Како што рече денеска директорот на Агенцијата, Илија Стоилев, ова е прв чекор во процесот на дигитализација. За пристап до прегледникот, физичките лица треба да внесат матичен број, а правните субјекти, даночен број. Ќе треба да се внесе и бројот на електронското барање на лицето/субјектот.

Изготвено е и упатство за корисниците кое ќе биде достапно на веб страницата на Платежната агенција, а ќе биде доставено и до подрачните единици на Министерството за земјоделство, шумарство и водостопанство (МЗШВ).

– Ова беше една од слабостите на Агенцијата во изминатиот период. Едно од најчесто поставуваните прашања на земјоделците беше „зошто не сум земал субвенции?“. Сега, со регистрирање во прегледникот, ќе добијат одговор веднаш. Тие ќе можат сами да пристапат до своите предмети и да извршат увид, да видат дали и каде има евентуална грешка и сето тоа ќе може да го прават од дома, од компjутер или од мобилен телефон – истакна Стоилев на прес-конференција.

Стоилев најави и дека од 1 јануари 2025 година Платежната агенција ќе воведе дополнителна услуга – преку овој модул секој корисник на финансиска поддршка да може да си изврши увид во решението за исплата, но и да го преземе, без да губи време и да се изложува на трошоци за да дојде до Скопје.

The post ЗЕМЈОДЕЛЦИТЕ ЕЛЕКТРОНСКИ МОЖАТ ДА ГИ СЛЕДАТ БАРАЊАТА Платежната агенција воведе прегледник за субвенциите appeared first on plusinfo.mk.