Министерот за економија, Бесар Дурмиши денеска изјави дека нема драстично зголемување на цените на основните прехранбени производи.

Тој рече дека поскапувања има само кај сезонски производи кои не спаѓаат во делот на основните прехранбени.

-Денеска се слушнав со директорот на пазарниот инспекторатот. Утре до владата ќе биде доставена информацијата за вонредните контроли во мај. Ќе не известат точно како се движеле цените по завршување на мерката. Од она што знам засега, нема драстично зголемување на цените, само на производи кои се сезонски, но тие не спаѓаат во делот на прехранбените основни производи – рече Дурмиши.

The post НЕМА ДРАСТИЧНО ПОСКАПУВАЊЕ ЗА ПРЕХРАНБЕНИТЕ ПРОИЗВОДИ Дурмиши сепак знае дека сезонските производи се „солени“ appeared first on plusinfo.mk.

Црногорската владата ги ограничи маржите во трговијата на големо и мало на 66 прехранбени и хигиенски производи. Во однос на претходната кампања „Ограничени цени“, сега на листата се додаваат и овошје, зеленчук, нешто повеќе видови месо и средства за лична хигиена.

Акцијата вклучува исти производи и исти грамажи на неколку производители, а маржата се ограничува на 10% за прехранбениот сектор, како и во продавниците на големо и мало.

Одлуката не се однесува на малите бизниси и тие ќе бидат изземени од неа, а ќе важи до 31 јануари 2025 година.

Како што соопштија владините претставници, во сила е и претходната мерка, која ги ограничува маржите за 5 основни прехранбени производи, на 5% во трговијата на големо и 5% во трговијата на мало. Со неа беа опфатени пченично брашно (тип 400 и 500), гранулиран шеќер, сончогледово масло за јадење и кујнска сол по килограм без разлика на тежината.

Премиерот на Црна Гора Милојко Спајиќ изјави дека Одлуката за ограничување на цените е важна за мнозинството граѓани, како и дека годишната стапка на инфлација во јули годинава е најниска од 2021 година.

– Инфлацијата веќе не е проблем, туку високите цени на производите се и сега таргетираме високи цени кои ги оптоваруваат граѓаните. Поскапувањето на производите од 2020 година до денес најмногу се случи за време на 43-та Влада и тоа беше 80% од поскапувањето, а само мал дел од поскапувањето се случи за време на оваа влада. Оваа мерка ќе таргетира и многу поголем опфат, а го имавме предвид и мислењето на граѓаните. Оваа одлука резултира со реално намалување на цената за над 1.000 артикли – рече Спајиќ.

The post НЕ Е ПРОБЛЕМ ИНФЛАЦИЈАТА, ТУКУ ВИСОКИТЕ ЦЕНИ Црна Гора ги ограничи маржите на 66 прехранбени производи appeared first on plusinfo.mk.

Увозниците повеќе нема да плаќаат царини за производи за широка потрошувачка и за суровини, полупроизводи и машини. Царините за увоз на земјоделски производи остануваат во сила, информираат од Министерството за економија (СЕКО).

Со тој потег државата ќе загуби околу 600 милиони швајцарски франци (645 милиони евра) годишен приход, објави во вторникот Министерството. Поволниот ефект врз економијата и граѓаните беше проценет на 860 милиони франци (924 милиони евра).

Сумата вклучува 490 милиони франци заштеда за фирмите на царина и најмалку 100 милиони за административни процедури.

Како што објасни експертот за СЕКО, Томас Цимерман, во последните години царините сочинуваа само околу 1,5 отсто од државните приходи, а тие ја намалија конкурентноста на швајцарската економија и поддржаа високо ниво на цени, значително повисоки отколку во соседните земји.

Досега, Швајцарија има склучено договори за слободна трговија со Европската унија и уште 43 земји или групи земји.

The post ШВАЈЦАРИЈА НАЈДЕ РЕШЕНИЕ ЗА ВИСОКИТЕ ЦЕНИ Укина царини на производи за широка потрошувачка appeared first on plusinfo.mk.

Министерот Крешник Бектеши на денешната прес-конференција информира дека во иднина сите трговци и производители ќе можат да организираат акции со намалени цени.

– Оваа одлука ја донесовме бидејќи компаниите се жалеа дека не можат дополнително да ги намалуваат цените – рече Бектеши.

Според Бектеши, граѓаните ќе можат да купуваат производи со гарантирана цена до крајот на годината, а до тогаш ќе се донесе новото законско решение за нефер практики.

