Директорот на Државниот пазарен инспекторат Влатко Стојкоски денеска на прес-конференција во Владата информираше дека има одредено зголемување на цените во малопрдажба, додека во големопродажба цените се вратени на ниво како пред одлуките за ограничување на маржите и замрзнување на цените што завршија на 30 април годинава.

– Има одредени зголемувања на цените на пазарите во малопродажба, додека во големопродажба начелно цените се вратени како пред одлуката. Има одредени зголемувања од 3 до 5% кај производите со најголем обрт, додека кај оние со помал обрт како производи за лична хигиена, бебешка храна, пелени се движат од 10 до 20%. Забележани се намалувања од 20 до 100% кај зеленчукот и овошјето – рече Стојкоски.

Анализата од ДПИ пред 10-тина дена е доставена до Министерството за економија и труд и таа се темели на извршена контрола направена кај трговците на мало и трговците на големо со која биле опфатени повеќе од 100 субјекти или над 1000 продажни места.

Според Стојкоски, се работи за обемна анализа што треба да биде разгледана по што ќе се произнесе Министерството за економија.

The post ЦЕНИТЕ НА ХРАНАТА ВО МАРКЕТИТЕ ПОРАСНАЛЕ ДО 5% Пазарниот инспекторат тврди дека овошјето и зеленчукот поевтиниле и до 100% appeared first on plusinfo.mk.

Подготвен е предлог што утре или во вторник ќе биде доставен на разгледување до Владата.

– Секторот за трговија при Министерството за економија веќе ги направи пресметките во делот на зголемување на цените, за основните продизводи. Предлогот е веќе подготвен и во сабота или во вторник ќе биде испратен на разгледување во Владата и најверојатно и Северна Македонија ќе донесе одлука за замрзнување на продажните цени на основните прехранбени производи, лебот, млекото, брашното, шеќерот, зејтинот, а можеби и месото – рече Бектеши во интервју за емисијата „Трилинг“ на ТВ 24.

Тој претходно најави дека ако предвидат дека ќе има ценовни шокови ќе интервенираат во рамки на надлежностите и согласно со Законот за трговија.

The post СЕ РАЗМИСЛУВА И ЗА МЕСОТО Владата најави замрзнување на цените на лебот, млекото, брашното, шеќерот и на зејтинот appeared first on plusinfo.mk.

Работодавачите од фирмите кои работат само во прва смена своето работење да го прилагодат на ограничувањата за движење за заштита од коронавирусот, а оние кои работат во две, три и четири смени ќе имаат можност да издаваат дозволи за своите вработените кои ќе важат само за одење и доаѓање од работа, порача министерот за економија Крешник Бектеши на онлајн информативна видеосесија ковид-19.

– Сопствениците и управителите на компаниите кои работат, втора, трета и четврта смена можат да им издаваат дозволи на совите вработени за доаѓање до работа и одење од работа до дома кои не треба да бидат заверени од Министерството за внатрешни работи. МВР ќе има право да ги контролира вработените и ќе може да ги санкционира доколку ги злоупотребуваат. Им препорачувам на фирмите да ги почитуваат и сите препораки од владата за заштита на здравјето на работниците – рече Бектеши.

Тој изрази надеж дека тоа ќе им помогне на економските оператори да ги завршат своите обврски, а државата да им овозможи  континуитет во создавањето продукти кои се повеќе од потребни во вакво време.

– Снабдувањето со основните производи во земјава моментално е одлично и нема основ за никаква паника, бидејќи се е под контрола – потенцира Бектеши.

Појасни дека во време на полицискиот час ќе можат да работат и сите ресторани и маркети што вршат он-лај продажба и испорачуваат храна.

– Тие ќе ги користат истите дозволи – појасни Бектеши.

Тој нагласи дека Државниот пазарен испекторат (ДПИ) ќе контролира дали некој ја злоупотребува ситуацијата и ги зголемува цените на призводите што се испорачуваат и ги повика граѓаните да пријавуваат на телефонот 191 доколку забележат такво нешто во продавниците или, пак, кај оние што ќе доставуваат храна.

– Сега не е време за профит, сега е време за солидарност и сите заедно да се бориме против коронавирусот. Нема да има никакви компромиси како што не сме направиле ни досега. Веднаш по објавувањето на вонредната состојба ние ги замрзнавме цените и ги вративме назад на нивото од 11 март цените на оние производи кои беа зголемени. На дневна база следиме што се случува, а испекторите на ДПИ се 24 часа на терен, рече Бектеши.

Тој посочи дека во моментов немаат забележано зголемување на цените на фактурите за увозни стоки и додаде дека Министерството за економија заедно со Царинската управа секојдневно ја следи состојбата и доклку забележи зголемување на цените ќе ги замрзнат како што веќе направија со јужното овошје каде цените веќе се враќаат во нормала.

За големите градежни компании посочи дека сами ќе треба да го организираат нивниот работен процес со почитување на сите препораки дадени од владата и Министерството за здравство, односно да има растојание од 1,5 до два метра помеѓу секој работник и да користат средства за дезинфекција, заштитни маски и ракавици.

The post Бектеши: Снабдувањето со основните производи во земјава моментално е одлично appeared first on plusinfo.mk.