Четворица високи соработници на американскиот претседател Доналд Трамп одржале тајни разговори со водечките политички противници на украинскиот претседател Володимир Зеленски, објави Политико.

Според украинските парламентарци и републикански експерт за надворешна политика на САД, сојузниците на Трамп разговарале со опозициската лидерка и поранешна премиерка Јулија Тимошенко, како и со високи членови на партијата на поранешниот претседател Петро Порошенко.

Клучна тема на разговор била можноста за одржување предвремени претседателски избори во Украина и покрај тоа што во моментов изборите се прекинати поради воената состојба.

Соработниците на Трамп веруваат дека Зеленски ќе ги загуби изборите поради незадоволството на јавноста од корупцијата и заморот од војната.

Иако неговата популарност опадна во последните години, последните анкети покажуваат дека тој се уште води во претседателската трка.

Неодамнешното истражување на јавното мислење покажа дека Зеленски има поддршка од 44 отсто, додека неговиот најблизок ривал, поранешниот командант на армијата и сегашен амбасадор во Велика Британија, Валериј Залужни, заостанува повеќе од 20 отсто. Порошенко има 10 отсто поддршка, а Тимошенко 5,7.

Иако Тимошенко и Порошенко јавно се против изборите пред крајот на војната, изворите тврдат дека преку неформални канали се позиционираат како политичари кои повеќе би сакале да соработуваат со администрацијата на Трамп.

The post ВОДЕЧКИТЕ ОПОЗИЦИОНЕРИ ВО УКРАИНА НА АМЕРИКАНСКИ ИСПИТ Луѓе на Трамп зборувале со Порошенко и со Јулија Тимошенко appeared first on plusinfo.mk.

Тој нагласи дека украинската провокација во Курск не го спречи напредувањето на руската армија во Доњецк, изјави денеска рускиот претседател Владимир Путин при посетата на училиште во Кизил.  Тој нагласи дека Русија напредува исклучително брзо во регионот на Доњецк.

– Сега не зборуваме за поместување двесте или триста метри напред, туку зборуваме за квадратни километри – посочи Путин и додаде дека руските вооружени сили одамна немаат вакво офанзивно темпо во Донбас, пренесува РИА Новости.

Рускиот претседател посочи и дека Москва не може да дозволи во близина на земјата да се создадат „непријателски структури кои прават агресивни планови против неа и постојано се обидуваат да ја дестабилизираат Русија“.

– Никогаш не се откажавме од ова, но, се разбира, мора да се справиме со овие бандити кои влегоа на територијата на Руската Федерација, имено во регионот Курск, и нивните обиди да ја дестабилизираат ситуацијата во граничната област во целина – изјави рускиот лидер.

The post „ЌЕ ДОЈДЕ ВРЕМЕ КОГА КИЕВ ЌЕ СЕДНЕ ДА ПРЕГОВАРА“ Курск не ја спречи офанзивата во Доњецк, рече Путин appeared first on plusinfo.mk.

Светската здравствена организација во моментов е во преговори со рускиот институт кој ја развива вакцината против ковид-19 СпутникV, за можноста да биде вклучена во списокот за итна употреба на вакцината.

Со ставањето списокот на итни вакцини, СЗО вакцината би им ја препорачала за употреба на земјите-членки.

„Се радуваме што ќе добиеме податоци за нивната вакцина Спутник V. Ако се утврди дека производот доставен на евалуација ги исполнува критериумите за вклучување во списокот, СЗО ќе ги објави резултатите“, соопшти СЗО.

Според резултатите, се покажа дека руската вакцина е 92 проценти ефекасна во заштитата на населението од коронавирусот.

The post СЗО преговара руската вакцина СпутникV да биде на списокот за итна употреба appeared first on plusinfo.mk.

Таткото на капитенот на Барселона, Лионел Меси, Хорхе, кој истовремено е и агент на играчот, веќе започна преговори со Манчестер сити. Англиската страна ја претставува извршниот директор Феран Сориано, кој претходно беше претседател на Барса, пренесуваат медиумите во Англија.

Сити е подготвен да потпише двегодишен договор со 33-годишниот Аргентинец. За ова време, Меси може да заработи околу 100 милиони евра.

Самиот играч би сакал повторно да работи со Јосеп Гвардиола, кој ги предводи „граѓаните“.

The post Таткото на Меси преговара со Манчестер сити appeared first on plusinfo.mk.