Претходната мерка за намалени цени беше со рок до крајот на ноември. При тоа за основа се зема цената од 1 август, намалена за 10%.

The post СÈ ЌЕ МОЖЕ ДА СЕ ПРОДАВА НА АКЦИЈА ВО СУПЕРМАРКЕТИТЕ Гарантираните цени ќе останат до Нова година, реши владата appeared first on plusinfo.mk.

The post ГРИЗ, ФЕФЕРОНИ, ЛУТЕНИЦА, СИРЕЊЕ И УРДА СЕ НА СПИСОКОТ НА ЛУКСУЗ Дали граѓаните да јадат леб и сол? прашува ВМРО-ДПМНЕ appeared first on plusinfo.mk.

Сепак, Битиќи, се согласува дека списокот треба да се ревидира за одредени производи и тоа на следната владина седница.

– Има одредени реакции за одредени продукти. Штом ја добиеме листата, во вторник може да се ревидира одлуката. Реакцијата е за 10 до 15 продукти – рече Битиќи.

Тој се согласува дека некои од производите не треба да бидат во графа луксузни, а некои не.

– Се согласувам дека млечен намаз со висока масленост од овчо млеко, треба да биде во несекојдневен основен продукт и да има стапка од 10%. Такви работи сметам дека треба да се сменат. Треба јасно да се каже за кои продукти се однесува – рече Битиќи.

Вицепремиерот рече дека со одлуката за зголемување на ДДВ се опфатени 358 категории производи, не 1.000 и дека погрешно е прочитана, но не знаеше да каже зошто ајварот останува со 5%, а лутеницата со 10% повисок данок.

Според него, одлуката има два дела – продукти коишто спаѓаат во повластена даночна стапка од 5% и таму е дефинирано за разлика од претходното дефинирање во законот.

– Понатаму, можам да ве насочам во одлуката која е на 66 страници. Има вкупно 358 продукти или царински тарифи со одредени продукти кои спаѓаат во новата стапка од 10%. Ако трговците и производителите, различно ја прочитале или не е доволно јасна, ние можеме истата да ја објасниме и на следната владина седница да го решиме тоа – рече Битиќи.

The post НЕ БАРАЈТЕ ВЕЌЕ СЛАДОЛЕД, ЧИПС И МАСТИКИ ЗАШТО НЕ СЕ ЗДРАВИ! Затоа ги поскапевме, објасни вицепремиерот Битиќи appeared first on plusinfo.mk.

Бектеши рече дека основа за намалување ќе биде една од цените кои биле актуелни во изминатиот период, а изборот на производи е направен според потрошувачката направена од Државниот завод за статистика.

Одлуката за намалување на цените ќе се донесе на владината седница во вторник, а од среда веќе пазарните инспектори ќе бидат на терен.

– Најголемите 8 трговски синџири во земјава прифатија да се намалат цените на прехранбените производи со што може да се донесе одлуката на Миистерството за економија за новите мерки во однос на цените – рече Бектеши на денешната прес-конференција по средбата со претставници на трговските синџири и претставници на коморите.

Тој рече дека маркетите стануваат сѐ повеќе општествено одговорни и очекува уште пред да биде донесена одлуката на Владата, да бидат намалени цените уште за време на викендот.

Компаниите ќе можат да организираат акција со намалени цени само за производи кои ќе бидат пред рокот на истекување со посебна назнака. Останатите производи нема да можат да бидат продавани по акциски цени.

Бектеши рече дека со оваа одлука потрошувачите нема да бидат измамени.

Ќе следуваат мерки на владата за производителите и дистрибутерите за нивните цени. Компаниите кои нема да се придржуваат на одлуката на владата ќе бидат казнувани според актуелните закони.

-Државниот пазарен испекторат работи според 80 закони во кои покрај другото има и глоби за одземање на стоки и роби, но на влада ќе биде одлучено по кои закони ќе бидат затворани трговски објекит кои нема да ги почитуваат. ние како инспекторат нема да бидеме селективни во одлучувањето околу казните, но како што видов трговците се подготвени да ја применат владината одлука – рече директорот на пазарниот инспекторат Горан Трајковски.

Бектеши најави дека набрзо ќе биде донесен и Законот за нефер трговско однесување со кој ќе бидат намалени дел од давачките на трговците, со што ќе се намалат дополнително цените на прехранбените производи.

