би можела да се обедини; Левица веројатно ќе освои одличен скор на изборите, но и натаму ќе се радикализира, со амбиции да го понесе опозицискиот бајрак; во случај на неуспех на претседателскиот кандидат на СДСМ, би имале нов шеф на државата, најверојатно во ликот на Гордана Силјановска или во ликот на помладиот Александар Спасеновски… На политичката сцена ќе има нови ликови, со нови позиции и капацитети, а тоа е услов за креативна политичка игра.

6. Конечно, овој најнов мастер план почива и на еден факт што тешко може да се одрече – на Македонија ѝ е неопходна сериозна иницијатива за надминување на трагичната поделеност и на големите конфликти во општеството. Тие конфликти ги оневозможуваат реформите на секој план. Идејата дека предводник на намалувањето на конфликтноста и на помирувањето можат да бидат личности и партии без политички легитимитет, осилени само со поддршка од западните дипломатски кругови, конечно пропадна. Шансата да поведат такви иницијативи ќе им припадне на партиите и на лидерите победници на претстојните двојни избори. Тоа за ВМРО-ДПМНЕ и за Христијан Мицкоски ќе биде достоен предизвик и можност за етаблирање на подолг период.

The post ТАЧЕ ВО АУТ, ОЛИВЕР НА ЧЕЛО НА СДСМ, ХРИСТИЈАН ПРЕМИЕР НА ШИРОКА ВЛАДА? Западните дипломати се помирија со поразот на СДСМ на претстојните избори и сковаа нов план appeared first on plusinfo.mk.

Според него, партијата сè уште нема официјален став во однос на ова прашање, но се прават, како што вели, координации на дневна основа и сите опции се отворени.

Османи велидека ДУИ очекува да се реализира политичкиот договор со СДСМ во последните 100 дена пред избори Владата да ја води премиер Албанец, отфрлајќи ги како неточни јавните наводи дека технички премиер би можел да биде Фатмир Битиќи, кадар на СДСМ.

Османи потврди дека американскиот државен секретар Ентони Блинкен ќе присуствува на министерскиот совет на ОБСЕ, што ќе биде прва посета на шеф на американската дипломатија во Македонија по онаа на Колин Пауел во 2001 година.

The post ДУИ ПРИФАЌА ПРЕТСЕДАТЕЛСКИТЕ И ПАРЛАМЕНТАРНИТЕ ИЗБОРИ ДА СЕ ОДРЖАТ ЗАЕДНО Битиќи не може да биде договорениот премиер Албанец appeared first on plusinfo.mk.

– Политичките гласини немаат никаква важност, како и сите други шпекулации, но некои од нив се повеќе чувствителни, како што е примерот дека ми било понудено да бидам премиер. Оваа вест не е точна – рече Таравари во изјава за ТВ21.

Информацијата ја објавија повеќе медиуми на албански јазик не наведувајќи кој е изворот на веста.

Во информацијата се вели дека ДУИ ѝ предложила на Алијанса да ја преземе функцијата премиер, во замена за тоа партијата на Таравари на изборите да биде дел од т.н. заедничка листа.

Неодамна, самиот Таравари истакна дека неговата партија ќе оди самостојно на изборите.

The post НЕ ПЛАНИРАМЕ НИКАКВА ТРАМПА СО ДУИ Таравари тврди дека не добил понуда да биде првиот премиер-Албанец appeared first on plusinfo.mk.

Џафери вели дека освен тоа што во последните 100 дена со земјава ќе раководи премиер-Албанец, сепак, постои можност и по изборите да остане премиер-Албанец.

– Станува збор за политички договор на ова мнозинство во последните 100 дена од Владата да ја води премиер-Албанец. Прашањето за премиерот-Албанец е веќе дефинирано од овој парламентарен состав и беше тема на политичка расправа во составот на сегашното парламентарно мнозинство. Тоа е политички договор за совладеење во овој мандат, кој предвидува во последните 100 дена од овој парламентарен состав со техничката Влада да раководи премиер-Албанец – објасни Џафери, пренесе ИНА.

Запрашан дали постои можност и по новите избори да има премиер-Албанец, тој одговори дека тоа зависи од консензусот на мнозинството по изборите.

The post ПРЕМИЕР-АЛБАНЕЦ ЌЕ ИМА ПРЕД ИЗБОРИТЕ, А МОЖЕБИ И ПО ИЗБОРИТЕ Џафери вели дека сè зависи од консензусот на мнозинството appeared first on plusinfo.mk.

