– Законското решение со кое се предвидува одење во пензија на мажите и жените на 64 години се наоѓа во Собрание. Го предожија пратениците и во измиантиот период имааше 482 амандмани. Ова е системски закон кој според моите сознанија ќе биде деблокиран и дека ќе продолжи собраниската процедура, односно дека ќе бидат повлечени амандманите – рече Шахпакса.

Додаде дека законот предвидува одење во пензија на 64 години и за мажите и за жените и 15 години работен стаж, но дека доколку  жените сакаат може да поднесат барање за да се пензионираат на 62 години возраст.

Информира дека МТСП во моментот не работи на законско решение  за предвремена пензија со откуп на стаж, бидејќи како што рече работат на законот за недела неработен ден и системскиот Закон за работни односи кои бараа повеќе време и поголем ангажман.

– Оваа година наш таргет се овие закони, Законот за работни односи, каде ќе биде вграден и недела неработен ден и нов закон за бебедност и здравје при работа – истакна Шахпаска и потенцира дека треба да направат темелна анализа, за да се види какво значење ќе има таквото законско решение врз веќе стабилизираниот Фонд за пензиско и инвалидско осигурување.

Во однос на измените на Законот за работни односи каде се дефинира неделата за неработен ден, посочи дека паралелно се оди на измени на Законот за трговија, каде е посочено дека ќе работат моловите во една смена од 10 до 18 часот со претходно добиена лиценца и предвидена 100 проценти повисока дневница за оние што ќе работат и право на неделен одмор, како и уплата на два отсто од остварениот промет во буџетот на РСМ, за кој проценката е дека би изнесувал 1,2 милиони евра.

Исклучок, како што рече, се угостителските објекти, кои ќе работат во недела бидејќи тие во недела се место каде се воспоставува баланс меѓу приватниот и професионалниот живот.

The post Годинава ништо од законот за предвремено пензионирање, се очекува да помине законот за пензионирање на 64 години appeared first on plusinfo.mk.

Граѓаните веќе калкулираат колку пари ќе им треба за откуп на најмногу 5 години стаж за да заминат предвреме во пензија од јануари следната година, како што најави премиерот Зоран Заев во септември, но ова прашање сѐ уште не дошло на дневен ред во Министерството за труд и социјална политика и Eкономско- социјалниот совет каде што се договара новиот изглед на Законот за работни односи чие донесување е најавено за следната година. Нема ниту најава за измени на Законот за ПИОМ каде што и фактички може да се регулира.

Министерството за труд и социјална политика до крајот на годината нема да работи на ова прашање бидејќи во моментов, како што не информираа оттаму, работат на измените на законот за работни односи кои се однесуваат на ограничувањето на пензионирањето на 64 години кои се во собраниска процедура. Не се знае и дали следната година ќе биде покренато.

– Не можеме да кажеме дека на ова прашање во Министерството за труд и социјална политика ќе се работи следната година – ни изјавија од Министерството.

Работодавачите, пак, го проблематизираат не само ограничувањето на старосната граница, туку и прашањето за предвремено пензионирање или откуп на стаж.

Миле Бошков од Бизнис конфедерацијата вели дека оваа асоцијација на работодавачи не прифаќа предвремено пензионирање и намалување на старосната граница за одење во пензија, бидејќи условите за работа на работниците последните години се драстично подобрени, како стандардот така и здравјето на работниците и нема потреба од намалување на границата за одење во пензија ниту пак за предвремено пензионирање.

– Напротив, наш, но и експерски став, е да се зголеми старосната граница за одење во пензија на работниците на 64 или 67 години. На овој начин и ќе се помогне фондот за ПИОМ да ја подобри финансиската структура. Оттука произлегува и нашиот сатав дека нема потреба од предвремено пензионирање – вели Бошков.

Тој додава дека прашањето за предвремено пензионирање или откуп на стаж не се поставено на дневен ред на Економско-социјалниот совет. Не е покренато ниту при изработката на новиот Закон за работни односи.