The post 50 ПРЕХРАНБЕНИ ПРОИЗВОДИ ЌЕ ПОЕВТИНАТ ЗА 10% Бектеши очекува уште викендов да се коригираат цените appeared first on plusinfo.mk.

Нѐ очекува ценовен шок или само благо покачување на цените на прехранбените производи? Што ќе се случи откако ќе се одмрзнат маржите?

Одговорот на ова прашање ќе го дознаеме овој викенд. Владата најави дека ќе престане да важи ограничувањето на маржите за прехранбените производи. Состојбата ќе се следи и можно е повторно да се замрзнат маржите, ако пазарните законитости на го сторат своето.

Граѓаните се загрижени дека одмрзнувањето на маржите ќе ги вивне цените на производите. Некои производители ионака веќе најавуваат повисоки цени, како резултат на повисоките цени на репроматеријалите. Експерти и економисти предупредуваат дека Владата сега треба посебно да внимава желбата на трговците и производните компании да ги повратат приходите да не се одрази врз грбот на граѓаните.

– Веќе имаме повисоки цени на дел од прехранбените производи, а читам и најави дека ќе поскапуваат нови производи. Маржата ќе се одмрзне и пак цените ќе почнат да растат. Прво за денар или два, за потоа за висината на маржата и на крајот за висината на трошоците на производителите кои им пораснале во меѓувреме. Некои ќе го искористат овој период да го вратат загубеното. Сите ќе печалат од ова, но ние граѓаните ќе треба пак да штедиме и да кратиме од количините на купена храна – вели Атанас Н. Од Скопје.

Економисти велат дека во основа треба да се дозволи да функционира пазарната економија, но кај нас се покажа дека тоа не е лесно да се стори.

– Во изминатиот период видовме како реагираа трговците. Па имавме ниски берзански цени на храната, а кај нас и со замрзнати цени и маржи, цените на храната не се намалија. Сметам дека за одделни производи, главните прехранбени производи, државата мора да ја контролира маржата и постепено да ја релаксира сè додека не се види односот на трговците и додека не се види дека цените на производите се намалуваат. Така може да се доведе пазарот во ред, а не да имаме намалени цени на храната на берзите, а кај нас да растат. Велам, релаксирањето да оди постепено, бидејќи веќе имаме искуство со наглото ограничување и наглото ослободување на маржите и на цените – вели економистот Маријанчо Николов.

Според него, Владата треба да го има предвид фактот дека стандардот на граѓаните е опаднат и дека не може да издржи уште еден висок раст на инфлацијата, а компаниите производители се неконкурентни во однос на регионот.  Мерките треба да се прилагодат на оваа состојба.

– При донесувањето на одлуката дали да ја продолжи мерката, мислам дека Владата ги имала предвид сите расположливи податоци, но не треба да остави работите да се одвиваат стихијно и сето тоа да се истури врз грбот на граѓаните. Дополнително треба да им се помогне на компаниите од прехранбената индустрија, да се изборат со конкуренцијата на домашниот пазар, со што ќе им се овозможи да не ги зголемуваат цените непотребно – додава тој.

Поранешниот министер за финансии Џевдет Хајредини смета дека она што не дало ефекти треба да се отфрли. Тој смета дека мерките за замрзнување на цените и маржите беа популистички, без посебен ефект врз стандардот на граѓаните и врз инфлацијата. Според него, цените треба да се остават да се формираат според пазарните законитости на понуда и побарувачка.

– Мерките не ја одиграа својата улога и граѓаните беа сведоци на тоа дека цените секојдневно се менуваа, а трговците не ги почитуваа како што беше планирано. Владата со голема леснотија ги донесе овие мерки, а трговците покажаа дека не се подготвени да продаваат нешто со пониска цена од онаа по која го набавиле и да прават загуби. Владата требаше да го знае тоа, бидејќи подоцна и самата увиде дека дел од посилните трговски објекти не го почитуваа договорот  и преживеаја, а оние помалите кои се обидоа да ги спроведат мерките, беа принудени да затворат – вели Хајредини.

Од мерките, според Хајредини, полза имаа само министрите, не граѓаните  за кои беа наменети бидејќи тие осиромашуваа.

