Иран мора да избере меѓу договор и нова конфронтација со САД, порача Доналд Трамп по застојот во индиректните разговори меѓу Вашингтон и Техеран. Американскиот претседател изјави дека повеќе би сакал дипломатско решение, но истовремено предупреди дека САД лесно би можеле да ја „довршат работата“ доколку не биде постигнат договор.

– Или ќе склучиме договор или ќе ја завршиме работата. Во ред. И нема да биде тешк о да се заврши работата. Подобро би склучил договор затоа што не сакам да повредам 91 милион луѓе – изјави американскиот претседател.

Според него, САД располагаат со доволен воен капацитет за брзо да погодат витални цели во Иран.

Трамп додаде дека американските сили можат за кратко време да нанесат сериозна штета врз инфраструктурата на земјата. Тој изјави дека мостовите и енергетските системи би можеле да бидат погодени во рок од еден час доколку дојде до ескалација.

Изјавата доаѓа во момент кога дипломатските напори не донесоа видлив напредок и покрај 60-дневното примирје што требаше да создаде простор за преговори.

Индиректните разговори меѓу САД и Иран завршија минатата недела без конкретен резултат. И покрај прекинот на борбените дејства, засега нема сигнали дека двете страни се поблиску до траен договор.

Трамп денеска изјави и дека решавањето на конфликтот во Украина е „поблиску отколку што луѓето сфаќаат“ и оти за тоа прашање ќе разговара на Самитот на НАТО во Анкара во Турција.

Според шефот на САД претседателот на Русија сака војната да заврши и дека и претседателот на Украина го посакува истото.

The post ДОГОВОР ИЛИ ЌЕ ЈА ДОВРШИМЕ РАБОТАТА, ВЕЛИ ТРАМП ЗА ИРАН „Не би сакал да повредам 91 милион луѓе“ appeared first on plusinfo.mk.

Американскиот претседател Доналд Трамп рече дека Ираните малку се заиграле, осврнувајќи се на најновите случувања во војната со Иран, откако Техеран утрово ја повлече својата одлука за повторно отворање на Ормускиот Теснец.

Тој го намали значењето на овој ирански потег, велејќи дека „се во тек многу добри, добри разговори“.

– Ситуацијата се развива многу добро.Тие сакаат повторно да го затворат теснецот, одиграа мала игра, како што правеа 47 години. Не можат да нè уценуваат. Ќе имаме некои информации до крајот на денот. Разговараме со нив, заземаме цврст став – рече Трамп.

Тој повтори дека САД во голема мера ја уништиле морнарицата, воздухопловните сили и раководството на Иран.

Претседателот зборуваше во Белата куќа, откако потпиша извршна наредба со која се ублажуваат ограничувањата за терапија со психоделични лекови, заедно со популарниот стример Џо Роган, кој е застапник на оваа мерка.

Неименуван ирански извор денеска соопшти дека Техеран сè уште не се согласил да се одржи втората рунда преговори со Вашингтон.

Тој изјави за новинската агенција Тасним дека Иран верува дека САД поставиле прекумерни барања за време на размената на пораки. Техеран го постави откажувањето од тие барања како еден од условите за продолжување на преговорите.

– Ѝ кажавме на американската страна преку пакистански посредник дека не се согласуваме на втора рунда – рече изворот.

Техеран, додаде, јасно стави до знаење дека не сака да губи време на долготрајни преговори без конкретни резултати.

Заменик-министерот за надворешни работи на Иран, Саид Хатибзаде денеска на Дипломатскиот форум Анталија рече дека Доналд Трамп зборува премногу, одговарајќи на прашањето за неодамнешните изјави на американскиот претседател во кои се сугерира дека САД „повторно ќе почнат да фрлаат бомби“ ако не се постигне договор со Иран до среда.

– Тој кажа контрадикторни работи во истата изјава. Не знам точно што мислеше “, рече иранскиот функционер.

Хатибзаде додаде дека Иран верува дека војната не може да доведе до позитивен исход.

– Но, Иран е подготвен да се брани доколку биде нападнат. Ќе се бориме до последниот ирански војник – рече тој.

The post ИРАНЦИТЕ МАЛКУ СЕ ЗАИГРАА, АМА ВО ТЕК СЕ МНОГУ ДОБРИ РАЗГОВОРИ Иран не може да ги уценува САД appeared first on plusinfo.mk.