Ова прашање вчера му беше поставено на потпретседателот на СДСМ и вицепремиер за економски прашања Фатмир Битиќи, кој во студиото на ТВ21 одговори дека е подготвен за доброто на државата да се согласи со условите што му се поставени.

– Јас сум првиот што седнува и зборува за помирување, ако резултатот од тоа помирување може да донесе појасна иднина за државата и идните генерации кои треба да живеат овде – рече Битиќи и појасни дека вклучено е и враќањето на Груевски.

Тој, сепак, потенцираше дека „помирувањето не значи амнестија“.

– Помирувањето може до некаде да ја ублажи казната. Нема простување на дела – истакна Битиќи.

Вицепремиерот повтори дека прв албански премиер останува дел од договорот меѓу партнерите од коалицијата СДСМ и ДУИ, и не ја исклучи можноста токму тој да ја извршува оваа функција.

– Тоа може да се поништи само со нов договор меѓу двајцата лидери на двете партии кои го направија овој договор. Подадената рака за договор останува подадена рака и останува дека во последните 100 дена ќе има премиер Албанец – рече Битиќи.

The post ПОМИРУВАЊЕ МОЖЕ ДА ЗНАЧИ УБЛАЖУВАЊЕ НА КАЗНАТА, НО НЕ И ПРОСТУВАЊЕ НА ДЕЛА Битиќи би се „помирил“ со Груевски за доброто на државата appeared first on plusinfo.mk.

Зибери во интервју за весникот ЛАЈМ вели дека Ахмети го жртвува ветувањето за „албанскиот премиер“ за поголем државен и национален интерес, како што е отворањето на патот на земјата кон членство во Европската Унија.

– Претпоставувам дека претседателот на ДУИ ја има разгледано оваа работа и дека најголем интерес на Албанците и на општеството воопшто е почетокот на преговорите за уставни измени како услов без кој не можат да започнат преговорите со ЕУ. Сето ова е во функција на убедување на најголемата партија ВМРО-ДПМНЕ да ги поддржи уставните измени. Ова е резултат на таа средба Ковачевски-Мицкоски на која ВМРО-ДПМНЕ, меѓу другото, бараше Влада без ДУИ. Претпоставувам дека Ахмети сака на некој начин да му ја фрли топката на претседателот на ВМРО-ДПМНЕ и да го остави без аргументи зошто сѐ уште одбива да ги поддржи уставните измени. Што се однесува до прашањата, дали се чувствувам изманипулиран – и да сум на чело на ДУИ, во ситуација кога два интереси се еднакви, би го избрал поголемиот интерес, општиот, а не теснопартискиот. Се жртвува интерес, односно се откажува од партиски интерес за општ, државен, национален итн. Во оваа насока, јас сум тотално на истото мислење – вели меѓу другото Насер Зибери.

The post ЛИДЕРОТ НА ДУИ ДОНЕСЕ ПРАВИЛНА ОДЛУКА, И ЈАС БИ ИГРАЛ ТАКА Зибери вели дека Ахмети го жртвувал „албанскиот премиер“ оти сака да ја види земјава во ЕУ appeared first on plusinfo.mk.

Стоилковски нагласи дека не само што голем дел од јавноста го перцепира Ковачевски како нелегитимен премиер, туку и коалициските партнери во владата го гледаат само како привремен премиер кој наскоро ќе биде сменет.

– Привремен премиер на кого ДУИ му ги брои месеците пред да го сменат, без авторитет ниту во државата ниту од министрите во владата. Премиерот што го најавува Османи е продолжение на процесот на дуизација на институциите од меѓународната заедница оценети како корумпирани – рече Стоилковски.

Тој на истата прес конференција го повика Оливер Спасовски да не се крие зад флоскули на Фејсбук и да одговори колку криминалци со досие добиле дозвола за оружје.

– Дали Каришиќ со комисијата составена од Оливер Спасовски дал одобрение за оружје за Шукри Асани, лице со досие, осомничен за транспорт на кокаин, член на криминалната група од Грчец, меѓу првите десет за проверка во Скопје? Чуму листа на криминалци со досиеја за тежок криминал, чуму проверки, покривање, следење и обработка, чуму план „Безбеден град“, ако Каришиќ со комисијата на Спасовски им дава дозвола за оружје? Колку криминалци со досие добиле дозвола за оружје од комисија составена од Оливер Спасовски? Ова се прашања коишто не смеат да се игнорираат – изјави Стоилковски.

The post И ЗА ДУИ КОВАЧЕВСКИ Е САМО ПРИВРЕМЕН ПРЕМИЕР Стоилковски од ВМРО-ДПМНЕ за најавите дека наскоро ќе имаме премиер-Албанец appeared first on plusinfo.mk.