– Полза од сето ова имаа Крешник Бектеши и Димитар Ковачевски, кои секој ден одеа во контрола по продавници и ни кажуваа колкава е цената на краставиците. Но, реалноста беше друга. Како земја се повеќе увезува храна, реално е да имаме цени кои ги диктираат другите пазари, односно цената во земјава не може да биде пониска од набавната од увоз. Тоа требаше да го имаат предвид министрите кои одлучуваа да се замрзнат цените и маржите и да сфатат дека мерките нема да дадат ефекти – вели Хајредини.

Професорот Здравко Савески, пак, смета дека сè уште има потреба од замрзнати цени.

– Сè уште има потреба од замрзнување на цените, или поблага мерка, бидејќи инфлацијата кај цените на храната е дупло поголема од општата инфлација. Тоа кажува дека мора да се реагира во насока на заштита на животниот стандард, особено на најсиромашните граѓани, кои трошат поголем дел од приходите за купување храна – вели тој.

Савески смета Владата треба да развива стратегија на зголемено производство на храна и намалување на увозната зависност.

И потпретседателката на ВМРО-ДПМНЕ, Гордана Димитриеска Кочоска, смета дека овие владини мерки беа погрешни  и придонесоа за зголемување на инфлацијата.

– Проблемот настана во одлуките што Владата ги носеше пред година и половина. Наместо во тој период да ги спречуваа ценовните шокови, тие носеа други одлуки. Ние предлагавме намалување на акцизата и на ДДВ, што ќе спречеше скок на цената на основните производи. Не нè послушаа и цените скокнаа и сега е многу тешко да се вратат назад. Еве, сега нафтените деривати се поевтини, но цената на храната остана иста. Погрешни политики и одлуки носеа, замрзнуваа цени, а трошоците во буџетот растеа и воопшто немаа контрола во тој дел. Остана Народна банка самата да се справува со ситуацијата. Велат дека растат платите, меѓутоа реалната вредност односно куповната моќ е намалена. Во исто време, се зголемувца цената на струјата, каматните стапки се зголемуваат и граѓаните живеат се полошо и полошо – вели таа во интервју за порталот Република.

Деновиве дојде и оценката на мисијата Меѓународниот монетарен фонд, во која се вели дека се очекува годинава потрошувачките цени да пораснат во просек за 9,2%, што дополнително ќе ја намали куповната моќ на граѓаните, на што треба да се фокусира владата при донесувањето на мерките.

Од Министерството за економија потсетуваат дека долгорочната примена на замрзнати маржи може да доведе до спротивен ефект од она што се очекува.

„Долгорочна примена на трговски маржи во услови кога не постои неизвесност на перманентен раст на берзанските цени, може да доведе до спротивен ефект на пазарните услови поради наметнување на државна контрола на цените и намалување на конкурентноста кога не се објективни причините за тоа. Министерството остава на производителите и трговците да покажат општествена одговорност откако ќе заврши мерката“, информираа од Министерството. Од таму напоменуваат и дека доколку пазарот оцени дека треба да има продолжување на рокот, тоа и ќе го спроведат.

The post МАРЖИТЕ ОДМРЗНУВААТ ОВОЈ ВИКЕНД Нѐ очекуваат ли ценовни шокови? appeared first on plusinfo.mk.

При посетата на компанијата „Бионика Фармацеутикалс“, Бектеши  потсети дека одлуката на Владата е мерката за субвенционирана струја да продолжи  до крајот на април до кога е објавена енергетска криза и истакна, оти е убеден дека согласно сите калкулации ќе продолжи трендот на намалување на цените на домашните производи.

– Порачувам до компаниите – нашите домашни производители да се насочиме на намалување на цените поради тоа што електричната енергија која се субвенционира е само еден импут во формирањето на нивната ценат. Не можеме да влијаеме на основните прехранбени производи кои директно се увезуваат во нашата држава заради тоа што таму има други политики. За тие што се произведуваат кај нас  очекувањата се да продолжи трендот на намалување особено кај тие што се наведени во Одлуката за замрзнување и утврдување на маржите и ние нема да отстапиме од оваа политика – рече Бектеши на новинарско прашање.

Едно од најголемите барања на компаниите, посочи, беше субвенционирање на електрична енергија, како Влада тоа го исполнивме тоа и сега останува на компаниите да го исполнат тоа што го ветиле.

-Ако не, ако имаме случаи на кризни профитери ќе бараме од страна на пратениците вклучувајќи ја и опозицијата за да им излеземе во пресрет на граѓаните бидејќи тоа се пари на граѓаните и на компаните кои плаќаат даноци, да го поддржат новиот закон за солидарност, каде ќе се наведат и тие мерки. Средствата кои ќе се соберат од тоа законско решение ќе се користат за директна поддршка на граѓаните преку дополнителните антикризни мерки кои ги креираме заедно со претседателот на Владата и неговиот тим и други институции, изјави Бектеши.

