Силни дождови и бурни ветрови денеска го погодија Северниот Остров на Нов Зеланд, предизвикувајќи сериозни нарушувања во сообраќајот и снабдувањето со електрична енергија. Илјадници домаќинства и компании останаа без струја, а делови од патната мрежа беа затворени.

Поголемиот дел од летовите до и од главниот град Велингтон беа откажани или одложени во утринските часови, соопштија аеродромските власти. Националниот авиопревозник „Air New Zealand“ ги суспендираше летовите кон и од аеродромите во Велингтон, Нејпиер и Палмерстон Норт, јавуваат локалните медиуми.

Покрај воздушниот сообраќај, прекинати беа и дел од железничките линии и фериботските врски, што дополнително го отежна движењето на населението.

Според официјалните информации, повеќе од 30.000 станбени и индустриски корисници останале без електрична енергија, од кои речиси 10.000 во Велингтон. Надлежните служби работат на отстранување на дефектите, но предупредуваат дека временските услови ја отежнуваат интервенцијата.

Властите апелираа граѓаните да избегнуваат непотребни патувања, а неколку училишта во погодените области останаа затворени.

– Имавме многу тешка ноќ и нашите пожарникари сè уште реагираат на повиците – изјави шефот на Националната служба за вонредни ситуации, Кен Купер.

Тој додаде дека повеќе од половина од вкупно 852 повици примени во текот на ноќта биле од областа на Велингтон.

Надлежните најавуваат внимателно следење на состојбата и ги повикуваат граѓаните да ги почитуваат безбедносните препораки додека трае невремето.

The post НЕВРЕМЕ ГО ПАРАЛИЗИРА НОВ ЗЕЛАНД Илјадници без струја, летови откажани, запрени фериботи и возови appeared first on plusinfo.mk.

Воздушниот простор на Грција е целосно затворен од претпладнево, откако технички проблеми со радиофреквенциите спречуваат нормално полетување и слетување на сите авиони на грчките аеродроми, јави дописничката на МИА од Атина.

Според информации од Министерството за транспорт на Грција, проблемот се однесува на одредени фреквенции кои ја поддржуваат работата на ФИР Атина, односно воздушниот простор на целата земја. Надлежните институции веќе работат на решавање на проблемот со цел да се зачува апсолутна безбедност на летовите. Во меѓувреме, само дел од прелетите се опслужуваат, а на аеродромите се воведени ограничувања.

Грчките медиуми јавуваат дека авионскиот сообраќај е во прекин од околу 9 часот утрово, а дел од летовите кои требало да слетаат во Грција се пренасочуваат кон соседните земји, пред сè кон Турција. Патниците се известуваат за доцнење или промена на аеродромите за слетување.

The post ЦЕЛОСНО ПРЕКИНАТ АВИОСООБРАЌАЈОТ ВО ГРЦИЈА Технички проблем со радиофреквенции го затвори воздушниот простор appeared first on plusinfo.mk.

Претходно, Американскиот геолошки институт соопшти дека земјотресот бил со интензитет од 4,7 степени според Рихтеровата скала.

Летовите беа кратко прекинати на меѓународниот аеродром „Џон Ф. Кенеди“, пред да продолжат, додека пристигнувањата на аеродромот „Њуарк либерти“ беа дозволени постојано, соопшти сојузната управа за авијација, пренесува Си-Ен-Ен.

Земјотресот бил почувствуван и во неколку други сојузни држави, вклучувајќи ги Мејн, Конектикат, Њу Хемпшир и Њу Џерси.

По земјотресот накратко беше прекината и седницата на Советот за безбедност во седиштето на Обединетите нации во Њујорк. Претходно, Американскиот геолошки институт соопшти дека земјотресот бил на длабочина од 10 километри.

The post ЗЕМЈОТРЕСОТ КРАТКО ГИ ПРИЗЕМЈИ АВИОНИТЕ Летовите во Њујорк привремено беа во прекин appeared first on plusinfo.mk.