– Во економско-социјалниот совет интензивно се работи на новиот Закон за работни односи кој треба да биде донесен следната година, но за откуп на стаж или предвремено пензионирање, доколку се планира да влезе во овој зекон сѐ уште не станало збор, бидејќи до тие членови не сме дојдени – вели тој.

Синдикатите, пак, со став дека при покренување на прашањето во Eкономско-социјалниот совет за време на договарањето на новиот Закон за работни односи им било речено дека за прашањето ќе се преговара следната година.

Работниците, пак, кои очекуваат порано да заминат во пензија негодуваат.

– Штета што уште чекаат на ова со откуп на стаж. Ќе земам и кредит ако треба само да заминам во пензија. Не се издржува веќе. Тие во фотелјите не знаат што е работник и колку се истоштува за време на работниот век. Дел од нас се веќе болни, а работодавачите немаат ниту желба, ниту пак можност да нè преместат на друга работна позиција за да дочекаме пензија. Посебно е лошо во малите фирми. Затоа откупот е добар за нас, ако се разбира и сумата која треба да ја платиме е достапна на нашиот џеб – вели работник.

Мала надеж дека можеби откупот на стаж и предвременото пензионирање ќе можат да поминат до крајот на годината сепак даваат неофицијалните информации дека се планира да биде предложено со амандман на моменталните измени на Законот за работни односи кои се во второ читање, а за кои прибираат амандмани. Но, и за ова нема јасна претстава како би влегло во Законот за работни односи, ако се знае дека Законот за ПИОМ го регулира прашањето.

Измените на Законот за работни односи за кои се расправа во Собранието, предложени од пратеници на СДСМ се однесуваат на членот 104 и предвидуваат да се ограничи продолжувањето на одење во пензија по 64 години за сите иако на жените им се дозволува да одат во пензија и на 62 години.

Второто читање со амандманска расправа на овие измени на Законот за работни односи во Комисијата за финансирање и буџет е закажана за в среда.

Премиерот Зоран Заев  на почетокот на овој мандат најави дека во првите 100 дена на владата се планираат две новини при пензионирањето: ограничување на старосната граница за пензија и предвремено пензионирање со откуп на стаж до 5 години, односно дека граѓаните ќе можат да ги платат придонесите за пет години пред пензионирањето и да заминат порано во пензија.

Докупот на стаж е веќе регулиран во Закон за ПИОМ со негови измени кои стапија на сила од почетокот на годинава. Но, тие се однесуваат на оние идни пензионери кои поради неплатени придонеси на компаниите во кои работеле немаат стаж од 15 години. Тие можат да ги платат придонесите и да одат во пензија, ако наполниле 62 односно 64 години.

The post Откуп на стаж нема да има, предвремено пензионирање само на сон appeared first on plusinfo.mk.

– Бараме од Владата овие работници да бидат ослободени од плаќање на режиски трошоци затоа што државата е сопственикот на ресурсите за струја и вода – велат од КСС.

Од Конфедерацијата наведуваат и дека го прифаќаат моделот на предвремено пензионирање на вработените во јавната администрација, бидејќи како што велат тоа е нивно барање и е во рамките на  нивнот предлот модел на ваков вид пензионирање.

КСС, меѓутоа, смета дека оваа мерка би имала поголем ефект ако старосната граница за пензионирање биде од минимум 3 до 5 години предвремено пензионирање  или од 59 до 61 години за мажи и 57 до 59 години за жени.

– Доколку работниците предвремено одат во пензија процентот ќе им биде намален поради годините од предвремено пензионирање, според процентот на годините стаж, но штом ја исполнат старосната граница пензионерите да си ја добијат пензијата во полн износ, исто како да ја исполниле старосната граница од 64 односно 62 години – велат од КСС.

The post КСС: Под итно да се обесштетат отпуштените од работа appeared first on plusinfo.mk.