Тој ги повтори очекувањата за намалување на цените од 7 до 13 отсто за различни производи,  како што кажале и претставниците на компаниите и посочи дека за одредени производи веќе има намалување од 10 отсто.

– Да бидам искрен, во одредени производи веќе има намалување од 10 отсто. На пример, лебот има намалување од 10 отсто споредбено со тоа колку беше цената на лебот во септември и октомври. Јогуртот исто, некои одредени месни производи имаат намалување, за жал, некои немаат намалување. Затоа Пазарната инспекција редовно е на терен и очекуваме со усвојувањето на законското решение од страна на Собранието да се направат дополнителни пресметки и тие кои направиле дополнителен профит од тоа што го имале во претходните две-три години ќе плаќаат дополнителни давачки, средства кои ние ќе ги користиме за поддршка на граѓаните, посебно на семејствата кои имаат најголема потреба – рече Бекшети.

И премиерот Димитар Ковачевски уверува дека цените на лебот млекото и на месните производи се намалени од 7 до 12 проценти.  Тој нагласи дека барањето на Стопанската комора беше државата да овозможи пониска субвенционирана цена на електрична енергија, за да може да се намали цената на основите прехранбени производи до 10 проценти.

– Не да се намали до нивото пред почетокот на енергетската и економската криза, значи да се намали од тоа ниво за 10 проценти. Нашиот најголем производител на месни и сувомесни производи ги има намалено цените од 7 до 12 проценти зависно од производот бидејќи цената на електрична енергија не е единствениот импут во финалната цена, тука  се цените на суровините,  работна сила, транспорт, логистички трошоци итн – рече Ковачевски.

Тој оцени и дека е фер и солидарен пристапот со законот за солидарност да се обезбедат финансиски средства што ќе се користат исклучиво за справување со последиците од економската криза и енергетската криза, односно за антикризните мерки.

– Сметам дека ова е фер пристап, сметам дека е солидарен пристап во време кога треба да се покаже солидарност и стопанските комори и компаниите и Владата покажавме дека ако се седне заедно може и да се направат мерки коишто ги бара стопанството и да се намалат цените толку колку што учествува цената на електричната енергија бидејќи ние не можеме да влијаеме на намалување на цената на житото на светските берзи или на цената на металот на светските берзи и врз основа на тоа да се приберат и дополнителни финансиски средства коишто ќе се искористат за најранливите категории на граѓани. Тоа е пристап од првиот ден на кризата и така ќе продолжиме – рече Ковачевски.

Како што најави Бектеши, Министерството за економија заедно со Владата работи на ревидирање на Законот за финансиска поддршка на инвестиции. Во финална фаза се преговари со повеќе странски компании и најверојатно со премиерот наредниот месец ќе  објават дополнителни нови инвестиции во нашата држава.

The post НЕМА ДА ТРПИМЕ КРИЗНИ ПРОФИТЕРИ Бектеши бара компаниите да ги намалат цените на прехранбените производи appeared first on plusinfo.mk.

Бектеши вечерва на гостување во емисијата „10 минути” на ТВ 21 појасни дека од утре производителите на прехранбени производи ќе треба да им понудат на маркетите нови намалени цени, но дека треба да се има предвид и фактот дека маркетите имаат залихи од претходно.

– Одредени маркети имаат залихи од претходно. Од утре треба да почне намалувањето на цените. Производителите на прехранбени производи од утре ќе почнат да им нудат на маркетите нови цени кои се намалени согласно одлуките за субвенционирана електрична енергија – рече Бектеши.

Тој најавува и засилени контроли од страна на Пазарниот инспекторат, а ги повика и граѓаните доколку забележат злоупотреби кај трговците, да ги пријават.

Во однос на топлинската енергија, Бектеши соопшти дека се обезбедени доволно количини на природен гас за топланите и дека граѓаните до крајот на грејната сезона ќе бидат во континуитет снабдении со парно греење.

The post ДОБИВТЕ ПОЕВТИНА СТРУЈА, КАМО ПОЕВТИН ЛЕБ? Бектеши најавува инспекции ако не се намалат цените на основните производи appeared first on plusinfo.mk.